شيش في رمضان ما نرميش [الأرشيف] - منتديات الجلفة لكل الجزائريين و العرب

zokhrofa

2017-09-28, 10:03

السلام عليكم يا لبنات

حملة لازم ما نرمو والو

حبيت نحلو هذا الموضوع باش نتعلمو انو الكوزينة لازم ما نرمو والو فيها غير اذا كان صح غير صالح للأكل

يعني خاصة الماكلة كي تبقالنا لازم ما نرموهاش

راح نتعلمو كيفاش منها نزيدو نديرو أطباق اخرى

انا عن نفسي عندي بزاف وصفات نديرها من مخلفات الطعام

اوّلها نرجع مرق الكسكس الى شربة

و كاين الكثير راح نحطو ان شاء الله غير تسنح لي الفرصة

من هنا حتى نحط انا ارجو من كل وحدة تمر من هنا تكتبلنا واش هو الطبق لي تحضرو من مخلفات الطعام ؟

zokhrofa

2017-09-28, 10:10

أوّل وصفة :

كيفاش ترجعي مرقة الكسكس الى بويون او شربة حمراء

الوصفة :

ما تبقى من المرق تحطيه على النار

تزيديلو ربطة قصبرة فقط

اذا حبيتيه بويون ارحيه كامل اذا حبيتيه شربة فارميسال نحي كامل الخضر و ضيفي الفارميسال

طبعا لي تكوني حمرتيها في الزيت حتى تولي لون ذهبي

zokhrofa

2017-09-28, 10:11

محجووووووووووووووز

zokhrofa

2017-09-28, 10:11

محجوووووووووووووووز

ام جهاااد

2017-09-29, 04:46

مشكوووووووووووووووووووووووووووره تسلم الايادي

ام جهاااد

2017-09-29, 04:48

مشكوووووووووووووووووووووووووووره تسلم الايادي

zokhrofa

2017-10-01, 15:30

سلام لبنات واش بيكم ما شفتوش الموضوع هههههههههههه ولا نتوما ضد الفكرة ؟

ام هدول

2017-10-01, 16:44

سلالالام ...زخرفة انا راني معاك الفكرة من بكري نمشي بيها ...مخلافات الطعام نشوفولهم حل ..ومانرموش طبعا ....دكة في الاونة الاخيرة مانيش نرمي لي يقعد من لعشى نسخنو برك ..كاش ما نلبز المخلفات ..نجي عندك ..ونشوفو مع العضوات كاش افكار يفيدونا بيهم ...
عندك مثلا كيكة الشبلير للاخت امينة رووعة ...شوفها في الكوزينة ...
تحياتي

melissat

2017-10-01, 16:44

مشكورة اختي زخرفة على الطرح بارك الله فيك
احنا فالدار ميبغوش إعادة التصنيع ههه يبغوها طازة بصح كي تبقى نعاودو ناكلوها كيما راهي نسترو على نعمة ربي
وكاين إللي مرقة الطعام يردوها حريرة
وأختي المتزوجة عندها فالدار كلاب للحراسة أعزكم الله كل لي يبقى ليها تعطيهلهم ..وحتى حنا ثان نلمولها وش يتبقى
يعني حاجة ما تترمى

zokhrofa

2017-10-01, 17:07

اهلا اهلا اختي ام هدول هههههههههههههههههههههه حسنا راني نستنا في تلبازك

صراحة انا نضل نلبز مرات ما نحبش ناكل نفس الطبق نفضل نعاود نخدمو حاجة احسن

zokhrofa

2017-10-01, 17:08

ميليسا اختي احسنتم ربي يجازيكم ان شاء الله

والله الواحد يدير اي حاجة باش ما يرميش الاكل ولات ظاهرة كبيرة عند الجزائريين

حياة نور الدين

2017-10-01, 21:54

اهلااا حبيبتي وموضوع رووووعة

شوفي انا مع الفكرة ونعمل بها من زماااااان

مثلا مرق الطعام نرجعوا حريرة نزيد فيها الحشيش وليزيبيس تع الحريرة وشوية شيشة طيب ونرحي

