ساااااااااعدوني

[benmoz]

السلام عليكم انا في حيرة من أمري
انا اريد ان اقوم باعفاء في الرياضة لانني لا احبها و لا احب الاستاذ ههه
و خايفة ادا تأثر علي في الباك
اعرف انكم تقولون انها غير مهمة لكن احتاج المساعدة
مشكوريييييييييين

[حلم يعانق السماء]

أغلب الظن لا تؤثر كثيرا
على أية حال أنا ممنوعة من أداء الرياضة ^^

[نبض قلبي]

شووووووووفي اختي هي حاجة تعاون تعاون خاصة لجماعة المعدل 9
يعني ماتزيدش بزاااااف
شوفي انت قوليلي قداه مالفة تجيبي المعدل وانا نقلك

[benmoz]

نونوسوهيشووووووووفي اختي هي حاجة تعاون تعاون خاصة لجماعة المعدل 9
يعني ماتزيدش بزاااااف
شوفي انت قوليلي قداه مالفة تجيبي المعدل وانا نقلك
انا زينب شعبة علوم مالفة نجيب 16 15 في الموسم و في الرياضة 17

[المُعادلة الصّعبة]

اهلا ختي زينب
انا وحدة من الناس دايره اعفاء اصلا على جال الباك
نقصت على روحي معامل 1 هنيت روحي منو
وزاد هذوك الساعتين في بلاصة ما نجيبها جري نرجع للدار نقرا خير يعني تربحي ساعتين في وقتك
تبانلي هك والله اعلم

[نبض قلبي]

شووووووفي اختي بانتلي ديري ديسبونسي علاباك يعني اقراي المواد لحرين مليح وماتخافيش
نعرف قداه من وحدة دارو ديسبونسي وجابو 16 نورمال
بالتوفيق

[benmoz]

اهلا ختي زينب
انا وحدة من الناس دايره اعفاء اصلا على جال الباك
نقصت على روحي معامل 1 هنيت روحي منو
وزاد هذوك الساعتين في بلاصة ما نجيبها جري نرجع للدار نقرا خير يعني تربحي ساعتين في وقتك
تبانلي هك والله اعلم
بيك اهلا حبيبتي ريونة
انا تاني كيما نتي باش نلها غي بالقراية
شكرا على مرورك و الحمد لله لقيتك معايا :mh31:

[المُعادلة الصّعبة]

بيك اهلا حبيبتي ريونة
انا تاني كيما نتي باش نلها غي بالقراية
شكرا على مرورك و الحمد لله لقيتك معايا :mh31:


ايه هكا خير تربحي الوقت
بلا مزية اختي الحمدلله نتوانسوا مع بعضانا هههه
اهلا بك =)

[اخت الرجل]

انا درت سبور غي في السنة الاولى من التعليم المتوسط ومازدتش درت كل عام ندير اعفاء فلبيام كنت دايرة اعفاء وجبت 17 وسنة اكيد رايحة ندير اعفاء باه نكسب لوقت وثان مانحبش ندير سبور في ليكول مع لولاد
وبرك باه تكوني عارفة خولة بلاسكة لي جات لولة في الجزائر دايرة اعفاء
وموفقة

[benmoz]

اخت الرجل
انا درت سبور غي في السنة الاولى من التعليم المتوسط ومازدتش درت كل عام ندير اعفاء فلبيام كنت دايرة اعفاء وجبت 17 وسنة اكيد رايحة ندير اعفاء باه نكسب لوقت وثان مانحبش ندير سبور في ليكول مع لولاد
وبرك باه تكوني عارفة خولة بلاسكة لي جات لولة في الجزائر دايرة اعفاء
وموفقة
شكرا جزيلا اختي انا تاني نمشي بهاد المبدأ جزاك الله خيرا ان شاء الله كامل نكونوا مثل خولة:mh31::mh31:

[بشرئ عاشقة العلم]

انا ملي دخلت للليسي مدرتش سبور و هاد العام تاني ان شاء الله هدوك ساعتين تقعدي تجري فيعم و اتعبي روحك قريهم احسن اصلا انا الرياضة تسببلي احراج مين نلبس جلابات

[benmoz]

هاد العام تاني ان شاء الله هدوك ساعتين تقعدي تجري فيعم و اتعبي روحك قريهم احسن اصلا انا الرياضة تسببلي احراج مين نلبس جلابات
عندك الحق في لي قلتيه
مشكورة حبيبتي :19:

[اسراء عبير]

سلام اختي ادا كنتي داية معدل مليح ديري اعفاء وادا لالا راها تعاون صحاب 9 طلع في المعدل ولي تاكل على روحو يجيب معدل يدير اعفاء منها تقراي في وقت السبور في داركم زيادة على هدا كي نعودو نحسبو المعدل نقسمو على29 وهدا يزيد المعدل فصاحبة اعلى معدل في باك 2017وكان تجيبي مجموع متقسميه على30 يخرج معدل18 وهي داية 19

[benmoz]

ايه قررت انو ندير اعفاء ان شاء الله
شكرا على تعليقاتكم عاونتني بزاف
جواكم الله خيرا

[amin8]

تندمو عليها علامة السبور تزيد المعدل ب 0.66

[اسراء عبير]

تندمو عليها علامة السبور تزيد المعدل ب 0.66
يا اخي لي تاكل على روحو يجيب 18 مادابيه ينقص المعاملات باش تطلعلو النقطة

[amin8]

يا اخي لي تاكل على روحو يجيب 18 مادابيه ينقص المعاملات باش تطلعلو النقطة

حسابك غالط بمجرد ما تجيب 10 في السبور يصبح و كأنك لم تضف معامل و بما انو علامة السبور غالبا 18 و 19 و 20 فذلك لا يعني الا ان المعدل سيزيد و مستحيل ينقص

[Nyna11]

حتى انا نحب ندير إعفاء احسن حل ليا السبور دايما يهبطني نبعد عليه احسن

[اسراء عبير]

حسابك غالط بمجرد ما تجيب 10 في السبور يصبح و كأنك لم تضف معامل و بما انو علامة السبور غالبا 18 و 19 و 20 فذلك لا يعني الا ان المعدل سيزيد و مستحيل ينقص
نعطيك مثال مجموع العام لخولة بلاسكةصاحبة اعلى معدل هو557 وهي دايرة اعفاء نقسم المجموع على 29خرج المعدل,21ز 19في حين لو قسمنا على30 نجد فاصلة56ز 18