اللهجة السوفية ...ادخل معايا وتعلم

[محمد ضيف الله]

ربي يعين الناس الكل يا السوافة

تو نروح للكوزينة نشرب كاس تاي و نوليلكم.

[بلحاج العرب]

مفهومة للغاية غير انتم تكبرو فيها بزاف

[شمس سوف]

وشحالكم لاباس
توحشتكم ياسر ياسر

[momen39]

حتينيا راني سوفية ونحب نتعرف على سوافى المنتدى هيونى وحسو بينا وانا انثى مع السلامة

[jawadinps]

صحيتو وش راكم انا سوفي عايش في برلين بالمانيا نتشرف بمعرفتكم واتمنى ان تساعدوني حتي لا انسى لهجة ابأئي واجدادي
شكرا لكم Auf Wiedersehen

[مرحبان]

يا وشحالكم يارفاقة ان سوفى ابا عن جد وقبلاوى ونايض فى الرملة وفى تذكير النخل وحجمان اللاقمى وسقى بالخطارة ماكنين تتحدثوا غير على كسرة الطاوى والله تشيشة فلاكى فيها كمية شرشمان واورونه كان دواء وبعدها دير قجة لاقمى انت ابزع فى السمدية ونهار بحرى المهم اليوم اخليكم هذا واش عندى بش انقوللكم المهم اقبلونى صديق معاكم سلامhttp://www13.0zz0.com/2010/04/24/17/246157945.jpg

[منى هويدي]

http://www.khayma.com/nan/images/SOUF.JPG

[OUSSAMA.alg]

السلام عليكم والله فكرة رسمي شكرا:19:
شوف الرد إلي قبلي الرامبوا تع بكري هههههه:d:d:d
ياحيات الدنيا

[بهجة الربيع]

سلام واش حالكم لاباس بخير واش احوالكم لاباس
والله هذي الفكرة عجبتني ياسر سوافة الكل هنيا ربي يبارك خمس وخميس عليكم ربي يحفظكم من العين كلامنا يهبل ويزطل هههههههههههههههههه حلوووووووووووووووووووو كي سكر

[ام خديجة1]

بارك الله فيكم انها فكرة باش نعرف لهجات بلادي الحبيب

[مرحبان]

صحيتوا يا احلى ناس واش حالكم لاباس نيا سوفى وقبلاوى انتاع الصح اليوم جبتلكم صورة جماعة انتاع سوافة تحت الحيط والحداثة حاكمة http://a7lashare.com//uploads/images/A7lashare-bdf6ed01da.jpg

[بهجة الربيع]

هههههههههههههههههههه روووووووووووووووعة يا مرحبان ربي واش يتحدثوا شغبوني ههههههههههههههههه

[مرحبان]

يا اختى بهجة الربيع الحداثة حاكمة بصح مش قرضة راهم يتشاورا بش يروحوا لسوق الغنم قالك راهو السوق حاكم دواء ورسمى

[طيبة39]

السلام عليكم .......انايا بنت سوفية راني عافة بلي كاين الي مايعرفوش منطقة الواد وكاين الي يعرفوها بصح يحسابوها صحراء قاحلة يعني فيها بركا ناس قليلة وهازين عليها نظرة مختلفة تماما عن وش هي راهي فيه الواد بلاصة واسعة يسر وعايشين فيها الكثير من السكان ....تعرفوا وحدة المرة جاو ناس من ابريطانيا هدوك الي يرسموا في الحيط كي شافوها كانوا متعجبين لدرجت انهم اذهلوا قالوا بلي كي تلاقوا مع ناس في تزاير العاصمة قالولهم مالقيتوا اتروحوا غير للصحراء ........ راني عارفه بلي راني طولة الهدرة انخليكم تو

[دارين14]

وش حالكم بنيت واولاد بلادي في ها القعدة السوفية الحلوة ياسر على خير

[حالمة23]

