فترة الخطوبة (Trial period)

[kacimo.samy]

السلام عليكم
لي صديق خطب فتاة
وبعد مدة تم فسخ..
بعدها زاد خطب اخرى وتزوجها ولي كانت معه تزوجت
المهم سألت عن سبب؟؟
قيل لي انها كل ما تريد تحدث معه في الهاتف يرفض
حتى هي خافت ان يكون شخص سلفي ويحرم عنها الخروج ويغلق الباب عليها و يحرمها من عملها لانها استاذة ففسخت.. (سلفي حسب منظورها)
حسب رأيي قلت له من حقها وحتى انت قلت له... انت ايضا على اقل تعرف عنها .. لو تجدها عكس ما كنت تريد ..وانت متزوجها؟؟ تطلقها؟ على اقل تحدثوا في حدود...
ما رأيكم ؟
يوجد من وجدها عكس ما كان يريد... مثلا يوجد شخص عندما يعود للمنزل يقول لزوجته اليوم العشاء خارجا ترفض هي؟ كل ما يطلب شئ هو عادي لكن ترفضه.... حاليا يفكر في طلاق..
حتى نساء يعانون في ازواجهم ؟
أليس فترة الخطوبة فترة تعارف؟؟ في حدود معقولة

[toulay]

وعليكم السلام ورحمة الله وبركاته
الناس عقليات
كاين لميحبش لحكايات تاع التلفون وكاين لنهار طول وهوما يهدروا 24/24 هكذا تولي سماطة
حتى نحير فيهم نقول واش قاعدين يحكوا هاذو صدقني حتى يلقاو رواحهم يحكوا في حوايج تافهة تقتل
ياسيدي مين يحكوا مع بعض احكوا في حاجة مفيدة مثلا تسقسي على الاحوال تاعو احوال دارهم كيفاش كان اليوم فالخدمة تعب بزاف ولا لا واش يحب واش يكره يحكوا على المستقبل تاع اولادهم وساعة على ساعة يحكوا على حاجة d'actualité باش يكسروا الروتين
نعم في فترة الخطوبة يتعرفوا على بعض بصح لازم شويا ذكاء لانو كل طرف يحب يبان هو الافضل
على سبيل المثال اذا الرجل غلط راح يدير المستحيل باش تصالحوا البنت ويحرق عليها التلفون وهي زعمة مشنفة وتدلل بصح une fois يتزوجوا ياو تزعف ولا تخبط راسها فالحيط هي كل واحد وكيفاش طبعا كيما يقولوا لكل قاعدة استثناء
ربي يستر وخلاص
بالتوفيق

[kacimo.samy]

وعليكم السلام ورحمة الله وبركاته
الناس عقليات
كاين لميحبش لحكايات تاع التلفون وكاين لنهار طول وهوما يهدروا 24/24 هكذا تولي سماطة
حتى نحير فيهم نقول واش قاعدين يحكوا هاذو صدقني حتى يلقاو رواحهم يحكوا في حوايج تافهة تقتل
ياسيدي مين يحكوا مع بعض احكوا في حاجة مفيدة مثلا تسقسي على الاحوال تاعو احوال دارهم كيفاش كان اليوم فالخدمة تعب بزاف ولا لا واش يحب واش يكره يحكوا على المستقبل تاع اولادهم وساعة على ساعة يحكوا على حاجة d'actualité باش يكسروا الروتين
نعم في فترة الخطوبة يتعرفوا على بعض بصح لازم شويا ذكاء لانو كل طرف يحب يبان هو الافضل
على سبيل المثل اذا الرجل غلط راح يدير المستحيل باش تصالحوا البنت ويحرق عليها التلفون وهي زعمة مشنفة وتدلل بصح une fois يتزوجوا ياو تزعف ولا تخبط راسها فالحيط هي كل واحد وكيفاش طبعا كيما يقولوا لكل قاعدة استثناء
ربي يستر وخلاص
بالتوفيق
مرحبا تولاي
ديك تاع 24/24 يهدرو ديك قلم موش مرفوع عليهم..
وكيما قلتي شويا ذكاء ...مثلا عن نفسي نوريك لحاجة سامطة فيا باه غدوة ما تنخلعيش فيا ...
وهذي تاع زعاف ممم والله كل شخص وكيفاه
المهم اسعدني مرورك وبتوفيق لك

[_اميرة الصمت_]

ههههه انا من الذين لا يتحملون الكلام في الهاتف لاكثر من 15 دقيقة '' اذا طولت خخخخ'' والله


نعم فترة الخطوبة فترة تعارف بصح كل واحد منهم يحب يبين غير الحاجة المليحة لي عندو يعني بعد الزواج تتبدل العقلية '' خاصة بالنسبة للرجال يولي يبين روحو مليح و في الاخير ...'''
هههه حسيت روحي تفلسفت بزاف
على كل حال يبقى التعارف مطلوب قبل الزواج على الاقل تعرفو بعضاكم كيفاه تخمو
سلام ...

