الأمر فعلاً يُقلقني !! [الأرشيف] - منتديات الجلفة لكل الجزائريين و العرب

المُعادلة الصّعبة

2017-09-19, 21:54

السّلام عليكم
ان شاء الله تكونوا ملاح الله يسهل لنا جميعا يارب
والله ما لقيت كيفاش نبدا موضوعي لأني اصلاً كنت متردده في كتابتو
مي فالاخير ماقدرتش نخليها ونبلعها لانو فعلاً الموضوع اقلقني
كاين وحد الحوايج اسمهم "ارهاق " و"تعب" و"نعاس" و"خمول"طواااال الوقت يوميا
نعيا نركز مع القرايه مي مانقدرش هذاك هو الحد تاعي
نقعد فالبيرو ونبدا نقرا وي
نكون شبه عارفه وش ندير اي نعم
نحل التمارين نفهم على واش يحكي اللي راني نقرا فيه نعم
ولكن والله ماني راضيه على روحي داخليًا لاني حاسه نخدع في نفسي ، منيش حاسه روحي نقرا من قلبي هذيك القرايه تاع الصح النابعه من الاعماق واللي راني حابتها انا
نقرا بوحد اللامبالاة هكا والسبب التعب والانهاك الجسدي لي حاساتو
شيئ مش بيدي ابدًا
رغبتي كبيره جدًا في الدراسة وتحقيق مبتغاي وحماستي لدرجه لا تصور والحمدلله ربي يدومهالي
بصح في كل وقت نجي نقرا نثاوب ونجي نقرا العفسه نبدا نقول هذي واعره شوي نخليها حتى للوقت لي نحس روحي ناشطة و جاهزة للاستيعاب
نحل غير الساهل واللي اصعب شوي من الساهل
مانيش مهيأة روحي باش نطلع فالمستوى
والسبب هو التعب لي راني حاسه بيه معلاباليش اذا تتنوعسوا كامل كيفي ولالا
اي grave
ماعلاباليش وقتا تجي اللحظه هذيك لي نكون فيها ناشطه لي أجلت لها شحال من عفسه بش نقراهافيها
منيش راضيه على روحي ومانيش ندير فيها كـ "عذر" و"سبة" بالعكس حابه نتخلص منها مي ماقدرتششش
الله غالب تقولولي جاهدي نفسك و استنزفي طاقتك ولكن لا يكلف الله نفسا الا وسعها والله ندير لي نقدر عليه مي مانقدرش على الاكثر
اصلا واحد باش يركز لازم يكون مرتاح جسديا ونفسيا
من الناحيه النفسيه الحمدلله الحمدلله غالبا ما يكون مخي فارغ ومهيأ للدراسة وماكانش حتى حاجه ملهيتني بتاتا
من الناحيه الجسدية دايما جسمي تعبان محتاج للنوم
نرقد فالليل من 11 ل 6 ..
حاجا مليحة 7 ساعات منيش من النوع لي ناقص نوم وو...
نضل فاتحة الpc ونشوف لي تلشارجيتو كامل في جميع المواد والله اشياء تعجبني كنوووز لطالما طمحت اني نقرا منها و نتمكن من جميع المواد باش نحقق الحاجة لي اني باغيتها ونضل متلهفة غير باش نوصل للمادة الفلانيه ونشوف الملخصات والتمارين هذيك لي عندي ومهيش عند ناس ياسر الحمدلله
منيش حابه نضيعها ونندم والله ماني باغيه
مي كييفاش
علاش ريان دايما تاعبه وناعسه وناقصه نوم ومُنهكة ،
والله اهم شي الراحه باش واحد يتهيأ يستوعب المعلومات ويركز
درت اللي نقدر عليه حاولت لاقصى حد نركز
بصح تركيزي تاع كيما نقولوا نليكيدي برك نقرا سطحيا مالفوق لفوق ونستنى غير وقتا نكمل باش نرقد وفي جميع الاوقات صاريتلي
مثلا اليوم رجعت للدار ما اجلت ما والو قلت اليوم نقرا seriously

بديت من 1 حتى ل 5 نحل فتمارين رياضيات وحليت 17 تمرين من مرحع الجديد و 40 تمرين من المغني و 5 من الكتاب المدرسي الحمدلله ، بصح وش من حل~_~
اني علابالي بالدرس وش فيه وكلش مي ما تطرقتش للصعيب هذاك وماحاولتش اصلا نتطرق ليه ونقرا بالمرتاح نحل غير فالساهل بيسك تجيني واعره باش نفتح عينيا ونفكر في الحل تاع حاجا جدديدة وصعيبه .. نليكيدي وخلاص هه
وبعدها ريحت شوية وقريت فيزيك حتى ل 8.30 مخي تقفل صح صح ماقدرتش نزيد ايا ريحت

المهم

لنا الله
شكرا لكن من مر من هنا
مش شرط حتى واحد يقلق روحو بحاجه زايده عليه ويريبوندي عليا .. تقدروا تقراوا وتمروا
ادعولي فقط هذا يكفيني ،، جدًا مُحتاجه للدعاء ،
ماقدرتش نشدها في قلبي والله شي مقلقني ومادامني حكيت هاذا كامل مادام قلبي معمر
حبيت نحكي سيتو
ونكون ممنونه لكل واحد دعالي وحاول يساعدني ولو بكلمة
الله المستعان
وفقنــاا الله

~ قدس ~

2017-09-19, 22:08

سلاام ريوونة ..

ياربي يفرج عنك وترجعلك الحيوية لي تعطينا فيها قبل كل ..

اما حبيت نأشر لنقطة ولي هي رانا كامل هكا .. دايرة جدول عندي سمانتين .. بصح لحد الآن ما طبقتااش .. ومانيش نقرا كاامل .. كيفك .. اما سعاات نحس حاابة نقدم ونخدم .. فكري العام جااي وقت هكا رايحة تكوني رايحة لجامعة حابتها وخدمتي عليها ولا رايحة لجامعة هي لي خيرااتك ..

فكري ملييح قبل ما يفووت الحال معليش فوتي نهار بلا والو خممي غير في العام هذا لازم نقدم كل ما عندي .. ما تخمميش بسلبية تااع ما حليتش الصعيب لالا حلي الساهل وفي النهار حلي تمرين صعيب واحد وجيبي الحل نتاعو وبقاي معاه بساعات .. خممي بلي يااسر عبااد فاتت كيفنا وجاابو المعدلات الله يباارك غير بالخطوات لي رانا فيها حنا تو ..

