نصيحة

[مشكلتي]

السلام عليكم
خاوتي بغيت نستشيركم في حاجة في اوت تعرفت على واحد في الفايسبوك حكينا مدة عجبتو وقالي ناويك الحلال وبغيت نشوفك حظظنا موعد جاني شافني عجبتو كثر وهدرت مع اختو وقالي العام الجاي نمد عليك الكلمة وكي تدي لا ليسونس نديرو الفاتحة واذا عطاوك ماستر تكملي ونتزوجو واذا لا نستنا عام ونهزك....المهم هو معايا راجل يخاف ربي ويحبني بصح الحاجة لي مخلتنيش نتقنع بيه حنا في زوج قصاااااار 1.65 ديما يقولي قصرونة تاعي كشغل هو طويل خابفة كي يخطبني يقولو علينا قصار صغار وخايفة حتة من لا فامي يضحكو علينا معرفتش واش ندير نقبل ولالا يخي حاجة مش عيت ولا تضحك كي جينا في زوج قصار وولادنا ميخرجوش كيفنا ولا كيفااه !!!!!!!!

[m!sS Rose]

أنت لحد الساعة تتحدثين عن أحلام .. لا تزال بعيدة كل البعد عن الواقع

مع التحفظ على طريقة التعارف التي بنظري قد تخلق مشاكلا مستقبلا إن اكتمل الحلم و تحول لواقع و نأمل أن يتحول الحلم إلى واقع بدون مشاكل .. فليس من المفروض أن تثيري تساؤلا كهذا التساؤل

قصر القامة ؟

على أساس أن موعد الزواج قد حدد و بقي مشكل قصر القامة فحسب.

أساس العلاقات مهما تنوعت الإحترام و التفاهم و الثقة المتبادلة

أما إن وضعت مشكل قصر القامة منذ البداية و اعتبرتها عقدة فكيف ستكملين مشروعا لا يزال قيد الأحلام.

[نور لاتراه]

السلام عليكم
بدون تعليق
ربي يقدر الخير للجميع

[nina hnina]

انت حددتي موعد الزواج. وخلاص ....قولي انشاء الله خير منا الغدوة. بزاف والقصر. ليس عيب

[nihal159]

راكي عايشة في وهم كبيييييييير، نصيحتي ليك غير فيقي مع عمرك قبل ماطيحي على راسك.
كون جا صح ناوي لحلال ؛ كون راهو تكلّم مع باباك مش أنتي تتكلمي مع أختو؟ يا سبحان الله ملّي كانت الطفلة تتخطب من وليّها الشرعي ؛ إنقلبت الآية و رجعو الرجال ينخطبو من خوتهم لبنات؟؟؟؟؟؟؟؟؟؟
إذا ناويك صح يحكي ليوم قبل غدوا مع باباك و غير هذا الحل يكون راهو يتمسخر و يفوّت فالوقت؛ أصلا كون جيتي شوية فطنة كون راكي فقتي وحدك من كثرة التواريخ و اللّو لي حاطهملك هذا الراجل.

[رندة.]

قصر القامة ماهوش عيب. المهم التفاهم والثقة المتبادلة.
بصح مادام تفاهمتو علاه راهو يأجل باش يجي يخطبك؟؟؟

[kacimo.samy]

السلام عليكم
مممم

ليس هناك مشكلة انتم فقط تزيدو فيها ؟؟
هو قابل وانتي قابلة مليح

قادر دوركا نقلبهالك علم المورثات نخرجهم ولادتك طوال
طفل موش لازم يخرج كيفكم بلاك يخرج في جدودو ؟

المهم اول شئ هذه احلام يقضة...

ناس مخطوبة وحاطين فيهم كلمة وفي اخر المطاف تقلب كل شئ
وكيفاه عرفتيه راجل ؟؟ (مانيش حاب نوسوسك)

نعطيك حل ؟؟

قلولو يجي يحط كلمة من دورك نتي ماكي خاسرة والو ؟؟
على اقل يبان وجهو في داركم و تبان قليل من رجلتوا هكذا وما تضمنيش
ايه شحال قريت قصة خلاصت مال يا طفلة شيطان حبس الخدمة خرج تقاعد
وناس تكمل في بلاصتو...
(انتي اصلا موش مقتنعة بيه وخرجتي ديفو فيه وراجل يتعاب بكلمتو وتقولي راجل....كون جاك طويل
وعضلات ومظهر جميل ورخيس يلعب بيك في رأيك ذاك الوقت لافامي يضحكو ولا يفرحو
العبرة بافعال موش باشكال ...)
وكيما قالت اخت نور
ربي يقدر الخير للجميع

