انا في ورطة حقيقة مع خطيبي ماذا افعل

[مشكلتي]

السلام عليكم ورحمة الله
انا فتاة عمري 24 سنة اعمل استاده في الثانوي
مخطوبة منذ سنة
انا على قدر من الجمال ولله الحمد لكن مشكلتي اني نحيفة نوزن 42 وطولي 165
لما جا كيشوفني حشيت روحي بلبسة كبنت رشيقة وانا اقل من المعدل الطبعي للوزن المتالي
ولما سولته تبغي السمينة ولى النحيفة قالي السمينة
المهم انا جربت بزاف خلطات ووزني مابغاش كيتحرك رحت لطبيب عملت فحوصات قالي لاباس عليك ماخصكش
حترت خاصة انو بعت يماه تحدد موعد العرس
وانا عظم على عظم
اش نعمل شيروا عليا خاوتي ربي ينوركم

[أم أسماء وعبد الرحمن]

يا أختي الصراحة ضرورية قبل الزواج ومن حق كلا الزوجين أن يعرف عيوب الآخر.
لذا أنصحك بمصارحته الآن ربما يقبل بشكلك أفضل من تكتمي الأمر إلى مابعد الزواج حينها تجدين نفسك في مشكل آخر.

[beautifulmin85]

السلام عليكم

اولا الرضى بالقضاء والقدر من لوازم الايمان مهما تكن النتائج على المسلم(ة) الرضى بها

ثانيا الصدق والمصارحة من اساسيات الحياة الزوجية خاصة خاصة في البدايات ...

اعطاك الله الجمال فهذا مرغوب ولم ترزقي بالجسم الممتلئ وهذا ليس ضروري ويمكن اكتسابه اما بالاعشاب والغذاء الصحي

او بعد الزواج فالمراة غالبا تكسب صحتها ويمتلئ جسمها بعد الزواج ...

كل شيء بالمفاهمة والصدق منجاة فيجب المصارحة واياك ان تبدئي حياتك بالخداع والاخفاء ...

وربي يتمملك بما فيه الخير لك وله ....

[~أمة الله~]

