عمي عقدة حياتي

[مشكلتي]

السلام عليكم
باختصار شديد نحكيلكم مشكلتي هي بصراحة كره عمي لي دون سبب ملي كنت رضيعة يكرهني امي حقرها كان يشوفني نبكي يخرج عقلي من البكا و مايخليهاش تمسني حتى هي كانت تبكي و ماتهدرش حتى لابي ماتقولوش تخاف دير مشاكل بينهم كانت جدة برك لي واقفتلو و هو هادي لي زادت قتلاتو كي كبرت شوية كان يضربني بسبب او بدونه حاصة الصباح لازم اه مانقولهاش نخافوه ينوض و خلي و خلي من باقي المرار لي شربناه معاه انا و امي فاتو سنين تزوج هو و راح رحل سكن وحدو راهو في عذاااااب كبير ولادو خرجولو مرضى التوحد و لي ما يهدرش ما يهدرش المهم معاناة كبيرة و بسيف باش شافهم قعد شحال من عام باش جاوه دراري المهم انا كبرت و وليت مرة حتى و انا كبيرة كي يجي لعندنا مايخزرش فيا و ايلا قتلو واش راك يهدر معايا بطريقة المهم بقاتلي عقدة منو غير نشوفو نبدا نبكي بطريقة هسترية و تهار يهدر معايا بطريقة مليحة و لو امام الاب تاعي برك لكن يعجبني الحال و نفرح
المشكل انو مع ولاد اعمامي لوخرين يحبهم مع انهم واحد مايجي مايحوسو على العائلة لكن يحبهم و تلفاه في الفرح و لا القرح هو الاول و سضحك معاهم و يقصر معاهم قدامي على كل حال انا الان الحمد لله راني متزوجة و في داري و مالنستحثوش كامل قولولي برك كيفاش نتخلص من العقدة لي مسييهالي في حياتي غير نشوفو نحس نفس الاحساس من هادي 25 سنة نولي نبكي وووووووووووو و نتمنى حاجة وحدة فبل ما نموت نعرف سبب كرهو ليا و نموت مرتاحة هدا اكبر سوال دايرلي معاتاة في حياتي

[kacimo.samy]

السلام عليكم
الحمد الله انتهت على خير

وكي تعرفي سبب ..لازم شخص مقرب لديه يطرح عليه تسائل.
ماهو سبب كرهك لفلتانة لقد لاحظتك وووو.... سيجيبه ان شاء الله
المهم شخص مقرب ويعني له

وربي يفتح عليك ان شاء الله
سلام

[نبض قلبي]

ان شاء تلقاي حل
كيما قالك الاخ سامي سقسي الاقارب تاعك واعرفي علاه يكره مماك وانت
ان شاء الله ربي يعاونك

[Hanan salim]

اطلبي من الله ان ينزل محبتك في قلب عمك اسأل الله ان يصلح بينكم

[رندة.]

انا في رأيي ما تبقايش تخممي في الموضوع هذا اهتمي بحياتك وزوجك، وعمك ديما عامليه بالحسنى. ما يهمكش الماضي انسايه خلاااص، وعيشي الحاضر تاعك.
ربي يحفظك ويصلح أحوالكم ان شاء الله

[نصير24]

ربما كان عندو مشكل مع الوالدة تاعك قبل ما تكوني انت موجودة ...مي انا ننصحك ارمي عليك هدا العبئ الثقيل وعيشي كل لحظة في حياتك كما ينبغي

[nihal159]

ماتعمريش راسك به؛ أنتي راكي في دارك مع زوجك و أولادك و عمك أيضا راه لاهي بدارو و أولادو؛ إذا كان ماضيك سيء على الأقل عيشي حاضرك بفرح و خططي لمستقبلك بكل تفاؤل و ماتخليش الماضي يفسدلك حاضرك و مستقبلك؛ أرمي الذكريات السيئة و عيشي اللحضة.

[سَامِيَة]

لم تخبرينا كيف تعامله مع باقي اخوتك؟!
ربما الأمر يتعلق بأحد والديك
ورحت أنت ضحية
عموما
لو كان هذا العم في كامل قواه
العقليه والنفسية
ما كان سيحقد على فتاة صغيرة
وأي فتاة من لحمه ودمه
من دون أي ذنب....