[mohamed nadim]

وساعة على ساعة يحكوا على حاجة d'actualité باش يكسروا الروتين

بالتوفيق

هههههههههه
كوريا الشمالية
ارتفاع سعر أورو
ارتفاع الطماطم

على كل حال ربما من الواجب الكلام
قال هاي عقليتي كيفاش دايرة
عجبك الحال الهم بارك
ما عجبكش قص قرمط

[جَمِيلَة]

السلام عليكم ورحمة الله وبركاته
مرحبا أخي قاسم
نعم أوافقك الرأي فترة الخطوبة هي فترة تعارف ولهذا شرعت
لكن وفقا لضوابط معينة يجب التقيد بها
لذلك على كل مقبل ومقبلة على الزواج أن يقرأوا عن آداب الخطبة
تحضرا لها وحتى يتجنبا المخالفات الشرعية ولا ينبغي أن يغلو الإنسان في دينه، فيمنع أمورا أحلها الله بشكل أو بآخر،
بل عليه تحري اتباع الطرق الشرعية السليمة ولا خوف عليه بإذن الله
ومن المستحسن أن يقتني الواحد منا كتبا مناسبة لكل مرحلة هو مقبل عليها، وأن يستفتي أهل العلم فيما يستشكل عليه،
لمزيد من التفقه والتثقف وللاحاطة والالمام بالحقوق والواجبات وأبجديات التعامل وهذا أضعف الإيمان
أتمنى أنني وفقت رغم كونه كلاما عاما وغير دقيق لأنني أخشى أن أتكلم بما لا أعلم فأقع في أخطاء لا تغتفر:o
رزقنا الله وإياكم خيري الدنيا والآخرة
تحياتي

[kacimo.samy]

ههههه انا من الذين لا يتحملون الكلام في الهاتف لاكثر من 15 دقيقة '' اذا طولت خخخخ'' والله


نعم فترة الخطوبة فترة تعارف بصح كل واحد منهم يحب يبين غير الحاجة المليحة لي عندو يعني بعد الزواج تتبدل العقلية '' خاصة بالنسبة للرجال يولي يبين روحو مليح و في الاخير ...'''
هههه حسيت روحي تفلسفت بزاف
على كل حال يبقى التعارف مطلوب قبل الزواج على الاقل تعرفو بعضاكم كيفاه تخمو
سلام ...



خاصة رجال ؟؟ نساء لالا -_-
المهم كل واحد يكون ذكي ويعرف صفات الشخص الاخر
شكر نسرين لمرورك

[kacimo.samy]

السلام عليكم ورحمة الله وبركاته
مرحبا أخي قاسم
نعم أوافقك الرأي فترة الخطوبة هي فترة تعارف ولهذا شرعت
لكن وفقا لضوابط معينة يجب التقيد بها
لذلك على كل مقبل ومقبلة على الزواج أن يقرأوا عن آداب الخطبة
تحضرا لها وحتى يتجنبا المخالفات الشرعية ولا ينبغي أن يغلو الإنسان في دينه، فيمنع أمورا أحلها الله بشكل أو بآخر،
بل عليه تحري اتباع الطرق الشرعية السليمة ولا خوف عليه بإذن الله
ومن المستحسن أن يقتني الواحد منا كتبا مناسبة لكل مرحلة هو مقبل عليها، وأن يستفتي أهل العلم فيما يستشكل عليه،
لمزيد من التفقه والتثقف وللاحاطة والالمام بالحقوق والواجبات وأبجديات التعامل وهذا أضعف الإيمان
أتمنى أنني وفقت رغم كونه كلاما عاما وغير دقيق لأنني أخشى أن أتكلم بما لا أعلم فأقع في أخطاء لا تغتفر:o
رزقنا الله وإياكم خيري الدنيا والآخرة
تحياتي



شكرا اخت جميلة على تعقيبك

صدقتي فيما قلتي المهم الحديث يكون ضمن ضوابط شرعية


اللهم امين

^ ^!