الا قلقتك سمحيلي

Mr.R

2017-09-19, 22:10

هههه أيا مزيا مرانيش وحدي
و لكن يا ريان انا فقط من قرائتي لواش راكي تحلي من تمارين تع رياضيات و مراجعة فيزياء عييت في بلاصتك
هههههه ,, حنايا رانا فالنهايات و كلش قريناه العام ليفات
الفيزيك سرعة تفاعل سرعة حجمية لحظية و متوسطة
حاجة خفيفة و سهلة ,,, مازال ما حليت ولا تمرين
حلينا بعض أمثلة في القسم و كلش عادي
يعني صراحة القراية راهي تبانلي عادي جدا
ما استعملت ولا مصدر للمراجعة,,, ملفات بعض مرات نحملهم
و جامي استعملت واحد منهم هههه ,,, او ربما ليس بعد
ربما البعض يرى أني متهاون نوعا ما لكن ....
المهم أنا أيضا اشعر بذلك الشعور الغريب
التعب الشديد ,, رانا في قريب اسبوعين تع دراسة ربما مازال ما نوالف الريتم
الدعاء كامل لازملنا الدعاء
ربي يقدرنا على الدراسة ان شاء الله
و الله يهدينا ههههه

Mr.R

2017-09-19, 22:12

نظن نشر تفاصيل جدول دراستي المكتظ راح يأثر بالسلب عليكم
و نظن لازم نسيبريمي البوست هههه

المُعادلة الصّعبة

2017-09-19, 22:15

سلاام ريوونة ..

ياربي يفرج عنك وترجعلك الحيوية لي تعطينا فيها قبل كل ..

اما حبيت نأشر لنقطة ولي هي رانا كامل هكا .. دايرة جدول عندي سمانتين .. بصح لحد الآن ما طبقتااش .. ومانيش نقرا كاامل .. كيفك .. اما سعاات نحس حاابة نقدم ونخدم .. فكري العام جااي وقت هكا رايحة تكوني رايحة لجامعة حابتها وخدمتي عليها ولا رايحة لجامعة هي لي خيرااتك ..

فكري ملييح قبل ما يفووت الحال معليش فوتي نهار بلا والو خممي غير في العام هذا لازم نقدم كل ما عندي .. ما تخمميش بسلبية تااع ما حليتش الصعيب لالا حلي الساهل وفي النهار حلي تمرين صعيب واحد وجيبي الحل نتاعو وبقاي معاه بساعات .. خممي بلي يااسر عبااد فاتت كيفنا وجاابو المعدلات الله يباارك غير بالخطوات لي رانا فيها حنا تو ..

الا قلقتك سمحيلي
عليكم السلام قـــدس ،،
آمين آمين الله يسمع منك ويستجيب لك ،، واياك يارب
لا انا مانيش نضيع فالوقت ولا مانقراش
بالعكس رغبتي كبيرة جدا في الدراسة كيما قلت فالموضوع
مكانش افكار سلبية ولا ...
لا بالعكس الحمدلله كلي ثقه وطموح بأني نبلغ هدفي بحول الله تعالى
لكن الله غالب الحاجه هذي لي حكيتلكم عليها ماهيش بيدي ما قدرتش نغيرها مالقيتلهاش العفسه
ماكانش قصدي اني نخاف مالصعيب ولا .....
لا اني نحاول نركز على اقصى قدر ممكن بصح هذاك القدر يكون قليييل ومهوش كافي
بسبب التعب
مشكلتي حددتها وهي الارهاق الجسدي وليس النفسي ..
شكرا جميلتي على المرور
لا بالعكس اسعدتيني والله ،،
الله يـوفقك ويسعدك

المُعادلة الصّعبة

2017-09-19, 22:18

هههه أيا مزيا مرانيش وحدي
و لكن يا ريان انا فقط من قرائتي لواش راكي تحلي من تمارين تع رياضيات و مراجعة فيزياء عييت في بلاصتك
هههههه ,, حنايا رانا فالنهايات و كلش قريناه العام ليفات
الفيزيك سرعة تفاعل سرعة حجمية لحظية و متوسطة
حاجة خفيفة و سهلة ,,, مازال ما حليت ولا تمرين
حلينا بعض أمثلة في القسم و كلش عادي
يعني صراحة القراية راهي تبانلي عادي جدا
ما استعملت ولا مصدر للمراجعة,,, ملفات بعض مرات نحملهم
و جامي استعملت واحد منهم هههه ,,, او ربما ليس بعد
ربما البعض يرى أني متهاون نوعا ما لكن ....
المهم أنا أيضا اشعر بذلك الشعور الغريب
التعب الشديد ,, رانا في قريب اسبوعين تع دراسة ربما مازال ما نوالف الريتم
الدعاء كامل لازملنا الدعاء
ربي يقدرنا على الدراسة ان شاء الله
و الله يهدينا ههههه
اهلا خويا عزو
هههههه والله غير ضحكت كي قريت الرد تاعك
وي صح مزال كلش ساهل وخفيف عندك حق
بصح هاداك العدد لي رك تشوف فيه تاع التمارين ياو والله ما حليتهم من قلبي هههه غير نليكيدي علابيها حليت عدد كبير
كون جيت حليتهم من قلبي راني نبطى معاهم واكيد مايكونش عدد قد هداك
فهمت كيفاش
ندير فيديو فاليوتيوب هو يهدر وانا نثاوب ومنركزش نبقى نعاود فاللقطه تاع الفيديو كثر من 3 مرات بيسك نسهى ونخمم فالنوم
صحيح لازملنا كامل
طلعتلي المورال شوية هههه ربي يوفقنا ويكون معانا
مشكور جدا كي جيت لموضوعي ممتنه لك =)

varamara

2017-09-19, 22:21

اختي الحالة الي راكي فيها واجهتها
هي برك كي تتعودي على سيستام القراية طيقي
فانا كنت كل يوم مرهقة وانام على9
لكن اقول لك ابدي بالتدرج
اي اقعدي فترة تقراي قساعة في نهار
ثم ما يجي يلحق ديسمبر تلقاي روحك تقراي 8سوايع وما تحسيش بيهم
فانت لم تقضي نصف شهر وتريدين حل تمارين صعبة
ومعليهش مرة لولة ماتعرفيش الحل لكن لا تنسي اين واجهتك الصعوبة وتعاودي تحليها
فلا تجهدي نفسك كثيرا
وكلي اكل صحي وعصائر طبيعية
فلست الوحيدة التي واجهت هذه الحالة فكل طالب سنة ثالثة ثانوي واجهها
فلا تياسي من الان
وبالتوفيق

مريم المتفائلة

2017-09-19, 22:23

نفس حالتك ريونة انت بالك بادرتي وحليتي بعض التمارين انا تمرين مقدرش عليه ورني نسوف واناجل وحاسة الوقتت يروج ونفسيتي تعبانة الله يجيب الخير حبيبتي وخلاص ربي يوفقنا ان شاء الله انت لها جبيبتي واعرفك ذلك واومن بقدراتك الخارقة للعادة

المُعادلة الصّعبة

2017-09-19, 22:25

اختي الحالة الي راكي فيها واجهتها
هي برك كي تتعودي على سيستام القراية طيقي
فانا كنت كل يوم مرهقة وانام على9
لكن اقول لك ابدي بالتدرج
اي اقعدي فترة تقراي قساعة في نهار
ثم ما يجي يلحق ديسمبر تلقاي روحك تقراي 8سوايع وما تحسيش بيهم
فانت لم تقضي نصف شهر وتريدين حل تمارين صعبة

فلا تجهدي نفسك كثيرا
وكلي اكل صحي وعصائر طبيعية
فلست الوحيدة التي واجهت هذه الحالة فكل طالب سنة ثالثة ثانوي واجهها
فلا تياسي من الان
وبالتوفيق

