ذهبت بلارجعة لن اعود الى بيت عائلة زوجي انا في حزن والم عاووونوني

[مشكلتي]

السلام عليكم ورحمة الله و بركاته

اخواني اخواتي انا اكتب لكم هذا الموضوع و قلبي يكاد يتوقف من شدة الالم و الغضب و كل احاسيس الحزن

متزوجة منذ 4 سنوات و اسكن في مع عائلة زوجي ولكن بمطبخ فردي (عامين) و لكن في الاشهر القليلة اخت زوجي

غضبت من عند اهل زوجها و جاءت لتسكن معنا و هنا بدأت الإشكال يا اخواني سودت لي حياتي و بدأت تبحث عن اي غلط او اي شيء لكي تجعل من الحبة قبة

وبدأت بتشويش عقل ام زوجي لتكرهني و تحقد علي و تضرب ابنتي التي عمرها 3 سنوات فقط و عندما لمحت لهم ان ابنتي صغيرة و الضرب غير جيد لسنها

كرهتني اكثر واكثر و الآن لا تتكلم معي ابدا و تفعل امور لا داعي لذكر تفاصيلها يعني بالعامية تضر القلب

المهم انا هذه الحياة كرهتها و الله يا اخواني كل يوم كل يوم صبرت صبرت صبرت و خلااص كل ابكي كل يوم اشكي همي لله تعالى و هوخير وكيل

انا اليوم جمعت ملابسي و ذهبت الى بيت عائلتي برضى زوجي الذي يعمل بعيدا عني و يأتي في عطلية الاسبوع خميس و جمعة

وقررت ان لارجعة الى ذلك البيت الى ان يفتح علي الله

وقررت ان اقوم بكراء منزل و ابتعد عنهم لانني كرهت حياتي

رجاءا اخواني انصحووني كيف اتعامل معهم و هل ما اقوم به هو الصواب ؟؟

صدقوني اكتب لكم و الدموع تنهمر من عيوني و قلبي يؤلمني

انا لم اكتب كل شيء بل قطرة من بحر همومي رجاءا ادعولي وادعوا لأهل زوجي كي يهديهم الله و الله تعبوني و ظلموني

و الشيء الذي آلمني اكثر واكثر ان لي سلفات و يحبونهم وانا اكثرهن طيبة و اكثرهن تواضعا

يعني انا نخدمهم و نحبهم و طيبة جدا جدا معهم كرهوني و هن العكس تماما يخافون منهن و لهن قيمة كبيرة في البيت

اشعر ان طيبتي الزائدة هي التي اوصلتني الى هنا و انا الوم نفسي كثيرا و الاهم انني لاازال اواصل في الطيبة

والله العظيم وصلت الى درجة الاكتئاب عاونوني رجاءا

[beautifulmin85]

وهل الجنة رخيصة حتى ندخلها دون ابتلاء وتمحيص وفتن ؟

ان كانت طيبتك لوجه الله فلا يضرك ردات فعل الناس فان احسنوا لك احمدي ربك واشكريه وان اساؤوا فاحمديه واصبري

هناك امرين اما تردين اسائتهم باساءة وتفرقين زوجك عنهم فتصبحي مثلهم واما ان تسالي ربك ان يربط على قلبك ويصبرك على اذاهم

وتتقي الله في رحم زوجك فيجعل الله لك مخرجا ...

الخيار صعب هذا اكيد لكن هنا يتبين ايماننا هل هو ذهب لامع ام حديد صدأ ...

وربي يهديهم ويهدينا جميعا وربي يسهلك لما فيه لك الخير ولزوجك

[خالد عنابي]

الحل هو انك تستقلين بدارك وحدك ومكان حتى حل غيره


ولي يقلك الصبر والخرطي راهو يهدر فالوسع وهذه حياتك ومستقبلك وتعيشيه مرة واحدة


ليست دعوة لتفريق الاوصال وقطع الارحام بل دعوة للابتعاد عن الاذى ووقف اسبابه

[زبدة ذايبة]

والله يا أختي كل البيوت بهذا الشكل إلا مارحم ربي.

مشكلة عقليات وحسد وغيرة.

خروجك من البيت في رأيي غلط.