كلشي يروح يبقى غير العيب

لهذا أختي بغض النظر عن ما قام
به عمك اتجاهك تعلمي كيف
تسامحيه حتى ترتاحي
ما دمت لا تعلمين الأسباب الكامنة
وراء تصرفه هذا
فأحيانا لظروف معينة تعمى بصائرنا
وعندما نعود ونلاحظ كيف تصرفنا
في بعض المواقف نتمنى أن
تنشق الأرض وتبتلعنا
هذا ما سيحدث مع عمك في
يوم من الأيام واتمنى ان يحدث ذلك في الدنيا حتى يصحح ما يمكن
تصحيحه....

تذكري أختي أن هناك بعض الأشياء من الأحسن أن لا نسأل عنها
لأنها ربما تخفي في طياتها ما
ما هو أصعب وأقسى....

ولكن إذا كان هذا السؤال يلح عليك كثيرا فما عليك إلا بالمواجهة
اذا عرف السبب بطل العجب
وإن كنت لا تستطيعين المواجهة
أو عمك لا يمنحك فرصة فاكتبي
له رسالة تقولين فيها كل ما
بخاطرك من ذكريات مؤلمة ومشاعر
حزينة وترسلينها إليه أو تمنحيها له شخصيا. ..لماذا تكرهني
يا عمي؟
وهنا حتى وإن لم يجبك
على الأقل سترتاحي لأنك وضعته
في الصورة واخرجت ما بداخلك..

بالتوفيق

[زبدة ذايبة]

شكون قالك عمك يكرهك !!!!!!!!

وزيد من كنت رضيعة!!!!!!!!؟؟؟؟؟؟؟

ماتقوليليش راكي تشفاي على روحك من وقت ماكنتي تتقمطي؟؟؟؟؟؟؟

أوهام سمعتيها تتردد على مسامعك صدقتيها.

إذا كاين مشكلة بين أمك وعمك يكون انت ماعندك حتى دخل فيها.

يعني علاش تحملي نفسك وتحملي عمك مالا يطيق.

إذا ضربك وانت صغيرة الأمر عادي.

لو كان نبداو نحكيو وش صرالنا في مرحلة الطفولة من ضرك واحنا نبكو حتى نغرقوا المنتدى.

المشكلة أنك انت اللي تكرهيه، بناءا على أمور امك تعلمها.

حتى وإن ماكتبتيش حقيقة مايجرى وماجرى وهذا من حقك طبعا.

لكن ماتغلطيش نفسك.

كل التهم اللي رميتي بيها عمك موجودة فيك. الله أعلم بالشخص اللي غرس فيك هذا الشيء.

تأكدي ياعزيزتي أنه مهما كان عمك سيء فأنت بالنسبة إليه إبنة.

هو أبوك الثاني، وهو المحرم تاعك ، وهو سندك، ماتخليش بعض المشكلات التي مر بها أشخاص آخرون تأثر على علاقتك بعمك.

إذا ماكاش حتى سبب واضح. والظاهر أنه لايوجد تأكدي أنه مشكلة تصورات وأفكار غرست في ذهنك وصدقتيها.

حاولي تنظري لعمك من زاوية أخرى ممكن تلقاي فيه الأب الثاني لك.

وإذا كاين سبب واضح وظاهر لكراهيته لك فاعلمي ان هناك أطراف أخرى تخفي عنك أشياء لايجب أن تعرفيها.

بعد أن كبرت وعقلت حاولي أن تتودي إليه. لأنه سرعان ماستقولين عمي رحمه الله.

فقبل فوات الأوان، والندم على مافات أحسني إليه يحسن الله لك.

[فايزة1207]

كلامك صحيح زبدة انا كنت انظر لاعمامي نظرة لا ادري ما اسميها رغم بعدهم عنا لكن بعد ما تزوجت تغيرت نظرتي لهم رغم بقاء نظرة اخوتي كما هي لانهم مازالوا في نفس المحيط

[basyouni]

اختي كما قلتي انه مع باقي الاولاد مليح ، فاعتقد انه يوجد مشكل كبير وقع بينه وبين امك ، والواضح انكم سكنتم معه في بيت واحد وما في ذلك من تضييق على الاخوة والاخوات ، والاجدر كل من يتزوج يخرج ببيته او يكري ، اعتقد ان المشكل في هذه الامور و يمكن حل كل مشكل مع مرور الوقت تكلمي معه بصراحة

[amel ramis]

الله يكون في عونك اختي ..

[mohamed nadim]

أزمة السكن في الجزائر و ما تفعله