حبيباتي تفضلوا.... خاصة فردوس الرحمان ونهال هلموا هلموا.... [الأرشيف]

مشاهدة النسخة كاملة : حبيباتي تفضلوا.... خاصة فردوس الرحمان ونهال هلموا هلموا....

ملاك ملاكي

2017-10-15, 01:00

:mh92:[:mh92: :mh92: :mh92: :mh
مساء الانوار حبيباتي ان شاء الله نهاركم زييييين وطيب
سبق وطلبوا مني الاخوات خاصة نهال 159 والاخت فردوس الرحمان وصفة لحلوى حطيتها في موضوع حلويات نفاسي :sdf::sdf::mh31: اعتذر منكم على التاخر مي المهم اوفيت بوعدي هاهاهاها
اتفضلوا حبيباتي:
المقادير:
100غ زبدة
80غ سكر عادي
2بيض
فاني من الاحسن نتاع الميزان نكهته هااايلة
3مغارف كبار الى4 كاكاو مغربل
نص باكي خميرة
100غ فرينة كذلك مغربلة مع رشة ملح
طريقة التحضير :
بالباتور نخلط المكونات اعلاه بالترتيب..... وانا احيانا نضيف 2م.ك مكسرات محمثة ومرحية خشينة شوي.... او اضافة اي نكهة اروم ترغبين ومححب لديك
وبعد ماتكملي من هذه المرحلة... تكوني حضرتي لي مول نتاعك مدهونين بالزبدة ومرشوشين بالفرينة..... حطي مغرف كبيرة من الخليط لا اكثر ولا اقل واخبطي لي مول نتاعك شوي باه الخليط يتعدل في المول
حطيهم يطيبو في الفرن مسخن قبل وانت تعرفي الفور نتاعك..... وبعد ما يطيبو خليهم يبردوا ودي موليهم
التزيين:
احكمي حبة الحلوى نتاعكولكن بحذر شديد هاهاهاهاها لانه خفيفة لا تتكسر ومرري جوانبه في سوبر كرام الذوق المحبب عندك انا بصراحة نعشق ذوق فرومبواز او الكرامال يااااامي ياااامي..... وفي نفاسي مالقيتهمش في زوج واااااع ايا دورتها معجون فراز امممم وطلعت النكهة غيييير..... وبعدها مرري في نواد كوكو بلا ماتقيسي الفهوة الفوقانية باه تزينيها في الاخير
التزيين الأخير:
طلعي كرام شونتيي نتاعك بالحليب بااااارد وتكون ثقيلة وحطيها في لابوش وزيني بيها وانت ولمستك في التزيين انا عن نفسي موالفة نزيين بالبريون دوري او ارجونتيي حسب لون لي كيسات لي استعملتهم هاهاهاهاها ونحط حبيبات من العقاش سواء الخشين او الرقيق
اما في نفاسي عملت فراشات بعجينة السكر

ملاحظة:
هذه المقادير تعطيك 12حبة
ولي مول مثل مول الموسكوتشو مي هم صغار
الفرينة الكمية لي حطيتها لا زيادة ولا نقصان

وفي الاخير ان شاء الله نكون وفقت في الشرح واعتذر منكم على التأخير..... ان شاء الله نشوف تطبيقاتكم
وعلى فكرة انا دائماً في مناساباتي الخاصة او للغير كي نعملها كهدية هاهاهاهاها نفضل نقدمها مع العصاير والتحليات كونها خفيييفة وهشوشة وتحمر الوجه هاهاهاهاها

https://up.djelfa.info/uploads/150802529499881.jpg

https://up.djelfa.info/uploads/150802529503152.jpg

أم فاطمه

2017-10-15, 07:55

السلام عليكياختي ملاك مشاء الله تحفة والطريقة ساهلة كاش نهار نجربو ان شاء الله تحياتي

ملاك ملاكي

2017-10-15, 11:54

السلام عليكياختي ملاك مشاء الله تحفة والطريقة ساهلة كاش نهار نجربو ان شاء الله تحياتي

