متحصل على 16,90 في البكالوريا

[{رحيل}]

وجهت لحلمي من الصغر وهو الطب حاربت وكافحت للوصول اليه وها انا الان غير راضية على معدلي ولي رغبة في الاعادة
شبه محطمة مشتتة ما العمــــــــــــــــل رجائي منكم ساعدوني

[nadineisraa]

لم افهم هل وجهوك الطب ولاتريدينه ام تريدين إعادة الباك ةوالحصول على معدل اعلى اذا نعم لماذا

[kacimo.samy]

السلام عليكم
حابة تزيدي تضيعي عام من حياتك على جال معدل؟؟
اقري طب واخطيك من داك التخمام

داك لعام تحتاجيه في بلاصة اخرى
و ربي يوفقك ...

[{رحيل}]

وجهت للطب لكن احسست للحظة اني غير مؤهلة له واردت اعادة البكالوريا لمعدل اعلى ودخول الطب بمعدل ممتاز والله محتارة

[بشرئ عاشقة العلم]

يا اختي الطب يحتاج لسبع سنوات هدا غير التخصص تزيدي تضيعي عام تاني
نفرضو عاودت و الديت معدل مليح اكثر و مبعد رح تروحي للطب و خلاص علاه كل هدا
كملي و خلاص احسن

[_اميرة الصمت_]

يا اختي ما بك احمدي ربي على واش عطاك و الله ... خلاص حققتي حلمك علاه عليك تخمام كيما هذا
واش من الفايدة كي تجيبي 18 العام الجاي كمترشحة حرة .... التكريم و لن يكون من نصيبك
نفس الشيء راح تعاودي تخيري طب مرة اخرى ! اذن علاه تضيعي عام من حياتك
اصلا الطب سنوات الدراسة فيه طويلة
خليك من التخمام هذا
و معدل 16.90 معدل ممتاز
وفقك الله وسدد خطاك ...

[المُعادلة الصّعبة]

حُطي في بالك الاحتمالات لي ممكن تصرا كامل
افرضي لو درتي رايك وعاودتي العام و كتبلك ربي تجيبي معدل اقل من اللي جبتيه هذا العام
رح تندمي ولالا
رح تقولي وش داني نضيع عام من عمري ولالا
ماكيش ضامنه بلي كي تعاودي رح تجيبي معدل اكبر من هذا لذلك ماتريسكيش
اهم شي وجهتي للهدف المنشود وهذا في حد ذاتو انجاز لاكان ماعلابالكش ولاكان ماكيش حاسه بحجم النعمه ،،
لذلك احمدي ربك وكملي مشوارك عادي ويجي يوم تنساي الحرقة هذيك
حكّمي عقلك مُش قلبك
الله يكتبلك الخيره في امرك

[المُعادلة الصّعبة]

كيفاش هذي غير مؤهله ليه وهو فوق معدل القبول اي منطق هذا !!!!
مادام قبلوك ووجهوك ف انتي تستحقيه وعن جدارة ثاني
مبروك عليك ربي يوفقك ،،

[nadineisraa]

نفرضواجبتيه ب 19.5ومن بعد اين ستذهبين اكيد للطب ثم إن كان لإثبات انك اقوى واجدر الافضل ادخري جهودك للطب ....الا اذا كنت تفكرين في تغيير الشعبة أو الدراسة الخارج ....

[mehdi_mascara]

معدل 17 و محطمة !!! ربي يبارك ما عندي ما نقول

[دفء المطر]

يا بنتي معدلك أهلك لدخول الكلية و الآن عليك المثابرة و الجد لتكوني من المتفوقين في مجالك و اعلمي أن الحياة لا تنتهي بأن تكوني الأولى وطنيا أومن الأوائل بل حياتك يجب ان تكون اجتماعية .... في دفعتي عام 2008 يوجد من تحصل على معدل 17 و اصبح مستواه ضعيف و هناك من كان معدله 15 او 14 و صار هو الاول
البكالوريا هي مجرد جسر للجامعة ... قد تعيدين و تتحصلين على معدل اعلى لكن ما معنى ذلك تثبتين لنفسك بانك جديرة به ام تتباهين به امام زميلاتك ... و فرضا لو حصلت على معدل اقل ما ستكون ردة فعلك اذا ستتحطمين و تقولين الطب ليس لي

يا بنتي مادمت اهلت لتخصص ما فأنت جديرة به الطب ليس الثانوي عالم اخر من الجد اللامتناهي فلا تضيعي وقتك بالعبث

[دفء المطر]

و اذا هذا حطمك و شتتك كيفاش رح تقراي 7 سنوات يا بنتي اكبري كامل كي جبنا الباك ماكناش راضيين على نتيجتنا لكن مضينا في تخصصنا و تخرجنا و الحمد لله

[توم]

