المساعد الشخصي الرقمي

مشاهدة النسخة كاملة : الجزء 182 من الكوزينة( ان شاء الله تكون فاتحة خير عليكم)

الصفحات : 1 2 3 4 [5]
hamou0210
2017-10-22, 15:58
ام يوسف راكي اتدكرتيني يتفكرك الخير انشاء الله الحمد لله على كل حال السوال عليكم
hamou0210
2017-10-22, 16:02
الى الاخت نها ل احنا في الغرب الجزائري الرفيس هو المسمن و نقطعوه رقيق اي نحكوه
أم يوسف2
2017-10-22, 20:18
صحا عشاكم وكيفاه مانتفكرش ام فواز ربي يحفظو
أم يوسف2
2017-10-22, 20:18
لبنات ولمراوات هجرة جماعية ياك غير الخير
سحابة باردة
2017-10-22, 21:12
مساء النور جبتلكم عشانا اليوم كفتة بلاصوص بيضا مع الكسرة
ومقروط مقلي من يدين مرت خويا كانت عندي في الويكاند
https://e.top4top.net/p_660nz2lo1.jpg
https://e.top4top.net/p_660j6wr61.jpg
https://f.top4top.net/p_6606xe8a1.jpg
[
ام هدول
2017-10-22, 21:30
سلام ،،،،كيفكم اسناو اسع قتلنوني اليوم باوكولا ت،،،نموت عليها ،،،،يممممممم ،،،،
اولا نهال وداك الرفيس ،،،ياعمري سالو ريوقي،،،امممم بربي ان شالله الجمعة هادي نديرو،،،،،،
وعشاك سحابة ،،،يسحخخخخخخف،،،خاصة المقروض يعطيها الصحه مرات اخوك
فيفي ،،ام يوسف ،،،وكل لي سقساو عاى ميمتي راهي لاباس،،،،ماعليهاش،،،،خيرمن البارح رغم انها مازلت في لفراش،،،،
ومانساش حبيبتي الغالية حيوته دات ااصوت الرائع ،،،والقصره معاها ماتتشبعش،،،
نهوله الفحله،،،ماشاء الله عليك ،،،فحله وكلامك زين،،،،،
ام هدول
2017-10-22, 21:45
تصبحو بخير لبنات ،،،ماقدرتش نحمل صور عشايا لي هو قرانان اللوبيا خضره،،،مع شربه عدس بقاتلي من لغده،،،كوناكسيو تقيله ،،،،
اتهلاوفي الكوزينه استفدنا منها بزاااف،،،،
hamou0210
2017-10-22, 21:57
الله يسلمك اختي ام يوسف ويحفدلك وليداتك
المقروظ يشهي هدا تاع المقلة
أمنية غفران
2017-10-22, 22:27
السلام عليكم ورحمة الله تعالى و بركاته

حبيباتي صحا عشاكم كامل

نهال حبيبتي تعرفي شحال نموت على الرفيس القسنطيني الله يعطيك الصحة

حتى انا اليوم جبت ليكم عفسة حطيتها لهيته كانت طلبتها مني اخت امالا درتها البارح اممممممممم

ناس الغرب اكيد يعرفوها ......... السلو ....... امممممممممممم هي تشبه للطمينة نتاع دشيشة السميد بصح فور عليها يا ودي هاربه عليها ههههههههههههههههههه

.................................................. .....
و الي ما تعرفوش ترفد اصبعها
.................................................. .....