مثلا جواز بطاطا كي تبقى اليطاطا نزيد نغلي حبات ونرحيها معها ونرجعها معقودة
الدجاج اللي يبقى من دجاج طايب برا نرحيه ونرجعوا حشو للفلفل او كيكة بالدجاج او غراتان او نستعمله في البيتزا

وكاين اكلات الله غالب منقدرش نرسكلهم ههههه اما نعلود ناكلهم مرة واحدة اخرى والباقي كان عندنا كلب حاشاكم كان يستر وكي راح رانا نحط في الجنان للديوك والطيور

zokhrofa

2017-10-01, 22:21

اه فكرة شابة بزاف حياة تاع البطاطا الحقيقة ما كنتش نعرفها ربي يجعلها في ميزان حسناتك وراح اكييييييييييييد نطبقها منا للفوق ان شاء الله

ام هدول

2017-10-01, 22:30

http://www14.0zz0.com/2017/10/02/00/508719695.jpg (https://www.0zz0.com)
زخرفه جبتلك هاد الفكره،،،،،،عجبتني

zokhrofa

2017-10-01, 22:57

هههههههههههههههههههههههههههههه ام هدول هاذيك المراة كتبت اهم جملة في الموضوع و هي والله واحد ما عرفو بلي الروز تاع البارح ههههههههههههههههههه

قتلتني بالضحك

أم فاطمه

2017-10-02, 10:15

السلام عليكي اختي زخرفة موضوع ممتاز ملزمش نضيعو نعمت ربي كلش راه غالي مثلا انا مرق الكسكس نرجعه حريرة
البطاطة نصفيها من المرق ونقليها ونزيد عليها البيض الروز نكوره ونحشيه بي الجبن ونرمده في الشبلوغ ونقليه

كثير من الاسر ترمي الماكلات في القمامة وفي نفس الحي ربما توجد اسرةاخرى لاتجد ما تاكل الله يهدينا ومايحرمناش من نعمه امين تحياتي

zokhrofa

2017-10-02, 10:32

اه والله قستي نقطة حساسة و هي انو يرمو و في نفس الحي كاين لي ما عندوش عشاة الليلة

يعطيك الصحة اختي على الوصفة

conductrice

2017-10-02, 11:27

موضوعـ رائعـ زخروفتيـ ما نقدرشـ نمر بلا ما نشاركـ
انا ما نرميشـ الزيتونـ الأخضر نتاعـ المرقـ ليـ يبقى نقطعهـ قطعـ صغيرة ونضيفهـ لخليط السوفليـ يجيـ روعة
وكذلكـ اللوبيا الخضراء ماشطو انا نكلها مرقـ بصح عائلتيـ ما تبغيهاشـ كي تبقي تزيد عليها دنجال مقليـ قطعـ صغيرة وندير باشاميلـونديرها غراتان واللهـ ياكلوها تجي بنينة لي عودة بإذن الله

zokhrofa

2017-10-02, 11:37

اه فكرة راااااااااااااائعة يعطيك الصحة عجبتني شكرا بزاف

lwiza2000

2017-10-02, 15:19

انا مرق الكسكسي نرجعوحريرة نزيدلو المرمز والتوابل الخاصة بها والدبشة
مرقة زيتون نرجعها روز نزيدلها الماء مغلي والوز يطيب فيها والبيض مسلوق
الدجاج اللييبقى نفتفتو ونديرلو صوص حمراء خاثرة بالثوم والبصل والمعدونس وعاقدة نكسر عليها البيض تولي شطيطحة دجاج
مرقة الشخشوخة ديريها تليتلي
كسكسي مفور ابيض فاضل ديريه مفور بالفول الاخضر والبصل وزيت الزيتون وبيض مسلوق يعني مقفول

rejine

2017-10-04, 13:43

السلام عليكم
افكار رائعة و موضوع رائع كذلك
حنا في دارنا لي تفضل نسخنوها ناكلوها ولا نموديفو فيها اما في دار شيخي لي تفضل من لغدا ولا لعشا حشاكم يرميوها ميحبوش نتاع لغدا في لعشا
بالنسبة ليا مرقة جلبانة نزيدلها بطاطا و نسقي بها الروز مفور

