منهارة ويائسة من الحياة

[مشكلتي]

السلام عليكم ورحمة الله
انا طالبة جامعية 20 سنة من اسره محافظة
مشكلتي انه تقدم لي شخص مصلي مستقيم من عائلة محافظة بوظيفة ممتازة
استخرت ووافقت
عملنا خطوبة رسمية وحددنا موعد العرس والعقد الشرعي
هدرت معه في الهاتف مرات قليلة واحيانا رسائل فقط
بعدها اتصل بي يخبرني انه لا يشرفه ان يتزوجني وانه خدع من طرفي
وهدرة بزاف سيئة فيا وانه ربي يبغيه فاق بيا
انا تفاجات مالقيت مانقوله
تحطمت كليا وانهرت نفسيا وفقدت الثقة بنفسي ومانجمتش لنروح نقرا او نقابل الناس
شتاندير
ارجو حدف الموضوع بعد 2 يوم

[مصطفى_س]

السلام عليكم

الامر عادي جدا و هذه نتيجة صلاة الاستخارة
ادرسي و اخرجي و كوني كما كنت قبل معرفته
قد يكون احدهم اخبره بشيء ما و ما اكثرهم

لا تنظري الى الوراء هو ذهب ليعيش حياته انت كذلك
كلامي موجه اليك في حالة الوالدين يعرفون عن فسخ الخطبة
اما في حالة عدم معرفتهما فهنا تتغير المفاهيم

[nina hnina]

ربما ربي شاف. فيها خير ربي يعوضك

[Hanan salim]

مافي نصيب كملي حياتك طبيعي هاد مطب لا توقفي عندو الحياه فيها مطبات كتيييييررر كوني قويه واتحدي الهم والقهر وأحمدي رب العالمين لعله خير وعسى ان تكرهو شيئاً وهو خيراً لكم

[* الحلم سكر *]

أقراي مواضيعي تفهيمي لي راكي في نعمة انا صراتلي بعد العقد نقول يا ليتو دارها قبل و مع هذا الحمد الله و الحمد لله كثيرا
الراجل يواجه ماشي يبعثلك كلمتين و يهرب و حتى نقولو وصلو كلام غالط يتحرى و يواجه
نقلك ما يغركش المنصب و الاخلاق البرا لي شخصيتو ضعيفة ما عندك ما تديري بيه روحي صلي ركعتين شكرا و اصبري به ربي سبحانه يعوضك خير
حطي نقطة و خبري اهله و انسيه و لي يسقسيك برا قولي مكتوب و فض و ربي يعوضك ما خير مازلتي صغيرة

[جَمِيلَة]

السلام عليكم ورحمة الله وبركاته
مرحبا أختي السائلة
أدعو الله عز وجل أن يحميك من تشوه السمعة وربما سمع كلاما من محيطك جعله يتخذ هذا القرار كوني متنبهة ويقظة.
كما أرجو أن لا تكوني قد تعلقت بهذا الرجل ووضعت كل آمالك فيه سلمي أمرك لربي.
على كل حال أحسن ما حدث لك أنه قرر فسخ الخطبة قبل العقد الشرعي.
هنا يكون الله قد أنقذك منه والانفصال غالبا ما يشوبه بعض الكذب مهما كان الخاطب تقيا
ربما يريد فقط إنهاء الأمر وقرر أن يتعذر بأي عذر ليتاكد من ان الامر منتهٍ من غير رجعة.
أنت ماذا يهمك في رأيه فيك؟ لا تأبهي له وللمجتمع أهم شيء أنك تراجعي نفسك
إذا وجدت بانك إنسانة صادقة ونقية ولم تفعلي ما يغضب الله وما يخل بالحياء والحشمة
فامض مرفوعة الراس لا خوف عليك، وكل من يتكلم فيك بعدها سيلقى جزاءه بإذنه تعالى.
أسال الله العظيم أن يعوضك بشخص أفضل منه وأن يحميك من
الكلام المسموم الجارح ويرزقك الصبر والاحتساب
وفقك الله اختي

[زبدة ذايبة]

خلي أهلك يحاولو يعرفوا السبب.

ماشب دخل من الباب ويخرج من الطاقة.!!!!!!!

كيما جا لداركم وخطبك وجاب الأهل تاعو.

كيما ينسحب والله لا يردو.

