ساعدوني ربي يحفظكم

[امنة2]

السلام عليكم اخواتي اريد ان استشيركم لمن لديها خبرة في ترقيد الزيتون انا زوجي مسافر ومايجيش حتى للصيف ويموت على الزيتون المرقد قالي خدميلي شوية وشريت انا 10 كلغ وماعرفتش ماهو السر باش مايفسدليش حتى للدخول الصيف والزيتون اللي نرققدوه بالدواءاللي ينلاع الليخاص بي ترقيد الازيتون هل يبقى مدة اطول ولا يفسد بلخف
بارك الله فيكم اللي عندها خبرة تفيديني وجزاكم الله خير ا

[ta3lim213dz]

شكرا على الموضوع ، تقبل مروري

[جهينة اليقين]

شوفي انا عندي استوس كل عام نديرها ديري كمية الزيتون المراد تصبيرها للصيف في بيدون هكذاك ما ديريلو والو يعني خليه كامل ومرة على مرة بدلي لو الماء ماشي دايما غير منذاك مرة فالشهر او اقل وكي تحبي تبداي تاكلي منو قبلها بخمسة عشر يوما ديري لو الملح يجي رائع
ملاحظة الزيتون لازم يكون هاذاك الاخضر المزير باش يشد روحو والاسود يستعمل تمتم

[oum islem]

نقي الزيتون تاعك من الاوراق و.. واغسليه وشقيه فتحتين ولا ثلاث بالسكين واذا تحبي دقيه بحاجة عريضة كاس ولا القاعدة تاع براس القهوة وغطيه بالماء وابقاي كل يوم تبدلي هذاك الماء حتى تروح منو المرورة مدة 15 يوم ولا اكثر أنت دوقيه حتى يتخلص من المرورية حطيه في إناء وحطي ربع الإناء خل وثلاث أرباع الباقية ماء معدني ولا ماء مغلي وبارد وكمية مليحة ملح وأوراق رند ورؤوس فلفل حار اخضر وجزر وبسباس مقطعين وتوابل كاملة يعني مش مطحونة فلفل أسود حب وكسبر وبذور بسباس وشرائح ليمون و رشة خفيفة سكر وطبقة من زيت الزيتون باه تمنع الهوا ما يدخلش اغلقي الإناء مليح وخليه في مكان مظلم حوالي 20 يوم وقدميه مع زيت زيتون بالصحة والهنا

[mimi mimita]

الله الله شهيتيني

[سوسن تسنيم]

لازم الحاجة الاولى تكون نوعية زيتون مليحا و لازم الماء المستعمل ثان يكون مليح لانو كما تعرفي درك الماء تاع الحنفية راه يكون فيه كمية جافيل كبيرة و هذا الشيء يأثر على الزيتون .