اهلا بك ،
صح اكيد فكرت مليح انو حاجه كيف هذي طبيعيه وكاين لي مر بيها بصح بانتلي انا شوية زايده خاطر دايما ناعسه في كل الاوقات
كلامك اثر فيا وطلعلي المورال
والصعب منيش نقصد هذاك الصعب لي......... معلاباليش انا
قصدي نحل البسيييط جدا ومانيش مهيأة روحي باش نطلع النيفو هذا ماكان
شكرا على مرورك اختي الله يوفقك ويسعدك

المُعادلة الصّعبة

2017-09-19, 22:27

نفس حالتك ريونة انت بالك بادرتي وحليتي بعض التمارين انا تمرين مقدرش عليه ورني نسوف واناجل وحاسة الوقتت يروج ونفسيتي تعبانة الله يجيب الخير حبيبتي وخلاص ربي يوفقنا ان شاء الله انت لها جبيبتي واعرفك ذلك واومن بقدراتك الخارقة للعادة

ههههههههه قدراتي الخارقه للعادة
آمين مريومتي ان شاء الله نوالفوا برك بالوتيره و ننحيوا الكسل والتاجيل هذا بيسك اكثر حاجا خايفه منها هي الندم على الوقت هذا لي راهو يفووت
لنا الله

ترانيم الامل

2017-09-19, 22:34

السلام عليكم ورحمة الله تعالى وبركاته
كيف حالك ريان ؟؟؟
هههه اظن ان الجميع يعاني من نفس المشكلة بصراحة لا ادري بعد ما السبب ان كان بسبب القسم لان المشاركة ضعيفة نوعا ما + لا اثر للمنافسة بتاتا او لانني مازلت لم اتعود على الدراسة بعد ، بصراحة قمت بانجاز جدول سابقا لكنني لم اطبق منه شيئا يذكر ، ادرس اي مادة اريدها في اي وقت
ههههه عند قراءتي لموضوعك ورؤية عدد التمارين التي قمتي بحلها احسست اني لا ادرس بتاتا
بصراحة عدد التمارين التي احلها في مادة الرياضيات لا يتجاوز 5 تمارين لاننا مازلنا ندرس النهايات فقط ، اما باقي المواد فلم اعرف ما يجب حله غير بعض تمارين الاكسدة والارجاع في مادة الفيزياء
هه لا يسعنا الا ان نسال الله عز وجل التوفيق والسداد ان شاء الله
موفقة ان شاء الله

varamara

2017-09-19, 22:37

قع ما تقوليش زايدة عندك قع تواجهي نفس الحية

اما في تمارين معليهش جربي حلي تمرين صعب
لاول مرة ومرات لقداهش مرة ما طيقيش تحلي
بصح في اخير تولي هذا الصعب ساهل هو ايضا
ونيفو نقلك كي تحطي مع استاذ القسم او دروس خصوصية وتولي معاه في برنامج لا اراديا تلقاي روحك تحلي في حوايج في وقت سابق كنت ما تعرفيهمش
فكاني ارى نفس حالتي مرة اخرى
بالتوفيق لك اختي

amin8

2017-09-19, 22:38

ممكن راكي تجهدي في نفسك بزاف
عموما حاولي تكتشفي عفسة تنفعك مثلا الاستماع الى رقية و ربما لديك مشكلة فيتامينات
و حاولي تكتشفي هل هذا الشي جديد و لا من بكري و بالتالي محاولة ايجاد السبب

varamara

2017-09-19, 22:48

السلام عليكم ورحمة الله تعالى وبركاته
كيف حالك ريان ؟؟؟
هههه اظن ان الجميع يعاني من نفس المشكلة بصراحة لا ادري بعد ما السبب ان كان بسبب القسم لان المشاركة ضعيفة نوعا ما + لا اثر للمنافسة بتاتا او لانني مازلت لم اتعود على الدراسة بعد ، بصراحة قمت بانجاز جدول سابقا لكنني لم اطبق منه شيئا يذكر ، ادرس اي مادة اريدها في اي وقت
ههههه عند قراتي لموضوعك ورؤية لعدد التمارين التي قمتي بحلها احسست اني لا ادرس بتاتا
بصراحة عدد التمارين التي احلها في مادة الرياضيات لا يتجاوز 5 تمارين لاننا مازلنا ندرس النهايات فقط ، اما باقي المواد فلم اعرف ما يجب حله غير بعض تمارين الاكسدة والارجاع في مادة الفيزياء
هه لا يسعنا الا ان نسال الله عز وجل التوفيق والسداد ان شاء الله
موفقة ان شاء الله
اختي

الجدول ابدا لن يطبق للاسف حقيقة عند كل طلبة
لكن ضعي مهام للاسبوع مثلا افهم الدرس والخصه واحل 10 تمارين وكل مادة وكيفاه
فاما بالنسبة للدراسة حلي تمارين بعد دراستك للدرس في القسم
فانا ارى انه لماذا استعجال افضا ان يكون مسارك موازي لمسار استاذ في القسم لتساله لما لم تعرفه
فان كنت ترى نفسك لم تنجز شيء
فانا كنت ادرس كل شيء في وقته
لم حفظ مواد الحفظ الا في افريل وحليت بكالوريات كاملة في ماي
فكنت متاخرة عن كل الذين اعرفهم لكن اخذت معدل افضل منهم
فنصيحتي لك ليس مهم السرعة المهم استعاب لكل جوانب الدرس
بالتوفيق اتمنى ان تكون تجربتي افادتك

ترانيم الامل

2017-09-19, 23:16

اختي

الجدول ابدا لن يطبق للاسف حقيقة عند كل طلبة
لكن ضعي مهام للاسبوع مثلا افهم الدرس والخصه واحل 10 تمارين وكل مادة وكيفاه
فاما بالنسبة للدراسة حلي تمارين بعد دراستك للدرس في القسم
فانا ارى انه لماذا استعجال افضا ان يكون مسارك موازي لمسار استاذ في القسم لتساله لما لم تعرفه
فان كنت ترى نفسك لم تنجز شيء
فانا كنت ادرس كل شيء في وقته
لم حفظ مواد الحفظ الا في افريل وحليت بكالوريات كاملة في ماي
فكنت متاخرة عن كل الذين اعرفهم لكن اخذت معدل افضل منهم
فنصيحتي لك ليس مهم السرعة المهم استعاب لكل جوانب الدرس
بالتوفيق اتمنى ان تكون تجربتي افادتك

نعم بصراحة احيانا اتبع طريقة المهام اي عندما اعود الى البيت اسجل ما ساراجعه اليوم واحاول ان اتمم كل المهام
نعم صحيح ، استفدت كثيرا من نصائحك ، شكرا جزيلا لك
بارك الله فيك
موفقة ان شاء الله