وانت معاهم ماسلكتيش

ياوين كي خرجت من عندهم وخليتي بلاصتك فارغة.

زوجك بعيد وماشي قادر يفهم حقيقة التصرفات منك أو منهم.

وزيادة على هذا هو إبنهم ساهل يقنعوه.

كنت قادرة تلقاي الحل وانت معاهم.

حتى تخرجي مع زوجك.

ماشي تخملي قشك وتخرجي إلى المجهول.

وهذا هو اللي راكي تحسي فيه الآن.

ماراكيش عارفة نهاية التصرف لوين يوصل.

لذا إذا تقدري تسرعي عملية الكراء يكون أفضل بكثير.

كلما طالت مدة بقائك في بيت أهلك كلما كان الموضوع ماشي في صالحك.

حتى زوجك رح يتعود على غيابك.

وديري في بالك مليح أن المكان الفارغ دائما يجي اللي يجلس فيه.

مدام خرجتي ماتقدريش تولي خلاص.

حتى ولافكرتي ترجعي لعندهم مايقبلوكش.

درتي خطوة مافيهاش الرجوع.

والحال اللي راكي فيه ماشي ساهل. وكأنك حطيتي حياتك الزوجية والأسرية تحت المحك.

قادر زواجك ينهار بسبب هذا التصرف.

عجلي في الحل مااستطعت إلى ذلك سبيلا.

نقولوا للنساء يصبروا على الخلافات الأسرية التي غالبا منشأها الغيرة والحسد من أطراف أسرة الزوج.

أو تكون بسبب الكبر والتكبر للزوجة.

في الحالة الأولى تكون الزوجة هي المتضررة ونطلبوا منها تصبر خاصة إذا كان زوجها مليح حتى لايحدث الطلاق بطريقة انتقامية من أهل الزوج.

في الحالة الثانية وين تكون الزوجة متكبرة. هنا أهل الزوج يكونوا متضررين منها ويحاولوا ينتقموا منها بكل الطرق أقلها أنهم يطلبوا من إبنهم يخرج مع زوجته من الدار.

لذا أكرر عجلي بالكراء مااستطعت إلى ذلك سبيلا.

هذا رأي وممكن الإخوة والأخوات يعطيولك آراء أخرى تساعد.

وماتوفيقي إلا بالله.

رب يفرج عليك.

[- بصمة خير -]

يعني
خليتيهوم
يقهروك و يربحوك
هكذا؟؟؟؟؟
هما هذا واش يحوسو
و انتي بسهولة
خسرتي و غلبوك
لالا
كما يجي زوجك
روحي عقبي اليومين معاه
و كما يروح يخدم
روحي لدار باباك

ما تسمحيش في زوجك
و بيتك ابدا و ابدا و ابدا

و كما راهم يديرو نساء سلافك
ديري حتى انتي
تعلمي منهم
و بدلي العقلية

اوكي

الله يسخرلك زوجك

[nihal159]

ربي يفرج عليك إن شاء الله؛ من رأي أنك غلطتي كي خرجتي من دارك و زوجك غايب؛ كون أنتضرتي حتى رجع لدارو فالويكاند و تناقشتي معاه؛ لكن الله غالب ما حدث قد حدث؛ نوافق الأخت زبدة ذايبة في أنك تستعجلي في كراء منزل؛ لأنه كلما طال غيابك على زوجك كلما زادت المشاكل و القيل و القال.

[إنسانة بسيطة]

مشكلتك يا سيدة تكمن هنا

اخت زوجي غضبت من عند اهل زوجها و جاءت لتسكن معنا و هنا بدأت الإشكال


بيها الزعاف حبت تخرب عليك وانت تقولي انها مش مطلقة يعني قضية وقت وكنت قادرة تتحملي لكن انت فضلت الهرب رغم انو قلت عندك كوزينة مستقلة واكيد شمبرة يعني كنت قادرة تتفاداي الاحتكاك
وبصراحة اكثر تكرارك لكلمة اني طيبة والذي منو منقدرش نفهموا لو جاو سلفات و عجوزتك واعرين للدرجة ذيك منظن تصحلك كوزينة ، بون راني نحكي بحسب المشكل منعرفك منقدر نحكم عليك بصح منطق تاعي يقول هاك وبحسب سردك للمشكل