ربي يعيشكم يا السولفة الكل حبيت نعرف معنى وحد الكلمة سوفية هي الشغايب وش معناتها مشاغبية
انا عنابية و حبيت نتعلم السوفية

[مرحبان]

هههههههههه الشغايب يا اختى معنها التلاقى والشغبة وهى الواحد كى ولى مهتم بالناس زيادة عن اللزوم ويدخل فى كل حاجة هاذى الشغبة انشا الله تفهميها

[tebci]

الشغايب ...جمع شغبه اي انسان مشغوب مثلا .. أي انسان قلق من شيء ما .. وتأتي أيظا كالتالي :

الشغايب : الفتن والحوايج اللي ماش مليحا

طفله او طفل شغايبي : اي طفل مشاغب ههه .. هته الكلمة معناها كمعنى العربية الفصحى تماما

مثلا ابن فلان لم يأتي من السفر منذ مدة ولم يبعث رساله والا اي حاجه تدل على انه بخير ... فالاب يصبح مشغوب هنا ... اي قلق جدا جدا او اكثر من ذلك بقليل

والكلمة السوفية واسعة جدا فقد تعني اكثر من معنى


شكرا وربي ان شاء الله فهمتو

[مرحبان]

وينكم يا سوافة وين رحتوا واشى فرغ الحديث

[tebci]

لا لا مازال مافرغشي الحداثه ومافيها انو كل واحد راهو تولها بحاجه ... ونسونا ههههه

ممكن لقو صعوبات في الموضوع .. لكن رانا هني ونشرحو لكل واحد مافهمشي غير ماتتقلقوشي رانا هنا

شكرا

[دارين14]

شكرا ختي والله الموضوع رائع بزاف

[مرحبان]

وينكم يا سوافة يا رفاقة والا اخلاص

[سوفي قماري]

واش حالكم وأحوالكم توا نروح ونجي

[hicham39000]

السلام عليكم
وأهلا بكامل لحباب السوافة وإن شاء الله قعدة هايلة ياسر
ربي يخليكم

[* أمل وطموح *]

اهئ اهئ اهئ انا ثاني حبيت نتعلم هدرتكم هايلة بزااااااااااااااف

[* أمل وطموح *]

راني نقول هدرتكم لني ما نعرفش نهدر كيفكم

[* أمل وطموح *]

لأنو انا في الأصل سوفية ايضا لكنني عايشة فالبرج وكي تهدر جدة بالسوفية ما نفهمهاش بزاف

[* أمل وطموح *]

انا شفت واد سوف لكن ما عشتش فيها

[* أمل وطموح *]

و يعجبك حتى البرايجية ساعات ما نفهمش كلمات مع اني ملي زدت وانا فالبرج ودارنا كامل يهدرو البرايجية بصح انا احيانا ما نفهمش كلمات حتى كي نكون في دارنا يقولو كلمات ما نفهمهمش ههههههههههههههههههههههههههههه غريبة واحيانا نخترع كلمات من عندي ما علاباليش وشمن لهجة نولي نهدر بيها هههههههههههههههههههههه ان شاء الله تكون فهمتوني علابالي هدرتي شويا ما هيش مفهومة ههههههههههههههههههههههههه

[ouacila]

واش حالكم ياحراير ......راني جيتكم نكبر اللمة تاع السوافة ....نايا سوفية سجلت جديدة في المنتدى ....محلاها اللهجة السوفية تو دخلت بعد وعجبني موضوعك يا وسيلة وسناء .....بصح انتم زوز والا واحد فهموني ....نايا تخلطت علي الحداثة تو حابة نفهم ....