[قرويجة]

السلام عليكم أخي قاسم
أه أه ه ه ......من فترة الخطوبة كانت أجمل أيام عشتها في حياتي الإحترام و القدر الكلام الزين الأحلام الوردية العصافير و الأزهار :1:
وبعد الزواج تهدم كل شي وبقى غير الصح
يقولو الخطاب رطاب ........حذاري

[kacimo.samy]

السلام عليكم أخي قاسم
أه أه ه ه ......من فترة الخطوبة كانت أجمل أيام عشتها في حياتي الإحترام و القدر الكلام الزين الأحلام الوردية العصافير و الأزهار :1:
وبعد الزواج تهدم كل شي وبقى غير الصح
يقولو الخطاب رطاب ........حذاري
ما تخلعيناش -_- :1::1:

لاشك طريقتي تصلح :rolleyes::rolleyes::rolleyes::rolleyes:

شكرا اخت حبيبة لمرورك

[FATIHA131]

صحيح فترة الخطوبة هي فترة تعارف في حدود معينة
يعني لوكان ينخطبو 3 ولا4 سنين متنجمش تعرف الشخص الاخر الا بالعشرة
و انا منفظلش طول الفترة يعني على الاكثر سنة
عجبتني نتاع نبين الحاجة السامطة فيا ههههههههه
وربي يسهل لكل واحد

[visa uk]

الله يهديك اخي كثرو السلفيين تاع الخرطي والهف هل كل واحد يطلق لحية وقميص وسواك تقول عليه سلفي الله يهديك مرة اخري هل تعرفو جيدا باش تحكم عليه سلفي تاع لصح ملتزم جدا الخ لانهم قلال جدا سلفي حقيقي وليس خرطي نعرف واحد لاعبها سلفي من مسجد مايخرجش ويضل يصلي صلوات حمس دائما واحيانا يلبس نصف ساق وكي ينضر للنساء يلعبها والو عينيه كي تتمعن فيهم تقول هدا سبحان الله اخينا صح صدقني مرة لقيتو في مقهي نت يدردش مع نساء اقسم لك بالله نساء متبرجات طبعا لم يلاحضني اخي وانا لاحضته هدا من احد ابناء مدينتي اعرفه ودرس مع صديقي وطالق لحية مش طويلة لحية عادية جدا ويبان عاقل لكن حبيث في عقلو يدردش مع نسوة وايضا فايس بوك وفايبر وووو اخي لاتغرك المضاهر ابدا بزاف منهم سلفيين بالاسم فقط وليس فعل هدو منافقين كبار ويموتو علي نساء وخبثاء حاشا بعض طبعا لي عمرو مايتبع النساء او لديه غريزة حب النساء الخ وكاين لي يتكلم امور معاها كاي شخص بدون لحية او شخص سيفيليزي كما نقولو اخي

[kacimo.samy]

صحيح فترة الخطوبة هي فترة تعارف في حدود معينة
يعني لوكان ينخطبو 3 ولا4 سنين متنجمش تعرف الشخص الاخر الا بالعشرة
و انا منفظلش طول الفترة يعني على الاكثر سنة
عجبتني نتاع نبين الحاجة السامطة فيا ههههههههه
وربي يسهل لكل واحد

مرحبا

4سنوات كثير وكما تفضلتي بعد عشرة كي تعرف لكن على اقل تعرف بعض اشياء عن النصف الاخر

وبالنسبة لديك لي عجبتك ..هكذا احسن تضمنها وتعرف عليك كل شئ موش غدوة تخلعها -_- (خويا هذا هوالقماش عجبك ادي ما عجبكش خلي تاع جمعي فاميلي بشرى كي حبوا يخطبوها خخخخ )

سرورت بمرورك اخت فتيحة

[kacimo.samy]

الله يهديك اخي كثرو السلفيين تاع الخرطي والهف هل كل واحد يطلق لحية وقميص وسواك تقول عليه سلفي الله يهديك مرة اخري هل تعرفو جيدا باش تحكم عليه سلفي تاع لصح ملتزم جدا الخ لانهم قلال جدا سلفي حقيقي وليس خرطي نعرف واحد لاعبها سلفي من مسجد مايخرجش ويضل يصلي صلوات حمس دائما واحيانا يلبس نصف ساق وكي ينضر للنساء يلعبها والو عينيه كي تتمعن فيهم تقول هدا سبحان الله اخينا صح صدقني مرة لقيتو في مقهي نت يدردش مع نساء اقسم لك بالله نساء متبرجات طبعا لم يلاحضني اخي وانا لاحضته هدا من احد ابناء مدينتي اعرفه ودرس مع صديقي وطالق لحية مش طويلة لحية عادية جدا ويبان عاقل لكن حبيث في عقلو يدردش مع نسوة وايضا فايس بوك وفايبر وووو اخي لاتغرك المضاهر ابدا بزاف منهم سلفيين بالاسم فقط وليس فعل هدو منافقين كبار ويموتو علي نساء وخبثاء حاشا بعض طبعا لي عمرو مايتبع النساء او لديه غريزة حب النساء الخ وكاين لي يتكلم امور معاها كاي شخص بدون لحية او شخص سيفيليزي كما نقولو اخي

