اجاباتكم

[الفراشة الرومانسية]

لدي استفسار و اريد نصائحكم أرجزكم
انا مهندسة دولة في البيولوجيا " تحاليل دموية" متزوجة و زوجي محاسب يعمل بشركة ... قررنا في الغترة الاخيرة الهجرة الى بلد اخر لا يهم أين المهم نتهناو من هاد الميزيرية تاع العيشة هنا انا 07 سنين ما سويتش poste وزوجي يخدم في الخاص
المهم قررنا الهجرة و طرحت موضوعي هدا باه ترايو علينا واش نيرو
عندي صديقة مقيمة بالاردن اقترحت علينا الهجرة للاردن قالي زوجي نبيع السيارة و نروحو
والله بزاف اراء لكن مازال متحركناش خايفين من اول خطوة لانو الهجرة مشروع مش سهل
انيروني بافكاركم " متقولوليش برك بقاي في بلادك بلاد الحقرة"

[kacimo.samy]

السلام عيلكم
كلنا في نفس المركب
اقترح عليك كندا احسن وتقبل الهجرة خاصة متزوجين..
او سجلي في قرين كارت في اكتوبر انتي وزوجك

يعطوك اقامة دائمة في الولايات المتحدة
(انا سائر في خطاكم حاليا كي نلقى مرا نديرو افار ونهربو كيف كيف خخ ...)
(ابتعدي عن العرب جيعهم متشابهين والله راني مخالط معظمهم حتى في دبي تعاني)
(شوفو اوروبا او كندا وما جاورها)..
(انا وصلت حتى اني وضعت برنامج نحرق للاستراليا عن طريق ماليزيا ومبعد غيرت بروغرام)

[zari18]

أختي العزيزة أنا مع فكرة الأخ kacimo.samy (http://www.djelfa.info/vb/member.php?u=461666) لكن أنوه أن كندا فيها شروط تعجيزية خاصة بالنسبة لأولاد مع مرور الوقت يربون على الطريقة الكندية ولا يمكنك التصرف فيهم و عن تجارب بعض الأصدقاء المقربين ( يوجد أستاذ جامعة يدرس في كندا أحضر أولاده للدراسة هنا في الجزائر)
أم أحسن إقامة فهي في الولايات المتحدة التي فيها الحرية المطلقة و كذلك عن تجارب من عاشوها
لا أنصحك بالذهاب إلى الخليج
وربي يوفق

[ing.Youcef]

المهم أن تهاجروا إلى دولة مسلمة لا إلى دولة كافرة، فالمسلم لا يبيع آخرته بعرض من الدنيا قليل.
قال رسول الله صلى الله عليه وسلم: (أَنَا بَرِيءٌ مِنْ كُلِّ مُسْلِمٍ يُقِيمُ بَيْنَ أَظْهُرِ الْمُشْرِكِينَ)، قَالُوا : يَا رَسُولَ اللَّهِ لِمَ ؟ ، قَالَ: (لَا تَرَاءَى نَارَاهُمَا)، وقال صلى الله عليه وسلم: (مَن جَامَعَ الْمشرِك أَو سَكن مَعَه فهوَ مِثله).

[الفراشة الرومانسية]

اين انتم انيرونا

[dede2000]

السلام عليكم
الهجرة من سنن الانبياء والمرسلين ،وتأكدي أن
الانسان ينجح في الغالب في بلاد الناس، يوسف
عليه السلام رموه إخوته في البئر .....وكي راح
لمصر أصبح عزيز مصر ...سيدنا موسى عليه السلام
هاجر الى مدين وهو خائف من القتل وكي هاجر
عطاوه إمرأة زوج بيها وكونطرا تاع خدمة ل8 او 10
سنوات ونهار روح لبنى إسرائيل روح بخير عظيم
وسيدنا محمد عليه أفضل الصلاة والتسليم ضيقت
عليه قريش وعلى أصحابه الطاهرين وكي هاجر
للمدينة المنورة أقام دولة الحق
أختاه الهجرة شيء جيد لمن ضاقت عليه الدنيا
لكن يجب التخطيط لها جيدا وليس فقط حمل
الحقيبة والسفر هكذا.......أنا لا أنصحك بالدول العربية
....وخاصتا الخليج ناس حقاريين وما يخافوش ربي
روحو الى الولايات المتحدة الامريكية او كندا
وعلمي أن من سنن الهجرة ضيق وصعوبة في
البداية وبعدها إن شاء الله سعة...يعني فرج
فكرو وصلو صلاة الاستخارة وقولي أنت وزوجك
ربي إختر لي ولا تخيرني....وبالتوفيق

[sohaibdz]

امحي فكرة الهجرة من راسك لانك ببساطة هنا في بلادك مادرتي فيها والو واش تتوقعي انك تديري في بلاد الناس ( المشكل فيك)

[مومي23]

و هل تظنين انك ستبنين مستقبل في الاردن
لا اظن و الله اعلم
ادا ماعندكمش اولاد ادهبوا الى كندا او الولايات المتحدة 5 او 6 سنوات كونوا انفسكم و عودوا الى الوطن لتربية ابنائكم
عن نفسي اتمنى ان لا تسافروا ابدا الغربة و لله ما هي ساهلة

[الفراشة الرومانسية]

امحي فكرة الهجرة من راسك لانك ببساطة هنا في بلادك مادرتي فيها والو واش تتوقعي انك تديري في بلاد الناس ( المشكل فيك)

تعليق تعجيييييييزي
شكرا على كل الحال

[djalal200984]

يا اختي انساي الهربة والله ماكانش احسن من ريحة البلاد وريحة الاهل عندك اهل احباب هنا ولا ما عندكش علاش تبعيهم يااختي نسيت الاولاد ولامتفكرتهم سوف يضيعون منك لاتستطيعين تربيتهم تربية حسنة فعادات المجتمع الغربي سوف تتغلب عليك هدا ادا كنت مهتمة بتربيتهم المجتمع العربي المسلم ماتقوليش ربي هنا وللهيه صحيح لكن المحيط نحن لسنا ملائكة وخاصة المراهقين والشباب يتاثرون رغما عنهم كوني قوية وواجهي مشاكلك ان الله لا يغير ما بقوم حتى يغيروا ما بانفسهم

[toulay]

السلام عليكم
عندك الحق واش تبقى دير هنا الهربة تسلك كيما يقولوا
على الاقل فالخارج يمدولك فرصة باش تبين بلي راك قد المسؤولية وانت راح دير المستحيل باش متخيبش الثقة تاعهم
ادخل للموقع الرسمي تاع الهجرة الى كندا وجاوب على الاسئلة تاع if you're eligible وبعدها ابدا فالاجراءات
اخطيك من الاردن وغيرها
كاين استراليا نيوزيلندا كندا والولايات المتحدة الامريكية هاذو ملاح صح خصوصا استراليا
والدول الاوروبية عندك المانيا ولندن
بالتوفيق