[رضاك يا ربي]

يا اختي الحبيبة رايي هو
ان اخت زوجك راتك إنسانة محبوبة من طرف
الجميع ومتهنية مع زوجك وفي دارك وهي العكس تماما
وببساطة دخلها الحقد والغيرة وقالت علاه هي متهنية وانا لالا
فرسمت مخطط وقالت نكرها في حياتها لله تخلي الدار
وربما بعيد الشر تطلق
وانت للاسف خسرت وانهزمت وخليتيلها الدار
انت صبرت صبرت....كان لازم عليك تزيدي تصبري وتخلي
راجلك يجي من الخدمة تاعو و تتفاهمو وتحكيلو واش كاين
وتروحو تكريو وتخرجي من الدار معززة مكرمة مع زوجك
ماش تخرجي غضبانة
والله الظلم ظلمات يوم القيامه وتاكدي بلي اخت زوجك
حسابها عند ربي عسير....و كلي عليها ربي
ربي يفرج همك و يرزقك على قد نيتك

[oumhana]

عندك الحق وما يحس بالجمرة غيراللي كواتو.وفي هاذ لبلاد العاقل ووليد الفميليا ماعندوش بلاصة شوفي واش يخرج عليك اللي يقولك أصبري يجي يحكم بلاصتك مؤقتا

[رندة.]

على بالي بلي كنتي في ضغط كبير خاصة انو زوجك مكانش معاك باش يخفف عليك هذا الضغط لأنو كان غايب في العمل.
وبالتالي مالقيتي قدامك غير انك تروحي لداركم باش تريحي نفسيتك شوية.
لكن انتي قلتي انو مشكلتك بدأت لما جات اخت زوجك زعفانة من أهل زوجها، يعني من قبل مكانش عندك مشاكل مع اهل زوجك، الآن هي راهي في الدار مؤقتا برك حتان تتحل مشكلتها مع اهل زوجها وترجع لدارها، يعني انتي شوفي مع زوجك يديرولها حل وترجع لدارها وترجعي انتي ثاني لدارك ان شاء الله.
ربي يفرج عليك ويصلح أحوالك وأحوال اخت زوجك ان شاء الله.

[قدور بن عاشور]

ضرك مسكين راجلك يولي يخدم على الكراء.
مافهمتش أنت عايشة تقريبا منفصلة عليهم يعني قادرة تجتنبيهم بسهولة.
نصيحتي لك: إستغلي عودة زوجك نهاية الأسبوع و ارجعي لبيتك، على الأقل يفهمو أنك رحتي فقط اسبوع عند أهلك وخذي معك هدية من بيتكم: حلوى أو فاكهة إذا كان عندكم جنان و نقصي المخالطة و اجبدي روحك خلي نفسك عزيزة.
أما حكاية أنا طيبة هذي كل إنسان يحسب روحو أطيب واحد فوق الأرض.

[mohamed nadim]

الشعب تاعنا يحgرو ولاد الفاميليا

ارحلي
و لكن حافظي على صلة الرحم

[longing eyes]

ربي يسرلك امرك اختي العزيزة منيش حابة نلومك ونزيد عليك وجيعتك مي صدقيني درتي غلطة كي خرجتي كان لازم تلزم بيك وتتفاهمي مع زوجك على حل وراكي تقولي تقريبا متستقلة "كزينتك وحدك" صح اللي قولك ميحس بالجمرة. غير اللي كواتو اختي الغالية رانا عايشين وشايفين كاين اللي صابرين على امور اعظم من ضرب الاولاد والسب
منيش نقولك الغي كرامتك مي ديري شخصية لعمرك: سبو خليهم يقولو بلا مترجعيلهم خلي روحك ديما انت لمليحة ويجي نهار صدقيني يعرفو الغلطة ويعتاذرو صح التطبيق شوية واعر في البداية خاطر تحس روحك ظعيفة قدامهم لكن...... لو تحتاسبيها لله عز وجل صدقيني رايحة تحسي بالراحة
ارجعي لراجلك وتفاهمو على الحل المناسب على خاطر غيابك عن زوجك راح يعقد الامور
صدقيني اخي راني نتكلم من وحي تجربة والله غير راني نحس فيك اختي ولا منقولك هدا الشي ربي يفرج عليك ويفتحلك ابواب الخير

