الى مساعدتي الريانة الطموحة

[vers l'avenir]

صباح الخير واتمنى لك سعيد اريد جواب منك ماهي الكتب الخارجية لحلول الكتاب المدرسي في المواد الاساسية وهل هل طبعتي الملفات في البيت او في مقهى الانترنت وان كنت طبعتي في المقهى هل يجب تحميلها اولا في carte memoire i i هل فب رايك ابدا بتحميل المقالات في الفلسفة من اي موقع تنصحينني هل عنك منهجية جيدة للاجابة على اسئلة ووثائق تاريخ والجغرافيا اهل تنصحينني بحل سلاسل الاستاذ مصطفاي او المغني اولا وهذا القرار حيرني اريد منك مساعدتي هل اشتري كتيبات للبكالوريات الاجنبية لانني سمعت انها عادة تكون مطابقة للمغاربة خاصة في الفيزياء او يكفيني موقع قزوري المغني في الرياضيات والفيزياء سلاسل الاستاذ مصطفاي المراجعة النهائية في الفيزياء وبواريش وعقريب كمال الحمد لله سوال اثار فضولي ماهو معدلاتك السنة الماضية ولماذا اخترت قسم العلوم التجريبية علما انك في شعبة الرياضيات

[المُعادلة الصّعبة]

اهلاً مساء النور اختي رجاء مرحبا بك من جديد وبأسئلتك =)
صح عيدك نتي ثاني ،،
بالنسبة لحلول الكتب المدرسية
في الرياضيات رح نستعمل الميسر للمؤلف عبد القادر كاهيه اعتمدت عليه فالثانيه ثانوي ورح نكمل بيه باذن الله
كاين لي ينصحوا بالسلسله الباديسية ماعنديش عليها فكره المهم شكروها
في الفيزياء انا ثاني لحد الآن معلاباليش مانقدرش نفيدك بحتى شي
علابالي صح كاين في كتاب استاذ قزوري حلول كتاب المدرسي برك
في العلوم ينصحوا بالميسر كذلك فيه حلول الانشطه تاع الكتاب وبالمنهجيه
انا الحقيقة حملت مذكرات الاستاذ ابراهيم جيلاني فيها جميع حلول انشطة الكتاب المدرسي للعلوم حمليهم وشوفيهم
بالنسبه للملفات اللي رح نطبعها رح نطبعها فالدار باذن الله
اذا ماتوفرتش عندك الطابعه وحابه تطبعي فالسيبار حطي وش سحقيتي في فلاش ديسك ومديه لمول السيبار وهو يطبعلك عادي
مممم مقالات الفلسفه والله انا في حد ذاتي ماجمعتهمش بانتلي نجمعهم فالعام الدراسي يعني كل مقاله نحتاجها نكتب عنوانها ونحاول نستفيد منهم
لا املك منهجيه للاجابه عن وثائق التاريخ والجغرافيا ولكن اظن شفت قبل عضوه حطتهم خلي نحوسلك عليهم ونحطهملك باذن الله
ننصحك تحلي المغني اولًا ثم مصطفاي وزيديلهم الكتاب المدرسي بحلولو طبعًا
ممم البكالوريات الاجنبيه قصدك المغربيه فقط ؟ مافهمتش سؤالك وضحي رجاءً
نعم يكفيوك اختي لي ذكرتيهم انها مراجع ممتازة وجل المتفوقين ينصحوا بيهم متخافيش باذن الله يكفيوك
معدلاتي فالسنوات الماضيه
اولى ثانوي 17.15 - 16.45 - 18.19
ثانية ثانوي : 16.24 _ 16.59 - 17.17
ملاحظه صغيره برك كي تشوفي 16 اعرفي بلي الفصل هذاك استعملت الفيس بوك وقضالي على وقتي كامل انا كي يلهيني الفيس بوك نجيب 16 خخخ اما باقيها ما ستعملتوش نهائيا
هههه اخترت هذا القسم لانو اكي شايفه اكثر واحد فيه تفاعل والسبب كثرة العلميين وفي نفس الوقت هو مكان لتجمع الشعب العلمية الثلاثه بصح الاقسام الاخرى مهيش نشيطه ومتفاعله لذلك انا التحقت هنا
اتمنى افدتك اختي رجاء =)

