من جبال كسال أعرق اكلة تقليدية ... التشيشة المفلقة ... مرحبا

[أمنية غفران]

السلام عليكم و رحمة الله تعالى وبركاته

كيف الحال و الأحوال و الصحة

حبيباتي يشرفني ويسعدني أني نقدم ليكم أكلة عريقة من جبال كسال ولايتي الحبيبة البيض الي هي ........ التشيشة المفلقة ..... زيدو نقطة فوق القاف ..........

https://b.top4top.net/p_670094in9.jpg
..............................................
باسم الله
التشيشة المفلقة هي من الأكلات التقليدية الي تقدم في جميع المناسبات كيما الختانات و تاني تقدم في حفل حنة العروس تقدم في اخر الحفل يعني يختمو بيها حفل الحنة و تقدم مرفقة مع الدهان الحر الغنمي امممم يعني تكون مشربة الدهان مليح مليح اممممممممم و هاد التشيشة هي قمح مطحون خشين ماشي رقيق تقدري تكون حبة القمح مقسمة على ثلاث ههههه شوفو الصورة رقم واحد و لكم ان تتصورو قيمتها قمح مئة بالمئة و بأليافه المفيدة للمعدة من غير اضافات كيميائية يا سلام

بين قوسين البنات الي يعرفو التشيشة واكيد يتهربو من طيابها كيما كنت انا هههههههه لأنها تحب الدقة في الطهي
جبتها لكم بطريقة مبسطة و ما تشدش ليكم اليد في الطياب مع هاد الطريقة الناجحة ماريحاش تخافي من طياب التشيشة و لا تخافي تنحرق لك احم احم :D

الطريقة

نقيتها هاداك القمح و غسلتها ثلاث مرات لازم هاد الخطوة راهي مهمة حتى تنقات مليح و فورتها تفويرة الأولى و الثانية درتلها الملح
و من جهة اخرى
درت البصل و شحم هداك مطيباته و رابيت الطوماطيش و درت ورقة رند وكليلة و حرور و الملح و كلشي قليته و زدتله تشيشة و قلبتهم مع بعض و درت الما حتى تغطى شويا التشيشة شوفي الصورة و نذوقو الملح ادا خاصها نزيدلها و اغلقت الكوكوطا كي تبدا تصفر تنقص النار في حدها عشرين دقيقة و تكون التشيشة المفلقة واجدة و بصحتكم

استيس

تقدري تكونجلي التشيشة و هي فايرة و كي تسحقيها دريلها البصل و الشحم و قاع واش درنا و تجي روعة و هاكة تربحي الوقت
..........................

و تفضلو الصور حبيباتي توضح الطريقة و نتمنى تجربوها بهاد الطريقة و تعجبكم و تدعولنا بظهر الغيب ليا و لعائلتي نتاع البيض :mh31:

https://f.top4top.net/p_670ry8ht1.jpg

https://a.top4top.net/p_670m1wg32.jpg

https://b.top4top.net/p_670ksj4n3.jpg

https://c.top4top.net/p_6701q4iq4.jpg

https://d.top4top.net/p_6704fgni5.jpg

https://b.top4top.net/p_670x3xnc1.jpg

https://f.top4top.net/p_670sixgz3.jpg

https://e.top4top.net/p_670flezo6.jpg

https://f.top4top.net/p_670fdyeh7.jpg


https://c.top4top.net/p_670x9cve10.jpg


تفضلن الوصفة في صورة للاحتفاظ بها

https://b.top4top.net/p_671eapdf1.jpg

في أمان و حفظ الرحمان

[ام هدول]

امممممم روووووووعه اكله عريقة ومفيدة...غنيه....وجديده عليه اكيد كون نلقى القمح..مفلق نشريه ونجربها نحب كل ماهو تقليدي بسيط ولديد
فقط سؤال: أمينه واش هي لكليله....ماعرفتهاش ?وشكرا حبيبتي دمتي دايما...متألقة وومتميزه) وربي يحفظ عائلتك وناس البيض.....خاصة