Mr.R

2017-09-19, 23:18

ههههههههههه أيا مزيا
هيا صح لازم نبدو بالتدرج
أنا ثاني الفيديوهات راهم يجو طوال و منقدرش نتفرجهم مل اول للاخير
و مين في البداية نكون عارفها ايا كي شغل نكره شوية
و ديفوا يروحلي تركيز نعاود نرجع نحوس على اللقطة لي فاتتني
ايا نلقى روحي في ساعة متفرج 10 دقايق برك هههه
نزعق برك مازال متفرجت حاجة تع دراسة ل ساعة واحدة
مي بشوية بشوية و ان شاء الله نرجعوا كيما كنا
هذا ماكان ههههههه
حملة لرفع المورال
موتيفايشن تايم
هههخههههه

اخت الرجل

2017-09-20, 07:02

كيف كيف ريان مايقلقكش ذا شي

jieona

2017-09-20, 07:16

أختي متتقلقيش كيما قلتي هذا التعب برك
أنا العام لي فات كنت نرقد في القسم مشي غير كي نجي نحل التمارين هههه
صدقيني حالة جد عادية نتي كثرت على مخك فوق اللازم
خلي معاك دائما حاجة حلوة
كي تنعسي روحي ارقدي متكثريش على روحك
صدقيني مازلنا في بداية السنة متكرهيش روحك من دوك
ابداي تدريجيا مثلا مشي كل يوم تحلي هاد العدد الهائل من التمارين
الله يبارك عليك عندك إرادة رغم المشكل تاعك
مي أنا و تشوكيت في بلاصت مخك الأسبوع الثاني و حليتي هذا الكم الهائل
عزيزتي بلعقل على روحك كولي مليح و ارقدي مليح
مثلا في أيام الأسبوع راجعي الدروس اللي قريتوها في اليوم
و في نهاية الأسبوع حلبي تمارينها
و هكدا كل أسبوع زيدي يوم من الأسبوع تحلي فيه تمارين
مشي شرط تحلي 40 ساهلين حلي 4 صعاب
و روحي ارقدي بكري مي متعييش روحك تنوضي بكري من ضرك
الله يكون في عونك و عوننا جميعا
صدقيني دعيتلك من كل قلبي إن شاء الله ينفرج همك
و نفرحو بيك و نفتخرو
راني دايرة فيك ثقة ما تبهدلينيش

المُعادلة الصّعبة

2017-09-20, 11:30

السلام عليكم ورحمة الله تعالى وبركاته
كيف حالك ريان ؟؟؟
هههه اظن ان الجميع يعاني من نفس المشكلة بصراحة لا ادري بعد ما السبب ان كان بسبب القسم لان المشاركة ضعيفة نوعا ما + لا اثر للمنافسة بتاتا او لانني مازلت لم اتعود على الدراسة بعد ، بصراحة قمت بانجاز جدول سابقا لكنني لم اطبق منه شيئا يذكر ، ادرس اي مادة اريدها في اي وقت
ههههه عند قراءتي لموضوعك ورؤية عدد التمارين التي قمتي بحلها احسست اني لا ادرس بتاتا
بصراحة عدد التمارين التي احلها في مادة الرياضيات لا يتجاوز 5 تمارين لاننا مازلنا ندرس النهايات فقط ، اما باقي المواد فلم اعرف ما يجب حله غير بعض تمارين الاكسدة والارجاع في مادة الفيزياء
هه لا يسعنا الا ان نسال الله عز وجل التوفيق والسداد ان شاء الله
موفقة ان شاء الله
عليكم السلام
اهلا ابتهال انا مليحه الحمدلله وانتي ؟
امم انا لا اعتقد انو سببي نقص المنافسه او شيئ كهذا لانو حتى ولو مكانش منافسه عادي ماهيش مأثره عليا لانو الهدف اللي مصوبة عليه اكبر من اني نقيدو ونحصرو في منافسة مؤسستي
وي بانتلي تاع مازال ما تعودنا + ما ننصحكش تديري برنامج وتقيدي بيه نفسك انا استنتجت ان هذا الشيئ خطأ ولكن كل يوم ديري خطة لليوم للفلاني والاشياء لي محتاجتها وتحبي ديريها
بالنسبه للتمارين لي حليتها خخ تبانلك كثيره صح بصح كون تشوفيني كيفاش نحلهم ههههه نرقد على البيرو نشوف التمرين ما نخممش كامل فالحل ونشوف ديراكت للحل تاعو ونفهم الفكرة ونفوت "ما نخدّمش مخي" خاطر نحس بالتعب ورغبة في النوم
علابيها جا عدد كبير هههه
صحيح الله المستعان والموفق
بالتوفيق عزيزتي شكرا على مرورك

المُعادلة الصّعبة

2017-09-20, 11:32

قع ما تقوليش زايدة عندك قع تواجهي نفس الحية

اما في تمارين معليهش جربي حلي تمرين صعب
لاول مرة ومرات لقداهش مرة ما طيقيش تحلي
بصح في اخير تولي هذا الصعب ساهل هو ايضا
ونيفو نقلك كي تحطي مع استاذ القسم او دروس خصوصية وتولي معاه في برنامج لا اراديا تلقاي روحك تحلي في حوايج في وقت سابق كنت ما تعرفيهمش
فكاني ارى نفس حالتي مرة اخرى
بالتوفيق لك اختي

صح اقنعني كلامك فعلاً اختي
شكرًا جدًا لك رأيك ساعدني كثيرًا
ربي يبارك فيك

المُعادلة الصّعبة

2017-09-20, 11:34

ممكن راكي تجهدي في نفسك بزاف
عموما حاولي تكتشفي عفسة تنفعك مثلا الاستماع الى رقية و ربما لديك مشكلة فيتامينات
و حاولي تكتشفي هل هذا الشي جديد و لا من بكري و بالتالي محاولة ايجاد السبب
ايه نتفق معاك
لاني عموما هذي الايام شهيتي مغلقة ما ناكلش ياسر وماعنديش رغبة فالأكل
وبالنسبه لـ شي جديد ولا من بكري ههههه كي خممت رجعت سنتين للوراء لقيت روحي من اولى ثانوي نفس الحالة مي الفرق اني ماكنتش نقرا بشكل يومي علابيها ما انتبهتش للموضوع
كنت ليلة الفرض ننوض على 3 و 4 نحفظ وخلاص
هذاك اللي يساعدني
نبهتني لحوايج غفلت عليها صحيت خويا بارك الله فيك