[المُعادلة الصّعبة]

هذا شا لقيت بالنسبه للاجتماعيات
منهجيه تاع تحرير مقاله برك
منهجية الاجابة في الوضعيات في مادتي التاريخ و الجغرافيا الجزء الاول (http://www.dzbac.net/index.php?act=new&do=37)
منهجية الاجابة في الوضعيات في مادتي التاريخ و الجغرافيا الجزء الثاني (http://www.dzbac.net/index.php?act=new&do=37)

[المُعادلة الصّعبة]

شوفي هذي (http://3as.ency-education.com/3as-physics-corrections.html) لقيتها صدفه ضرك ههههههه

[العالمة الطموحة]

بالنسبة لسلسلة البادسية جد ممتازة اي عندي تاع اختي رائعة جدا جدا تحتوي اولا على ملخص للدرس و بعد حلول جميع تمارين الكتاب المدرسي بالمنهجية الدقيقة لدي الجزء الاول و فيها جزءان ..و اريد اضافة نصيحة لا يجب ان نبحث عن الكتب التي شكروها بل يجب ان نجد الكتب التي تكمل نقصنا في اي مادة .........فقد ارى كتابا جيدا و غيري يراه مرهقا و لا يناسبه... و لاجادة انتقاء الكتاب الذي يلبي احتياج كل منا يكفي معرفة مضمونه...اتمنى فكرة وصلت لكن...دمتن

[المُعادلة الصّعبة]

بالنسبة لسلسلة البادسية جد ممتازة اي عندي تاع اختي رائعة جدا جدا تحتوي اولا على ملخص للدرس و بعد حلول جميع تمارين الكتاب المدرسي بالمنهجية الدقيقة لدي الجزء الاول و فيها جزءان ..و اريد اضافة نصيحة لا يجب ان نبحث عن الكتب التي شكروها بل يجب ان نجد الكتب التي تكمل نقصنا في اي مادة .........فقد ارى كتابا جيدا و غيري يراه مرهقا و لا يناسبه... و لاجادة انتقاء الكتاب الذي يلبي احتياج كل منا يكفي معرفة مضمونه...اتمنى فكرة وصلت لكن...دمتن
وي مام الميسر هكاك فيه ملخص ومبعدا حلول الكتاب وفيه زوز اجزاء
نعم انا معاك في الفكره مشكوره اختي عبير عالاضافه =)

[العالمة الطموحة]

عذرا و لكن هل وجدت يا ريان ما اردته البارحة في اموقع الاول للدراسة في الجزائر....;)

[المُعادلة الصّعبة]

عذرا و لكن هل وجدت يا ريان ما اردته البارحة في اموقع الاول للدراسة في الجزائر....;)
وي اكيد كون مالقيتش كون بقيت نهبل فيك باه نلقاها ههه مرسي بزاااااااااف
قوليلي عبير شحال كانت معدلاتك العام الماضي؟

[العالمة الطموحة]

على العموم كانت معدلات كارثية من يوم بديت نقرا ما اديتهم كا قلتي سيدي الفايسبوك واش دار فينا الفصل الاول 16.41 الثاتي 16.8الثالث17.9

[المُعادلة الصّعبة]

على العموم كانت معدلات كارثية من يوم بديت نقرا ما اديتهم كا قلتي سيدي الفايسبوك واش دار فينا الفصل الاول 16.41 الثاتي 16.8الثالث17.9
مليحه ان شاء الله تجيبي اكثر فالبكالوريا ،،
عموما المعدلات مش دايما تعكس مستوى الطالب
انا عن نفسي عام 2 ثانوي اكثر عام ارتكبت فيه اخطاء واخطاء جسيمه واولهم حساب الفيس اللي ضيعني وضعضعني
وانا متيقنه ان في ذلك حكمه لا يعلمها الا الله ،،
بالتوفيق عبير =)

[amin8]

زدت شفت كتاب تاع حلول تمارين الكتاب المدرسي اسمو المكمل في الرياضيات فيه جزأين و خاص بالشعب الثلاثة

[المُعادلة الصّعبة]