السلام عليكم ورحمة الله وبركاته أختي
أولا أختي الفاضلة كانت غلطة فادحة أن حاولتِ التدليس على خطيبك بصفةٍ غير صفَتك لأنّ مَن يُريدك ويقبلك؛ يقبلك على هيئتك وطبيعتك، فاستغفري الله من هذا الأمر.
ثانيا: أتَّفِق مع الإخوة والأخوات على المصارحة، أو على الأقل أن يعرف هيئتك وطبيعتك ويقرّر بعدها، وفي نفس الوقت تبحثين عن حلول لنفسكِ...
ثالثا: فيما يخصّ مشكلة النّحافة، فما أعرفه أنّه يجب عليكِ الذهاب للطبيب وعمل تحاليل، بخاصّة ما يتعلّق بالغدة الدرقية والله أعلم، فعلى حسب علمي أنّ زيادة إفرازاتها يعني معدّل أيض وحرق أكبر، فتأكدي...
أمّا حلّك إن شاء الله على حسب معرفتي البسيطة:
1- متابعة سعراتك الحرارية اليومية لمدّة معينة لتعرفي بالضّبط كم تستهلكين في اليوم، يعني في ورقة أو كرّاس تكتبين كلّ ما تأكلينه وبالتقريب كم فيه من سعرة حرارية، وفي آخر اليوم ترين كم استهلكتِ من سعرة، ولعلّ موضوع الأخت زينب هذاhttps://www.djelfa.info/vb/showthread.php?t=1718870
يساعدك ، لأنّه من الممكن جدّا أنّك تأكلين تحت المعدل الطبيعي ولا تنتبهين لذلك، فيُعينكِ هذا التدوين لِما تأكلين في اليوم على معرفة الخلل.
2- بعد معرفتكِ لذلك تقومين بالبحث عن سعراتك الحرارية للتوازن = maintenance calories، يعني كم يجب أن تستهلكي لكي تبقي في نفس وزنك = 42 كغ، وتزيدي على هذا الرقم الذي وجدتيه حوالي 300 سعرة مثلا لكي تزيدي من وزنك، بإمكانِكِ حساب سعراتك بالاستعانة بهذا الموقع: https://www.iifym.com/iifym-calculator-stepped/?g=female
،اختاري جنسك، ونوع القيس بالمتر(metric) وليس القياس الأمريكي وتابعي الخطوات الأخرى من خلال الموقع، الجميل في الموقع أنّه يحسب لكِ أيضا مقدار السعرات الحرارية التي تحتاجين إليها لزيادة وزنك وهذا ما تبحثين عنه إن شاء الله.
فقط أنبّه هنا: أنّ الموقع تظهر فيه بعض صور النساء غير اللائقة( من قبيل صور قبل وبعد فقدان الوزن) على عادة المواقع الأجنبية، فأبرأ إلى الله مِمّن يدخل ليراها أو لا يغض البصر عنها، بل وضعت الموقع للاستفادة.
3-تقومين بعمل رياضة بناء عضلات = strength training، يعني تشترين أوزان تُباع عند محلّات مُستلزمات الرياضة، وتتابعين برنامج لبناء العضلات بشكل تدريجي، لأنّ أفضل طريقة لبناء جسم متناسق هي بناء عضلات مع نسبة دهون معيّنة لتحافظي على شكل الجسم الأنثوي.
وعندك قناة في اليوتيوب اسمها fitness blender ، تابعي معهم هذا النّوع من الرياضات خصوصا مع المرأة (اسمها kelli)، وأكرّر بناء عضلات لا التمارين الهوائية cardio، يعني لا جري ولا نط لأنّه لن ينفع في حالتك بل يزيد الأمر سوءًا، لذلك عليك وعلى بناء العضلات بشكل تدريجي، مع الوقت ستبنين كتلة عضلية وتزداد نسبة الدهون لديكِ بشكل سليم وليس بشكل مرضي -سُمنة- إن شاء الله، المهم التدرّج والصّبر.
4- التغذية السليمة،لا تضيعي وقتكِ من الخلطات المليئة بالسّكريات وغيره، كُلي بشكل متوازن: خضروات، فواكه، بقوليات، لحوم وغيره، لكن أهمّ شيء في بناء العضلات بعد التمرين هو أخذ حاجتك الضرورية من البروتينات لأنّها لبِنة بناء العضلات، لذلك زوّدي من أكل البروتينات، والقاعدة بصفة عامة وبشكل متوسط لكلّ 1كغ من وزنك= 0.80 غ إلى 1 غ بروتين، يعني 42كغ= 42*0.80، والبروتينات أشكال مختلفة: لحوم، أسماك، بيض، بقوليات، مكسّرات، بعض البذور مثل الكتّان، وبذور الشِيا، القرنطيطة :)، فوازِِني وسدّدي وقاربي.
5- اسعي لاكتساب ثقافة غذائية ورياضية، من الصّفحات الجيّدة في الفيس بوك صفحة أخ مصري اسمه : سفّاح الفات - fat slayer يضع معلومات مفيدة جدّا.
هذا ما تيسّر، ولستُ خبيرة لكنّي مُحبّة لهذا المجال، فابحثي وكوّني ثقافة في هذا الموضوع.
وفقكِ الله وأعانكِ.
والله أعلم

[kacimo.samy]

السلام عليكم
عندي صديق ياكل مليار وما يسمنش

يا اخت الكريمة نقصي تخمام هذا حلك والله تسمني

ديجا هذا تخمام تاع العرس وكون يفيقلي ضيعتي واحد 2 كغ
وزيدي قوليلو وين العيب ؟؟
ولا جيبيهالو بالعقل قليلو والله العرس وتخمام فيه طيحلي كيلوات


ربي يسمنك ان شاء الله قد ما تحبي
(اذا شفتي واحد سمين اعرفي بلي ما يخممش وبالو هاني)
سلام

[رضاك يا ربي]

