هل أبوح بسرها لأخيها

[oussama19 ESS]

السلام عليكم و رحمة الله و بركاته ....أريد أن أستشير اصحاب الحكمة او اي واحد يقدر يفيدني ...
بسم الله .....ان عندي 18 سنة ... كي كنت نقرا السنة الثانية ثانوي كانت تقرى معايا طفلة ...نعرفها مليح تسكن قدامنا و نعرف الاب و الاخ تاعها و خوها كبير 22 سنة ..المهم نعرفهم مليح خوها كان يخدم معايا .....الطفلة هادي كيما تعرفو حالة البنات تاوعنا فالثانوية ...كانت مرتبطة معا واحد ( كانت تمشي معا واحد ) حوالي عامين السنة الاولى و الثانية . وكانت خلاطة بزاف . التيليفون .. الفيسبوك .. الخرجات ..بزاف صوالح ..المهم ديما نهدر معاها و نقولها اخطيك و منا وكون يسمع بويك ولا خوك ..ديما ننصح فيها ..( سما كي عدت نعرف عايلتها برك ) حتى وصلت لدرجة قريب نحوس نرتبط معاها ( قلت انا نمشي معاها انا خير ..خير من تمشي معا واحد و كشما يصرا ...يعني كنت غالط بصح هاذاك ما قدرت ندير ) المهم كي طلعنا للسنة الثالثة بدلت الثانوية و ارتبطت معا شاب واحد اخر ..انا قلت ما نزيدش نحوس عليها مره..

المشكلة في هاذوك السنوات تاع الثانوية ..جامي هدر معايا خوها عليها و لا يقولي واش كانت دير ...حتى هاد العام كي روحت نسجل ..روحت معا خوها هوا لي سجللها .المهم نعتلو كيفاه و كي خلصنا جينا مراوحين ...

قالي "" ختي ياخي كانت عاقلة فالثانوية "" انا ارتبكت و قلتلو وي كانت عاقلة زاد قالي "" كشما تسمع عليها و لا كشما كانت دير قولي ..ديرني ني خوك..والله مانسمحلك لا خبيت عليا""

و هاد العام هيا تقرا فالجامعة ..سما علابالي كون تكمل هكدا علابالي تروح حياتها

الان يا اخوتي يا اخواتي ..دلوني للقرار الصائب .
.( انا علابالي بكلش بواش كانت دير ) هل نهدر معاه و نقولو و ش كانت دير مع العلم انو صاحبي و بويو يعرفني سما ندير فيهم خير

ولا ما نهدرلو والو و نسكت و خلاص

افيدوني ارجوكم

[kouachizoubir]

وعليكم السلام ورحمة الله، نحن بنو آدم وكلنا خطّا ؤون، وخير الخطّائين التوابين، لكن المشكلة ان هناك نوع من البشر يصرون على الخطأ بل ويتباهون به، هدانا الله واياهم، السؤال الذي يجب ان تطرحه على نفسك: هل بوشايتك عن زميلتك وجارتك، هل يصلح حالها بعد ذلك؟
انت تعلم جيدا ما قد يحدث لذلك انت في حيرة من امرك، فانت بوشايتك وانت حسن النية، لا قدر الله قد يصل الامر الى ارتكاب جريمة من طرف الأخ نحو اخته، خاصة اذا كان من الأشخاص الذين تنطفئ لديهم نور البصيرة عند الغضب.
نصيحتي لك ان تقوم بتهديد الفتاة ذاتها، وان تخبرها ان اخاها اوصاك ان تأتيه بتقرير دوري عنها، لكنك بحكم الزمالة والعشرة الطيبة التي بينكما فانك اتيت لتنبيهها ان اخوها يسأل عنها دائما فيجب ان تستقيم حتى لا تصل الى ما يحمد عقباه، وان تبتعد عما تفعله فانه سوف يجرها الى الخطأ في حق الله وحق نفسها. اما ان كانت من النوع الذي لا يهمه أحد فاني انصحك باخبار اخاها وهو يتولى امرها. ربي يجيب الخير.
اسأل العفو والعافية لكل شباب هذه الأمة.

[22bilal bilal]

سما هاك تضيع حباتك تراقب وتعس فيها يخي نتا قلت انى نصحتها
وهي مدايرة رايها عندك حاجة انك تدعيلها ان ربي يهديها
تانى شئ نتا لو تقول لخوها او ابوها بلاك كشما يديرو للطفلة بلاك يقتلوها وتولى تقول ياليتنى ..

[mask2]

من أسماء الله سبحانه الستير
وقد أمر الله بلستر أترك الموضوع وادعو لها بلصلاح