هل اشارك في الباك اولا ارجو الرد لوجه الله

[shin hye]

انا جبت الباك2017 ب11.48 شعبة علوم واخترت علوم اقصادية وتسيير لكن اريد اعادة الباك حرا وانا لااستطيع تميد السنة
سما راني حابا نطلع عامي وفي نفس الوقت نجيب الباك بمعدل احسن
بماذا تنصحوني ارجو الرد فانا في حالة يرثى لها لااستطيع حتى تفكير من كترة التةتر لحاكمني

[نور العلوم17]

يا اختي الحال راهو واعر انا ننصحك تخيري وحدة منهم لانه بصراحة ما تقدريش توفقي بيهم بتاتا راني أنا مجربة هذه الحاجة

[*** عبق الزهور ***]

السلام عليكم
نفس حالتي انا تخصص بيولوجيا
لكني انوي الدراسة من الجهتين والله المستعااان

[نور العلوم17]

السلام عليكم
نفس حالتي انا تخصص بيولوجيا
لكني انوي الدراسة من الجهتين والله المستعااانتوكلي على ربي بصح بهذه الطريقة ما تجيبيش معدل كبير

[shin hye]

نور العلوم نتي وش كنتي تقراي

[نور العلوم17]

نور العلوم نتي وش كنتي تقرايراني كنت تقني رياضي العام اللي فات كنت باك و السنة الحمد لله راني طب أسنان في سطيف

[shin hye]

وعلاه قلتي مجربة نتي كنتي تقريا في لفاك وتجوزيالباك

[تاج الوقار16]

نعم تقدري الأمر يعتمد على الإرادة القوية
بزاف اللي دارو هكذا وتخرحو بتخصصين في عام واحد وكانت فرحتهم فرحتين
تصدقي أختي كانت معانا وحدة سنة خامسة بيولوجي وسنه سابعة طب وزوجها سنة سابعة طب وخامسة هندسة مدنية ومتزوجين ماعلاباليش اذا عندهم اولاد
وغيرهم فرنسية بيولوجي حتى انو كانو يخرجون من حصة تيدي يجرو باش يروحو لكلية أخرى يقرأون تيدي في تخصص الآخر ودارو الماجستير وووو
وليد أختي ربي يرحمو تاني قرأ صيانة وقرا حقوق وكان في الويكاند يخدم ماصون باه يوفر مال وما يثقلش على بالله
الأمثلة عن هذه النماذج كثيرة ولو كان يعود بي الزمان للوراء لفعلت مثلهم
ماكانش كيما الانشغال بطلب العلم خير من تشغلك الحياة بالباطل أو بهمومها واحسن سن لذلك هو بداية العشرينات

[*** عبق الزهور ***]

توكلي على ربي بصح بهذه الطريقة ما تجيبيش معدل كبير

بالتوكل على الله اولا والعمل والاجتهاد ثانيا تحقق المستحيل

[djalal200984]

ركزي في الفصل الاول على الدراسة الجامعية و جيبي معدل مليح حتى ترتاحي في باقي فصول السنة الجامعيه و تقدر تركزي فيهم على الباك