انت على الاقل حكمت الطول
انا ماحكمت لا طول لا عرض قبل الزواج.....هههه
كما قال الاخ لي قبلي التخمام يلعب دور كبير
كي تكوني تخممي في حاجة والله ما تاكلي ما اسناني
اذا حبيتي صح تسماني كولي قلبك كيما يقولو
انا مع تزوجت والله بديت نسمان ولله الحمد
وزيد مع التخمام تاع العرس والتواجد تزيدي كثر
بصح لازم تصارحي خطيبك بلي انت نحيفة والله ماهو عيب
ااهم حاجة ماكيش مريضة وهذا هو الصح
كولي الحلبة مع الياغورت أو المكسرات مع العسل كاين
طرق كثيرة بصح نصيحة ليك بالاك تشري أدوية من عند الصيدلي
لله تنفخك راهي مضرة جدا على الصحة
ما تقلقي روحك ماوالو كولي مليح برك
ربي يهنيك اختي 🍴🍴🍴🍴🍴🍴🍴🍴🍝🍝🍝🍝🍝

[toulay]

السلام عيكم
انا نحير فالعباد لتحشم بروحها يا اختي انت رقيقة رقيقة point barre علاش رايحة تحشي روحك باللبسة بلاك حتى وليتي متقدرش تمشي
ليحبك يحبك لشخصك مشي لسمينة ولا طويلة ولا شابة
وتاني حاجة حيرتني هاذي خطبة تقليدية ولا كيفاش يعني كنتي تعرفوا من قبل ولا دلوه عليك لانو كون مثلا كنتي تعرفوا من قبل على الاقل يشوفك مين تروح تخدم الا اذا فالخدمة تاني تكثر اللبسة
يا اختي الصراحة مليحة متخليهش يدي عليك فكرة سيئة من البداية قادر يقول حاجة بسيطة مصارحتنيش بيها وين جات حاجة كبيرة راح يولي ديما موسوس من جيهتك
وهي فالحقيقة كل شيء وراحة البال الناس لمتهنية وماعندها في واش تخمم هوما لراهم بصحتهم الله يبارك لعقوبة ليك ان شاء الله
بالتوفيق

[om_hadil]

انت نحيفة،،، يا بختك ،،، انا أحسدك

و الله الناس راهي تدفع الملاييييين لتنحف

شوفي اذا النحف وراثي عندكم فلاداعي لتجريب الخلطات لأنك ستتعبي،،، اما اذا كنت انت فقط اللي نحيفة فأنا اعرف وحدة نحيفة سمنت بهاته الوصفات،،، كانت 45 و في عرسها و في اقل مت ثلاث اشهر دخلت عالم الستينات

اولا كانت تشرب حليب غبرة مع ماء و تثقلو و تضيف حبوب الخميرة،،، تشرب على الأقل لترين في اليوم

و تاكل ياوورت مع حلبة مطحونة و ع¤وفريط

و تحمص النخالة و تضيف لها معجون المشمش و تاكل كل وقت،،،،

و صنعت علبة كبيرة فيها عسل النحل و نيوتيلا،، و كل المكسرات،،،

و الله تغيرت 120 درجة ،، ،،، ربي يهنيك ،،، و يسمنك و انت بصحة و عافية

[سَامِيَة]

ربي يهنيك أختي
ليس لدي ما أضيف فقط التزمي
بالنصائح السابق ذكرها خاصة
وأنك موظفة وعندك مدخول

وتهلاي لما تتزوجين اعتمدي على
سياسة تخبي الشمس بالغربال
يلزمك تكوني واثقة من نفسك و
محبة لشكلك كيفما كان المجتمع
الإنسان الكامل والكامل ربي ولم
يتركوه بشأنه ما بالك بمن يسمح
لنفسه بأن يمسكو عنه نقاط ضعف

ربي يكملك وبالتوفيق

[sohaibdz]

الحاجة لي تبدا بالخدع تكون نهايتها ماش مليحة

[لمسة ابداع]