[&ام ايوب&]

مممممممممممم يعطيك الصحة امنية
والله تشهي
سلمت الايادي

[أمنية غفران]

امممممم روووووووعه اكله عريقة ومفيدة...غنيه....وجديده عليه اكيد كون نلقى القمح..مفلق نشريه ونجربها نحب كل ماهو تقليدي بسيط ولديد
فقط سؤال: أمينه واش هي لكليله....ماعرفتهاش ?وشكرا حبيبتي دمتي دايما...متألقة وومتميزه) وربي يحفظ عائلتك وناس البيض.....خاصة

مرحبا حبيبتي ام هدول شرفتيني بطلتك الزينة ربي يحفظك

الكليلة هي من مشتقات الحليب يعني تستعمل من اللبن يعني يطيبوه بعد اضافة شوية مليح حتى يتخثر الخليط و من بعد نديروه في شاش و نعصروه مليح و نعلقوه حتى تروح منه كامل السائل.


تقدري تاكلي هاكاك شغل جبن مع التمر او العسل اممممممممممممممم

و لا تجفف باش نستعملوها في الاكل كيما الحريرة و في هاد التشيشة عندها استعمالات اخرى مثلا نديرو بيه يشبه للرفيس اسمه الزريزري مكون من كليلة مجففة و مطحونة و تمر و دهان غنمي حر كاش خطرة نحطه ليكم ان شاء الله

لتجفيف الكليلة توضع في مكان مهوى ومظلل حتى تجف كليا ويتم الاحتفاظ بها

ان شاء الله تكوني ديتي فكرة صغيرونة على الكليلة :mh31:

[أمنية غفران]

مممممممممممم يعطيك الصحة امنية
والله تشهي
سلمت الايادي

ربي يحفظك اختي ام ايوب :mh31: مشكورة على الطلة :19:

[ام هدول]

مرحبا حبيبتي ام هدول شرفتيني بطلتك الزينة ربي يحفظك

الكليلة هي من مشتقات الحليب يعني تستعمل من اللبن يعني يطيبوه بعد اضافة شوية مليح حتى يتخثر الخليط و من بعد نديروه في شاش و نعصروه مليح و نعلقوه حتى تروح منه كامل السائل.


تقدري تاكلي هاكاك شغل جبن مع التمر او العسل اممممممممممممممم

و لا تجفف باش نستعملوها في الاكل كيما الحريرة و في هاد التشيشة عندها استعمالات اخرى مثلا نديرو بيه يشبه للرفيس اسمه الزريزري مكون من كليلة مجففة و مطحونة و تمر و دهان غنمي حر كاش خطرة نحطه ليكم ان شاء الله

لتجفيف الكليلة توضع في مكان مهوى ومظلل حتى تجف كليا ويتم الاحتفاظ بها

ان شاء الله تكوني ديتي فكرة صغيرونة على الكليلة :mh31:
شكرا امينه...كانت عندي فكره اخرى عن لكليله وهي الحليب كي يفسد يعني غير صالح تفيضيه...تزيديلو شويه ملح وطيبه وتصفيه.ِِِِِ....تقريبا.....يشبهو للبعضهم بصح نهار نعول ندر الدشيشه ندير طريقتك طبعا ....شكرا مرة أخرى

[ام خيرو]

ا انا من عشاق تشيشة المفلق ولكن انا
ما نفورهاش صصح هي صعيبة في تحضيرها
مشكورة اختي امنية
ربي ييرزقك نعيم الدنيا والاخرة

[طيور الجنان]

ماشاء الله اختي امنية اكلة تبان هايلة و تقليدية يعطيك الصحة ربي يبارك فيك و في عايلتك في البيض

[حياة نور الدين]

يعطيك الصحة امنية حنونتي حنا ثان نديروها قصدي في دار شيخي بصح بطريقة اخرى نطيبوها في الماء والملح منبعد نديروا الحليب وجي اممممم مع الدهان
كاش نهار نجربها بطريقتك ولو سمحتي حطيهالنا وصثفة مصورة ولا نروح نضرب طلة لهيك نلقاها