[مُحمد رازي]

السلام عليكم
" القصرون و القصرونة و الأقزام السبعة "
أوّل ما تبادر لذهني كعنوان لقصة خيالية يمكن وضعه لهذه المشكلة
صدّقيني أختي راكي عايشة الآن في قصة خيالية من نسج خيالك و احتمال كبير راح تفطني من نومك و تكتشفي أنّك كنتي غير تحلمي ، كيفاه بنادم تعرفتي عليه غير من شهر أوت لي فات من خلال الفايسبوك و بعد الخالوطة تاع الهدرة و اللقاءات قلتي خلاص هذا عتريس الأحلام ، فيه الأخلاق فيه الدين فيه كلشي ، بقا فيه الديفو غير تاع الطول !! يا أختي قصتك هي نفس الأغنية التي تتكرّر مع الكثيرات و تكون البداية نفسها : راكي عاجبتني و راني ناوي الحلال و لازم نتلاقو و نشوفك و غيرها من المخدّرات السمعية ... و دائما نفس النهاية و الخاسر الأكبر و المتضرر الوحيد هي الفتاة ، واقيلا صدّقتيه مية بالمية ؟ مستحيل باش تعرفي نتي واش راه يدور في راسه و راكي واضعة روحك في الريسك مع واحد ما تعرفي عليه والو و حتى اخته لي كلماتك شكون يضمنلك أنها أخته صح ، علاش ما تكونش مجرد صديقة ليه استأحرها باش تمثّل عليك الدور و حتّى يطمئن بالك و ما يكونش عندك أدنى شك ، و علاش ما هدرتيش مع والدته مثلا !!! و لاّ هي ما تقبلش لولدها فتاة يحضرها من الفايسبوك ؟
ثم ألم تلاحظي بأن هناك ثغرة في كلامه من خلالها يمكنك التأكد بلّي راه غير يلعب بيك و يعيشك في الأحلام و يفوّت بيك الوقت ؟ أكيد ما لاحظتيهاش نتي لاخاطرش راكي مُنوّمة و عقلك راه مشغول مع أولادك إدا راح يخرحو قصرونين هوما تانيك و يضحكو عليكم الغاشي ، علاش ديما هاد البنادم راه يعطيك في تواريخ بعيدة المدى مثال يقولك العام الجاي نمد عليك الكلمة و بعد لاليسونس الفاتحة و بعد الدكتوراه العرس !! نورمالمون واحد ما راهش حاب يخّسرك و معجب بيك و يحبك صح يتقدم ليك في ديك اللحظة بأول مبادرة رسمية ، و يتقدملك للبيت و بعدها إدا تفاهمتو باش يستنّاك حتى تكملي قرايتك و لاّ تقعدي في البيت هادي حاجة أخرى ، أمّا باش يبيعلك الحوت في البحر و يفيكسيلك تواريخ وهمية هاد الشي راه يدير فيه غير باش يكون عنده متّسع من الوقت حتى يلعب بيك بأكبر قدر ممكن و تانيك حتى يعطي لروحه متّسع من الوقت في حالة ما قرّر التراجع و الانسحاب و تغيير رأيه ، من هنا تفهمي بلّي السيد ما راهش جاد و نتي راكي تمشي معاه بعينيك المغمضين حتى يجي نهار و تدخلي في حيط
لهذا كنصيحة أقدمها لكِ ما تكونيش ساذجة لهاد الدرجة كامل ، و أي شاب يحاول التقرّب ليك ديري معاه النقاط على الحروف من البداية و فهميه بلّي عندك الوالد تاعك يروح يهدر معاه و يتفاهم على روحه ، و الوالد تاعك يسقسي عليه و يعرفه شكون و إدا راح يكون مناسب ليك و لاّ لا ، أما إدا حبّيتي تلعبيها نتي قافزة و تعتمدي على روحك راكي غالطة ، الرجل ما يعرفهش غير رجل كيفه ، بصّح إدا حبّيتي تريسكي وحدك راح تلومي غير نفسك في الأخير و تعرفي تمّا إدا يخاف ربي و لاّ لا لاخاطرش مشي دركا راح يبان .

[بشـرى]

الله المستعاان ...

[رندة.]