نخليكم مع الصور في انتظار نخدم الوصفة في صورة حبيباتي

https://f.top4top.net/p_660o035i2.jpg

https://a.top4top.net/p_6607ttzv3.jpg

https://e.top4top.net/p_660e00mg1.jpg

انسيت عشانا كان دلمة خضار ما صورتهاش

تحياتي
ام هدول
2017-10-23, 07:48
https://d.top4top.net/p_661hw0xp2.jpg (https://up.top4top.net/)
ام هدول
2017-10-23, 07:56
https://e.top4top.net/p_661wi6d51.jpg (https://up.top4top.net/)

https://f.top4top.net/p_661ylx942.jpg (https://up.top4top.net/)

https://a.top4top.net/p_661ftes03.jpg (https://up.top4top.net/)

شوفو داك الزين ....الله يبارك وانتوما راقديين ....اخصصصصصصصصصصصصصصص....
ام هدول
2017-10-23, 07:58
https://b.top4top.net/p_661uihrr4.jpg (https://up.top4top.net/)

وهادي لبيلسان ...اخصصصصصصصصصص...في الليل يجيك كوشمار ...خلتي ضيافك وكوزينتك ...اخخخخخ ارواحي وخليها على ربي سبحانو ...لي مقدرة تلحق .....
nihal159
2017-10-23, 09:04
صباح البنة و سيلان الريق ههههههههه، امينة يا أمينة واش دارت فيا هذيك الطمينة، ألحقيني بالوصفة دبري راسك، الله يبارك شكلها يشهيييييييييييي.
أم هدول ضحكني هذاك الكوشمار ههههههه و اعجبتني بزاف الحكمة لي حطيتي، يعطيك الف صحة و عافية.
nihal159
2017-10-23, 09:06
فطور الصباح، حليب بالقهوة و بريوش
https://b.top4top.net/p_661h6nm90.jpg (https://up.top4top.net/)
nihal159
2017-10-23, 09:08
عشانا لبارح كفتة بصدر الدجاج بالجزر و الزيتون شرائح، وزينت الطبق بالجبن الاحمر
https://b.top4top.net/p_6618hzlw0.jpg (https://up.top4top.net/)
nihal159
2017-10-23, 09:12
سحابة المقروط تاع مرت خوك تاريخييييييي لازم يذخل في كتاب غينس ههههههههههههههه الله يبارك روووووووعة.انا غذايا ليوم روز، من بعد نرجعلكم بالصور، اتهلاو فالكوزينة يالحراير.
nihal159
2017-10-23, 09:14
نسيت ماعلقتش على الكفتة تاع سحابة و هذيك الليمونة لي زادت النص فالصحن هههههه، و خاصة الكسرة تبان تشهي، بصحتكم مطرح مايسري يمري.
ام براء عبيدة
2017-10-23, 10:53
السلام عليكم انا هذا الموضوع كل مرة نصيبوا لكن الى حد الان مازال ما فهمتوش دك العضوة تفتحو تحط اعمالها ولا كامل العضوة يحطوا اعمالهم اريد التوضيح من فضلكم
nihal159
2017-10-23, 12:54
أهلين أم البراء، هذا الموضوع كل مرة تفتحو عضوة مختلفة و تتولى المتابعة و التنشيط و تشارك بأطباقها و باقي العضوات يكونو مثل الضياف عند صاحبة الموضوع و لازم تتهلى فيهم و هم بدورهم يشاركو بأطباقهم.
صاحبة الكوزينة لازم تكون فحلة و نشيطة و دائمة الحضور باش الموضوع يكون ناجح، نتمنى الفكرة تكون وصلتك.
nihal159
2017-10-23, 12:55
غذايا ليوم روز بالخضر و الدجاج، صح غداكم كامل.
https://a.top4top.net/p_661gciht0.jpg (https://up.top4top.net/)
سحابة باردة
2017-10-23, 13:21
صباح الخير على الحراير
أم هدول الحمد الله على سلامة الوالدة ربي يتمم الشفاء وشكرا على الكلام الطيب كلك ذوق

نهولة عيونك الحلوى شكرا يعطيك الصحة يانشيطة وبصحتكم الروز والكفتة بالخضروتسلم الأيادي
أنا كنت برا ماطيبت والو العشية كاش مانطيب أن شالله
البقيا وينكم محلا زينكم
أم عبيدة مرحبا بيك ونهال راهي رساتك على الموضوع كلو ههه
زوجة حمو واه مقروط المقلى بدات وصفات حقا إذا مافيهاش إزعاج بما أنك محبة للبقاء معنا علاه متسجليش بمعرُف نسوي باش هكذا أحسن لينا وليك
أم فاطمه
2017-10-23, 14:13
السلام عليكم اخواتي واش راكم اتمنى تكنو بخير الله يدوم عليكم الستر