[أمنية غفران]

ا انا من عشاق تشيشة المفلق ولكن انا
ما نفورهاش صصح هي صعيبة في تحضيرها
مشكورة اختي امنية
ربي ييرزقك نعيم الدنيا والاخرة

مرحبا اختي ام خيرو

جربيها بهاد الطريقة خاطرش السر راهو كي تفوريها توفر عليك وقت طيابها شفتي ياك تلعب على المورال هههههههههههه

فرحني مرورك مشكورة :mh31:

[أمنية غفران]

ماشاء الله اختي امنية اكلة تبان هايلة و تقليدية يعطيك الصحة ربي يبارك فيك و في عايلتك في البيض

ربي يهنيك اختي طيور تعيشي شرفني مرورك :mh31:

[أمنية غفران]

يعطيك الصحة امنية حنونتي حنا ثان نديروها قصدي في دار شيخي بصح بطريقة اخرى نطيبوها في الماء والملح منبعد نديروا الحليب وجي اممممم مع الدهان
كاش نهار نجربها بطريقتك ولو سمحتي حطيهالنا وصثفة مصورة ولا نروح نضرب طلة لهيك نلقاها

مراحب يا مراحب بحيوتي كيراكي

جربيها حبيبتي بهاد الطريقة تربحي الوقت و تجي بنينة تاني :mh31:

مازال ما خدمتش الوصفة في صورة كي نخدمها رايحة نحطها لكم حبيبتي

نورتيني بطلتك :19:

[nihal159]

أكلة أصيلة أصالة ناس البيض؛ ماشاء الله؛ شرح كافي و وافي، يعطيك الصحة و ربي يحفظلك عائلتك.
سؤال: لما نفوّرها مرتين؛ هل نسقيها بالماء بين التفويرتين؟؟؟

[أم فاطمه]

ألسلام عليكي اختي امينة الله يبارك طبق تقليدي املا انتي من البيض انا منعرفش هده الاكلة لاكن مدام بالتشيشة فهيا رائعة

اما الكليلة سبقلي وكليتها فيها وحد البنا مممممممم كانت جدتي تصنعها بي حليب البقر لاكن لا اعرف الطريقة

حنا عندنا التشيشة نطبخوها بي الماء والزيت والتوم والملح الطماطم ونكترو فيها الزعتر وقليل من الحار هده الاكلة نتناولوها صباح العيد الفطر قبل ما يرحو للصلاة دمتي متالقة تحياتي

[ملاك ملاكي]

الله يبارك ماشاء الله بالفعل وصفة غنية ومعرووووقة..... سلمت يداكي موضوع يستاهل التثبيت يا المشرفات

[أمنية غفران]

أكلة أصيلة أصالة ناس البيض؛ ماشاء الله؛ شرح كافي و وافي، يعطيك الصحة و ربي يحفظلك عائلتك.
سؤال: لما نفوّرها مرتين؛ هل نسقيها بالماء بين التفويرتين؟؟؟

مراحب حبيبتي نهال تعيشي
واه كي تفوريها سقيها بالماء كيما نديرو للكسكس :mh31:

ربي يحفظك و يمنيك

[أمنية غفران]

ألسلام عليكي اختي امينة الله يبارك طبق تقليدي املا انتي من البيض انا منعرفش هده الاكلة لاكن مدام بالتشيشة فهيا رائعة

اما الكليلة سبقلي وكليتها فيها وحد البنا مممممممم كانت جدتي تصنعها بي حليب البقر لاكن لا اعرف الطريقة

حنا عندنا التشيشة نطبخوها بي الماء والزيت والتوم والملح الطماطم ونكترو فيها الزعتر وقليل من الحار هده الاكلة نتناولوها صباح العيد الفطر قبل ما يرحو للصلاة دمتي متالقة تحياتي