شكرا لك ولمرورك الطيب.... ان شاء الله نشوف تطبيقك ياااا نحوبة عندي ثقة فيك..... وكي قلتي ساااهلة ماهلة اناةبصراحة لي يعجبني فيها بريزونتاااابل تحمر الوجه وزيد بنيييينة.... اكيد راح تذوقيها وتحكمي بنفسك

omhadil

2017-10-15, 15:41

يعطيك الصحة ياملاك الحلوة هايلة وتبان
تشهى تسلم الايادى

فردوس الرحمان

2017-10-15, 16:10

واش نقولك ملاك ربي يفرحك ، منسيتيش الوصفة وقدمتيها بالتفصيل ،. ربي يعطيك ما تتمناي ،. قريبا نحطلك تطبيقي اصبري نشري لمول برك معنديش هادو لي فيهم فوهة ،. Vraiment merci bcp

chouchouta26

2017-10-15, 17:12

شكرا ربي يحفظك تبان هايلة هاهاهاها جاري التجريب

ملاك ملاكي

2017-10-16, 10:59

يعطيك الصحة ياملاك الحلوة هايلة وتبان
تشهى تسلم الايادى

الله يسلمك حبيبتي وشكرا لك على المجاملة احممم احممم :o
موش حوحو يشكر روحه مي صدقيني هاااايلة من جميع مجاميعها هاهاهاها :19:

ملاك ملاكي

2017-10-16, 11:00

شكرا ربي يحفظك تبان هايلة هاهاهاها جاري التجريب

باااارك الله فيك لمرورك الطيب.... وان شاء الله نشوفو تطبيقك حبيبتي وحكمك عليها موفقة

ملاك ملاكي

2017-10-16, 11:02

واش نقولك ملاك ربي يفرحك ، منسيتيش الوصفة وقدمتيها بالتفصيل ،. ربي يعطيك ما تتمناي ،. قريبا نحطلك تطبيقي اصبري نشري لمول برك معنديش هادو لي فيهم فوهة ،. Vraiment merci bcp

ربي يهديك حبيبتي بلا مزية العكس والله بالنسبةةليا درت فيك عييييت لاني طولت باه حطيتلك الوصفة مي ان شاء الله نشوف تطبيقك:19: وتكون طووووب بحالك ياحلو..... موفقة حبيبتي موااااااحاااتي

فردوس الرحمان

2017-10-16, 13:18

انت الأحلى حنونة ،. غير نخرج نشري لي مول نجربو ، راه عندي حمى تاع نجرب ، والله كل يوم ندير حاجة ،. ههههه

ملاك ملاكي

2017-10-16, 13:21

انت الأحلى حنونة ،. غير نخرج نشري لي مول نجربو ، راه عندي حمى تاع نجرب ، والله كل يوم ندير حاجة ،. ههههه

اوووو ذرك انت تشكري وتمدحي وانا نمدح مييييش فارية ولا كيفاااه هاهاهاها
نعرفك نحوووولة اااا مصيبة مام انا نموت على التلباز
خلاااص راني في انتظارك...... ايه قلتيلي عندك سلسلة تطبيقاتك مافهمتش ناوية طبقي ولا هلاااص طبقتي اذا اييييه اعطيني الرابط خلي نقرعج هاهاهاها

فردوس الرحمان

2017-10-16, 13:29

ملاك ملاكي

2017-10-16, 14:51

لالا نطبق بصح مانصورش rarement وين نصور ،. نطبق من المنتدى و حتى من سميرة وكاين في الفايسبوك ، ام اماني نطبقلها بزاف ، راهي رجعت سمعتي بها ،. اليوم درت بريوش لقيتو في اليوتيوب ، وكل مرة كيفاش ، كانت حاكمتني الخدمة دك راني قاعدة ، تقاعد مسبق ،. كل يوم حاجة ،. نهار الأربعاء، عندي عيد ميلاد ولد اخي دك نلبز ونعاود ،هههه