ام هدول اهلا بي الغالية الله يشفي امك وخليهالكم خوفتني بالكشمار اليوم مانرقدش ههههه بصحتك الكيكة والكفتة بيالزيتون والمقروط تحفة

ابدعتي اطباقك كلها روعة

نهال اهلا حبيبتي زهتي الكزينة بي الاطباق التقلدية نموت عليهم يعطيك الصحة على الروز والقغتان وكرات الدجاج

هدوك الرزمات تاع المحاجب صفطهملي الله يرضا عليك

امينة اهلا عيد ملاد سعيد للجدة بصحتك التليتلي وطرطة التفاح السلو حنا نقلولها تاقنتا او طمينة نحنو هنا هههههههه

اهلا فيفي لكي بي المثل
اهلابيك ام براء تشرفينا
زوجة حمو اهلا هل انتي من الغرب املى جارتي

سلامي الى رزيقة وبيان وحياة وكل عضوا ت لي راهم غائبين طلو خطرة على خطرة برك احبكم في الله
أم فاطمه
2017-10-23, 14:42
السلام عليكم تفضلو عشيا لبارح طجين السردين في الفور :dj_17:

الخرشف بي لحم الخروف غدنا اليوم
اللوبيافطور البارح مع السلاطة
تفضلو https://www.m5zn.com/newuploads/2017/10/23/jpg//506ad6d6f2167d8.jpg.


https://www.m5zn.com/newuploads/2017/10/23/jpg//88d3ee058b8a7ba.jpg.

https://www.m5zn.com/newuploads/2017/10/23/jpg//f020dc7a2ef45bd.jpg


https://www.m5zn.com/newuploads/2017/10/23/jpg//9d2281b26ff6b99.jpg
ام براء عبيدة
2017-10-23, 14:57
بارك الله فيك اختي نهال هدوين فهمت
شكرا للاخوات على الترحيب ان شاء الله اجمع بعض اطباقي ونشارك بيهم فالكوزينة
أم فاطمه
2017-10-23, 18:18
السلا عليكي ام براء نحن في الانتضار مرحبا بلي جا وجاب هههههههههه.


https://www.m5zn.com/newuploads/2017/10/23/jpg//448aea29adb3dda.jpg.



https://www.m5zn.com/newuploads/2017/10/23/jpg//3b63fc7cc121a47.jpg.