خلي باباك يهدر مع باباه ويجيبوا لعندكم للدار.

ويعصروا عصرة الرجال.

من جيهة تعرفي السبب

ومن جيهة ثانية ترناحي.

ممكن يكون من الناس اللي حسدوك رماوك بكاش بلية خلات الراجل يتقلب 180درجة.

لازم تجيبوه مع باباه للداركم.

وكيما دخل النهار الاول يخرج في النهار الثاني.

ماتخليش الأمور في الكتمان.

على الاقل تعرفي وش راه يصرى وتفهموا الموضوع.

تخلوا الأمور في الغم وعدم الوضوح تكونوا أول الخاسرين مع زيادة خسارة العرض.

راكي في بداية حياتك. ماتسكتوش.

باباك يعيطلوا يجيبوا من وذنيه ويكركروا لعندكم للدار.

وكي يعرف بأنه لايصلح هذاك النهار هو يقولوا ماعنديش طفلة للزواج.

وقدام الناس باباك يقول عيطتلوا وبطلت على ..... لقيتوا مايصلحش

لبنتي. وفض المكتوب بيناتنا.

مازالكي صغيرة ماتخليش هدرة الناس عليك.

المجتمع لايرحم.

اللي تجي فيه الضربة ياكلوه.

ويبقاو طول حياة الفرد وهوما يهدرو عليه. وفي بعض المرات حتى يموت ومازال يسبوا فيه.

لذا انتبهي مليح ونبهي عائلتك

ماتخليش مشاعر الحزن والأسى تمنعكم من التصرف السليم.

رب يوفقك بنيتي ويرزقك الزوج الصالح.

[رندة.]

ما تنهاري ما تيأسي من الحياة
الحياة ما تتوقفش عند شخص خلاك وراح، وربي الي خلقه خلق غيرو كثيييير
انت قاعدة تتحسري عليه لأنو فيه صفات عجباتك فيه،
اذا ماكتبش المكتوب وين راه المشكل، ربي يبعث لك واحد خير منو ان شاء الله
توكلي على ربي واهتمي بقرايتك. وكل حاجة تجي في وقتها.

[amel ramis]

اختي بلاك فيها خير

[kaderr09]

السلام عليكم
لا نقول بالاك فيها خير
و لكن إنشاء الله فيها خير لأنها استخارت و ما خاب من استخار الله الذي يعلم السر و العلن.
و لكن نفس المشكلة تتكرر وهي الكلام بالهاتف أثناء فترة الخطوبة،فالخطيبان أجنبيان على بعض لا يجوز ذلك إلا بعد الفاتحة.
نسأل الله الكريم رب العرش العظيم أن يستر بنات و نساء المسلمين و يرزقهن الأزواج الصالحين.

[toulay]

السلام عليكم
علاش تفقد الثقة بنفسك ومتروحش تقرا فهمني برك
يا اختي متخليش حلمك رجل راح راح لبحر والشكارة بصح انت حاول تعرف السبب علاش تقلب هكذا بين ليلة ونهار ومين تعرف السبب au suivant
ياو انت لميشرفكش تتزوج مع واحد مشكاك يزيد يهبلك معاه
مالا تهنيا منو
ومزالك صغيرة ومزال المشوار قدامك
اقرا قرايتك ومبعد ساهل الحال
ربي يعوضك ان شاء الله
بالتوفيق

[dede2000]

المشكلة هنا ليست إنسحاب هذا الخاطب
هذي عادي المشكلة هي ماذا قال له هذا أو هذه
النمامة أو المخببة....لو كنت مكانك راح نقول لهذا
الخاطب أن من حقه الإنسحاب وفسخ الخطبة لكن
من حقك سماع ما رموك به ....وعندما تستمعين
لما قالوه في حقك تتضح الأمور وربما تعرفي من
أين ومن طرف من طعنتى في شرفك.
وكي تخلاص لحكاية حذارى من النظر إلي الوراء
عيشي حياتك عادى وربي ما فيه إلا الخير

[beautifulmin85]

السلام عليكم

لا حول ولا قوة الا بالله ... اخواني هلل توافقوني ان الهاتف شره وضرره اكثر من نفعه خاصة بين الجنسين في مراحل الزواج ؟

[djalal200984]

االله يعوص عليك باحسن منه وربي ان شاء الله ابعده عليك فيه خير لك