المُعادلة الصّعبة

2017-09-20, 11:38

ههههههههههه أيا مزيا
هيا صح لازم نبدو بالتدرج
أنا ثاني الفيديوهات راهم يجو طوال و منقدرش نتفرجهم مل اول للاخير
و مين في البداية نكون عارفها ايا كي شغل نكره شوية
و ديفوا يروحلي تركيز نعاود نرجع نحوس على اللقطة لي فاتتني
ايا نلقى روحي في ساعة متفرج 10 دقايق برك هههه
نزعق برك مازال متفرجت حاجة تع دراسة ل ساعة واحدة
مي بشوية بشوية و ان شاء الله نرجعوا كيما كنا
هذا ماكان ههههههه
حملة لرفع المورال
موتيفايشن تايم
هههخههههه
ههههههه ان شاء الله خويا عزو ربي يكون معانا برك
بانتلي مزال ما والفنا بالريتم لازم بالتدريج هذا ماكان
مرسي على تطلاع المورال خخخ
كيف كيف ريان مايقلقكش ذا شي
هههههههه نتوانسوا مالا
أختي متتقلقيش كيما قلتي هذا التعب برك
أنا العام لي فات كنت نرقد في القسم مشي غير كي نجي نحل التمارين هههه
صدقيني حالة جد عادية نتي كثرت على مخك فوق اللازم
خلي معاك دائما حاجة حلوة
كي تنعسي روحي ارقدي متكثريش على روحك
صدقيني مازلنا في بداية السنة متكرهيش روحك من دوك
ابداي تدريجيا مثلا مشي كل يوم تحلي هاد العدد الهائل من التمارين
الله يبارك عليك عندك إرادة رغم المشكل تاعك
مي أنا و تشوكيت في بلاصت مخك الأسبوع الثاني و حليتي هذا الكم الهائل
عزيزتي بلعقل على روحك كولي مليح و ارقدي مليح
مثلا في أيام الأسبوع راجعي الدروس اللي قريتوها في اليوم
و في نهاية الأسبوع حلبي تمارينها
و هكدا كل أسبوع زيدي يوم من الأسبوع تحلي فيه تمارين
مشي شرط تحلي 40 ساهلين حلي 4 صعاب
و روحي ارقدي بكري مي متعييش روحك تنوضي بكري من ضرك
الله يكون في عونك و عوننا جميعا
صدقيني دعيتلك من كل قلبي إن شاء الله ينفرج همك
و نفرحو بيك و نفتخرو
راني دايرة فيك ثقة ما تبهدلينيش
اهليين اختي
حسيت باهتمامك بموضوعي شكرا
اه لالا تاع عدد هائل لالا يبانولي عادي لاني اصلا متعوده من ثانية ثانوي ولّفت روحي رياضيات فاليوم نحل عدد كبير مالتمارين تبانلي حاجه عادية موالفه بيها يسمى ماشي تعبت مخي ولا ...
و ثانيك راني حاسه باللي المستوى لي كنت نحل بيه تاع 2 ثانوي هبط هاذ العام مخي العام لي فات كان ناشط كثر من هاذ العام الداله تاعي قاعدة تتناقص ههه تخيليها نتي علابيها قلقني الموضوع
كنت شوي نخدم مخي ونفكر مي ضرك والو
صاحا
ان شاء الله نحاول ندير شا قلتي عجبتني فكرة 4 صعب مش محتم 40 ساهلين
والله غير نحاول
بارك الله فيك الزينة

اسراء عبير

2017-09-20, 13:39

ههههههههههه أيا مزيا
هيا صح لازم نبدو بالتدرج
أنا ثاني الفيديوهات راهم يجو طوال و منقدرش نتفرجهم مل اول للاخير
و مين في البداية نكون عارفها ايا كي شغل نكره شوية
و ديفوا يروحلي تركيز نعاود نرجع نحوس على اللقطة لي فاتتني
ايا نلقى روحي في ساعة متفرج 10 دقايق برك هههه
نزعق برك مازال متفرجت حاجة تع دراسة ل ساعة واحدة
مي بشوية بشوية و ان شاء الله نرجعوا كيما كنا
هذا ماكان ههههههه
حملة لرفع المورال
موتيفايشن تايم
هههخههههه
اهلا اخي انا تاني كنت كيما هاك ومنبعد بديت بديت نقم الفيديو مرة ساعة ونصف ونحبس ومرة ساعة على حسب قدرة تاعي جرب هدي الطريقة راح تستفاد ومديرش على الناس لي يقولو مزال الحال الوقت راهو يفوت بالخف

اسراء عبير

2017-09-20, 13:53

السّلام عليكم
ان شاء الله تكونوا ملاح الله يسهل لنا جميعا يارب
والله ما لقيت كيفاش نبدا موضوعي لأني اصلاً كنت متردده في كتابتو
مي فالاخير ماقدرتش نخليها ونبلعها لانو فعلاً الموضوع اقلقني
كاين وحد الحوايج اسمهم "ارهاق " و"تعب" و"نعاس" و"خمول"طواااال الوقت يوميا
نعيا نركز مع القرايه مي مانقدرش هذاك هو الحد تاعي
نقعد فالبيرو ونبدا نقرا وي
نكون شبه عارفه وش ندير اي نعم
نحل التمارين نفهم على واش يحكي اللي راني نقرا فيه نعم
ولكن والله ماني راضيه على روحي داخليًا لاني حاسه نخدع في نفسي ، منيش حاسه روحي نقرا من قلبي هذيك القرايه تاع الصح النابعه من الاعماق واللي راني حابتها انا
نقرا بوحد اللامبالاة هكا والسبب التعب والانهاك الجسدي لي حاساتو
شيئ مش بيدي ابدًا
رغبتي كبيره جدًا في الدراسة وتحقيق مبتغاي وحماستي لدرجه لا تصور والحمدلله ربي يدومهالي
بصح في كل وقت نجي نقرا نثاوب ونجي نقرا العفسه نبدا نقول هذي واعره شوي نخليها حتى للوقت لي نحس روحي ناشطة و جاهزة للاستيعاب
نحل غير الساهل واللي اصعب شوي من الساهل
مانيش مهيأة روحي باش نطلع فالمستوى
والسبب هو التعب لي راني حاسه بيه معلاباليش اذا تتنوعسوا كامل كيفي ولالا
اي grave
ماعلاباليش وقتا تجي اللحظه هذيك لي نكون فيها ناشطه لي أجلت لها شحال من عفسه بش نقراهافيها
منيش راضيه على روحي ومانيش ندير فيها كـ "عذر" و"سبة" بالعكس حابه نتخلص منها مي ماقدرتششش
الله غالب تقولولي جاهدي نفسك و استنزفي طاقتك ولكن لا يكلف الله نفسا الا وسعها والله ندير لي نقدر عليه مي مانقدرش على الاكثر
اصلا واحد باش يركز لازم يكون مرتاح جسديا ونفسيا
من الناحيه النفسيه الحمدلله الحمدلله غالبا ما يكون مخي فارغ ومهيأ للدراسة وماكانش حتى حاجه ملهيتني بتاتا
من الناحيه الجسدية دايما جسمي تعبان محتاج للنوم
نرقد فالليل من 11 ل 6 ..
حاجا مليحة 7 ساعات منيش من النوع لي ناقص نوم وو...
نضل فاتحة الpc ونشوف لي تلشارجيتو كامل في جميع المواد والله اشياء تعجبني كنوووز لطالما طمحت اني نقرا منها و نتمكن من جميع المواد باش نحقق الحاجة لي اني باغيتها ونضل متلهفة غير باش نوصل للمادة الفلانيه ونشوف الملخصات والتمارين هذيك لي عندي ومهيش عند ناس ياسر الحمدلله
منيش حابه نضيعها ونندم والله ماني باغيه
مي كييفاش
علاش ريان دايما تاعبه وناعسه وناقصه نوم ومُنهكة ،
والله اهم شي الراحه باش واحد يتهيأ يستوعب المعلومات ويركز
درت اللي نقدر عليه حاولت لاقصى حد نركز
بصح تركيزي تاع كيما نقولوا نليكيدي برك نقرا سطحيا مالفوق لفوق ونستنى غير وقتا نكمل باش نرقد وفي جميع الاوقات صاريتلي
مثلا اليوم رجعت للدار ما اجلت ما والو قلت اليوم نقرا seriously