فحلة فحلة اااانحولتي..... انا تاني نطبق بزاااف الام اماني وبالاخص الحلويات ولا مرة خسرتلي وصفة من وصفاتها ربي يعطيها ويمنيها.... اييييه والله ماتتصوريش فرحتي بعودتها خلاتنا كي اليتامى هاهاهاهاها
امممم نموي عل لي بريوش مي انا والمعجنات ماعندناش علاقة :19:ملييييحة مع بعض هاهاهاهاها
عيد ميلاج سعييييد ان شاء الله العمر بكله وربي يخليك ليه ماكانش قد الخالة انا خواتاتي وعايلتي خلااااص سمحو فيا ويحبو وليدي واي حاجة يشروها لوليدي انا باااااح هاهاهاهاها
ربي يعطيك صحتك ويحفظك...... على فكرة انا ناعنديش فيس بوك مالا كاش جديد وبريزونتابل ماتنسايش اختك هاهاهاهاها

ملاك ملاكي

2017-10-16, 14:52

هاهاهاها عفوا والله قريت وليد اختك ماعليش عميمة اعتذر ربي يخليه عمارة البيت وتفرحي بكل افراحه ان شاء الله المهم الصحة والهناء

oum islem

2017-10-16, 17:32

ملوكة غير يرضى عليا المنتدى نرجع نشوف الحلوى وحلويات نفاسك
لي عودة للاستمتاع بالصور والتعليق

سحابة باردة

2017-10-16, 22:47

nihal159

2017-10-17, 10:05

انا هي رزيقة

2017-10-24, 13:39

مشاء الله على مدللتي دائما في القمة..... ربي يحفظك من العين حنونتي و دمتي دائما متالقة

ملاك ملاكي

2017-10-26, 19:23

ملوكة الساجية واش نقولك وااااااااو ثم وااااااااو والله حتى أنا لفت إنتباهي في الكوزينة مزية الشيرات طلبو الوصفة ,و أكيد نجربو عندي ثقة كبيرة في ذوقك الرفيع
يعطيك الصحة ذرك التفاصيل كل بين يدينا خاصنا غير لي مول قارعي منان نشريهم ونطبقو أن شالله
شكرا وقبلاتي للببون المقلش ربي يحفظو

الله يخليك حبيبتي شكرا وبارك الله فيك لمرورك الطيب وتقييمك المميز
ان شاء الله نشوف تطبيقك نحووولة

والله فرحتيني بسوالك لملاكي الصغير ربي يحفظك ويحفظك وليداتك:19:

ملاك ملاكي

2017-10-26, 19:26

مشاء الله على مدللتي دائما في القمة..... ربي يحفظك من العين حنونتي و دمتي دائما متالقة

والله نورتي بمرورك وتقييمك وزيد الكلام المعسول احممم احممم حشمتيني هاهاهاها ربي يحفظك حبيبتي

ملاك ملاكي

2017-10-26, 19:32

أحلى صباح مزيّن بالشونتيي و اللوز إيفيلي مع رشة كراميل على أحلى ملوكة فالمنتدى.
شكرا حبيبتي على تلبية طلبي؛ ربي مايحرمناش من قلبك الصغير الذي لايحتمل زعافنا هههههههه؛ حلوى تحفة و أكيد إنتضري تطبيقي فالقريب العاجل المستعجل ههههههههه.

غييييير بالشوي عليا ذووووبت كي الكرامال هاهاهاهاها يا يما يايما على ذيك المقدمة احمممم احمممم خاصني قراد فقظ من يديك الحلوة :o
بلا مزية حبيبتي ان شاء الله نشوف تطبيقك نحووولة
على فكرة من اي ولاية انت من الشرق؟!

سوسن تسنيم

2017-11-07, 13:39

امممممممممم ربي يبارك

بيت الحلو

2017-11-08, 06:34

مشكورة على الوصفة نجربها ان شاء الله وتصلح😘😘😘

ملاك ملاكي

2017-11-09, 22:45

امممممممممم ربي يبارك

شكرا لك ولمرورك الطيب واطرائك حبيبتي

ملاك ملاكي

2017-11-09, 22:46

مشكورة على الوصفة نجربها ان شاء الله وتصلح😘😘😘

لا شكر على واااااجب حبيبتي ان شاء الله نشوفو تطبيقك موفقة حبيبتي