مشكلة مع اهل خطيبي

[اميرة الجزائر2010]

السلام عليكم
انا فتاة مخطوبة من شخص يحبني والمشكل يكمن في ان اهل زوجي ميقيمونيش كامل لا مناسبات ولا اعيادة غير انا لي نتصل بيهم و نسقسي عليهم وخطبيبي ماشي مقصر معايا يحوس عليا ويسقسي عليا الحممد لله
والان قامو بمقاطعتي نهائيا واش ندير من فضلكم وخطيبي جا في الوسط وانا راني نحس روحي غير مقبولة عندهم

[ALHIKMA]

شدي في خطيبك

[اميرة الجزائر2010]

الاهل ياثر عليه وكي نروح ليهم علابالي يهبلوني

[ندى2002]

sah f rajl khti ;)

[اميرة الجزائر2010]

sah f rajl khti ;)

علابالي مي الاهل يلعب دور انا نروح للدار وواحد ما يحبني ومقيمني حتى في العيد ميجونيش كما الناس وواحد ميعيطلي وهكذاك نعفس على قلبي ونعيط

[muslim girll]

اللهم وفقنا للقول السديد والعمل الرشيد

معذرة اسحب رايي السابق..

ومادام رح تسكني معاهم : لازم تنتبهي لشخصية الرجل اذا كانت شخصيتو قوية وفي حالة ما اذا استدعى الامر انو تخرجو من دارهم في حالة وجود مشاكل[[ وماقدرش انو يتحمل المصاريف( الكراء خاصة ... ) ]] هنا لازم تراجعي الامر مليح
لانو ممكن يضغطو عليه مادامو معندوش استقلالية مادية ويعتمد على اهلو (بشكل ما)

والله اعلم

ادعي ربي يكملكم ايدا فيها خير .وكملي فالاستخارة
ربي يهنيك


صح عيدك...
(للعلم الفايدة مور الزواج يبان ويكون "الحب" )

[زيان.]

أختي الكريمة ... مادام خطيبك يحترمك ويحبك فلك أن تفاتحيه في الموضوع وتستحلفيه بالله أن يوضح لك ما هو مستتر أو على الأقل يُبعد عنك وسواس يراودك
إن لم يكن هناك شيئًا ....
حاولي أن تفهمي كل التفاصيل مادام الأمر مجرّد نظريات تحتمل الصواب والخطأ قبل أن تصبح قواعد حياتية ... بالتوفيق

[kader001]

ما يحدث لك امر عادي في الاسر الجزائرية بشكل عام .... هناك الكثير من الغيرة ..التي تتسبب في ذلك ..كوني حكيمة و حاولي ..ان تتعاملي مع اهل خطيبك ..بلباقة و دون عقدة الى ان ييسر الله امر كان مفعول -الزواج طبقا- بالهناء ان شاء الله

[toulay]

وعليكم السلام ورحمة الله وبركاته
يا اختي هاذو هوما اغلبية الحموات دايرين في بالهم بلي الطفلة سرقت ولدها منها ايا تحكمها نوبة الغيرة منيش عارفة علاش من المفروض تفرح وتقول الحمد الله ولدي راح يستقر
انت المهم خلي روحك عزيزة ومتعمرش راسك بزاف يخي خطيبك يحبك ومعاك واش دير بيهم هوما صح علابالي اهل الزوج عندهم اهمية تاني
مديرش mauvais sang ومتبقاش كل دقيقة تعيطلهم لانو تولي سماطة هكذا
عيط غير فالمناسبات برك وطبعا مين يحكي معاك خطيبك سقسيه على احوال دارهم وفرات
وان شاء الله نهار تتزوجوا تعيشوا في بيت مستقل هكذا ترتاح
بالتوفيق

[رضاك يا ربي]

الصح في راجلك كي يكون يحبك و يحتارمك
انا تزوجت بزوجي الحالي بقيت مخطوبة مدة عامين
جابولي عيدي خطرة برك في مدة عامين
وجامي حوسو عليا في الأعياد والمناسبات
والله والله ديما انا لي نعيط
بصح كي تزوجت والله والله لقيتهم ناس رائعين
عجوزتي وشيخي كيما اهلي
الحمد لله
الصح كامل ماش كي يجيبولك القش والا يعيطولك
الصح كي يكون التفاهم والاحترام بينك وبين راجلك
انت ابقاي خطرة على خطرة سقسي عليهم
ماشي ديما
ومتبينيش لراجلك بلي راكي متقلقة من أهل
يهز عليك نظرة ماش مليحة
يقول تكره اهلي من دوك
كي تكون عندك العاقبة كيما يقولو
كي تروحي عندو يشريلك العجب
ربي يهنيك و يفرحك

[dede2000]

السلام عليكم وعيدكم مبارك
أكيد ميحبوكش ....لكن لماذا؟....حاولي تعرفي السبب
ظ،/ رأي حافظي علي شعرة معاوية معاهم وصح في راجلك
ظ¢/ متهدريش على الموضوع مع راجلك ومتجبديش الموضوع نتاع أهلو....مع الوقت راح يعرف الفرق بينكم هما يذكروك بالسوء وانت عمرك متحكي عليهم .
بالتوفيق وربي يهنيك

