وصفة الاسمنت بالرمل للتمليس (البغلي للتحراش) مجرب من زُخْرُفَةٌ

[zokhrofa]

السلام خواتاتي

ربما راح تنخلعو شوية واش دخلها زخرفة في التحراش و البناء ههههههههههههه ما تتخلعوش الوقت لي رانا فيه لازم نعرفو نديرو كلش

المهم انا جربت التمليس للحائط بالرمل و الاسمنت يعني التحراش و الحمد لله صدقت معايا الوصفة

و حبيت نفيد بيها الاخوات باش تعرفي انو ماشي لازم تجيبي الماصو باش يخدملك في دارك تقدري ديري وحدك صوالحك

فقط نبهكم في البداية راح تجيك صعيبة

لماذا ؟

خاطش كيما اي مجال لازم التطبيقات الكثيرة باش تتعودي على الامر

لكن انا لقيت حل شباب

لي هو استعمال تجربتي في الطبخ في عملية البناء

هههههههههههههههه غريب الامر صح ؟

المهم الاشياء لي ساعدتني في التمليس لي خذيتها من تجربتي في الطبخ هي :

1- التغربيل : استعملت الغربال في الرمل و الاسمنت و هذا ما ساعدني على تهوية المادتين و جعلهما سهلة الانسجام مع بعضهما

2- خلط المواد الجافة قبل السوائل : خلطي مليح الرمل و الاسمنت و هي ناشفة قبل اضافة الماء

3- اضافة الماء بشوية حتى ولو عندك المقادير مضبوطة : معروف انو كل ماركة تاع اسمنت و كيفاش دايرة لذلك من الاحسن تضيفي الماء بالشوية حتى تتحصلي على العجينة اللازمة يعني البغلي اللازم

الوصفة :

2 كيلات تاع رملة + 1 كيلة اسمنت + الماء حسب النتيجة المرغوب فيها

الوسائل المستعملة :

بسينة

مغرف تاع لوندوي يعني راكريطة كيما نقولو بالعامية

صيار باش تتخلصي من الحجر لي في الرملة

مملّسة لي يستعملها البناء باش يحرش

من بعد نحط الصور

تنبيه : بعد انهاء العملية خلي الحيط ينشف على الاقل 3 ايام قبل فعل اي شيء

[kacimo.samy]

السلام عليكم
ههههههه والله حصة بناء هنا
كل شئ صحيح
بعدما يجف الجدار اعطيه قليل من الماء كي يتماسك جيدا
بتوفيق لكم

[&ام ايوب&]

اه يا زخرفة ما نخافش عليك فحلة ونص
يعطيك الصحة

[zokhrofa]

شكراااااااااااااااااااا على دعمكم هذا يفرحني

[FATIHA131]

الله يعطيك الصحة

[zokhrofa]

الله يعافيك اختي فتيحة و شكرا على مرورك الطيب

[nihal159]

يعطيك الصحة؛ صراحة لا أستغرب ماقمتي به؛ حتى أنا ملي كنا صغار علمنا بابا هذ لبريكول هههههههه مافهمتش علاش؟؟؟؟ بصح صراحة إستفدت من واش علّمني بابا؛ درك أي بريكول في داري نتعاونو عليه أنا و زوجي :1::1::1::1:هههههه

[zokhrofa]

احسنتي اختي نهال وو الله ابوك عمل زينت العقل

انا شخصيا هذه الامور تعلمتها من عند خالي كان كل ما يكون عندو بريكول في دار ماني يعيطلي نعاونو

لكن الاسمنت الوصفة عطاهالي زوجي

اما الطريقة تعلمتها من صغري كنت نشوف البنّاء كي يجي لدارنا و عمري ما درت في بالي بلي يجي نهار لي تفيدنا الفرجة هذيك هههههههههههه

تأمني بربي كان نقولك انا كنت نخدم و يديا يتحركو وحدهم

تأكدت من النظرية لي يقولك فيها انو الأطفال مخهم يخزن مهارات عديدة و نهار يستحقها يستعملها و يستغرب في كبره كيفاش دار الحاجة هذيك

لأنو لا يذكر انو في صغره شافها

لذلك ننصح الناس كي يجو يديرو حاجة فيها مهارات عالية ياريت يحطو قدامهم الاطفال بدون ما يطلبو منهم انهم يعاونوهم باش الطفل يركز في تخزين المعلومات و المهارات

[nihal159]

ناس زمان قالو: أتعلّم و أترك.