[الاميرة سهى]

شكرا على الموضوع الرائع
ما احلاها اللهجة السوفية لهجتى
انا سوفية ايضا

[azzouz abdelbasset]

sahitou sahitou sahitou ya souwafa dima souf

[بهجة الربيع]

لاباس علينا رانا بخير الحمد لله وانتم واش حالكم يا بنيات ويا وليدات لاباس عليكم

[السوفي البربري]

لاباس علينا رانا بخير الحمد لله وانتم واش حالكم يا بنيات ويا وليدات لاباس عليكم
mersieeeeeeeeeeeeeeeeeeeeeeeeeeeeeeeeeee

[هند.الجزائرية]

يعطيكم الصحة لهجتنا سمحة وتهبل خلي يعرفوها كل وهنا نستنو فيكم

[السوفي البربري]

استنا غديكا تو انجي معناها انتطر هناك سوف ااتي

[zahwa39]

صحيتو وشحالكم لاباس انا سوفية و أود التعرف على جميع السوافة و السوفيات
ان كان ذلك ممكنا
للافادة فقط هل تعلم أن
اللهجة السوفية هي اقرب لهجة للعربية الفصحى

[جوهرة الصحراء 39]

السلام عليك حتنا سوفية واللغة السوفية ماهشي صعبة(مانتحدثشي على القديمة صعيييييييييييبة) هي خليط بين العربية الفصحة واللهجة السوفية . وعجبتني الفكرة ياسر وأتمنى أن تعمم هذه الفكرة على جميع اللهجات حتى مانعدوشي كي الأطرش في الزفة
مع تحياتي:19:

[شذى الربيع]

السلام عليكم وشحالكم اليوم لباس حتى انا سوفية ونحب نتعرف على جميع السوافة لي في المنتدى

[السوفي البربري]

you are welcom

[السوفي البربري]

welcommmmmmmmmmmmmmmmmmmmmmmmmmm

[ali géni civil]

السلام عليكم اشكركم على المبادرة على كل حال انا لست سوفي انا شاوي بصح نفهم شويا لغة اخيتي شكرا انشاء الله تنجح الفكرة تاعكم

[kamel kamel]

السلام عليكم : أنا سوفي أب عن جد و يشرفني أن أتعرف على جميع السوافة و السوفييننننننننننننننننننن

[~رآقية بأخلآقي~]

مساكم بالخير..واش حالكم؟؟؟؟يالسوافة و يييييييينكم..خويا ali géni civil مرحبا بيك وبناس الاوراس الكل..الدار داركم..يالله رانا نستنو في تنشيط الموضوع..

[~رآقية بأخلآقي~]

ويييييييييييييييييينكم يا السوافة؟؟

[علال محمد]

رانا هنا واش تستحقيييييييييييي...

[basset127]

راهي مريقلا الحالة السوافة كل راهم هنا

حتى ان من الوادي بصح جتني صعيبة باش نكتب بالسوفية

[~رآقية بأخلآقي~]

نشطو شوي الموضوع فيه 297 مشاركة ربي يبارك..لازمنا نكملو للخمسميا و للالف و علاه ماشي اكثر..خلي الغاشي كاشما يهز من عندنا كلمة والا زوز..

[السوفي البربري]

قولوا جمل وحنايا نترجموها بلهجتنا

[mohammed FR]

وشحالكم لاباس أنا أيضا سوفي

[ريحانة39]

صحتوا ياجماعة الخير واش حالكم لاباس واشكم في ليمات تاع السخانة الي فاتت بخير
طبعا راني سوووووفية

[السوفي البربري]

ويراكمممممممممممممممممممم

وينكمممممممممممممم

وينكممممممممممم

http://img169.imageshack.us/img169/4546/photo087kk5.jpg
http://crackle.imageshack.us/images/new_left.png http://crackle.imageshack.us/images/new_right.png http://crackle.imageshack.us/images/new_zoom.png

[مرحبان]