بارك الله فيك الاخ تايغر على النصيحة. فهي موجهة لكل بناتنا واخواتنا.

[abou abd]

بلا مجاملات
1. احذري أن يلعب بيك
2. هو قصير وأنت قصيرة أحسن من ان يكون هو طويل
3. احتمال كبير جدا أن يكون اولادكم قصار

[نصير24]

اسأل الله الهداية ....

[الصديق قروف]

ربي يهدينا
كيما قال الاخ تايغر
ونضن مزالك سغيرة مدام راكي تخممي فشكليات هاذم
وحتى اذا كان ناوي لحلال الحكيات يجيبو المشاكل و بعد زواج تحسو غير بلهم لانكم مررتم بمرحلة اتعارف والحب قبل ازواج

[دفء المطر]

اولا تعرف عليك فمن الافضل أن تتم الخطوبة في اقرب وقت لأنكم ان بقيتم على تواصل فلا تدري الى أين ستصلين
ثانيا مشكلة الطول لا معنى لها المشكل في كلامه قصرونتي و انت محرم عليه اصلا
ثالثا اذا بقيتي تراقبي في كلام الناس يقولو قصير سمين طويل رقيق ... فالموت أهون و المثل يقول من راقب الناس مات هما و راهي بدات معاك من ذركا يقولوا و ما يقولوش

رابعا راجعي يا اختي حساباتك ماعلابالك لا تعيشي الغد ام لا ما علابالك اذايموت هو ولا يعيش يقدر يبدلك يقدر يسافر ..... فالاولى و الافضل هو ترك المحادثة بينكما الى حين الخطوبة و العقد الشرعي

[toulay]

وعليكم السلام ورحمة الله وبركاته
منك صح يا اختي الحاجة لمخلاتكش تقتنع هي قصر القامة
normalement الحاجة لمتخليكش تقتنع هي كيفاش تبقى معاه مدة عام كامل ومكانش حاجة رسمية
صحا قولي شكون ليضمنلك بلي صح راح يخطبك بعد عام يا اختي الواحد منا لدرك ميضمنش روحو خليك منطقية شويا خدم عقلك وخلينا من العواطف
وكون حتى خطبة قالك نمد الكلمة
فيق شويا مع روحك وخليك من الاحلام الوردية
ليحبك صح يجيك من الباب ويحكي مع باباك point barre
نقولك حاجة اقرا قرايتك والراجل يجي يجي ان شاء الله
بالتوفيق

[سَامِيَة]

هذا القصير الذي لم تقتنعي به
يا أختي هو من اختيارك ومن اختيار
الفيسبوك
فإن لم يعجبك اختيارك خذيه درسا
واترك الأمر لمن يعرف كيف
يختار

ومن غيره ؟
أتركي أمر زواجك لله عزوجل
واجعلي بدايتك فيه رؤيا شرعية وليس
كلمات فيسبوكية

و مادامت المشكلة في قصر القامة
- مع اني لا اظنكم كما قال الأخ أقزام -
فهذا يستدعي منك دروسا مكثفة في هذه الحياة لتصلي إلى درجة الوعي
التي تؤهلك ليس للزواج بمعناه السطحي وإنما الزواج الذي يهدف إلى
لبناء أسرة تصمد في وجه
التحديات

زواجا يكون مباركا من طرف
الرحمان

لازلت صغيرة فانتبهي جيدا لنفسك.
ربي ينورك

[ملكة القمر]

ربي يهديك اختي
اخطات كثييرااا
الكمال لله تعالى

بما انه قصدك للحلال و اصبحت الامور الرسمية

لا داعي لخلق الذرااائع
ان ن لا تريدينه قوليهالو من الاخر

عذرا على الكلمة لكنك اجبيرتني على قةلها
عذرك تافه

اسفة
تقبلي مروري

[Hanan salim]

لسا بدري على التفكير بالطول والعرض !! اطلبي من الله ان يعطيكي ماهو خير لكِ

[الأرض المقدسة]

أيسوؤك أنكما قصيران ؟ !! ويحزنك أن يكون أولادكما قصارا ؟ !! ... أما أنا فقد ساءني قصر مثل هذا التفكير ممن هي على أبواب بناء بيت وتحمل مسؤولية زوج ومن بعد ذلك أولاد ... قصارا كانو أم طوالا .... الله المستعان .

[Saif al-Islam]

http://www2.0zz0.com/2017/09/29/13/717408287.gif