إلا الحماقة أعيت من يداويها

[سحابة باردة]

السلام عليكم ورحمة الله
ليس هناك الكثير في يومياتي مختلف عن نساء كثيرات لاكن كنت دوما أريد كتابة شيء في قسم هادف الأفكار مفيد المواضيع مثل قسم يومياتي
ندخل في صلب ذالك اليوم
في أخر زيارة لي لبيتنا تزامن مع إحتفلات الباكالوريا دعيت عند قريبتي بمناسبة نجاح إبنها الوحيد بمعدل عالي الله يبارك لما وصلنا وجدنا البيت مليء بالنساء الأقارب والجيران الأجواء كلها فرح وقريبتي في قمة السعادة ونحن كذالك سعداء من أجلها فجاة دق جرس الباب لتدخل جارتها تهنىء وتجلس
وتبدأ بالكلام مباشرة عن إبنها وإخفاقه لثالث مرة في نيل شهادة الباكلوريا وكيف أنَ والده هدده بطرد لأنه ليس كفء لقيادة السياره اللتي إشتراها له ولا الرحلات اللتي
يقضيها خارج البلاد وهي حزينة تندب حظ إبنها العاثر الذي لم تحرمه من أي شيء يطلبه حتى أساتذة الدعم يحضرون كل يوم إلى البيت
وبعد أن كان الجو يسوده الفرح أصبح الكل يخبؤ فرحه ويواسي تلك الجارة اللتي فشلت في تربية إبنها وصاحبة البيت مسكينة أصبحت تتصبب عرقا خجلا وكأنها أذنبت بفرحها وبإقامة ذالك الحفل
والكارثة أن تلك الجارة لم تسكت للحظة بل سيطرت على الكلام وبصوت
مرتفع عن إبنها الفاشل وكأنه حقق إنجاز لاتدري أنها تفضح نفسها وإبنها وزوجها
والنساء حائرات من هذه الجارة البلهاء وأنا من فرط إنزعاجي من تغير الأجواء من حفل إالى جلسة كئيبة نكدية
إعتذرت من صاحبة البيت وخرجت وأنا أقول لأمي مثل هؤلاء النساء
ينطبق عليهم حديث الرسول الكريم ناقصات عقل ودين
ترى هل هذا المكان مناسب أو اليوم مناسب لهذا الكلام أنَ حقا إلا الحماقة أعيت من يداويها

[zokhrofa]

السلام عليكم عزيزتي سحابة
حقا هذه سذاجة
في الحقيقة لقد سادت هته الظاهرة بين النساء خاصة و بين المجتمع عامة
عندما يكون موكب فرح و مبصوط يجي لي ينكد عليه و يحكيلو على فشل او حادثة تسد النفس و العياذ بالله
صراحة انا اصبحت لا اعذر من يتكلم بهته الطريقة و مباشرة ندير في بالي بلي جا ينكد عليا فرحتي
خاطش رانا كبار و نعرفو صلاحنا
علاش ما تقدرش تخمم شوية و تشوف روحها هل الوقت مناسب للكلام عن موضوع فشل في وقت فرح انسانة عرضاتك تفرحي معاها
و من جهة كان غير ما عرضتهاش قريبتك هههههه كان احسن ليكم كامل

[فردوس الرحمان]

هادو يسموهم trouble fête الله غالب مرضى نفسيا وما أكثرهم ،،. يفسدولك فرحتك ويخليوك تندمي على النهار لي فكرتي تفرحي فيه ، الله يهدي ما خلق

[kader001]

المثل يقول : "جد لأخيك ألف عذر " ..هي امرأة مكلومة ..ابنها لم ينجح في اجتياز عقبة الباكلوريا .... لا شك في انها مخطئة ..لكن تصرفها متوقع و مفهوم ... لم التهويل و كانها .. احرقت مسجد ا ..او دمرت مقدسا .... ماذا كانت ستفعل باقي النسوة لو انهن عشن نفس التجربة القاسية ربي يكون معها ... سلام ..

[سحابة باردة]

السلام عليكم عزيزتي سحابة
حقا هذه سذاجة
في الحقيقة لقد سادت هته الظاهرة بين النساء خاصة و بين المجتمع عامة
عندما يكون موكب فرح و مبصوط يجي لي ينكد عليه و يحكيلو على فشل او حادثة تسد النفس و العياذ بالله
صراحة انا اصبحت لا اعذر من يتكلم بهته الطريقة و مباشرة ندير في بالي بلي جا ينكد عليا فرحتي
خاطش رانا كبار و نعرفو صلاحنا
علاش ما تقدرش تخمم شوية و تشوف روحها هل الوقت مناسب للكلام عن موضوع فشل في وقت فرح انسانة عرضاتك تفرحي معاها
و من جهة كان غير ما عرضتهاش قريبتك هههههه كان احسن ليكم كامل
شكرا أختي زخرفة على إثرائك للموضوع وكيما قولتي كون غير ماعرضتهاش ههه

[سحابة باردة]

هادو يسموهم trouble fête الله غالب مرضى نفسيا وما أكثرهم ،،. يفسدولك فرحتك ويخليوك تندمي على النهار لي فكرتي تفرحي فيه ، الله يهدي ما خلق
صح فردوس ناس عندها عقد وبلاهة غريبة
شكرا على مرورك الكريم

[سحابة باردة]

