مشروع مخايد

[sinzohra]

سلام عليكم
عندي مشروع مخايد فقط او على الاقل فى البداية نبدا بالمخايد،
حابة ندير اسم خاص بيا ، فهل لازم سجل تجاري ام لا
وخاصة انا حابة ندير بطاقات تكون لاصقة فى الوسادة فيها الشعار نتاعي
مزانية مش كبيرة واش الحل من فضلكم

[khaled sif]

مشي لزم سجل تجاري اختي،، تقدري تتوجهي لمطبعة او اي مكتبة صغير تقدم خدمات كارت فيزيت و لوحاة اشهرية و ينصحك و يوجهك كيفاش ديريها وقرية او قطعة قماش تطبيعها و توضعي عليه علامتك تجارية،، في حالة انه لديك ورشة كبيرة تقدري تخرجي بطاقة حرفي و بيه دير سجل تجاري و تدير هذه لوحة اشهارية نتاعك،، ام ان كنت تشتغلي فقط من دار علاش دير سجل تجاري و تعقدي امور على روحك،، نتي غرض نتاعك هو اشهارّّ ركبي هذه قصصات و خلاص و لن يتابع احد الامر ،، فقط زبائن الكرام،، و انضحك انك دير اشهار في موقع واد كنيس و تخلصي عليه مبلغ رمسي رايح يجيبلك الالف زبائن من كل ولايات الجزاير فقط طلعي بعض الصورة لكل اعمالك و بالتوفيق

[sinzohra]

شكرا جزيلا khaled sif
انا قلت ممكن اذا درت القصاصات ولا شعار الشركة يتابعوني قضائيا ولا حاجة

[khaled sif]

شكرا جزيلا khaled sif
انا قلت ممكن اذا درت القصاصات ولا شعار الشركة يتابعوني قضائيا ولا حاجة

مكا حتى واحد يتابعك يا اختي،، يا ودي هذي لبلاد راهي تمشي لا حسيب و لا رقيب و علاش نتي واش طاتك حتى تخمي فيه، ما تحوس لا عليهم لا والو اتكلي على ربي و خلاص و اصلا من جانب شرعي ضرائب هذه و كل تعجيزات مكانش منها،، و زيد اصلا كاين عرقل لك حرفي او مستثمر في هذي لبلاد، ناس راهي دايرة شركات وهمية و شركة تنشظ بدون وثايق و عادي، نهار يمشو هوم قدقد حنا سعتها صح

[visa uk]

يااختي نعطك رايي اخطك من سجل تجاري او بطاة حرفي اصلا هادي حرفة وبطاقة حرفي باش تخرجها يلزمها اجرائات من الغرفة ووثائق اوك وتولي تخلصي دراهم طبعا وتعرفي الخدمة كل نهار وكفاش مرة تعملي مرة لا وهكا راح تخلصي فقط مصاريف اضافية تامين وضرائب فهمتي خصوصا الا كان عندك تامن عندك مدخول اخر وتامين علاه تزدي عليك بطاقة حرفي وتولي تخدمي عليهم فقط مصروف زيادة نعرف بزاف حرفيين يخدمو اونوار وهاك حاصلين نهار يخدم نهار لا وهاك حاصلين مابالك تزيدي هادو اللهم الا ادا كان نشاط مجبرة لامخيرة تعملي بطاقة حرفي ولازم تعمليه وهم يكون عندهم رقابة معاك
نعرف واحد تابيسري راه عندو محل صغير وراه يعمل بلا وثائق مامخلص والو فقط كراء وكهرباء ونشوفو نهار عمل نهار لا كل نهار ونهارو

[visa uk]

اخدمي نورمال مام عندك اتوليي نتي طبعا ماراحش يجو عندك اكيد اللهم بيعوك الخ وحتي لو فرضا جاؤو وهدا احتمال لازم تكوني نعرفي تتكلمي وتقنعيهم اوك هدا ان جاءو طبعا للمراقبة

[krimo65]

السجل التجاري صحيح فيه تعب و أوراق ولكن فيه التقاعد و الضمان الإجتماعي و أيضا يمكنك من جعل علامتك علامة محمية بواسطة القانون