[ابو سليمان10]

مشكلة هذا النوع من الزواج عادة فتاة و شاب يقعون في علاقة ولاكن الاهل لايكون لهم دور في الاختيار و نسبة كبيرة يكون الزوجين المستقبليين غير متناسبين في نظر الاهل و حتى ...الشابين تحت تاثير المشاعر يقبلون اي شىء ...الشاب يضحي و الفتاة تضحي..لاكن الاهل يرغبون بشىء اخر كليا

[مومي23]

يجب ان يصارحك الشاب
ادا اهله ما قبلوكش الامر صعب صراحة

[kacimo.samy]

وعليكم السلام ورحمة الله وبركاته
صح في خطيبك
وعائلة لا تهم لكن تأكدي فقط انه يقاوم ويجاهد للاجلك فقط
موش غدوة يسمح فيك على سبب تافه



انا نحير في العائلات التي تدخل في شؤون اولادها ؟؟..

[ابو سليمان10]

وعليكم السلام ورحمة الله وبركاته
صح في خطيبك
وعائلة لا تهم لكن تأكدي فقط انه يقاوم ويجاهد للاجلك فقط
موش غدوة يسمح فيك على سبب تافه



انا نحير في العائلات التي تدخل في شؤون اولادها ؟؟..




اسمحلي بمخالفتك الراي
اولا اهل الزوجين لايمكن تجاهلهما من المعادلة...يجب ان يكون هناك قبول...غير ممكن الفصل بين اهلك و زوجتك ...ستحصل مشاكل مستقبلا
ثانيا للاهل الحق في التدخل...احينا الشباب تحت تاثير المشاعر يقومون باختيارات غير صائبة...الاهل يحاولون انقاذ ما يمكن انقاذه

[kacimo.samy]

اسمحلي بمخالفتك الراي
اولا اهل الزوجين لايمكن تجاهلهما من المعادلة...يجب ان يكون هناك قبول...غير ممكن الفصل بين اهلك و زوجتك ...ستحصل مشاكل مستقبلا
ثانيا للاهل الحق في التدخل...احينا الشباب تحت تاثير المشاعر يقومون باختيارات غير صائبة...الاهل يحاولون انقاذ ما يمكن انقاذه
شكرا لك اخي

لكن اقصد بعض عائلات تتدخل في شؤون لا علاقة
و يرون للانفسهم

مثلا اب رفض زواج ابنه من فتاة لانها فقيرة ؟؟ ماهذا؟؟

وما خفي أعظم ...

(وصدقت في بداية كلامك لكن حاول ارضائهما المهم دير حل لعمرك -__-)
شكرا لك اخي الفاضل

[سوسو الزينة]

نتي ديري لازمة تجاههم ولازم تكوني واثقة مئة بالمئة بلي امورك صافية اتجاههم حاولي تهدري معاهم في تلفون وصارحيهم قوليلهم هل راني غالطة في حقكم !!

[قرويجة]

الله يهديهم و يصخرهم ليك

[بلعيد حسان]

المهم هو خطيبك، و الأهم هو الاستقلال ببيتكم الخاص حتى لو كان "كرية". مع الوقت سيقبلون الأمر الواقع. و عن تجربة، أأكد على الإستقلال.

[سعاذ]

السلام عليكم
اولا الف مبروك اميرة بلاك مشفيتيش عليا
واش احوال مريم الصابرة
شوفي اختي متعمريش راسك بواش يصري قبل ماتعرسي لانوا هدا شي مايدومش ممكن هدو ناس ماشي من نوع لي يدخس نعرف ناس تخطبوا مدة عامين هما مايعيطوا ناسهم مايسقسوا عليهم في تليفون بصح كي زوجوا راهم متهنييين
خلي حتى بعد العرس و تتعرفي عليهم انت لي عليك تعيطي لعجزتك في الاعياد و تعيدي عليها فقط اما باقي ميهمكش
ربي يهنيك يارب

[طالبة علم شرعي]

سلام عليكم
عادي اختي انت سقسي على والديه وسايي
يلا معيطولكش مش أمر غريب العائلة الجزائرية تلقاي الاخ ميتفكر اخته بالهاتف فين عاد خطيبة ابنهم
منيش عارفة عاداتكم احنا عدنا بالمناسبات لازم الاهل يروحو لبيت العروسة يدولها تفقيدة ادا راك تقصدي هاد نقولك اصبري معلش وساعفي خير ملي يبينولك يحبوك وتامني راسك ومبعد تنخلعي على الأقل داروها كما نقولو *طق فالطبق* ههه
ربي يهنيك اختي ويفرحك

[dounia el amani]

كي يكون هو مليح معاك واش يهمك فيهم رايحة تعيشي معاه هو .و هوما عامليهم باحترام و خلاص ماتمرضيش روحك