بديت من 1 حتى ل 5 نحل فتمارين رياضيات وحليت 17 تمرين من مرحع الجديد و 40 تمرين من المغني و 5 من الكتاب المدرسي الحمدلله ، بصح وش من حل~_~
اني علابالي بالدرس وش فيه وكلش مي ما تطرقتش للصعيب هذاك وماحاولتش اصلا نتطرق ليه ونقرا بالمرتاح نحل غير فالساهل بيسك تجيني واعره باش نفتح عينيا ونفكر في الحل تاع حاجا جدديدة وصعيبه .. نليكيدي وخلاص هه
وبعدها ريحت شوية وقريت فيزيك حتى ل 8.30 مخي تقفل صح صح ماقدرتش نزيد ايا ريحت

المهم

لنا الله
شكرا لكن من مر من هنا
مش شرط حتى واحد يقلق روحو بحاجه زايده عليه ويريبوندي عليا .. تقدروا تقراوا وتمروا
ادعولي فقط هذا يكفيني ،، جدًا مُحتاجه للدعاء ،
ماقدرتش نشدها في قلبي والله شي مقلقني ومادامني حكيت هاذا كامل مادام قلبي معمر
حبيت نحكي سيتو
ونكون ممنونه لكل واحد دعالي وحاول يساعدني ولو بكلمة
الله المستعان
وفقنــاا الله

انا قريت المشكل تاعك وحبيت نعطيك نصيحة انا تاني كنت كيما هاك مالقري ماكنتش متفوقة بصح كنت نعيا مرة صحبتي كانت رقات عند واحد الراقي عندها نفس المشكل تاعي خمول وكسل قسمت معايا زيت الزيتون مرقي انا راحة فادني كاين ناس يقلك وش نتي تخلط راها تعبانة بيك في بداية العام ولكن نقولك انو العين حق لازملك ترقي لانو القران مش راح يضرك بالعكس راح يفيدك

سارة بسمة نادية

2017-09-20, 17:16

نفس لحالة والله وسيرتو لعجز صح ماذا بينا بالصح غير مع الساهل
قلت لعام لي فات كنت نقرا عادي نخرج عادي مي هذ لعام نخرج نقعد شعال باش نقرا لتعب او الارهاق معرفتش نسميه
صح نحس منيش نقرا بالطريقة اللازمة لي واجب نديرها ههه مثلا نضيع وقت نبقا غير نشوف في لكتاب ولا كراس شعال باش نبدا
ربي يوفقنا يفرجها ان شاء الله

سارة بسمة نادية

2017-09-20, 17:30

تاني حاجة أخرى نفس التمارين تتعاود منطرقش للصعيب! راهي تباني حاجة غريبة !معرفتش كيفاش نطلع النيفو..،حتى ونحاول في الصعيب نلقا روحي في لغرب والحل في الشرق وديما تتعاود

رونق الصبح

2017-09-20, 18:01

السّلام عيـكم
اختي كي عاد مكانش سبب ربما تكون وسواس من الشيطان او عين حاسده ربما !!
ننصحك تحصني باذكارك دائما واقرأي المعوذات وننصحك بسورة البقره طاردة للوسواس والشياطين صدقيني
اعتقد مجرد فتره عابره ماتخليهاش تكبرلك في مخك وتعطيهاش اكبر من حجمها..ربما ضغطك الجو لمحيط بك وحسسوك بلي الباك حاجا كبيره وماعرف وش
حاولي تحددي السبب بالضبط وكيفاش بدات ليك هاذي الحالة
اكيد مش نضتي الصباح فجأة هكا لقيتي روحك بهذي الحالة
حاولي تتخلصي من السلبيه لي فيك و ابتعدي ولو يوم واحد عن جو البكالوريا وعن حاجه اسمها باك انسايه تماما -حتى تتحسني-
تضغطيش نفسك ماكاين والو يستاهل كل هذا صدقيني

مـن كتـب هذه المشـاركة ؟

المُعادلة الصّعبة

2017-09-20, 18:21

انا قريت المشكل تاعك وحبيت نعطيك نصيحة انا تاني كنت كيما هاك مالقري ماكنتش متفوقة بصح كنت نعيا مرة صحبتي كانت رقات عند واحد الراقي عندها نفس المشكل تاعي خمول وكسل قسمت معايا زيت الزيتون مرقي انا راحة فادني كاين ناس يقلك وش نتي تخلط راها تعبانة بيك في بداية العام ولكن نقولك انو العين حق لازملك ترقي لانو القران مش راح يضرك بالعكس راح يفيدك
نعم صح ،
عندك الحق وهذاك لي خفت عليه الوقت
انا الحمدلله نسمع سورة البقره بشكل يومي تقريبا ونحس براحه كبيره كي نقراها
وساعات سع نحس بلي راهي عين ولا حسد ممكن جدا !!
شكرا اختي على النقطه لي ذكرتيها بارك الله فيك

تاني حاجة أخرى نفس التمارين تتعاود منطرقش للصعيب! راهي تباني حاجة غريبة !معرفتش كيفاش نطلع النيفو..،حتى ونحاول في الصعيب نلقا روحي في لغرب والحل في الشرق وديما تتعاود
والله لازم نتمرنوا ونوالفوا برك سرسور
قضية تعود تبانلي ، او عام طوييل وكفيل بأننا نتعودوا على الريتم ، الله اعلم اي تبانلي !!
ربي يجيب الخير برك

السّلام عيـكم

مـن كتـب هذه المشـاركة ؟

عليكم السلام ،
كتبتها الريانه الطموحة :o
انا منيش قالقه من الباك كـ باك
موضوعي حكيت على التعب الجسدي مش التعب النفسي =)
خفت لاكان نبقى هكا عام كامل وما نتقدمش للامام
اما من الناحيه النفسيه والله الحمدلله كيما قلت في موضوعي ، مليانة افكار ايجابيه ومفرغة راسي من السلبيه تماما الحمدلله من الناحيه النفسيه منخافش وعندي يقين كبير بربي سبحانو
حددت مشكلتي انا في الموضوع
شكرا رونقة على مرورك وانا انتظرت ردك انتي بالذات صراحة والحمدلله جيتي

رونق الصبح

2017-09-20, 18:34

نعم صح ،
عندك الحق وهذاك لي خفت عليه الوقت
انا الحمدلله نسمع سورة البقره بشكل يومي تقريبا ونحس براحه كبيره كي نقراها
وساعات سع نحس بلي راهي عين ولا حسد ممكن جدا !!
شكرا اختي على النقطه لي ذكرتيها بارك الله فيك

والله لازم نتمرنوا ونوالفوا برك سرسور
قضية تعود تبانلي ، او عام طوييل وكفيل بأننا نتعودوا على الريتم ، الله اعلم اي تبانلي !!
ربي يجيب الخير برك