الحمدوله المنتددى اكبر اهلا بكل السوافة وخاصة السوفيات الحراير الا هن احلى بنات الجزائر والسوفية معروفة بالوفاء والصبر ولو نعلموا ما كانت تقوم بيه السوفية فى القديم لا سوف تعطوها لقب العظيمة والكبيرة لانها حقا عظيمة السوفية ديما فى مبتكرة لان منطقتنا كان العيش فيه صعب لقساوة الطبيعة

[tariko]

سلام عليكم قريت مع سوافة وتعلمت لهجتهم ولقيتها سمحة لكن كلمات لحد الأن ما فهمتهمش
كيما الميطابيق
كي نوع
كي ظلي
هاوينك وين
الشواط
تو ناس الكل لازم يتكلموا سوافة

[مرحبان]

ابقى اعمانا ولد العم تتعلم السوفية اما المطابيق هى اكلة رقم واحد عندنا وهى خبز معجون فى الدار على شكل دواير وفى وسطة كل انواع التوابل والحموضة مثل الصل والطماطم وكل انواع البنة واما الشواط هو خبز مدور صغير واما هاوينك وبن هى لتاكيد الحديث عندما تعجبك الحداثة تقول هاوينك وين مرحبا الى كل من ينضم الى السوافة ويتعلم الحكمة والحديثhttp://a7lashare.com//uploads/images/A7lashare-54514544d2.jpg

[tariko]

الشكر الجزيل على الشرح الكافي والوافي وأكيد أني سأزور الوادي لأكل المطابيق والشواط هذا

[basset127]

هاوينك وين هههههههههههههه
نايا سوفي وبذراع مافهمتها خلي يا البراني

[مرحبان]

المهم اليوم عشانا سفة بالمنقوع ومعها قجة انتاع لاقمى وفى لليلة بحرية وبعدما يتعشى يتلاح فى السمادى ويرقد هذوما السوافة ناتعين بكرى مش تو انتعين المكيفات اوكس وميديا الله يرحم السوافة لقدم سلامhttp://a7lashare.com//uploads/images/A7lashare-725f08a3ac.jpg

[السوفي البربري]

وينكم ايها السوافه

[طهراوي ياسين]

مانيش فااهم فهموني
يرحم الوالدين

[ندى 39]

وينكم ايها السوافه

رانا هناي خوي السوفي البربري ، صحيتو وش حالكم لباس بخير الحمدوالله ، هالأيمات العوايل والحشان السوفية عايشين فرحة النجاح في الرابعة متوسط والتخرج من الجامعة نبارك للناجحين والناجحات أكل ن وعقوبة لفرحة الباك قولو آآآآآآمين

[مرحبان]

واش حاب تفهم من السوفية انفهموك المهم شارك معنا

[tariko]

قجة والسمادي ما معنها

[مرحبان]

السلام عليكم يا سوافة خاوتى اما قجة فهى كمية او جرعة نقول قجة ماء او لاقمى فمعناها حرعة ماء اما اسمادى فهو تراب رطب وذهبى ومريح وهذا هو تراب واد سوف ويعرف بالسمديةلكثرة نعومته ولونه الذهبى اتمنى انكون وفقت سلام

[ريحانة39]

السلام عليكم واش حالكم يا جماعة الخير ادنيا راهي حميت اربي الي خدموا الوزوازة يعطيني شوي

[مرحبان]

عندنا وزوازة مخدومة بالتمر لقبورى دنيا اخرى وفيها الحشاوش الكل والله يا تشربها بعد عطشة سمحة كان دواء ذات

[tariko]

السلام عليكم نجي غادي للوادي ندي من عندكم الوزوازة جربتها قبل عامين وكانت سمحة المهم تمرها من الغوط أو الهود مش غالط أختي

[السوفي البربري]

بارك الله فيكم

[مرحبان]

الوزوازة احلى مشروب تمر من الغيطان ولهواد

[ريحانة39]

ابابابا والله شهيتوني لشربة وزوازة احنايا مازال ما خدمنهاشي

[مرحبان]

