طالب بكلوريا يريد المساعدة [الأرشيف] - منتديات الجلفة لكل الجزائريين و العرب

مشاهدة النسخة كاملة : طالب بكلوريا يريد المساعدة

laptoppc

2017-09-13, 17:17

السلام عليكم انا طالب مقبل علئ اجتياز البكلوريا واريد ان اخد معدل فوق 12 عند الدخول المدرسي وعند بدا الدروس تفاجئت بانني لم افهم اي درس في كل المواد وخاصة المواد الاساسية رغم انني اركز في القسم واراجع في البيت كل يوم كثيرا وادرس في اليوتوب استاد نو الدين المعروف لاكن لم افهم شيا فانتابني الياس وبدر في دهني انني لا استطيع ان احصل علئ هده الشهادة وانا الان متوقف عن المراجعة انصحوني

ry ad

2017-09-13, 17:25

السلام عليكم أخي متتقلق ما والو هاذ الشيئ عادي جداا أنا تاني مررت ب هاذ المرحلة و كنت كي ندخل نحس روحي في عالم اخر لكن مع الوقت تتعود على الريتم تاع الدروس و ننصحك أخي متعبش روحك من البداية كل شيئ اعطيه حقه وصدقني الباك ولله مايستاهل قراية بزاف كي تتطلع للجامعة إنشاء الله غادي تتضحك على روحك لاخاطر الباك مايبانلك والو أمام لدراسة الجامعية و بالتوفيق أخي

laptoppc

2017-09-13, 17:36

والله محير كم معدلك في الباك ؟

mokhtaro

2017-09-13, 18:14

اكبر عامل مؤثر في التحضير للبكالوريا هو العامل النفسي
نصيحتي لك حرر نفسك من الضغوطات ودعك من تحديد المعدل
بل اعمل اقصى جهدك لتحصل على اعلى النتائج الممكنه
لا تقل يجب ان احصل على كذا او كذا بل ادرس لتحصل على اعلى معدل ممكن في كل المواد

ابن غارداية

2017-09-13, 18:44

السلام عليكم ورحمة الله

والله يا أخي كنت مثلك تمام لما كنت في مستواك لكن لما طلعت للجامعة صرت نضحك على نفسي
والله ساهل و بسيط لدرجة اني اعدت بكالوريتين في شعبتين مختلفتين و تحصلت على معدلات مقبولة جدا
نصحتي ليك اخي ماتصعبهاش على روحك برك العامل النفسي هو الاساسي ثق في نفسك ماتقولش
مش رح نفهم او الدعوة صعيبة لالا برك مع ليماات داوم على ديك الحاجة لماتفهمهاش و وحدك تفهمها غير بالممارسة
عاود تمارين و تطبيقات ديال استاذ نوردين حتى لو مش فاهمها مرة و مرتين وحدك لما تعاودها تفهم طريقة الحل و كيفاش جابو
و زيد كذلك اسأل اصدقاءك لدرسو لوكان مافهمتش معادلة او قاعدة معينة يوضحوهالك والله صدقني منا و للباك 2018 تكون عالم ههههه
اتحداك انك رح تتحصل على معدل 15 هذا اذا كنت مهمل

دفء المطر

2017-09-13, 19:04

يا أخي ابدأ بالبديهيات في الرياضيات و الفيزياء ارجع لدروس المتوسط و دروس الثانية ثانوي به تفهم مليح اساسيات الرياضيات من بعد كي تدخل في الريتم تولي حلوة تحب غير تحل التمارين
العلوم افهم الدروس مليح من بعد احفظ و حل من الكتب الخارجية تمارين و الحوليات ثاني

مواد اللغات العربية الفرنسية الانجليزية خصص لها وقت يومي لمدة نصف ساعة كل يوم مادة افهم الدروس ترجم و حل حوليات تكفيك نص ساعة
مواد الحفظ شريعة اجتماعيات و فلسفة خصص لها وقت يومي مقداره نصف ساعة تطالعها فقط و الفلسفة تحاول تستوعبها و تفهم ماتحفظش من البداية اقرا برك المهم تابع برنامج متوازي مع كل المواد

المواد الاساسية حاول كل يوم تراجع مادتين مادة بشكل مكثف و مادة بشكل خفيف حسب التوزيع لي درتو

و ديما حاول تقرا به تجيب 20 مش تضغط على روحك اقرا لتفهم و من بعد النقطة هي تجي وحدها حتى لو جبت 5 ولا 6 ماهي الا البداية
رني مجربة و بنت عمتي قلتها على هذي الافكار جابت 14

و اي استفسار انا هنا

ry ad

2017-09-13, 20:12

والله محير كم معدلك في الباك ؟

bac2015 ديت 13 ونزيدك نصيحة أخي متخممش فالمعدل نتا اقرى و الباقي على ربي

laptoppc

2017-09-13, 20:19

شكرا لمساندتكم اخوتي وبي يجعلها في ميزان حسنتاكم

mistertou

2017-09-15, 10:14

اخي انصحك بان لا تجهد نفسك قم بتنظيم وقتك ادرس وحدك في البيت كل يوم ساعتين قم بدروس الدعم في المواد الاساسية و لا تعول كثيرا على الدراسة في المدرسة المعدل يجي وحدوا

Ahn Min Young

2017-09-15, 10:55

نصيحتي ليك لازم تبسط الامور في مخك
كي تقول ماني فاهم والو ومفيش رايح نفهم رايح يصعب عليك كلش
لازم تاخذ كل درس و تحاول تبسطو وتقبل بشوي اكيد رايح تفهم الباك مش حاجة كبيرة و زيد راكم غير في البداية يعني مكانش دروس بزاف استغل الامر حاول استدرك نفسك و ادا مهمتش اطلب مساعدة زملاءك لانو ف بعض الاحيان المعلومة تصل بسرعة من عند الاصدقاء مقارنة بالاستاذ
ربي يوفقك ��