عليكم السلام ،
كتبتها الريانه الطموحة :o
انا منيش قالقه من الباك كـ باك
موضوعي حكيت على التعب الجسدي مش التعب النفسي =)
خفت لاكان نبقى هكا عام كامل وما نتقدمش للامام
اما من الناحيه النفسيه والله الحمدلله كيما قلت في موضوعي ، مليانة افكار ايجابيه ومفرغة راسي من السلبيه تماما الحمدلله من الناحيه النفسيه منخافش وعندي يقين كبير بربي سبحانو
حددت مشكلتي انا في الموضوع
شكرا رونقة على مرورك وانا انتظرت ردك انتي بالذات صراحة والحمدلله جيتي
أعجبتني فكرتكِ التي سطرت عليها في الاقتباس
طبقيها من النّاحية الجسدية ، خصصي يوم كامل لتعتزلي فيه " البكالوريا " نـامي ، كلـي جيّدا .. بمعنى أريحـي جسدكِ
كذلك قومـي برقيـة - فالعيـن حق -
و بعد قراءتي لهذا المقال : https://www.google.com/url?sa=t&rct=j&q=&esrc=s&source=web&cd=2&cad=rja&uact=8&ved=0ahUKEwjU1NC1pLTWAhVIcBoKHbecDgcQFggtMAE&url=http%3A%2F%2Fwww.lahamag.com%2Farticle%2F51426-%25D9%2587%25D9%2584-%25D8%25AA%25D8%25B4%25D8%25B9%25D8%25B1-%25D8%25A8%25D8%25A7%25D9%2584%25D8%25AA%25D8%25B9 %25D8%25A8-%25D9%2588%25D8%25A7%25D9%2584%25D9%2586%25D8%25B9 %25D8%25A7%25D8%25B3-%25D9%2585%25D9%2586-%25D8%25AF%25D9%2588%25D9%2586-%25D8%25A8%25D8%25B0%25D9%2584-%25D9%2585%25D8%25AC%25D9%2587%25D9%2588%25D8%25AF-%25D8%25A7%25D9%2584%25D9%258A%25D9%2583-%25D8%25A7%25D9%2584%25D8%25A3%25D8%25B3%25D8%25A8 %25D8%25A7%25D8%25A8-%25D9%2588%25D8%25B7%25D8%25B1%25D9%2582-%25D9%2585%25D8%25AD%25D8%25A7%25D8%25B1%25D8%25A8 %25D8%25AA%25D9%2587%25D8%25A7&usg=AFQjCNEzPKe0CSPzsuZcT5LRZ7DxPGRPEQ
أدركتُ أنه عليكِ زيارة الطّبيـب ، سيزودكِ بمكملات غذائية مادامت شهيتك مسدودة - فالتّغذية مهمّة -
--
قاعدة : لا شكر بيننا (:
--

رونق الصبح

2017-09-20, 18:36

أتّذكر أنّ وصال قالت أن أحد الأمور التي ندمت عليها هو اهمال الجانب الصّحي
لا تكرري خطأها ..

العالمة الطموحة

2017-09-20, 18:38

اهلا ريان صراحة احسست اني من كتب الموضوع هه نفس الحالة تعب و ارهاق و لكن ستزول مع مرور الوقت و انا ارجح كلام الاخ الذي برره بنقص الفيتامينات ربما او عدم التعود كلامه وجيه انا احس بالتعب ايضا والحل الذي وجدته الارتياح اولا ثم البدا بالمراجعة احس و كاني خارقة : هه كما انصحك بغسل وجهك بالماء البارد اما في حالة ان عقلك تعب و اصبحتي غير قادرة على الاستيعاب نامي و ارتاحي لا تقلقي شئ جد عادي كلنا فيها كما اظن اننا على مدة شهر او اقل سنتعود تماما نحن لها عزيزتي و الافضل انك طرحتي الموضوع بوركتيo

!~•عًــ سُــيّــدٍ ــلــيّ •~!

2017-09-20, 18:43

تقول راكم كامل تهدرو عليا تقول كامل رانا عايشين في جسد واحد
و الله افضل موضوع قريتو كي نشوف بلي كامل كيف كيف يروح عليا ذاك الظغط
انا راني كيفك البارح جيت راح نحل تمارين الرياضيات نتاع الكتاب حليت الاول وشفت التمارين الاخرى قلت راهم كيف كيف وليت حبست
لازم برك نتعودو شوية هذا مكان

!~•عًــ سُــيّــدٍ ــلــيّ •~!

2017-09-20, 19:01

الي عندهم المشكل نتاع التعب نقولكم حاجة برك
متخافوش رانا اكثر من عدد سكان قطر هههههه

!~•عًــ سُــيّــدٍ ــلــيّ •~!

2017-09-21, 20:59

لقيتو حل ولا مزال انا راني بديت نتعود شوية

jamilat

2017-09-22, 06:17

السلام عليكم
اختي ريان
نحن جميعا نعاني من هذه المشكلة و لا يوجد حل سوى الدعاء و محاولة المقاومة
و الحل الامثل هنا لنا جميعا انه علينا الالتحام من جديد
من اجل هذا الالتحام يجب علينا فعل شيء
كم تبقى من الباك ? 8 اشهر على الاقل
سنعطي كل شهر وحدة
اسبوع لفهم الدرس و ثلاثة لحل التمارينات
ويجب ان نلتزم جميعا بهذا البرنامج و سنكمل في مارس كل شيء باذن الله
و نراجع كل من افريل و ماي
djihad was here

nasro box

2017-09-22, 06:39

??????????

النجمة المتلألئة

2017-09-22, 12:00

السلام عليكم
أهلا ريونة كيف الحال؟
أعتقد أن هذا الامر طبيعي فكلنا نمر به صدقيني مشكل تعود فقط تغير الريتم الذي كان متبع منذ أزيد من 3 أشهر كنا نحصل على قسط وفير من الراحة ساعات نوم إضافية خاصة وقت القيلولة (حاولت جاهدة أن أمنع نفسي منها لكنني لم أستطع لدرجة اني أحس وكأني سأنام في القسم )
كما قال الأعضاء لا تهملي الجانب الصحي أبدا وزوري طبيبك سيزودك بفيتامينات ومقويات لتستعيدي نشاطك بإذنه تعالى
أدعو الله لك في كل صلاة بالخير والتوفيق والنجاح
وفّقك الله لما يحب ويرضى
في أمان الله

hadilla

2017-09-22, 13:59

نتي كيما انا بصح انا بديت نتغلب على نفسي انا ننصحك بالصلاة وقراءة القران وتكثري من الاستغفار والادعية والاذكار هنا هذا وش عاوني وربي يوفقك انشالله

RESAID

2017-09-22, 14:44

السلام عليكم و رحمة الله نعالى وبركاته
ابنائي التلاميذ الدراسة ليست بالصعبة و ليست بالسهلة هذا يتوقف بثقتكم بالله اولا ثم بانفسكم ثانيا
التوكل على الله يسهل عليك طريق الدراسة فهل توكلته عليه حق توكله
المحافظة على الصلاة تريح نفسيتك ( ارحنا بها يا بلال ) فهل حافظم عليها
قراءة القران شفاء لما في الصدور فهل جعلتم ورد لقراة كلام العلي القدير
صدقوني كلما بعدت عن الله اصبتم بالهم و الغم و الكآبة و لا يزيل ذلك الا بالرجوع الى الله عز وجل
اعملو ا بنصائحي و سوف ترون النتيجة
استاذكم ماذة الفيزياء resaid