أعلين بام فطوم شرفتيني بطلتك واه هادي التشيشة بالقمح ماشي بالشعير امممممممممممم جربيها و ان شاء الله تعجبك

و التشيشة الي ديروها نتاع القمح و لا الشعير :19: الي ديروها في العيد

حبيبتي الكليلة نخدموها باللبن ماشي بالحليب كاش خطرة نحطها لكم موضوع ان شاء الله :mh31:

ربي يهنيك و يمنيك

[أمنية غفران]

الله يبارك ماشاء الله بالفعل وصفة غنية ومعرووووقة..... سلمت يداكي موضوع يستاهل التثبيت يا المشرفات

أهلين بملوكتنا شرفتينا بطلتك تسلميلي يا الغالية :mh31:

[naila166]

شهيتيني كي نزور البيض بحول الله ندوقها
بارك الله فبك اختي و ربي يحفظك و يحفظ اهلك

[أم فاطمه]

السلام عليكي امينة نقصد التشيشة تاع الزرع تجي كي لسوب تحياتي

[سحابة باردة]

أمممممم تشهي هذاا الدشيشة نتاع شتاء نموت على الأكل التقليدي يعطيك الصحة أمنية على المجهود
أنا نعرف طريقة وحدة أخرى دشيشة مفلقة بالدوارة ذوقتها عند جارتي ميتشبعش منها نتأكد من الوصفة ونجربها ان شالله بكل المراحل تشوفها
سلامي الحار لناس البيض

[منال9]

بارك الله فيك

[oum islem]

الله يعطيك صحتك أمنية ومشكورة جدا جدا جدا على الموضوع الرائع والشرح الوافي الكافي يستاهل التقييم بامتياز
أول ما تتوفر عندي المقادير نجربها بدون تردد لأني أعشق الأكل التقليدي وخاصة الصحي

بارك الله فيك وفي أهلك وفي كل ناس البيض الطيبين

[انا هي رزيقة]

الله الله عليك حبيبتي امنية... بساطة و اناقة و صحة و عافية و جمال و بنة اليدين ... معندي منقول حنونتي غير ربي يباركلك في صحتك و في كل عزيز عليك يا رب ...... و الله مشاء الله عليك و دمتي دائما متالقة و سلام حار مني من جبال جرجرة الى جبال كسال غاليتي

[جنة الفردوسْ]

يعطيك الف عافية ....نموت على طريقة تحضير اطباقك وطريقة الشرح تاعك

[2009loulia]

ربي يجازيك بكل خير
حتى خممتي فينا باش نحتفظوا بيها بسهولة

ربي يجازيك من قلبي أختي

[وردة الرمال43]

سلام امنية لاباس
هذا الطبق يشبه شوية لطبق نديره عندنا وبنفس الطريقة تقريبا تفضلي نسموه بودشيش

[تاج الوقار16]

أختي غفران راني متوحشة المغلقة بزاف
اخر مرة كليتها في ماي كي رحت الابيض
هنا راجلي في العاصمة ما حبش ياكلهالي
تصوري من 2013 ما طيبتهاش حتى نسيتها هي والحريرة راحولي
كنت نطيبها في مرميطة عادي بعد ما نفورها ومن بعد نغلق عليها في كيكوطة وندوها معانا برا في رحلة كي نفتحو تلقاها نشفت وولات تهبل
وعندي مرت خويا تع بريزينة كانت دير كيلة قمح بكيلتين ماء وتجيها فور
واختي تخدمها تدير فيها الحشائش
مرت خويا تع الخيثر تديرها ناقصة طماطم وتجيها مليحة
اليوم بربي نديرها عشا ومدير لراجلي الروز هههه
رآهم بعثولي الدار القمح
تغيضني دائما نفوت حملي هنا وما نلقاش حتى اللي يمدلي طبسي

[yasmineb]

يعطيك الصحة كنت نحوس عليها درتها و ماكانتش تخرجلي مليح و نشالله نجرب تاعك مع العلم انو اهل زوجي يخدموها ربي ينورك من النعامة