تداخلت الامور ... واقعة بين نارين

[مشكلتي]

سلام اخوتي
انا فتاة عمري 21 سنة مخطوبة منذ سنة ونصف و قد كانت خطبتي عن حب يعني كنت نحبو هذا خطيبي قبل ميخطبني
المهم انا هذا العام اخر عام ليا في الجامعة يعني ليسانس
كاين استاذ يقريني و راح يكون المشرف تاعي تاع مذكرة التخرج
المشكل اني حاسة روحي معجبة بيه حتى خطيبي انتبه بلي تبدلت وليت منحبش نحكي معاه كامل
عاونوني انا في حيرة ...

[محمد جديدي التبسي]

ساهله بطلي على خطيبك وشوفي لافار مع الاستاذ؟؟؟
واش هذا ؟؟ راك من نيتك تحكي خافي ربي مازلت صغيرة ع الزواج ربي يهديك

[خالد عنابي]

مثل هذه القصص تدمر الثقة وتدمر الروابط الاجتماعية


تقولين ان الخطبة كانت عن حب فكيف اذن تغيرين رأيك



لو كانت عن حب كما تزعمين فلن تنظري الى غيره



ولكن يبدو ان الحب عندك مجرد كلام فقط وتنظرين الى معايير اخرى ومواصفات اخرى


لعلكي واقعه في حب الراتب والسيارة ورفاهية الحياة

[النجمة القطبية]

حتى انا موضوعك وضعني في حيرة شديدة ومخي بلوكا
نتمنى يعاونوني الاخوة
بصح عندي اقتراح ديري شادي مادي :)

[samirsman]

والله قلبي يوجعني من هذي الامور
لا حول ولا قوة الا بالله والله المستعان
ماتجبر حتى كلام تقوله ولا تعبر بيه كي تشوف امور مثل هذي
😢😢😥😭

[المكارم]

إذا كانت علاقتك بخطيبك عن حب واستمرت سنة ونصف
فكم ستدوم مدة إعجابك المفاجئ بأستاذك ؟ أكيد لن تدوم طويلا
وبعد أن تعجبين بإنسان آخر ستكرهين الحديث مع أستاذك
ثم يأتي الدور على الآخر وهكذا دواليك
راجعي نفسك ولا تحطمي مستقبلك بالأوهام
فحياتك ليست لعبة

[Hanan salim]

بنات آخر زمن قال شو حاسه روحي معجبه وخطيبي انتبه ولك عيب هالحكي استحى ع حالك انتي مو خجلانه من نفسك حبيتي شخص واجى خطبك وما خدعك وبس تأكدتي من حبو وصدقو رحتي تعجبي بغيرو . شو هالأخلاق .. مهو لو ضحك عليكي وما خطبك كان صار الخاين الكذاب الاناني . بس بتعرفي شو الحق عليه لأنو خلاكي تكملي بالجامعه . اقسم بالله كل عم بحس انو الاختلاط هاد راح يدمر كل شي . اسمعي الناس مو لعبه بأيدك عشان يوم تحبي هاد ويوم تكرهي هاد عييييييييب حرااااااااام والله مشكلتك مخجله ..

[رضاك يا ربي]

و الاستاذ معجب بيك؟
بالاك متزوج وماهوش سامع بيك
وزعيما كي تبطلي من خطيبك يتزوج بيك الاستاذ
اتقي الله يا اختي
انت مخطوبة و عينك على واحد اخر
احكمي في خطيبك وبركاي من التمسخير واللعب
كملي مذكرتك و اتخرجي هذه هو دور الاستاذ

[زبدة ذايبة]