روحي اكي موخدة
هاذي العقلية اول مرة نشوفها
العام هذا راح تكون الجامعة معمرة بالاطفال بهذا التخمام اكبري شوية و احمدي ربي على الشي الي عطاك كاين بزاف يتمناو الشي الي راكي فيه و انتي قاعدة تتكبري على النعمة غير نحي التخمام تاع تعاودي خاطرش درك تطلعي للجامعة و تتبدل العقلية و تندمي ندمة كحلة على العام اللي خسرتيه فالباك تاع الجياحة

[طالب له هدف]

اختي ساقولها لك مباشرة ...
هذه عندنا تسمى : " جياحة "

[yacin0]

هذا تكبر عن نعم الله ..احمد ربي كاين ليحلم غير 10 وحركوا ربي منها

[{رحيل}]

ليس تكبرا او شيئا اخر لكنك لست في مثل موقفي
حتى انني حرمت اليوم من التخصص والاعادة

[{رحيل}]

شكرا على نصائحكم ونقدكم

[شمس الأمنيات]

معدلك اهلك لحلمك فلما تضييع سنة اخرى
ادرسي الطب وحاولي ان تكوني صادقة مع نفسك كما ان دراسة الطب طويلة

[_اميرة الصمت_]

كيف حرمت منهما لم افهم اختاه ..

[nadineisraa]

ياودي انت عندك مشكلة قوليها علاش رانا تنصحوني فيك وانا عارفين والو قولي واش ضرك ووجعك ننصحوك

[{رحيل}]

بسبب اصراري حول اعادة البكالوريا لم يوافقوا على الاعادة وعلى الطب وانا الان مجبرة على المدرسة العليا
رجائي منكم ماذا افعل انا في حيرة

[Mohamed_abdenour]

يعني رآكي من نيتك ؟ هل هذه مشكلة في رأيك ؟ هذا يسمى التكبر على نعم الله ،، ارضآي بوآش عطاك ربي ربي يهديك زيدي ضيعي عآم من حيآتك على لا شيئ ! مادامك في الجزآئر لن يعترف بك أحد مهما كان معدلك انتهى

[قطر الندى]

اختي افهم شعورك انتي راكي حاسة روحك عندك طاقة وعطاء اكثر من المعدل اللي حصلتي عليه احييك على هذا الطموح العالي ,ان كنت تظنين انك غير مؤهلة للطب نقولك من ضوك الجامعة والباك شيئان لايمكن اعتبارهما كمقياس دائما نعرف الكثير ممن تحصلو على 17فاكثر ودخلو الطب لكن كانت بدايتهم صعبة لا اقول فشلو لكن لم يتمكنوا من تحقيق نتائج ممتازة في الطب والتي حققها اصحاب \15 معدل مقياس التفوق في الطب العامل الاول الرغبة ولثقة بالنفس ,ونصيحتي المجهود لي تفرغيه في اعادة البكالوريا هذا ان كنت تحبين الطب فرغيه في الاجتهاد في الطب انا ثن صراتلي نفس المشكلة في البداية متخليش روحك تخمي كيماهاك هذه بداية نافذة الافكار السلبية ثقي بنفسك والطب كي تدخليه لما تتعمقي فيه وتفهميه اكيد رايحة تحبي الطب ونصييييييييحة من عندي كي تدخلي الطب ادخلي بروح التحدي بانك ستتفوقين

[nadineisraa]

لي فهمتها أن اهلك لم يوافقوا على الطب ولا الإعادة وقلولك روحي أستاذة........

[مسامح.]

إذا كنت صاحبة 16.50 ومحطمة
فاعلمي أن في الجامعة تتغيير جميع المعايير فهناك طلبة أصحاب 16 و17 أصبحو يحصلون على 10 و 11
لذالك لا تعاودي البكالوريا وإنما عليك أن تتفوقي في دراسة الطب لآن ذالك يعتبر مضيعة للوقت
في الجامعة لا يهم معدلك في البكالوريا وإنما ما يهم هو معدلك الحالي

[hicham2018]

معدلك يأهلك تدخلي للجنة مش غير الطب يا حسراه ناس داية 17 و مش راضية

اقعدي في قرايتك بركاك من التحراك بزاف .... اقري الطب انا هات نجيب 14 و ندخل بيها غير مدرسة عليا برك تعبنا و مدخلناش و نتي 17 مش حامدة ربي

كملي كملي و الهي بقرايتك و اللي دا الباك من المرة الاولى و جاه التخصص حابه غير يحمد مولاه

[ألفة 98]

احمدي ربي اختي و اقراي

[{رحيل}]

شكرا لكم ولنصائحكم ويا ليتني سمعتها وطبقتها وها انا الان حرمت منها
اعتذر لمن ازعجته بموضوعي او سببت له الاذى اسفة ... معدلى اهلني لحلمي ورفضت ذلك وها انا الان ادفع الثمن غاليا
اعتذر من الجميع

[~نسآئم الصبآح ~]

اختي هل وجهوك مدرسة عليا ؟؟ ام ستحولين الطب الى المدرسة العليا ؟