رونق الصبح

2017-09-22, 14:54

السلام عليكم و رحمة الله نعالى وبركاته
ابنائي التلاميذ الدراسة ليست بالصعبة و ليست بالسهلة هذا يتوقف بثقتكم بالله اولا ثم بانفسكم ثانيا
التوكل على الله يسهل عليك طريق الدراسة فهل توكلته عليه حق توكله
المحافظة على الصلاة تريح نفسيتك ( ارحنا بها يا بلال ) فهل حافظم عليها
قراءة القران شفاء لما في الصدور فهل جعلتم ورد لقراة كلام العلي القدير
صدقوني كلما بعدت عن الله اصبتم بالهم و الغم و الكآبة و لا يزيل ذلك الا بالرجوع الى الله عز وجل
اعملو ا بنصائحي و سوف ترون النتيجة
استاذكم ماذة الفيزياء resaid

و عليكم السلا
كلامك عين الصواب .. فالقريب من الله تعالى هو الفائز الحق في دنياه و آخرته
بارك الله في أستاذنا

ثلجة.

2017-09-22, 15:25

البكالوريا كي تكملو العام شفتو هدا الكل تولو تضحكو على روااااااحكم وتقدرو تندموا الخوف الزايد من حاجة تافهة قد يودي الى التهلكة صاحبة الموضوع عندي خبرة ممتازة على حالتك للاسف كانت حالتيب العام لي فات لكن نقلك البكاااالوريا واللله العلي العظيم بسسسسسيييطة تعملي على ربي برك وانطلقي الخوف هدا عااادي حطي الامتياز وفقط ان شاء الله تكون رسالتي قدامك وديما حولي السلبي للايجابي انت لها يا بطلة

Qu_een

2017-09-22, 20:47

والله نفس المشكلة عندي وراني خايفة ربي يكون معانا نشالله و تقربي من ربي ختي وكثري من الدعاء
ربي يوفقنا ان شاء الله

Kan-moguel

2017-09-28, 17:38

السلام عليكم
متقلقيش روحك وحلي لوكان تمرين لمهم لاتتوقفي كلما زاد قرب البكالوريا رح يزيد حماسك ان شاء الله
لا تبرمجي نفسيتك على انك كسولة واملي لنفسك مكافاة كل ما حليتي مجموعة تمارين ولاتربطي نفسك بالبيرو
غيري حالتك راجعي ف الحوش مثلا

المُعادلة الصّعبة

2017-09-28, 19:30

قرأت جميع الردود ولم يتسنى الوقت لأرد على الجميع
مي اني دعيت لكل واحد رد عليا هنا واستفدت جدًا من النصائح الله يعلم كم اسعدني اهتمامكم
بارك الله فيكم

pérah tova

2017-09-28, 19:44

والله انا كنت نقرا العام اللي فات نقرا و نسهر بزاف بزاااااااااف وعييت
بالفعل ماقريتش بذكاء قريت بجهد و بالفعل عندي بزاف تمارين و مواضيع في شتى المواد و نقول نقرا بصح مكفانيش الوقت خلطتها على روحي حتى في ايام البكالوريا نسهر نروح نعسانة منيش مركزة
ننصحك اقراي نورمال متعبيش روحك مديريش كيما درت انا
هههههه شربت دواء التركيز نسهر لصباح و 4 سا فقط نوم
و تعب بزاااف و نعاون روحي بمقولة نقول اه معليش معليش تعبي ميروحش و يخي نجيب الباك و نسترااح
الفائدة ما جبت الباك ما رتحت
يعني كل شي بالمكتوب والله حاجة كتبهالك ربي تديها مكتبهالكش والله ما تديها
المهم اعرفي كيفاه تنظمي وقتك اقراي مثلا ساعة و انت تكوني نشيطة خيرمن 5 سا و انت مرهقة يعني معلومات تتبخر
و بالتوفيق و ان شاء الله يجي يوم النتائج و في قسم هذا درينا موضوع و تقولينا يوويوي باركولي تحقق حلمي ووصلت طموحي باذن الله
نتمنهالك من كل قلبي

SaRa RiTa

2017-09-30, 15:27

اخوتي انا عضوة جديدة معكم ....حبيبتي المشكل هذا كامل رانا نعانيو منو وكيما قلتي لايكلف الله نفسا الى وسعها :o ومدامك حاسة انك قادرة فانتي كذلك ولكن عليك بتقوية ارادتك..............ووووو بالتوفييييق :19:

ريحانة القدس

2017-10-06, 16:43

السّلام عليكم و رحمة الله تعالى و بركاته
ريان و الله نفس المشكل معي أنا ... مكتسباتي القبلية في الفيزياء و الرّياضيات ضعيفة و أنا أعاني منهما إضافة إلى أنّ أساتذتي لايدرسون جيّدا .. الشيء الذي يساعدني هي الدروس الخصوصيّة و دروس الأستاذين نور الدين و عمر مولاي ، و بهذا الشكل تُستنزف طاقتي و عندما أريد أن أحل التمارين في البيت أكون جد مرهقة ، أدرس صباحا من 8 حتى 12 و مساء من 14 حتّى 18 .. إضافة إلى الدروس الخصوصية ..
راني نجاهد روحي باش نحل التمارين مي ما نقدرش !!!
نتمنّى نلقاو حل ، و ربي يعينك ريونة و يوفقك
سلااام .

abir sweet

2017-10-07, 11:10

wllh nefess a ch3our rbi yjiib lkhiir

ثلجة.

2018-06-06, 08:13

ربي يوفقك ......................

المُعادلة الصّعبة

2018-06-06, 14:43

سبحان الله ذكريات خخ في 19 سبتمبر 2017 ضرك رانا في 6 جوان 2018
سبحان الله العظيم

achiever.x

2018-06-06, 16:33

سبحان الله ذكريات خخ في 19 سبتمبر 2017 ضرك رانا في 6 جوان 2018
سبحان الله العظيم

سبحاااان الله كيفاه جاز الوقت يطييييييير ههه البارح برك كنا نقولو مازال 5 شهور للباك ...4....شهر...والان 14 يوم ربي يكون فالعون

lysine

2018-06-06, 16:46

ربي يفرج عليك خويا

لا تضغط على نفسك كثيرا

وثف بنفسك و توكل على الله

وكن متفائل دائما لا تترك شعورك بالفشل والتعب يتغلب عليك ...

قل دائما سانجح سانجح عدة مرات و ليس صعبا

و ما يكون غير الخير ان شاء الله

و صح فطوركم

الاسكندر الاكبر

2018-09-29, 20:47

يا محاربين شوفو واش كانو يحسو المحاربين اللي قبلنا من بداية سبتمبر ماكمش وحدكم هه