[Saif al-Islam]

أختي الكريمة


نقول بالعامية " ماتكونش حلو ياكلوك النّاس ، و ماتكونش مر يكرهوك النّاس " هكذا يجب أن تكوني يا أختي كالوردة مع أشواكها " أعتقد أن التشبيه واضح المعنى "
و هذه أخت زوجك يعني أخلاتها في دار زوجها جات عندكم أتكمّل عليكم ......يا لطيف ألطف

أنا أنصحك يا أختي الكريمة أن تتشاوري مع زوجك لإيجاد حل ، و إياك و التعنّت برأيك ، إذا كان بإستطاعته الكراء هذا افصل ، و إن لم يستطع بإمكانك الدهاب لمنزل عائلتك حينما يسافر ، و حين عودته من السفر إرجعي لبيت زوجك ( بعد التّفاهم بينكما طبعًا )، هذا رأيي و أعتبره أفضل حل ، و لكن يجب على زوجك أن يعطيك مصاريف بقاؤكي في منزل عائلتك حتى لا تكوني عليهم حمل إضافي ( لأنّه هو المسؤول الأوّل على مصاريف معيشتك أنت و إبنتك بإعتباره زوجك )

أمّا أخت زوجك خليها وحدها تتمحّن و تخدم عائلتها .....باش يعرفوا مليح شكون الطّيّب و شكون لقبيح

[وردة الرمال43]

اختي انا برأيي اقعدي في دار ماليك في غياب زوجك وكي يجي زوجك روحي لدارك ماتخليه وحدو واسبقيه لازم يلقاك فالدار وسلفتك ديري روحك ماتسمعيش خليها تهدر وحدها وعجوزتك تاني ماتصايريهاش راكي تقولي هي لي تعمرها اتهلاي في راجلك كي يجي وكي يروح روحي عند اهلك وهكذا حتى ترجع سلفتك لدارها واذا ما رجعتش شوفو حل انت وراجلك لانها لوكان ماترجعش راهي تزيد فهبالها وحقدها وغيرتها وربي يفك الاحوال اختي

[مومي23]

ادا زوجك وافق على الكراء لا مشكلة
اما العلاقة مع اهل زوجك الزمن كفيل باصلاح الامور
لكن ادا لم يوافق زوجك عليك بالصبر ليس هناك حل اخر سوى الطلاق
وهو امر غير مقبول ادا زوجك مقدرك و يحبك

[النجمة القطبية]

يا اختي روحي اكري وعيشي حياتك باحترام متبادل مدام بموافقة زوجك
مدام عندك الامكانية لدلك مادا تنتظرين ولمادا تسالين
اما حكاية تفرقي الابن عن اهلوا هي جملة غريبة عجيبة
ومتى يحين وقت فطام الابن هدا الى متى وهو مازال في القماط
السنا كلنا فارقنا بيوتنا وامهاتنا واباءنا ما الفرق !!!
المهم ان لا ينسى اهله ويقدم لهم قدر استطاعته كل ما يحتاجونه وليس شرط ان يقدم لهم زوجته كخادمة او يشاركهم في حياته الخاصة حتى يكون مطيعا
توكلي على الله وافعلى ما ترينه صائبا
موفقة

[Hanan salim]

الله يهون عليكي اختي .. المشكلة في هاي العائلات يلي بتسكن ولادها عندها وبتحرمهم من الاستقلالية . حتى جدتي ماعاشت هيك وكانت مستقله خلص اتركو ولادكم يعيشو بأستقلال ويبنو حياتهم بعيد عنكم .. شفت هالمشكله هاي كتير هون !!

[noeddin]

اطلبي من زوجك ان يوفر لك سكن مستقل ان استطاع ، والصبر الصبر ، واعلمي ان الروتيين يجعل الفرد سريع الغضب ، ومكتأب ، ربي يوفقك للخير

[22bilal bilal]

كيفاش تكرى وحدك وزوجك بعيد عنكي ؟؟؟