شهواني طرباني

اللي نخيروه اليوم نبدلوه غدوة

والي نحبوه اليوم نكرهوه غدوة

من واحد لواحد

هذا والراجل خاطبك وعاقد عليك ومانفعش

للأسف هذا النوع من النساء مايصلحوا لحتى راجل

وماتصلحوش لبناء الأسر

كلما شفت راجل وعجبك تعشقيه

البارح هذ الخاطب

واليوم المشرف

وغدوة جاركم

وغير غدوة راجل اختك

ومن بعد راجل صاحبتك

وين راكي رايحة !!!!!!!!!!!!!!!!؟؟؟؟؟؟؟؟؟؟؟؟؟؟



وين راه دينك وعفتك وحيائك ؟؟؟؟؟؟؟؟؟؟؟؟؟

وش خليتي لروحك

إذا كنت تظني أنه أي واحد يعجبك يجي يخطبك تكوني غالطة

للأسف هذي أسوأ صفة تكون في المرأة

وأرذل صفة

والمشكلة أن هذا النوع ماعندوش علاج سوى تقوى الله

ممكن ينتهي بك الحال ماراكي بحتى واحد لا الخاطب والأستاذ

بالنسبة لأساتذة الجامعة

عندهم ماراهم يشوفوا من البنات

وانت لست الوحيدة اللي راكي لتم وربما اللي عجبك

كاين منك بزاف

ويعرفوا مليح لبنات لدرجة أنهم غير قادرين على الارتباط بأي واحدة منكن

لأنكن متشابهات

خفت نطلق يدي في الكتابة ونروح معاك لبعيد

عاودي راجعي نفسك

هذا مازال ماتزوجتيش وخدعتيه

بدلتيه بين ليلة وضحاها

وهذا زعمة قلت كنت تحبيه

وهذا زعمة كان قرة عينك

وهذا زعمة جاك لدار خطبك أمام الناس

وفي الأخير بدلتيه بواحد ماشي حتى سامع بيك

انت مجرد مذكرة تخرج يخلص عليها بعد ماتناقشي مذكرتك

مازالكي صغيرة على الزواج

ومازال بينك وبين أن تكوني إمرأة حقيقية شوط كبير

رب يخلف على الرجال الصالحين

كارثة أخلاقية كبيرة رانا عايشين فيها

من المفروض تخطبتي خلاص

واحد مايجي في فردة صباط خطيبك

وبعد الزواج تدفنيه ولا يدفنك

ويكون زواج العمر الذي ينتهي بموت أحد الطرفين

نعوذ بالله من الخيانة فبئس البطانة

ديري فيه مزية بطلي عليه

كاين لبنات الشريفات العفيفات اللي يستاهلوه

أما بالنسبة لك

فمازلت بعيدة كل البعد عن مصاف النساء

رب يصلح حالك

والله وجعني قلبي

خسارة كبيرة يكون عندنا بنات بهذا الشكل

[رندة.]

انتي معجبة بالاستاذ وهو يشوف طالبة مشرف عليها لاستكمال مذكرة التخرج كيفها كيف كل الطالبات الي مشرف عليهم، يعني راهو يقوم بواجبو اتجاهك فقط، ماعندو حتى فكرة اخرى في راسو، آمالا انتي ثاني نحي فكرة الاعجاب بالاستاذ من راسك، وشوفيه على اساس انو مشرف على المذكرة فقط. وبعدها راح تتخرجي وتنساي كل شيء.

ماتضيعيش خطيبك من ايدك على جال اوهام تدور في راسك انتي وحدك فقط والأستاذ مش سامع بيها خلاص.

ربي يهديك ويفرج عليك ان شاء الله ويبعد عليك وساوس الشيطان.

[*** عبق الزهور ***]

السلام عليكم
اريد ان اسالك ماذا لو كان خطيبك هذا هو من اعجب بغيرك وقرر تركك ماذا ستكون ردة فعلك
ثم اتقي الله في نفسك وفي والديك وفي خطيبك هذا صدقيني هذا الاستاذ لي راكي تهدري عليه
ماهوش سامع بييييييييك وانت قلتيها مشرف على مذكرتك فقططططططططططط يعني مايروحش فكرك لبعيد
مثلك مثل لي قبلك ولي رح تكون بعدك ملخص الحديث انو شايفك تلميذة رح يقوم بواجبو معاها مثل الاخرين
ماتحطيش روحك في دوامة ومن بعد تعضي اصابعك ندم فلا انت ببلح الشام ولا انت بعنب اليمن
نصيحتي حطي النقاط على الحروف وبركايك من التمسخير

[toulay]