سلام
فكرتني في واحد كي تقولوا الله يهديك يقولك راك تشوف فيا نحرق في الحسيار تاع المسجد ههه
المهم اللهم امين اجمعين
بالنسبة للسلفي ام لا.. اول شئ هو يمثل نفسه ولا يمثل اسلام ودين
وحتى المشايخ والائمة

لذلك انا عندما التقي معهم اجلس اتحدث معهم عادي مثلو مثل اي شخص وحتى لو يخدعني ..عادي ..يعني يخدعني شخص لابس شورط نورمال وهو لالا(لا اقصد اساءة الى اصحاب الشرطوات)
وكل واحد يتحاسب وحدو وعلى افعاله

وشكرا لك اخي الفاضل على تعقيب سرني مرورك

[رندة.]

الخطوبة خطوة مهمة قبل الزواج، يتعرف من خلالها الطرفين على بعضهما البعض، لكن المعرفة الحقيقية راح تكون بعد الزواج فعلا. لأنو كيما قالت قرويجة مرحلة الأحلام الوردية وامبعد تجي وراها المسؤوليات.
ومهما طولت فترة الخطوبة تبقى أمور غامضة بين المخطوبين لا تظهر الا بعد الزواج..... كل واحد ووحدة يدعي الله يرزقه الزوجة أو الزوج الصالح.

[بناتي نور العين]

لهذا السبب لم اتكلم انا وزوجي حفظه الله في فترة الخطوبة الا شهرا واحدا و تزوجنا خوفا من المشااكل :)

صدقوني التيليفون والهدرة السامطة راهي تنحي الاحترام و يكثرو المشاكل

[kacimo.samy]

لهذا السبب لم اتكلم انا وزوجي حفظه الله في فترة الخطوبة الا شهرا واحدا و تزوجنا خوفا من المشااكل :)

صدقوني التيليفون والهدرة السامطة راهي تنحي الاحترام و يكثرو المشاكل


السلام عليكم
اتفق معك اختي الفاضلة
قلنا في حدود معقولة
سرني مرورك ^ ^!
ربي يحفظكم ويهنيكم

[طالبة لها هدف]

في رايي فترة الخطوبة مرحلة مهمة لاتفاق الزوجين
رغ ماني لست فقيهة في هاته المور الا انني رايت ممن لم يتحادثوا في فترة الخطوبة والمشاكل التي حدثت بسبب عدم تعرفهم على بعضهم
لذا انا انصح بهاته المرحلة في حدود الشريعة

[الفارس النبيل 93]

إدا كان قد عقد عليها العقد الشرعي فإنها تحل له ويحق له الكلام معها في الهاتف وأكثر

وإن كان لم يعقد عليها بعد فهما اجنبيان عن بعضهما ولا يجوز لهما أن يتكلما في الهاتف

وهده من الأمور المعلومة من الدين بالضرورة ولكن يتجاهلها الناس

[فافا مينوشة]

تليفون يخسر بدليل خطبتي الاولى قبل زواجي سببها تليفون بعدها استغلوها بعض الاطراف من عايلتو
حمد الله خطبتي تانية محكيت فيها بزاف نحكو مش باستمرار وراني متزوجة وببنتي وحمد الله

[ابو سليمان10]

انا مع عدم الحديث لانه لا فائدة منه....مجرد هراء و نفاق

[بشـرى]

رأي الشرع واضح وجلي في هذا الأمر ... لكن بالنسبة لي سواء تكلما لساعات أو لدقائق أو لم يتكلما نهائيا فالأمر سيان ، عقلية الشخص لا تُعرف إلا بالعشرة والعيش تحت سقف واحد ، تقبل الطرف الآخر بغض النظر عن المساويء والمحاسن هو الحب والمودة بالنسبة لي ، أما خلال فترة الخطوبة فكل طرف سيحاول تغطية عيوبه ومحاولة الظهور على أنه ملاك منزل من السماء ، فما فائدة العيش في الأحلام الوردية في فترة الخطوبة ثم الإصطدام بواقع آخر بعد الزواج ...