السلام عليكم حاب انقوللكم حاجة مليحة الا عنده كلمة سوفية قديمة يجيبها حتى نتعرفوا عليها تعرفوا واش معناها مثلا الشكنبوا والا الزنبيل والعكة وشبرية و الضبيةوالشنةوالزلفةو البخنوق والشانhttp://a7lashare.com//uploads/images/A7lashare-3e6820b1f3.jpg...................الخ عندى الكثير مستنى كلماتكم

[faty2010]

والله غير لاباس الحمد لله
يعطيك الصحة :19:

[مرحبان]

وينككككككككككككككككككككككككككككككككككككككككككككككك م يا سوافة

[tahar11]

اححححححححم جاكم سوفي اخر انا من الوادي سونتر وشحالكم لاباس عليكم ماهي الكل مليح يا سيدي لازم تجو للوادي و تشوفي الرملة

[tahar11]

كااااااااان حبين نطول القعدة معليشي عادي

[مرحبان]

يا خويا طول المهم الحداثة تكون حاكمة ومليحة بركة

[سنيقرة سناقرية]

عدنا الى مكاننا الاصلي هيا ونبدا الهجة والقعدة واتقعمزا السوفية

[ربيع1980]

واشكم راكم لاباس الجماعة بخير وش حال البنيت.

[hamas0]

السلاااااااااااام عليكم
واشي وش حالكم راكم لباس ول
وش رايكم فشوي حديث باللهجة لقمارية

[algeria dz]

واشكم راكم لاباس الجماعة بخير وش حال البنيت.
ياله باش نروحو نغرو

[algeria dz]

http://a7lashare.com//uploads/images/A7lashare-3e6820b1f3.jpg
الوادي مشهورة بالتمر

[ربيع1980]

والرمل ولا إنسيتيها

[ربيع1980]

ضنيتكم مكنش حبين تتحدثو كتبتن الموضوع وما رجعتنش وش بيكن راكن بخير.

[zineb39]

سلام انا تاني راني سوفية وتعجبني هدرتنا ياسر لكن حبيت نوضح شيء هو ان لهجتنا يمكن ان تختلف حتى بين بلدية وبلدية اخرى او دائرة واخرى مثل لهجة قمار ماعندهاش علاقة بلهجة البلديات الاخرى كلها

[ربيع1980]

كنديرو هاضاك هو

[hamas0]

كنديرو هاضاك هو

كندير وهاذاك هو
ماهيش هاضاك هههههههه

[مرحبان]

اللهجة السوفية الاصيلة عدنا احنيا القبالة اى جنوب الواد هم من يتكلم السوفية القديمة والا هى لهجة روعة والا حاب يتعلم كلمات قديمة رانى فى الخدمة

[ربيع1980]

اللهجة السوفية الاصيلة عدنا احنيا القبالة اى جنوب الواد هم من يتكلم السوفية القديمة والا هى لهجة روعة والا حاب يتعلم كلمات قديمة رانى فى الخدمة

انطي من القبلة تكلي طمر عليمنا حديثكم.

[rachida2009]

أهذه هي اللهجة السوفية ؟
لم اجد فيها اي كلمة غريبة وهي مفهومة جدا وتشبه اغلب اللهجات الجزائرية

[مرحبان]

انطي من القبلة تكلي طمر عليمنا حديثكم اشبح ما نتكلموشى كما هك انقولوا التمر بفتح التاء مش كما انتم تقولوا التمر بكسر التاء وما انقولوش انطى انقولوا انتى فهمتنى وان ولد قبلاوى اصلا سوفى حر ابا عن جد وانعاود اللهجة ا لقبلوية هى السوفية درجين والا خر كله دخيل على اللهجة السوفية الا هى فى الحقيقة قريبة جدا للغة العربية الفصحى

[علال محمد]

كون تجو عندنا للدبيلة تشوفو اللهجة انتاعنا قريبة ياسر للعربية الفصحى.