وعليكم السلام ورحمة الله وبركاته
كون مخطبكش هذا لتحب تجي تبكي عندنا وتقولنا لنحبوا ويحبني مخطبنيش
ثبت روحك
يخي خطبك لتحب واش تحوس اكثر
والحمد الله ياربي هذا العام الاخير تاعك
والاستاذ المشرف راهو يشوف فيك دراهم وبالنسبة ليه راك مجرد طالبة كيما كل الطلاب لا اكثر ولا اقل
بلاك متزوج بلاك خاطب بلاك عندو وحدة يحبها خليه tranquille ومكلاه دور بيه
اتوله بالمذكرة تاعك واقرا قرايتك خليك من اللعب
غاضني خطيبك مسكين
كون جيتي تحبوا ولو قليلا برك متبدلوش بكنوز الدنيا
ربي يهديك ويهدينا معاك ان شاء الله

[first first]

شوفي حياتك مع خطيبك..... بلا مشرف بلا بطيخ؟؟؟؟؟

[nina hnina]

حسبا الله ونعم الوكيل. كاين بنات والله ماصابو وليد الحلال. وانت تتقلشي كيما قالك واحد. ديري شادي مادي ولي ربح اديه ياخي زمان وصلنا ليه......

[قدور بن عاشور]

اليوم الأستاذ و غدا مدير العمل.
تـكلمي مع خطيبك ممكن يكون إنسان متفتح و يتفهم مشاعرك الجياشة

[غصن البآن]

صدقا لم ارغب قبلا بالمشاركه بالمشكله لانها مستفزة ...
لكنني وجدت الاعضاء و العضوات قد اوفو في توضيح ما انتِ واقعه فيه
لكن ماجعلني اضع مشاركتي هو ربما توضيح امر ربما انتِ غافلة عنه ...
هناك ما يسمى ب هوى النفس ... اي ان هوى نفسك يتحكم بك ... حتى وان كان الاستاذ معجبا بك ونيته الزواج ..فانتبهي ان هوى نفسك مادام هو المتحكم باختياراتك فسياتي يوم تجدين من هو افضل من الاستاذ و سيحدث نفس الشي الذي حدث مع خطيبك
انتِ تحتاجين لتعليم نفسك امورا جوهريه ..وهي غض البصر . والقناعة ...والاهم الثقة ان سعادتك ستجدينها فيما تملكين وليس فيما تتطلعين له

واعلمي انه ما من احد كامل .. والان ممكن راكي مخطوبه لكن الكارثه لو انك متزوجة ...فكري جيدا فيما قد يحدث
طبعا نحن نفترض انك شخص لا يريد الوقع في الخطأ ويستشير ...فانا اخبرك انك وقعت في خطأ اكبر وهو مقارنة اختيارك السابق بغيره وكانك لا تثقين باختياراتك
برايي الغي الخطبه ...لانك ستتعبين وتظلمين خطيبك ان كان مخلصا فانه يستحق لمن تعرف قيمته وتراه سيد الرجال ...هكذا هو الحب لكن واضح انك لا تستوعبين معنى المحبة الحقيقي ...
ربي يهديك للصواب اختي وتراجعي نفسك لان مرات لما نظلم احد فان الله سيعيدها اليك وسيوقعك بنفس الموقف
والكلام لانقصد به التجريح طبعا لكنه نصح في الله
ربي ينورلك درب الصواب

[ابو سليمان10]

انت من نوع الفتيات التي لايهمها الا الملموس لا حب ولاهم يحزنون
الاستاذ عجبك لان مركزه الاجتماعي افضل من خطيبك و ماديا ايضا مرتاح اكثر منه فقط...و اي واحد احسن ماديا و اجتماعيا يعجبك و تكمليها تبدلي

المهم الاستاذ هذا لا اظنه يعيرك اهتماما لانه اطر و سياطر طالبات اخيريات...هذا عمله فقط

من اجل هذا كثير من الشباب المقتدر عازف عن الزواج...امن اجل نوعية مثل هذه تصرف اموالك كلها و تربط نفسك معها مدى الحياة...
ولا احد يظن انها صغيرة و انها حالة خاصة....امهاتنا فقط قبل 30 سنة كان يتزوجن على الاكثر في سن 20
كما ان الفتاة الجيدة نادرة واحدة بين 10.000 مصيبة

[ام لبناتي]

قلبي وجعلني من بعض الناس و حكاياتهم أفسدوا الناس الطيبة والمشاعر الصادقة الله يهديكم

[طالبة لها هدف]

استغفر الله و اتوب اليه
اختي عاودي ما صليتي واش هذا الكلام واش من زمن رانا فيه
ندعيلك ربي يهديك هذا واش نقولك