هده بسبوسة حضرتها باش نتقهواو تفضلو خدو شوية وخليو للغيبين متنساوهمش ههههههههه بالصحة
أم يوسف2
2017-10-23, 18:56
ام براء مرحبا بيك معانا ختي
ام فاطمة ماشاء الله كل صبع بصنعة ديت بسبوسسة وخليت
ام هدول الحمدلله على سلامة الوالدة بصح خلعتيني انا بهاديك الغولة خهخخ ليوم مانرقدش
نهولة والبقية وشراكم
وين راهي حياة وشبيها ماراهسش تبان
أم يوسف2
2017-10-23, 18:57
لوكان تشوفوا ضروسي داروا فيا حالة راني بالدوا حتى يتفشو وزاد ضربني الريح
أم يوسف2
2017-10-23, 18:58
ام فاطمة اصبري عليا شوية حتى نبرا انا ووليدي ان شاء الله ونطبق وحدة من هادوك الطابليات
hamou0210
2017-10-23, 20:22
المهم يا بنات و امهات ادا كان يزعجكم وجودي سانسحب
سحابة باردة
2017-10-23, 20:24
مساء النور حبباتي
أم فاطمة ماصابني جارتك والله اديري وحد الحماس لطياب محصلش الله يبارك كل طبق أحسن من خوه ونا ندي الدنجال المقلي مع البسبوسة نهرب بيهم قبل ما تلحق أم هدول هههه
أم يوسف ربي يشفيك أن شالله صح الضروس مصيبة كيراهم وليداتك
حيوتة وينك توحشتك موت
نسيت ماقلتش لحبيبتي امنية الطمينة في الغرب أسمها المقنتة ولاكن كل منطقة كيفاش تتفنن فيها ونتاعك ميش غير تشهي تقتل ههههه
بقية الفحلات أدخلو نورونا هذي غيبة كبببببببببببيرة أم جوجو سيليا أم رحاب ليزا وزيكا وأريج الكل أين غاب قمركم
توبة أخر مرة قلتي مريضة طمنينا عليك
نجيب عشايا ونرجع
سحابة باردة
2017-10-23, 20:33
المهم يا بنات و امهات ادا كان يزعجكم وجودي سانسحب
علاش ياختي إنزعجتي من نصيحة أخت لأختها ماقصدت والو يعني أين المشكل لو يكون عندك إسم نسائي جميل مثلنا جميعا في موضوع لنساء أليس هذا هو الطبيعي
ونتمتع معكي بأطباقك اللذيذة ونا مازال الحق مشفتش طبخك يالفحلة
ام هدول
2017-10-23, 21:09
https://d.top4top.net/p_661li9da0.jpg (https://up.top4top.net/)
صحة عشاكم ياحراير
اسناو نراجع ونرجع ،،،فاصل ونواصل
hamou0210
2017-10-23, 21:15
يا اختي العمل و البيت و مراجعة الاولاد و تحضير الدروس و و ....................... ........ .و ما عندي الوقت هدا فقط اعجبني الموضوع حبيت ندخل معاكم قصدي انا كل مرة تعرضني ووحدة وانا نعطيها النقطة هههههههههههههه
hamou0210
2017-10-23, 21:16
والله يا اختي مرات مايكفي الوقت باش نكمل اعمالي
ام هدول
2017-10-23, 21:22
بعد المراجعة ..نبدة السع بام فواز ..له له له له ...ليش الزعل ..ولا الزعاف تع التدريس خرجتيه هنا في الكوزينة ..ماعليش قابليين ...خخخخ عمرنا لاتقلت علنا وحدة هنا .بالعكس رانا خواتات نستفادو من بعضان ....وماتقوليليش تجي عيانة والدار والراجل والدراري ...الخ ....صورنا شهيواتك ....نشوفهم ...ماناش طالقينك ...
شوفي خطرة سحوبة من الزعاف دارتنا صابلي يهبل وصورتو وجابوتو وانا من الزعاف ...نزيد قوة ونشاط ونخدم كلش ..لي عمري ماخدمتو ...ومانقتو هداك النهارنقيه وترجع الدارتشعل شعيل ..بصح لي يهدر معايا تخلا عليه خخخخخ...
hamou0210
2017-10-23, 21:28
على سلامتك ام هدول و شكرا على الرد
hamou0210
2017-10-23, 21:29
انشاء الله في الايام القادمة
ام هدول
2017-10-23, 21:30
لبنات...نشكركم من كل قلبي على الدعاء والدعم ..ربي يهنيكم ويفرحكم باهلكم ...امي كي راحت ختي عندها ..وطبيتلها بيون وخبزتها كسرة شعير ..وداتلها انجاص لي تحبو صفر ومبسس ....وانستها شوية ...طلعلها المورال ...وحنا كنا على اتصال نحكو معها ...كل مرة تعيطلها وحدة ...روحت ختي وطمنتنا عليها ...خلاتها لاباس ..قالتلي في الاول كي دخلت لقتها وجها اصفر ...ودكة الحمد لله .
سحوبة اسناي نحكمك برك ...ادتي البسبوسة والبادنجال ووهربيت وعلاش انا اختك ياخي ...اجبي نتقاسمو .وعععععععع.ام فاطمة ارواحي افريها بيناتنا ....
نهال ...فحلتنا الحلوة ...بصحتك كفتة الدجاج ..والروز ...وخاصة دوك البريوش مع طاس حليب امممممم
ام يوسف واش راه وليدك ....ريح شوية ....ربي معاك الضروس يهبلو ...
ام البراء وقيلة كاينه عضوة تاني باسم هدا ...المهم مرحبة بيك معنا ..في انتضار طيباتك ....
hamou0210
2017-10-23, 21:31
علميني كيفاش نصور و نبعث الصورة راهي عندكم خبرة
ام هدول
2017-10-23, 21:36
#منوعة22نداء.....
حيووووووووووووووووووووووووووووووووووووووووووووووته .....رزييييييييييييييييييييييييييييييييقة ...ام رحاااااااااااب .....ام جوجججججججججججججججججو ......بيااااااااااااااااااااااااااااااااان....وينك م راني نفتش عليكم مالقتكمش .....لكان راكم هنا ..ردو عليا قولي رانا هنا ....حت.رايحة نزيد نادي على الاخرين بيحيت ....اح ..اح .اح #كمبيوتر#كمبيوتر
ام هدول
2017-10-23, 21:39
علميني كيفاش نصور و نبعث الصورة راهي عندكم خبرة