zokhrofa

2017-10-10, 14:04

شكرا جدا اختي رجين على افادتك

روعة الصحراء

2017-10-10, 14:30

السسلام عليكم اخت زخرفة موضوع جميل بارك الله فيكي
بالنسبة لبيتنا عندنا الماكلة لبقات نسسخنوها كيماراهي وناكلوها حنا مانرميش حتى حاجة ولوفتات الخبز كي نقطعوه اوخبز الدار اوكيك ههههههههه
امي ربي يحفظها دارت فكرة سبق وحطيتو موضوع هي انها دارت سينية بلاستيك في السطح وتحط كل البقايا الطعام لي منقدروش ناكلوها طبعا صالحة مثل الاكل الخليوه الدراري الصغاراولاد اخوتي حتى مغرف في الصحن مانرموهش مثل العدس والحمص وشربة الفريك تزيد فيها الخبز اليابس وتعطيه للحمام والله مايخلي والو الحمام ياكل كل كلش مع اننا في وسط المدينة ويجي لدارنا كل يوم الحمد لله والله مانرمي والو

zokhrofa

2017-10-10, 14:46

الحمد لله يا ربي هذا امر جميل و فكرة شابة

فقط نعطيك فكرة باش تتفاداو تسمم الحمام لا قدر الله

شلي الماكلة قبل ما تخلطيها مع الخبز

يعني حطي الشربة العدس في كسكاس شليها بالماء خليها تقطر مليح من بعد ديريلها الخبز

روعة الصحراء

2017-10-10, 15:46

شكرا اختي زخرفة بالنسبة لطبخ الشربة حنا عمرنا ماستعملنا الفلفل الاسود يعني بطرق صحية والله الحمام دائما في تزايد وانا حتي الحليب لي بقا مايشربش الدراري مانسيحوش في المجاري ابدا الا يكون فاسد نزيد فيه الخبز ونقدم في الحمام دايرين في الكوزينة صحن خصوصي ليه نحطو دائما البقايا فيه يعني باختصار حتى المشروبات لانرميه هههه

zokhrofa

2017-10-10, 15:48

نستعرف بيكم ما شاء الله ههههههههههههههه غدوة يجي النزوح الحمامي عندكم

روعة الصحراء

2017-10-10, 16:08

نستعرف بيكم ما شاء الله ههههههههههههههه غدوة يجي النزوح الحمامي عندكم

هههههههههههههه مرحبا بيك
ان شاء المرة الجاية نصورها ونحطها باش الكل يستفاد

zokhrofa

2017-10-10, 16:16

نعم نعم يكون احسن ان شاء الله انا في الانتضار

وردة الرمال43

2017-10-18, 13:31

سلام اختي زخرفة وبوركت على هذا الموضوع رائئئئئئع
احنا في دانا تاني مانرميوش الحق يا ناكلو البواقي يا نختارعو هههههههههه مثلا العدس لما يفضال نرحيوه نرجوه سوب ونضيفو فلفل حار مقطع يطلق فيه يجي ماشاء الله سيرتو فالشتاء مليح للزدرة
كانش مانتفكر نحط

zokhrofa

2017-10-18, 13:38

يااااااااااااااا شكون وردة الرمال هاذي غيبة عسى المانع كان خير

الله يبارك انا في الحقيقة العدس نبقى نسخنو كيما راه المرة الجاية نجربو كيما ديالك اكيييييييييد راح يعجبني

zokhrofa

2017-10-18, 13:41

تفكرت حاجة البنات بالنسبة للبواقي لي رانا نتحدثو عليهم هوما لي يبقاو في الطنجرة و ليس لي يبقاو فالطباسة

خاطش لي يبقى في طبسي كل شخص تخبيه كيما راه تغطيه بفيلم غذائي و اذا ما حبش ياكلو يتحمّل مسؤولية انو يرميه او اذا حبيتي ديريلو حاجة بيه ديريلو اذا تقدري تتفاداي ترميه من الاحسن

لكن ما ياكلوش شخص آخر تفاديا للأمراض لي تنتقل عبر لُعاب كل شخص خاصة الزوّار ما تقدريش تسقسيه واش من مرض عندو ربما يكون عندو مرض اللثة مراحش يعرف اصلا

المطمئنّة

2017-10-22, 20:40

السّلام عليكم ورحمة الله
فكرة طيّبة تساعد كل ربة بيت على الإقتصاد
- أنا أستعمل طبق البطاطا (جواز) أو السبانخ باه نعمر البوراك حيث أقوم بهرس البطاطا مع القليل من الزيتون والتوابل أو استعمل السبانخ داخل الديول وأضعها في الفرن.