زدت شفت كتاب تاع حلول تمارين الكتاب المدرسي اسمو المكمل في الرياضيات فيه جزأين و خاص بالشعب الثلاثة
هذاك هو بعد
كي الميسر بعد غير اسمو مبدل

[العالمة الطموحة]

اننا لدي كتاب الاستاذ ففي الرياضيات .....فيه تصحيح تمارينالكتاب المدرسي ليس الكل

[vers l'avenir]

شكرا ريانة كوليوم كي نسحق حاجة تكوني معايا وبالنسبة الى اسمي هو فريال ونتمنى نكونو صديقين ونتبدلو المعارف انشاء الله اههه :) وشكرا كامل لشاركو فيهذا الموضوع

[المُعادلة الصّعبة]

صح عيدك اختي
بلا مزية دعاءك ليـا برك
ايه مي على ما اظن قلتيلي المره لي فاتت اسمك رجاء ولا نا لي ما شفيتش ههه ^^"
بالتوفيق اختي اي سؤال تتردديش =)

[vers l'avenir]

ا:)فالدار يعيطولي فريال خاطرش نحب بزاف هدا الاسم الدلع فهمتي :) وفريال اسمي الاصلي

[المُعادلة الصّعبة]

انا عجبني رجاء خير =)
تشرفت ..

[العالمة الطموحة]

انا اقتنيت كتاب الجديد باجزاءه الثلاث...قمة فعلا ..رايي ان اعتمده مضافا الى الكتاب المدرسي..... ريان ماذا اقتنيت

[المُعادلة الصّعبة]

انا اقتنيت كتاب الجديد باجزاءه الثلاث...قمة فعلا ..رايي ان اعتمده مضافا الى الكتاب المدرسي..... ريان ماذا اقتنيت
نعم حتى أنا ..
عندي الجديد بجزئيه مي الجزء الثالث خبريني تاع واش ؟
بالنسبه للمغني عجبني فالفيزيا برك ماعجبنيش فالرياضيات ،،
لانو يخص شعبة العلوم التجريبية حتى محور الجبر والقسمه في z مكانش فيه لذلك تراجعت عن استعماله
في الرياضيات رح نستعمل الكتاب المدرسي + الجديد وتمارين الاستاذ نور الدين وسلاسل مصصطفاي والسلاسل المحلولة التي حملتها ،،

[العالمة الطموحة]

اختيارك موفق..............الجزء الثالث حوليات تتضمن تمارين مختارة من بكالوريات اجنبية..فعلا ممتاز

[المُعادلة الصّعبة]

اختيارك موفق..............الجزء الثالث حوليات تتضمن تمارين مختارة من بكالوريات اجنبية..فعلا ممتاز
ايه مليح عبير نقدر نلقاه في مكتبة الثانويه هذا الجزء ولا ما يكونش متوفر؟

[العالمة الطموحة]

لا اعرف ............اسئلي اتمنى ان تجديه

[amin8]

كتاب الجديد وش فيه تمارين الكتاب المدرسي ؟

[العالمة الطموحة]

تمارين تطبيقية محلولة + تمارين و مسائل متدرجة مستوى الصعوبة بالاضافة الى قبل هذا ملخص رائع يشرح الدرس مع امثلة محلولة و لاعطيك رايي مستوى تمارينه راق و كذلك تقديمه للمعلومات و بدون مبالغة هو الافضل بعد الكتاب المدرسي

[amin8]

تمارين تطبيقية محلولة + تمارين و مسائل متدرجة مستوى الصعوبة بالاضافة الى قبل هذا ملخص رائع يشرح الدرس مع امثلة محلولة و لاعطيك رايي مستوى تمارينه راق و كذلك تقديمه للمعلومات و بدون مبالغة هو الافضل بعد الكتاب المدرسي

بارك الله فيك كنت حاطو فيه تمارين الكتاب المدرسي ممكن تعطيني اسم المؤلف ؟

[العالمة الطموحة]

بارك الله فيك كنت حاطو فيه تمارين الكتاب المدرسي ممكن تعطيني اسم المؤلف ؟

تاليف ا. حمزة دار الشريفة و هاذي صورتهhttps://a.top4top.net/p_611urbwa1.jpg

[بنت الجسور]

ورفع يعني ابطال الأطروحة "الفلسفة الحديثة كانت ثورة عقلية فقط"