ام فواز تامني بربي ماكنمتش نعرف وكنت نحير كيفاش يصورو ويخرجو الصور ملاح ..مالا نحكم انا نصور ونعاود ..يقولي زوجي تقول صحافة ...ههه ونقعد نخير واينا صورة نحط ...ومن بعد بالشوية ..تعلمت يعني ماش حاجة صعيبة ....ابداي برك تصوري دك تلقاها ساهلة ماهلة ...
أمنية غفران
2017-10-23, 21:54
السلام عليكم و رحمة الله تعالى و بركاته

صحا عشاويكم بنوتات كيراكم واش احوالكم

الي عجبهم السلو هاوليكم الوصفة في صورة و زيد نحط ليكم صورة الفرينة قبل و بعد تحميصها باش تبان ليكم مليح

نتمنى تجربوه و يعجبكم امممممممم

https://e.top4top.net/p_6619vh1o3.jpg

و هادي الفرينة قبل التحميص

https://c.top4top.net/p_661qo7pi1.jpg

و هنايا بعد التحميص لونها يهبل

https://d.top4top.net/p_661nblyb2.jpg

اممممممممممم عشانا كان مقرونة خفيفة بنينة

في أمان الله
سحابة باردة
2017-10-23, 21:56
صح عشاكم حبيبتي أم هدول التليتلي يبان وليمة بصحة والهنا وراني خليلتلك من فطور أم فاطمة وحنا عندنا كام من ام هدول هههه وربي يمتعك بقوتك وصحتك
زوجة حمو ربي يكون في عونك معليهش حبيبتي أكيد في الويكاند عندك وحد الساعة تختاري أسم وتعريف جديد ونا ملي كنت خدامة الويكاند نمارس فيه أعمالي الخاصة وهاوليك العشا قربي متحشميش

https://www.m5zn.com/newuploads/2017/10/23/jpg//390a0f47e1cb826.jpg
سحابة باردة
2017-10-23, 22:19
ام هدولة بالنسبة ليا الغولة خير يا صحبتي هههههههههههههه