- أستعمل اللحم أو الدجاج المتبقي من مرق الكسكس أو أي طبق لحشو المملحات مثل السوفلي وكذلك الزيتون المتبقي من السلطة التي ذبُلت حيث أغسله قليلا تحت الماء واقطعه لقطع صغيرة وأضيفه للحشو.

-أستعمل الحليب الرائب لصنع الجبنة، بتركه يغلي على النار وإضافة الملح والفلفل الاسود + القليل من الزبدة والخل.

أرجو أن أكون قد أفدتكم.

zokhrofa

2017-10-22, 23:41

نعم نعم افدتني بطريقة صنع الجبن نسيت كيفاش يديروه صحيتي اختي المطمئنة

Nina rita

2017-10-22, 23:47

مشكورة اختي

zokhrofa

2017-10-23, 11:30

شكرا على مرورك العطر

SALIM MCA

2017-10-23, 14:08

شكراااا جزيلااااا

SALIM MCA

2017-10-23, 14:08

شكراااا جزيلااااا

SALIM MCA

2017-10-23, 14:09

شكراااا جزيلااااا

zokhrofa

2017-10-23, 14:11

.................................................. .

zokhrofa

2017-11-09, 16:35

سلام بنات يا ترى واش كاين وصفة من البواقي ؟

تاج الوقار16

2017-11-18, 18:20

عندك الحق زخرفة
في دارنا كانت امي اللي قعد من الغدا تأكله في العشاء
واذا بات عندنا جيران فقراء بجو يوميا نسخنولهم ونمدولهم
مع دار راجلي لابوبال دائما معمرة حتى اظطريت نجبد روحي غير في حال رمي الاكل
عموما انا اذا باتت نتغدا بيها اليوم الاخر
الخضار ادا باتت طايبة يمكن ترحيها وتدريبها حساء خضار
العدس ترحيه وترجعيه شوربة عدس
الخبز اليابس احنا نرحيوه يعني شابلير ونفورو التمور ونخلطوه معاه ونزيدو الزبدة يعني يولي رفيس
العجين المخمر اذا طول نطيبوه سفنج
كانش ما تفكرين راني ندخل

zokhrofa

2017-11-20, 16:12

أفكار هايلة تاج انا نطبق تاع العدس

جوري 95

2017-12-05, 00:26

zokhrofa

2017-12-05, 10:17

آمين اختي اهلا فيك

*أم سجى*

2017-12-06, 20:02

بوركتي اختاه موضوع قيم شكرا

zokhrofa

2017-12-08, 23:09

شكرا لكي على مرورك الطيب

zokhrofa

2017-12-14, 18:18

سلام لبنات

ما تتخيلوش واش درت هذي المرة

طيبت الدوارة بالقرعة ما نعرف اذا تعرفو هذا الطبق لي ما تعرفوش تقولي نحطو موضوع

كي قعدتلي كنت مزيرة على القضيان ما كانتش عندي الخضرة و لازم نكمل كامل واش عندي في الدار باش نقضي خاطش لازم زوجي يخرج مرة واحدة في الاسبوع او اثنان

المهم بدون اطالة

حكمت شوية من الحمص لي فيها و هذيك القرعة لي قعدتلي و درت بيها شربة التليتلي مممممممممممم جات تهبل و الله ما تفيقي بلي فيها غير القرعة حتى البصل نسيت نديرو هههههه القدرة بلا بصل كي لمرأة بلا عقل انا هكذاك كنت هذاك النهار مع الجوع و البرد مخي معادش يخمم

المهم النهار لي موراها حكمت الرية تاع الدوارة و الحمص لي كان فيها خاطش ما ستعملتوش كامل و رميتهم في قدرة مع بصل و البهارات و قصبر و حمص اخرى كنت غليتها و خليتها طيب و من بعد رميت الفارميسال بعد ما حمرتها في الزيت