و الله ضحكت من بعض الردود واحد يقولك اللي تبدا بالخدع ما عرف وااااش
ربي خلق السمين الضعيف الطويل لقصير
علاه تقليقي في روحك يخي هو شافك النهار الاول وقبل بيك خلاص
الزواج اكثر من يكون عندك طااااي شابة كوني رزينة و على قد المسؤولية يشوفك زينة النسااااا

[beautifulmin85]

و الله ضحكت من بعض الردود واحد يقولك اللي تبدا بالخدع ما عرف وااااش
ربي خلق السمين الضعيف الطويل لقصير
علاه تقليقي في روحك يخي هو شافك النهار الاول وقبل بيك خلاص
الزواج اكثر من يكون عندك طااااي شابة كوني رزينة و على قد المسؤولية يشوفك زينة النسااااا

نظن صاحبة الموضوع هي بنفسها من كتبت :




لما جا كيشوفني حشيت روحي بلبسة كبنت رشيقة وانا اقل من المعدل الطبعي للوزن المتالي
ولما سولته تبغي السمينة ولى النحيفة قالي السمينة

[ام شرفو]

ديري الحلبة مرحية مع العسل

[Hanan salim]

غلط وحرام تخدعي خطيبك عند الرؤيه الشرعيه . روحي على أخصائية تغذيه تعملك برنامج وحصص اكل معينه يزيد وزنك فيها . بنت عمي كانت متلك بس هيا اقصر شوي وراحت وصار جسمها حلو كتير

[noeddin]

ربما لايعطي الأمر اهمية ،بقدر ما تشعرين بها، الزواج اكبر من مجرد سمينة او رقيقة ، اعتقد انه الوسواس فقط
راكي بخير ما تتوسوسيش ، ربي يكمل بالخير وزواج سعيد ان شاء الله
عرضوني للكورطيج

[رندة نهاد]

شكون بقى يحب السمنة
😕😕😕😕😑😑😑 راسو و ش فيه
!!!!!!نتي لاه تسقسي فيه بينتيلو اصلا بلي راكي متحسسة من الموضوع طنشي ولا علابالك كي يجبدلك قولو منحبش نكون سمينة والي نلبسها مجينيش حتى نتي تعاملي بذكاء

[ع.عيسى]

حقيقة لا يمكن الاستهانة في هذه الامور.. ...ما كان عليك الكذب على خطيبك ....فما ارتكبته يعتبر خديعة ......ما عليك سوى بمصارحته بحقيقتك قبل الزواج وهو انك نحيفة بالطبع لا تقولي له انك هيكل عظمي ... ....هذا يعتبر افضل من ان نتستمري في كذبك عليه ثم تحذث له صدمة كبيرة في ليلة الدخلة ويكتتشف حقيقتك فيكرهك ....ثم ليكن في علمك ان اغلب النساء يزيد وزنهن بشكل كبير بعد الزواج والانجاب ..ثم حذاري من الادوية المسمنة والحبوب فهي تهلك وتشوه جسدك ......مشكلتك ليس في نحافتك لانهاطبيعية و مؤقتة بل في كذبك على خطيبك بانك تمتلكين الجسم الممتلئ المثالي لتحذث له فاجعة في ليلة الدخلة .....صارحيه حتى لا ينصدم ويتقبلك كما انت ...وحتى وان حذث الأسوء وهو انه يبطل لا قدر الله فهو يعتبر افضل من ان يكرهك بعد الزواج ويعود يسبب عليك باش يطلقك .........الله يقدم ليك لي فيه الخير

[لمسة ابداع]

نظن صاحبة الموضوع هي بنفسها من كتبت :


ربي يهديك اخويا على سوء الظن من خلال اللهجة مبين انو صاحبة الموضوع من الغرب و انا من الشرق الجزااااءري
هي المواصفات الي حكات عليها تشبهني لكني لست مخطوبة و جامي تشوكيت من روحي لانو ضعيفة اني قانعة بواش عطاني ربي
ربي يهديييييييك

[22bilal bilal]

ههه استاذة الوقت الاخير
ينهون عن الكذب ويكذبون