سحوبة صحا عشاكم امممممممممممم راهو يشهي
يسلمك أمنية عيونك الحلوى
ونتضري تطبيقي لطمينة عارفتيني منقاومش وصفاتك
ام هدول
2017-10-23, 22:27
الطمينة ولا التقنتة ...ونحب ننطقها صرحة كما اهل تلمسان التاْنتة ..امممممم صحتي امنة ..على الوصفة ان شالله نجربها كي نحضر مكوناتها عمري لادقتها
مالا الغولة خير ههههه ..اخ منك اخ
سحوبة عشاك يشهي مطرح مايسري يمري ....
ام فواز من الاحسن ..كون تبدلي ا لاسم ..خير وخير .حتى انا هدا رايي ..راييحن نحسو معاك بالراحة اكثر ...وبلازعاف ...طبعا ...وانت حرة
سحابة باردة
2017-10-23, 22:47
أم هدول يسلمك حبيبتي الله يحفظك وليلتكي سعيدة
أنا ثاني نعست وتعبت اليوم غدوى أن شالله مع أطباق ألذ
ام فراس اصيل
2017-10-24, 07:14
لبنات حطولي طريقة تحميل الصور تعيشو
nihal159
2017-10-24, 08:35
صباح الخير لبنات.
عشايا لبارح كان قليان، فريت، حميص، رومستك
https://f.top4top.net/p_662djdjz0.jpg (https://up.top4top.net/)
ام هدول
2017-10-24, 08:46
https://d.top4top.net/p_662oh6rf1.jpg (https://up.top4top.net/)
أم فاطمه
2017-10-24, 08:47
السلام عليكم لبنات وصباح الخير عليكم جميعا

نهولة بصحتك القليان وعقبا لشويان ههههههه
ام هدول
2017-10-24, 08:50
صباح الخير لبنات.
عشايا لبارح كان قليان، فريت، حميص، رومستك
https://f.top4top.net/p_662djdjz0.jpg (https://up.top4top.net/)

غديا اقعدلي التلتلي من الوليمة تع البارح ..شوية برك ..المرقة شوية ثاني نشوق واش ندير بيها ...انا نكمل من عندك ولا ماقعد والو هههه
nihal159
2017-10-24, 09:41
صباح الخير مرة ثانية ههههههههه تستاهلو كل خير يالحراير هههههه
أم فاطمة ياعيني ياعيني على هذيك اللوبيا بالمرقة خاثرة الله الله هذا مايليق فالبرد؛ و ذيك السلاطة بالألوان الزاهية تشهي؛ و الخرشف باللحم ماحصلش و لي قاللهم أرقدو السردين مالح و بنين ههههههههههههه نموت عليه؛ بصحتكم الخيرات و ربي يدوم النعمة عليكم.
البسبوسة تبان خفيييييييييفة؛ مع أني لست من عشاق النوادكوكو؛ لكن من يديك كلشي عسل؛ يعطيك ألف صحة و عافية.
أم يوسف بالشفا عليك إن شاء الله؛ الضروس واعرين سقسيني أنا نقولك ههههههههههه و وليدك ماعليهش؟ تحسن شوية؟
أم هدووووووول؛ ياحناني يادنداني ههههههههههههههه واش دار فيا التليتلي؛ أنا نموت عليه و من يديك أكيد بنييييين، بصحتكم مطرح مايسري يمري.
أمينة شكرا على الوصفة؛ حبيبتي كل ذوق و أخلاق؛ قيد التجريب إن شاء الله؛ بصحتكم المقرون.
سحابة بصحتكم طاجين الخضر باللحم؛ يبان يشهييييييي.
nihal159
2017-10-24, 09:55
بالنسبة لتحميل الصور؛ أذخلي لموقع هو top4top لي نستعملو في تحميل الصور.
أنقري على زرparcourir ثمّإختاري الملف لي فيه الصور و أنقري عليه باش يفتح ثم رايحة تخرجلك كل الصور الموجودة في جهازك؛ إختاري أي صورة و إضغطي عليها؛ رايحة تخرجلك مباشرة في صفحة موقع التحميل؛ إضغطي على زر (رفع الملفات)؛ ثم أنقلى (copier)الرابط الموجود في خانة(رابط المنتديات) و ديريلو لصق(coller) في خانة الرد في المنتدى هنا.
سحابة باردة
2017-10-24, 10:21
نهاركم مبروك يالحراير
نهولة عشاك راقي جيدا ورومنسي كاش مناسبة هههه بصحة والهنا
أم فاطمة وأم هدول صباح الأنوار
nihal159
2017-10-24, 10:28
نهاركم مبروك يالحراير
نهولة عشاك راقي جيدا ورومنسي كاش مناسبة هههه بصحة والهنا
أم فاطمة وأم هدول صباح الأنوار