لكن هذيك الرية ما كليتهاش كي كنت نسقي ما حطيتهاش في الطاسة تاع الشربة ههههه

هيا و درنا بطبق زوج اطباق خرين

zokhrofa

2017-12-28, 16:16

سلام لبنات

اليوم جيت نقوللكم كيفاش حوّلت جواز الباطاطا بالبسباس الى جواز الشفلور

المهم بعد ما خلاصلي الخضرة في الجواز الاول يعني البطاطا و البسباس بقاتلي بزاف المرقة

هذيك المرقة سخنتها و حطيت فيها شفلور مغلي و حميصة مغليا و خليتهم يسخنو معاها

في كسرونة درت الماء لي لازم نزيدو فقط و طماطك علبة و درسة فيها ثوم و فلفل اسود و فلفل احمر و كمون

خليتهم حتى يغلو مليح و ضفتهم للجواز و خليتو يطيب على نار هاااااااااااادية مدة 1 سا او اكثر

و بعدها كليناه بالصحة و العافية

لي حبت تعرف كيفاش درت جواز البسباس تقولي

ام لجين و فيصل

2018-01-29, 12:34

هههههههههههههههههههههه زخرفة يا زخرفة يا ام الافكار الجهنمية
حتى انا نهار الجمعة درت بكبوكة بالقرعة و الحمص و رميتلها شوية روز باش يعقد المرقة و ما جيش شورورو مي جات مسوسة و سقمتها بالقارص و القصبر
البارح سخنتها في العشا و زدتلها الملح مي هديك القرعة تحرحرت مي بنينة
و مازالي منها قيس مرة اخرى خخخخخخخخخ
للعلم انا ما نديرش الرية ما نحبها ما ناكلها

zokhrofa

2018-01-30, 08:46

بصحكت بصحتك اختي

صحة على قلبك

أبو تاشفين

2018-02-17, 14:36

أنا التليتلي لي يفضل نحشيه في الفلفل مع شوي توابل : فلفل اسود . ملح . فلفل عكري . و ملعقة زيت .. و المقارون كي تفضل وحدها مش مع صلصة ندير المقارون سلطة : مقارون + سلطة + ماييس + طماطم صغيرة + مايونيز + فينيغرات (اي صلصة تتبيل ) و ملفوف أو شلاضة (سلاطة ) مقطعة على شكل أشرطة
♡☆♡☆♡☆♡☆♡☆♡☆♡☆♡☆♡☆
أخت أبو تاشفين ☆♡☆♡☆♡☆♡☆♡☆♡☆♡☆♡☆♡

أبو تاشفين

2018-02-17, 14:42

بصح كاين شيء واحد لا يمكن إستهلاكه بعد أن يبات في الثلاجة اللي هو البطاطا المقلية !!!! تولي مايهة و غير مستساغة أبدا و خلي كي نردوها فريت أوملات تولي كارثة و لا تؤكل !!!!!!! هاتولي حل للبطاطا المقلية الزائدة !!!!!

رندة.

2018-02-17, 15:34

يعطيكم الصحة على الافكار والوصفات
انا الماكلة الي تبقى نعاود نسخنها كيما راهي

رندة.

2018-02-17, 15:36

بالنسبة للبطاطا المقلية الزايدة، ديريلها صوص بيضاء بالبصل والملح والفلفل الاكحل والحمص ... وحطي فيها البطاطا كي تشرب لاصوص مليح اكسري فيها حبات بيض تجي هااااايلة

zokhrofa

2018-02-17, 18:19

اهلييين اختي ابو تاشفين افكار شابۃ
انا تليتلي وليت نطيبو شربۃ نحطو في بلاصت الفارميسال حتی و تبقی نسخن و ناكل
بلنسبۃ ﷲماقارون اختي الصغيرۃ ديرو هكداك

بالنسبۃ ﷲيطاطا المقليۃ خليًا تبات برا ماشي في الثلاجۃ في مكان دافي يعني تبقی شادۃ روحها شويۃ