[رائد السوفي]

السلام عليكم واش حالكم لباس بخير والله كمية لاقمي شريتها اليوم دوا في البايط والله راني سوفي دوروجين تاع نخلة غرس والله على كيف كيفها والله الكوكاكولا والبيبسي تكرهها وتعافها

http://www.ennaharonline.com/ar/thumbnail.php?file=455_767139966.jpg&size=article_medium

[»♥« ﭪڟړة نڎى»♥«]

نيا من وادى سوف ونحب لهجتنا ياسر وكيما قالت zineb39 (http://www.djelfa.info/vb/member.php?u=270363) تختلف من بلدية الى اخرى فنا من قمار
وحبا نقللكم بأنها الوادى خاصة في وقت تاهلت الجزائر للمنديال وكي لعبت الجزائر مع مصر تحولت اللهجة الى مصرية

[مرحبان]

وينكم يا سوافة والا شتا الشتاء وابردتوا لازم تتحركوا وتكتبوا

[سمراء الواحات]

انا مش سوفية بصح نعرف اللهجة السوفية لا اتقنها 100بالمئة ولكن افهمها 100بالمئة ربي يعاونكم

[سنيقرة سناقرية]

وينكم يا سوافة والا شتا الشتاء وابردتوا لازم تتحركوا وتكتبوا
خير وشحالكم انا سوفي واتمنى ان نكون سفراء لللهجة السوفية
واتمنى ان نبدا التقعميزة السوفية
على ربي
حضرو الكانون والحطب والسباط امرمل

[مرحبان]

واش حالكم لباس مرقلين ايه لازم نتحركوا وانقول لسمراء الوحات شكرا لك وتقارته كلهم جيرانا واحبابنا وياجماعة لازم انزودوا من الحطب الصحيح وانعولوا من التمر الشتاء قاسى والله يا صمور عافية فى زريبة متلفتة لظهرة كان دواء فى الليل فيها براد تاى دنيا اخرىوالواحد ضارب فيها غشبية وبرى قول للبرد روح على روحك

[yasmine souf]

ana thani soufia w netcharef b lahjti

[~رآقية بأخلآقي~]

مساكم بالخيييير يا اهل الخيييير

واش حااااالكم


مهنااااشي يالسوافة الموضوع من 2010 حبس

هييو عاودو احيووه يالاَّ

[قطرة وادي سوف]

واش حالكم يا السوافة وينكم لباس عليكم
واش دارو اخوتكم الصغار طاب ولا مازال

[~رآقية بأخلآقي~]

لاباس ينشد عليك الخير

واش حالك نتي؟؟

نحن في حوشنا معندناشي الذر الصغار بالصح جونا ذر الجيران

[قطرة وادي سوف]

الحمد لله لباس عليا خيتي صح فطوركم

[adnanxd]

تِ بنت بلادي باش تعرفي أنا سوفيه و عايشه بالعاصمه و لا مره شفت الواد بلادي واش حالهم لاباس
و نعرف الهدره السوفيه و اذا حبيتي نعاونك

[~رآقية بأخلآقي~]

يسلمك أَ فطيمة صحا فطوركم حتى نتم

شفتي رمضان قال هكا فض..

[Hcmdz]

ماهي اللهجة الصوفية ؟؟؟
لانني أفهم كلامكم عادي في هذا الموضوع ؟؟

[قطرة وادي سوف]

ماهي اللهجة الصوفية ؟؟؟
لانني أفهم كلامكم عادي في هذا الموضوع ؟؟

أولا السوفية وليست الصوفية لها معنى اخر
ثانيا اكيد ستفهمنا في الموضوع لانها كتابيا ولكن في الحقيقة نحن نتكلم بسرعة

[قطرة وادي سوف]

وينكممممممممممممم
راكم لاباس عليكم

[klayks]

لهجتكم اظن قريبة للتونسية