الله يسلمك سحابة هههههههه هذا من ذوقك. لامناسبة و لاهم يحزنون ههههههههههه يخي تعرفيني عشايا دايما خفوفي سمبولي هههههههههه
أم يوسف2
2017-10-24, 16:17
حياة وش بيك اواه راكي معولة تاع الصح انا ندخل للمنتدى لكن ماراني تاع صلاحي ماوالو ندخل بنيتي
بصح كي ولات كل وحدة تعافر اختها الواحد يولي مايجيش لهنا وخلاص
كان هاد المنتدى هو المتنفس تاعي لكن كل مرة ندخل نلقى وحدة تزعف وحدة تجرح بالكلام ........
اخزوا الشيطان ماكاين والو
ام فراس اصيل
2017-10-24, 20:02
انا حبيت نشكر ام سراج وملاك على رسالة ونقولها رانا استفدنا منك بزاف يا احلى شاف وبالنسبة للي قالت كل واحد يدخل على جال مصلاحتو والله راكي غالطة رانا ندخلو هنا على جال ندو دعاوي الخير والله بانتلي كل واحد ظروفو ومع الانترنيت الضعيفة عندنا عذر انا لبارح دخلت نفتش على رابط تحميل الصور حبيت نحطو وصفات عندي مصورة وناجحة وحتى جديدة هنايا ومضمونة ماشي على جال حاجة على جال دعاوي خير وهادل مكان انا حطيتلكم من قبل ليبيني ووصفة جربها الجميع والحمد لله عندي وصفان مصورة وما كتبش ربي نحطهم الانترنيت كانت ما عنديش وين نسكن ودوك الحمد لله مالا حبيت نقولها هادا راهو عذر بصح كنت تبع الكوزينة من بعيد وحنا هنا جينا باش نفيدو بعضانا ماشي باش نعاتبو بعضانا انا كلمة كل واحد يدخل على جال مصلاحتو هادي تقيس اي واحد وشكرا راني طولت بالكلام
أم يوسف2
2017-10-24, 20:33
ام فراس بارك الله فيك على الكلام الرزين
أم يوسف2
2017-10-24, 20:35
لااله الا انت سبحانك اني كنت من الظالمين
أمنية غفران
2017-10-24, 21:49
السلام عليكم و رحمة الله تعالى و بركاته

أخواتي الكريمات صحا عشاويكم كامل عضوات و زائرات و كواليسات

.................................................. .......................

دخلت على عتاب الحبايب هاو نعلي بليس خياتي هادي عين و صابتنا رانا خيات عند ربيو كل وحدة و ظروفها غي ربي الي راهو عالم بيها بصح نحبو نتلمو في هاد الصرح باش نرمو همومنا و متاعبنا وراء ظهورنا

امالا خياتي وحدة ما تتحسس من الأخرى رانا عايلة و بيناتنا ملح واش بيكم انسيتو هههههههههه

و بالنسبة لبيسو الزينة ها اعذروها مسكينة المرض و زيد الجري و راء الخدمة ربي معاها و معانا كامل

ايا بيسو ارجعيلنا و نحي الزعاف كيما يقولو حتى المصارن في الكرش و يتهاوشو :mh31:

جماعة هاو كيفاه كي بغيت نفتح الكوزينة الجاية بغيتو تهربو ياك صار هاك يا دلالي معليش خلي نفتحها و ساهل الحال و تشوفو المطرق اه نقصد المطبخ احم احم