لأنهم علابالهم كي تتعلم حاجة عمرك ماتنساها؛ حتى لو تتركها بعض الوقت؛ لكن نهار تحتاج هذاك العلم تلقاه مخزّن في راسك .

كاين أمور بزاف تعلّمتهم من بابا ؛ من بينهم الميكانيك تاني؛ من كثرة أني نسمعو يسمي قطع الغيار و كيفاش يعملو مع بعض و أن عملهم متكامل؛ كل

هذي المعلومات في راسي هههههههههه.

صراحة معلومات بسيطة جدا؛ يعني كأي مواطن عادي و لكن أتميّز عن بنات جنسي أني نعرفها.

[zokhrofa]

هههههههههههه صح انا شخصيا خاطيني الميكانيك من بعد علميني

حبيت نبهك اتعلم و اترك معناها انتي اتعلني حرفة و اتركيها لولادك او لأي شخص

يعني اورثيها شخص ما

ماشي اتركيها يعني بطلي منها

[افكار خياطة]

يعطيك الصحة نحب ندير هذا الحوايج بصح باينة صعيبة

[crono]

هههههههههههه صح انا شخصيا خاطيني الميكانيك من بعد علميني

حبيت نبهك اتعلم و اترك معناها انتي اتعلني حرفة و اتركيها لولادك او لأي شخص

يعني اورثيها شخص ما

ماشي اتركيها يعني بطلي منها

مساء النور هههه اه يا زخرفة ما نخافش عليك فحلة ونص دخلت نجري حسبلي غير انا راكي كي حلتي انا تان بريكول لي في داري نتعاونو عليه أنا و زوجي حتى و للدي دار لرانا نبنو فيها حنا طلعنها :1::1::1::1:هههههه[ تعرفي قبل منتزوج كنت في درنا بابا الله يرحمو كان اجيب لمصو يخدملو ;)خويا كي اجي عندي اشفني كفاش نخدم خير من ماصو اقولي كنتي بريكة مترفدها شكن اقول
خخخخ حححو يشكر روحو بنتي تان تساكها حتى في ميكانيك باباها يعيطلها يحبط موتور وفي تركب اغليها تركبو واحدها ونا معها تبدى تزوخ عليا مديلي كلي 10 مديلي كلي 9 :D بصح صراحة مليح كي نعلمو لولادنا في صغرهم كولش باش يسلكو راسهم :19:ويعرفو ءديرو كلش
نسيتي حاجة بعدما يجف الحيط غدو مندك روشيه بالماء:D
ان شاء الله ولا كنات نات مليحة نحطلك بعض صور تع بيتي :o

[zokhrofa]

اختي افكار خياطة مادام راني نقولك انا مرأة و درتها هذا يعني انو ماشي صعيبة

و تعلمي حاجة في الحياة مادام واحد دار حاجة قبلك معناها انتي تقدري فقط لازم تتعلمي و تطبقي

[ninaricci]

يا زخرفة واش بيك راكي ماخليتيش خلاص خدمة لراجلك يخدمها مام التخمام ماخلتيهش حتي يخمم راكي داخلة في كلش البناء الميزانية الاقتصاد و التقشف يا هل ترى مهنيك كيما راكي مهنياتو و لا لا جاوبينا بصراحة و زيد يا اختي ماشى حسد و لكن بزاف عليك صح صح راكي تعيي في نفسك و قهرتي مقولة النساء ناقصات دين و عقل هذه المقولة راهي نعمة ماشى نقمة اسمحيلي مجرد راي

[zokhrofa]

شكرا اختي على مرورك العطر