جربيها كيما قالت رندۃ تجي بنينۃ بزاف

*أم سجى*

2018-02-24, 01:09

موضوعك رائع زخرفة ماشي مليح القاسبياج ....زخرفة وصلتني رسالتك اسمحيلي على الطلب منقدرش اختي آسفة..مقدرتش نرجعلك فرسائل عندي النت ضعيفة منجي نكتب رسالة نضرب عام

zokhrofa

2018-02-24, 15:00

شكرا على مروركم العطر

MALIKA06

2018-02-25, 11:19

موضوع في القمة

zokhrofa

2018-02-25, 11:24

شكرا اختي اهلا بيكم

فيدونا بافكاركم ؟

zokhrofa

2018-02-25, 11:25

على فكرة لي سقسات على البطاطا المقلية كيفاش ترجعها طبق

انا نخليها تبات في الفرن في علبة مغلقة و غدوة من ذاك ندير صلصة حمراء و كي طيب نرمي فيها البطاطا و البيض و تصبح طبق بنين بزااااااااااف

ام سلسبيل البليدية

2018-02-28, 20:41

السلام عليكم انا حبيت نوريلكم طريقتين للاستفادة من قشور البرتقال مترميوهمش بعد ما تاكلوا البرتقال
اول طريقة هي عمل فواكه جافة لتنكيه الحلويات كالكيك و ال****ز و الله روعة
ناخذ القشور و نقطعهم مربعات صغيرة و نحطهم في اناء بيه ماء سخون يفظل يكون زجاجي ليس المنيوم و نخليه حوالي 8ساعات ام بعد نصفيهم و نغليهم في الماء حتى يطراو في طنجرة اخرى نطيب سيرو كيما نتع البغرير امبعد نحط فيه قشور البرتقال المغلي و المصفي ونخلي الخليط يعقد
بعد ما يبرد يحفظ في علبة محكمة الاغلاق في الثلاجة.
الطريقة الثانية هي لعصير هايل خاصة الا ما عندكش برتقال ،و حبيتي عصير بذوق البرتقال؟؟
تاخذي جزر تنقيه و تغليه حتى يطيب ام بعد تزيديلو كمية من الفواكه الجافة الجاهزة نتع الطريقة الاولى و السكر حسب الذوق او تطحني كلش بالبراميكسور،ام بعد تحطي الخليط فوق النار مع نصف باكي فلان فاني لكل لتر و يغلى يترك ليبرد و تزيديلو الماء حسب الذوق
بصحتكككككم

zokhrofa

2018-02-28, 22:07

مممممممممممممممم طريقة شابة بزاف يعطيك الصحة اختي البليدية ناس الطبع و الشّان

ام سلسبيل البليدية

2018-03-01, 08:31

ربي يحفظك اختي زخرفة
الجلبانة كي تبقالي نطيب صوص حمراء و نزيدهالها و نستعملها للروز او السباقيتي

zokhrofa

2018-03-01, 09:23

اهلا

قصدك الجلبانة تاع الكباب ؟ ولا تاع آش من طبق ؟

ام سلسبيل البليدية

2018-03-01, 13:21

طاجين الجلبانة بيض بالدجاج

zokhrofa

2018-03-01, 13:28

اه هذا ما نعرفوش حطيهولنا وصفة مع الصور من فضلك

ام سلسبيل البليدية

2018-03-01, 15:33

على العين و الراس اختي زخرفة بصح عندي مشكل مع الصور ماعرفتش كيفاش نحطهم انا نخدم بالتليفون ما شي بالميكرو

zokhrofa

2018-03-01, 15:38

اوكي شوفي

ادخلي موقع

www. up. djelfa . info

نحي الفراغات

كي تدخلي تلقاي رفع الملفات

انقري على choidir un fichier

لكن ننصحك من الان اذا راكي مصوراتو بالهاتف نقصي حجم الصورة

كيف ذلك ؟

احكمي الزر لي ينقص الصوت و لي يطفي الهاتف ادركي عليهم فيزوج راح يصى حفظ لصورة

روحي وين راهي و حطيها في الموقع لي قتلك عليه سابقا باش كي تحطيها هنا في الجلفة تطلع تم تم