المثل يقول : "جد لأخيك ألف عذر " ..هي امرأة مكلومة ..ابنها لم ينجح في اجتياز عقبة الباكلوريا .... لا شك في انها مخطئة ..لكن تصرفها متوقع و مفهوم ... لم التهويل و كانها .. احرقت مسجد ا ..او دمرت مقدسا .... ماذا كانت ستفعل باقي النسوة لو انهن عشن نفس التجربة القاسية ربي يكون معها ... سلام ..
ولاكن معروفة لكل مقام مقال
شكرا على مروركم الكريم

[خوخة جوجو]

هذا النوع من النساء يحبو يخطفو الاضواء من غيرهم باش قاع لي قاعدات يهتموبيها وواسوها وتكون هي ملكة القعدة. الله يهديك ماخلق. ويكمل قلتي لكل مقام مقال.

[سحابة باردة]

نيشان خوخة حبت تثير الإنتباه لاكن بموضوع انتاع تبهديل

[nihal159]

سبحان الله و بحمده؛ ربي يهذيها هذ المخلوقة؛ كما تفضلتي لكل مقام مقال و الإنسان لازم يتعلم يحترم مشاعر الناس؛ إذا الإنسانة هذي زعفانة و ماعندهاش خاطر باش تفرح؛ كان الأولى أنها تعتذر و ماتروحش عند الناس و تنكّد عليهم تبقى في دارها و تعيش حزنها و ألمها كي عاد البكالوريا يديرو عليها مندبة و بكاء؟

[سحابة باردة]

شكرا نهال فعلا اللي ماشي قادر يفرح مايروحش حتى يستوعب صدماته ويلملم جراحه لأنه وبكل بساطة واش ذنب الأخرين يركبهم الهم معاه
شرفتيني بمرورك عزيزتي

[سَامِيَة]

صاحبة العزيمة ربما استحت من
عدم دعوة هذه الجارة ولكن الأخيرة
كان الأولى بها أن تعتذر عن تلبية
الدعوة أو تؤجلها إلى وقت لاحق
هذه ينطبق عليها مثل
" نلعب ولا نحرم "
هو ربما تصرف عفوي ولكنه
يدخل خانة غير لائق

[سحابة باردة]

شكرا أختي فتاة عادية على كلامك الموزون
شرفني مرورك الكريم

[قرويجة]

اولا مبروك على وليد قريبتك الله يفرحها بيه اكثر واكثر و يبلغها فيه كل ما تتمناه
ثانيا مادام فقتي بيها خسرت فرحة قريبتك علاش مدرتيلهاش حد و قلتيلها بصراحة سمحيلنا اليوم جينا للحفلة تع وليد قريبتي كي نجح
اعرضينا لدارك نندبو معاك على وليدك كي منجحش...

[،،ايمان،،]

اولا مبروك على وليد قريبتك الله يفرحها بيه اكثر واكثر و يبلغها فيه كل ما تتمناه
ثانيا مادام فقتي بيها خسرت فرحة قريبتك علاش مدرتيلهاش حد و قلتيلها بصراحة سمحيلنا اليوم جينا للحفلة تع وليد قريبتي كي نجح
اعرضينا لدارك نندبو معاك على وليدك كي منجحش...

رد كيما هذا ترده على الجارة قمة الوقاحة

المراة تحسرت على ولدها ما قالت لحتى واحد ابكي معاي

و هادي يا صاحبة الموضوع ما اسمهاش حماقة

متى نحترم الناس و نحترم مشاعر الناس

يجي نهار وين تعدي عليكم و تحسو بها

[قرويجة]

رد كيما هذا ترده على الجارة قمة الوقاحة

المراة تحسرت على ولدها ما قالت لحتى واحد ابكي معاي

و هادي يا صاحبة الموضوع ما اسمهاش حماقة

متى نحترم الناس و نحترم مشاعر الناس

يجي نهار وين تعدي عليكم و تحسو بها
سلام
يا ختي ايمان ناس بكري قالو كون حزين و كون رزين

[سحابة باردة]

اولا مبروك على وليد قريبتك الله يفرحها بيه اكثر واكثر و يبلغها فيه كل ما تتمناه
ثانيا مادام فقتي بيها خسرت فرحة قريبتك علاش مدرتيلهاش حد و قلتيلها بصراحة سمحيلنا اليوم جينا للحفلة تع وليد قريبتي كي نجح
اعرضينا لدارك نندبو معاك على وليدك كي منجحش...
يبارك فيك أختي قرويجة هذي غيبة كيراكي وكيراه الفلوس أن شاء الله كل بخير ومعدرة على التأخر في الرد أداتني الكوزينة ههه
قتلتيني بضحك هههه والله غير عندك الحق بصح أنا من النوع اللي يفضل تجاهل هذا النوع من البشر ويكفيه ذالك باش يعرف قيمتوا
أسعدني مرورك

[سحابة باردة]

الأخت إيمان بالعقل علينا حنا مناش قساة القلوب أنا ماقلتش منحسوش بها بصح نعرف بزاف أمهات ولادهم مربحوش الباك وتقبلوا الامر على أساس العام الجاي يكونوا من الناجحين هذا رد على كلامك لاني أنا هنا لا اناقش الفشل في نيل
شهادة الباكلوريا بكل بساطة اكبر مكسب للإنسان هو أخلاقوا وليس شهاداته
شكرا على مرورك