بحاجة لآرائكم

[sousi.dz]

سلاااام
انا في حيرة من أمري
لاحظت روحي بلي نضيع فالوقت فالمدرسة برك خصوصا والاساتذة غير يتمسخرو عدا استاذ الرياضيات والعلوم قمة
قررت اني نقرا وحدي فالدار في وجود الاساتذة فاليوتيوب والتواصل مع الاساتذة فالفيس منحتاجش استاذ ضرك
ما رأيكم ؟؟
بالنسبة للغياب المؤسسة ماشي مزيرة ميحاسبوناش قاع لازم تبرير الغياب بحضور الولي برك واذا كثر الغياب اكثر من 3 اسابيع يبعثو اشعار يلي منيش نروح للمدرسة يعني عادي كثرة الغياب ليس بالامر المهم
حاسة روحي لوكان نقعد فالدار نستفاد اكثر من المدرسة وقلت نحط روحي كمترشحة حرة نروح غير وقت الاختبارات
ارائكم تهمني وشكرا مسبقا ;):rolleyes:

[pérah tova]

ايه تقدري عندك حق اجتيازالبكالوريا مي لازم تصبري حتى تاكيد التسجيل يكون في جانفي اه تقدري تحبسي من الليسي و تقدري متوليش ليه اطلاقا لا فروض و لا اختبارات و تجتازي عادي الباك بصح معندكش حق الاعادة في الثانوية برك
و هو الاحسن البيت خير يعني كل واحد كيفاه يخرج عليه انت بلاك هدي مرة 2 باك
مالا اقراي في دار خير وزيدي سقسي مليح و نبعدا حبسي

[amin8]

مزال الحال باش تقدري تحكمي زيدي اصبري و شوفي باش كيما تقرري متندميش فيما بعد
من ناحية اخرى هاذ الشي صحيح كاين اللي يفهم و يركز كي يكون وحدو اما وسط الغاشي لا بالاضافة اهم حاجة في الدراسة هي المجهود الشخصي

[sousi.dz]

ايه تقدري عندك حق اجتيازالبكالوريا مي لازم تصبري حتى تاكيد التسجيل يكون في جانفي اه تقدري تحبسي من الليسي و تقدري متوليش ليه اطلاقا لا فروض و لا اختبارات و تجتازي عادي الباك بصح معندكش حق الاعادة في الثانوية برك
و هو الاحسن البيت خير يعني كل واحد كيفاه يخرج عليه انت بلاك هدي مرة 2 باك
مالا اقراي في دار خير وزيدي سقسي مليح و نبعدا حبسي

نوووووو هدي المرة 1 هدا عامي الاول تاع الباك
عمي كان ناظر قالي يقلهم ميكتبونيش قاع فالغياب نورمال
شكرا على النصيحة سيبون قررت نبقا نقرا فالدار احسن ;)

[sousi.dz]

مزال الحال باش تقدري تحكمي زيدي اصبري و شوفي باش كيما تقرري متندميش فيما بعد
من ناحية اخرى هاذ الشي صحيح كاين اللي يفهم و يركز كي يكون وحدو اما وسط الغاشي لا بالاضافة اهم حاجة في الدراسة هي المجهود الشخصي

ايه صح انا منقدرش نقرا في وسط عباد وحدي برك
نجرب اسبوعين وحدي فالدار اذا خرجت عليا نحبس اذا مخرجتش عليا نعاود نرجع خاك خير
مي وقت الفروض والاختبارات نروح نختابر مستوايا
شكرااااااا ;)