ام سلسبيل البليدية

2018-03-01, 15:51

عندي فكرة اخرى كيبقالكم الروز المغلي
تاخذو مقلات تحطوها تسخن تحطي فيها شوية زبدة تذوب و تحطو البيض المخفوق كيما كي نديرو البيض المقلي كي يبدا يطيب نزيدولو الروز، سنة ثوم مرحية،كمون كروية،كركم ،معدنوس مقطع اذا تحبو الخردل تزيدو ملعقة صغيرة حتى ينشفو و يطيب البيض ،في الاخير تقدرو تزيدو الجبن المبشور و المعدنوس للتزيين و الله روعة انا كنديرو دايما يعجب عايلتي
ملاحظة: ينصح الخبراء بعدم الاحتفاظ بالروز المطبوخ لمدة طويلة و اعادة تسخينه عدة مرات خطير لذا عاودو استعملوه كيما وريتلكم بلخف ويجي مختلف تماما

ام سلسبيل البليدية

2018-03-01, 15:55

ربي يعطيك ما تتمناي اختي زخرفة راح نسيي هاذ الطريقة و انشاء الله في الايام المقبلة راح نقدر نحط وصفات مصورة و انشارككم افكاري عندي بزززززاف ههههه

zokhrofa

2018-03-01, 16:20

الطريقة شابة بزاف تاع الارز و تشهي

حسنا اختي في انتضار صورك

ام سلسبيل البليدية

2018-03-08, 16:45

السلام عليكم اخواتي اليوم جبتلكم طريقة بسيطة و رائعة للانتفاع من الخبز البايت قرمشة للسهرات و هي بديل لاطفالنا عن الشيبس و المملحات التي تباع تكون جد مضرة مليئة بالزيوت و المظافات المسرطنة
اولا ناخذو الخبز البايت و نقطعوه مكعبات صغيرة نحطوه في اناء ثم نزيدولو قليل من الزيت و نخلطوه ثم نزيدولو المنكهات ممكن زعيترة او جنجلان او كمون او حتى القليل من الفلفل الاحمر الحار المطحون او جبن شيدر مبشور كيما تحبو او ممكن يكون حلو نزيدولو فنيليا و جنجلان و سكر ثم يوضع الخليط في صينية مغلفة بورق الطهي و تدخل لفرن مسخن مسبقا حتى يتحمر و بصحتكم

zokhrofa

2018-03-09, 22:10

سلام اختي شكرا جزيلا

نعطيك فكرة حكيه بالثوم تان تجيك بنة شابة

ام سلسبيل البليدية

2018-03-18, 19:06

السلام عليكم حبيباتي اليوم جبتلكم وصفة للاستفادة من بقايا الحلويات الجافة يعني كي يكون عندك قاطو تفتتلك تحفظيه في علبة حتى تلمي كميةو ولا عملتي كمية كبيرة و كرهو منو افراد عايلتك تقدري تحوليه لقاطو راقي و بنين بزاف اولا تطحني القاطو بالروبو و تزيديلو كاوكاو او لوز محمص مطحون كاكاو اسود و كاكاو بني و نلمو المزيج بالعسيلة حتى نتحصل على عجينة نشكلوها كريات و نغطسوها في شكولا سوداء مذابة ثم في الكاوكاو مرحي خشين جربوها و متندموش و الله روعة

zokhrofa

2018-03-18, 20:49

شكرا جزيلا صحيتي على الفكرة

Yaakoub bou

2018-05-19, 00:26

Ya3tik saha mrccccccc

zokhrofa

2018-05-19, 01:49

شكرا زيدو شاركونا وصفاتكم

miss hapiness

2018-05-28, 19:04

موضوع مفيد حقا . جعله الله في ميزان حسناتك
عن نفسي هذا مثال عن اعادة استغلال الطعام
الزيتون الاخضر كي نديرو مرقة و لا طاجين و يبقى نحيه و نرحيه مع صدر تاع دجاج و ندوزنو مع شوي دبشة او معدنوس و نشكلو كرات نقليهم و نرميهم في مرق ابيض و ساعات ياكلوهم وحدهم بلا صوص .
نتمنى فكرتي تفيد .

zokhrofa

2018-05-28, 22:06

هااااااااااااايلة عجبتني بزااااااااف

شكرا

Dahlia 90

2018-10-18, 16:23

أنا الروز كي يبقالي نخلطو فوق النار تكون هادية حتى يطرى شوية ممبعد نضيلو بيض و نشكلو أصابع و نحشيه ب فرماج شاف و نرمدو في لاشابلور ولا الفرينة و نقليه يجي تححححفة