[kacimo.samy]

رأي الشرع واضح وجلي في هذا الأمر ... لكن بالنسبة لي سواء تكلما لساعات أو لدقائق أو لم يتكلما نهائيا فالأمر سيان ، عقلية الشخii_uص لا تُعرف إلا بالعشرة والعيش تحت سقف واحد ، تقبل الطرف الآخر بغض النظر عن المساويء والمحاسن هو الحب والمودة بالنسبة لي ، أما خلال فترة الخطوبة فكل طرف سيحاول تغطية عيوبه ومحاولة الظهور على أنه ملاك منزل من السماء ، فما فائدة العيش في الأحلام الوردية في فترة الخطوبة ثم الإصطدام بواقع آخر بعد الزواج ...

سلام طيف امل
صدقتتي هي بعد العشرة والمواقف
لكن حتى قبل الزواج الناس تختلف كل واحد يعرف انه سيرتبط
وعليه تمعن ومعرفة الى اين ذاهب...
لذلك في تلك الفترة ليس عليك اظهار جانبك الجيد وانما العكس اي شئ الغير جيد اظهره و انظر هل تتقبله حتى الشريك اخريعمل نفس شئ

انا اتقبل مساوئك قبل محاسنك..
سلام سرني مرورك طيف

[kacimo.samy]

في رايي فترة الخطوبة مرحلة مهمة لاتفاق الزوجين
رغ ماني لست فقيهة في هاته المور الا انني رايت ممن لم يتحادثوا في فترة الخطوبة والمشاكل التي حدثت بسبب عدم تعرفهم على بعضهم
لذا انا انصح بهاته المرحلة في حدود الشريعة


سلام

في حدود الشريعة
تحياتي دكتورتنا



إدا كان قد عقد عليها العقد الشرعي فإنها تحل له ويحق له الكلام معها في الهاتف وأكثر

وإن كان لم يعقد عليها بعد فهما اجنبيان عن بعضهما ولا يجوز لهما أن يتكلما في الهاتف

وهده من الأمور المعلومة من الدين بالضرورة ولكن يتجاهلها الناس
سلام
االله يبارك فيك

[kacimo.samy]

تليفون يخسر بدليل خطبتي الاولى قبل زواجي سببها تليفون بعدها استغلوها بعض الاطراف من عايلتو
حمد الله خطبتي تانية محكيت فيها بزاف نحكو مش باستمرار وراني متزوجة وببنتي وحمد الله
سلام
شكرا لتجاوبك

تحياتي


انا مع عدم الحديث لانه لا فائدة منه....مجرد هراء و نفاق
سلام
شكرا

تحياتي

[*** عبق الزهور ***]

السلام عليكم
صراحة اعتقد ان كثرة الحديث تجلب المشاكل فقط
اما بخصوص ان كل منهما يعرف عقلية الاخر من خلال بعض الكلمات فهذه اكذب مقولة عرفها التاريخ
لان تلك الفترة تجعل كل منهما يبين الجانب المضيء والعشرة هي الصح في بعض الاحيان تجد عائلتك لي نصف حياتك وانت معاهم وماتفهمش حتى كيفاه يخمو
على كل الله المستعان

[kacimo.samy]

السلام عليكم
صراحة اعتقد ان كثرة الحديث تجلب المشاكل فقط
اما بخصوص ان كل منهما يعرف عقلية الاخر من خلال بعض الكلمات فهذه اكذب مقولة عرفها التاريخ
لان تلك الفترة تجعل كل منهما يبين الجانب المضيء والعشرة هي الصح في بعض الاحيان تجد عائلتك لي نصف حياتك وانت معاهم وماتفهمش حتى كيفاه يخمو
على كل الله المستعان

تم تقييم
هههه
والله عندك الحق
بصح قلنا نتا وقفازتك ههه علاه تبين جانب المضئ ونبعد تحصل
وريلها ظلمة وتتعلق بضلمتك ونبعد كي تلقا الضوء تزيد تفرح -_-
تحياتي سارة

[محمد جديدي التبسي]

كلما كانت العلاقة محدودة في فترة الخطبة كان الزواج أنجح
وكلما كثرت التجاوزات والاتصالات كثرت المشاكل وزالت البركة من هذا الزواج.
وعلى نياتكم ترزقون ... تحسب ولا ما تحسبش.