صدقوني يا خياتي و الله غي نبغيكم من عند ربي

ها خليو قلوبكم صافية و دائما احتسبو الأجر من عند ربي سبحانه اوكي تفاهمنا

ايا اليوم تفضلو عشانا كان شاورما يعني شاورما بيتي احم احم و زدت سلطة طن مع طماطم مقطعة رقيق و زودية مفورة و المايييس خرجت بنينة اممممممممم

https://c.top4top.net/p_662ube9w2.jpg

https://b.top4top.net/p_662jm5151.jpg

في أمان الله
ام هدول
2017-10-24, 22:20
حيوته سلامتك الف سلامة ، ،،،ماعندك شر ، ،،شكرا زيكه وحيوته علي تلبيه النداء ،،،،بالشويه ،،ترجع النفحه واللمه،،،،
امينه بصحتك الشو رما،،،بلمستك الخاصة اممممممممم
الماسة النادرة
2017-10-24, 23:35
اختي امينة حببت نقولك جربت السفنج جا مقبول مي شكلا هههههه تعيشي شكرًا الف مرة على مساعدتك ليا
مياسم الصمت
2017-10-25, 06:02
السلام عليكم ورحمة الله وبركاته
الأخوات الفاضلات تمنيت أن لا تصل الأمور الى هذا الحد مرة أخرى بينكن
أولا أقول للأخت حياة رقابة المشرفات موجودة وبصفة يومية
تواجد المشرفات كان السبب ووراء رد محاولات الاختراق المتكررة التي تستهدف القسم خاصة لنشاطه وقلة خبرة العضوات
نشاط المشرفات يظهر في متابعة أغلب مواضيع القسم
ولن ننكر التقصير أكيد فمثلكن لدينا انشغالاتنا اليومية التي تعيق الدخول أيضا
وحظر العضوية بمعرف أنثى في هذع الصفحة تحديدا دليل على المتابعة
وان كانت متقطعة بالنسبة لهذا الركن تحديدا
لسببين ذكرت أحدهما آنفا

و الثاني ترككن بحرية بعض الشيء بناء على ما كان سابقا و الكثيرات على دراية بذلك


لكن للأسف.......
نبقى ندور في نفس الحلقة من الخروج عن الموضوع

مع أنه انتن بصفتكن ناشطات في الكوزينة عليكن العبء الأكبر في المساعدة بالتبليغ عن المخالفات و تنبيه المشرفات فالأقسام كثيرة و المواضيع أكبر


سأكون واضحة جدا معكن
ما يعجبني في أقسام الطبخ لمتكن و انسجامكن
بالمقابل ما أره غير مقبول و نحن في عالم افتراضي ولا ندري ان تجمعنا الحياة مرة اخرى او قد نفترق بالموت او لسبب آخر
للأسف في كثير من المرات أرى تحزبا واضحا لدى البعض
أخواتي نحن في عالم افتراضي و لا ندري ما يحدث خلف هذه الشاشات
فلكل ظروفه
الأخت بيلسان ولست ادافع عنها لكن الحقيقة تقال
هي فتحت الكوزينة لرغبة في التواجد بينكن و كنت ألحظ نشاطها سابقا
و ان حدث و انقطعت عن دخولها ولأي سبب كان
فهلا التمستن لهن العذر
فقد يكون لمرض لانشغال لظروف ما

او حتى لضغوطات نفسية وما اكثرها

في البيت لما تكون واحدة مريضة او مقلقة ياخي من تفسك تقولي لها خلي عليك ؟؟
كان يمكن للناشطات تعويضها و سد الفراغ الى ان تعود
وحتى وان لم تعد فكتابة الكوزينة باسم احداكن لا يعني تملكها لها بأي حال
أو أقل الضرر كان يمكن مراسلة المشرفات لغلقها و فتح اخرى

ما دام يقترن النشاط و التواجد بمن تفتح الكوزينة

ما جرى هنا كان يمكن تلافيه عبر الخاص سواء فيما بينكن او للمشرفات
او حتى بضغظة زر و التبليغ

حدث ما حدث و أدعو لنفسي ولكن بالهداية


بالنسبة للموضوع يغلق بعد اذنكن نظرا للتوترالحاصل و بغرض تفاديه لاحقا

و عليه يغلق و نرجو من أي أخت فتح موضوع جديد
دمتن بسلام و مودة