ارجوكم من تملك غسالة اطباق شراتها بحوالى 4 ملايين ولقاتها مليحة تخبرني

[ninaricci]

اريد شراء غسالة اطباق لا تفوق 4 ملايين سنتيم اللى عندها تجربة راني نستني تفيدنى في اقرب وقت:sdf::sdf:

[ninaricci]

يا بنات ما تبخلونيش راني في حالة:mad:

[ninaricci]

هل ماركة كوندور مليحة او ستار لايت انصحونيييييييييييييييييييييييييييييييييييييييييييي ييييييييييييييييييييييييي:confused::confused::conf used::confused::confused::confused:

[فردوس الرحمان]

أخطيك من الكوندور ،. اشري lg

[فردوس الرحمان]

الكوندور انا راه وخدني حوايجو كامل يخسروا ،. خالتي شارية lg والله تشكر فيها

[ninaricci]

حبيبتى فردوس الرحمن شكرا لك ماذا بيك تقوليلي شحال دير lg تبانلي راهي غالية بزاف و راني حابة وحدة بحوالي 4 ملايين سنتيم

[ninaricci]

انا غير ساكنة في دار شيخي علي هذاك ما حبيتش نشري وحدة غالية راني شفت بلي الجي مليحة لكن الله غالب مانيش مستقرة لوكان جات داري وحدي ديما راني شريت غير المخير تعرفي بلي الموظفة لازمها كل الالات اللى تعينها

[ninaricci]

فردوس الرحمان ربي يحفظك سقسيلي خالتك بقداه شراتها من فظلك راني نستناك:sdf:

[جوهرةالجنة]

أخطيك من الكوندور ،. اشري lg

مشكورة فردوس الرحمان على هذه المعلومة بما اني غير البارح انجدد في الاشياء قلت لزوجي كوندور تبانلي مليحة وبعد معلومة انتاعك راح اشتري الالجي بووووووووووووووووووووووووووووووووووووووووووووووووو وووووووووركت#تصفيق2#تصفيق2#تصفيق2#تصفيق2#وردة6

[فردوس الرحمان]

والله اختي خالتي متبغيش تقول على حوايجنا بقداه شراتهم تخاف على العين،،. جوهرة إياك والكوندور بدايتها طابلات راهي مطايشة وبعد ثلاجة بخمس ملايين الحس لي ديرو تقولي راكي في مصنع رايحة ترحلنا من الدار ،. وراكي تعرفي الحالة لازم مشروع باه نعود نبدلها ، وبعد الباب طار كي رحنا ليهم قالك نبيعولكم باب وأنتم اخدموه ههههه، دك راه خدمناه بروفيزوار ،. والمدفاة هادي الاخيرة تكون شاعلة نلقاوها طفات هادي بدلتها ،. كاين في الفايسبوك واحد الفيديو رجل راح توال مصنع كوندور وصور تلفزيون تاعو شراه ب تسعة ملايين بصح كي خسر مالقاش la pièce هز مارطو وكسروا وقاعد يقول هادو ولاد الحرام ، نينا مدام. راكي مع بيت شيخك خبي دراهمك ، كون تعودي خرجة والله ما تقدري تدي معاك حاجة نصيحة مني

[ninaricci]

ربي يحفظك فردوس الرحمان راني خميت في رايك لكن غلبت حبيبتي مع 2 بنات ربي يحفظهملي و الخدمة مارانيش قادرة

[ninaricci]

الحمد لله راني شريت كوندور حسب الاحوال راهي مليحة ربي انشالله يصلح فيها

[فردوس الرحمان]

رحتي رحتي وليتي الكوندور ،. لاه عليك ، معليش بالربح عليك

[ninaricci]

شكرا ليك فردوس الرحمان الله غالب ماعنديش و الجي لقيتها ب 7ماين بزاف وليت شريت كوندور و بيترا بومان راني خاصة في قداه من حاجة العبد لازم يستحفظ وان شاء الله ربي يبارك

[فردوس الرحمان]

بيترا بومان عندنا في البيت هادي فايت الست سنين هايل بصح لازم استحفظي بيه ، لعقوبة لحاجة اخرى ،. هدا هو الشهار ،. انا هاد الشهرية معولة نشري تلفاز و راني حائرة في الماركة ،. المهم حسب صورادي

[ninaricci]

حبيبتي فردوس الرحمان اسمحيلي ما شفتش سؤالك انا راهو عندي تلفاز ستريم هايل عندو خمس سنوات كاليتي ديماج هايلة شريتو ب3ملاين و700 ما شاء الله شوفي موضوعي في قسم لجمال المراة بعنوان جمالك بين الامومة و العمل راني حطيت كل الالات اللي عندي اللي افادتني و اللي مافادتنيش