الى صديقتي الريونة الطموحة

[vers l'avenir]

السلام عليكم انت بخير ياريونة ااحسست انك من التاميذات الاوائل في مدرستك هل هذا صحيح وهل تدرسين في شعبة الرياضيات او العلوم والان سادخل في موضوعي انا تائهة واعرف انك عندك الحل لمشكلتي ماذا ساراجع من موقع الالستاذ فرقاني ومن موقع الاستاذقزوريd علما انه سيبدا بالتحضير للبكالوريا عند بداية الدخول المدرسي وماذا ساراجع من كتاب الاستاذ قزوري لانني لن استطيع حل كل ما تتضمنه هذه المواقع والكتاب وسؤال خفيف هل انت تطبعين المواضيع والكتب في البيت وعن ملخصات جمال مرسلي تباع في المكتبات اعلم انني اطلت عليك ارجو منك الاجابة ياريونة :confused:

[المُعادلة الصّعبة]

عليكم السلام
اهلا اختي مي انا مانعرفش اسمك عرفيني عليه ^^
نعم الحمدلله ، نقـرا شعبة رياضيات ،،
شوفي اختي موقع الاستاذ فارس فرقاني لي هو هذا (https://www.sites.google.com/site/faresfergani/3asu00)
تدخلي لـ كل وحدة تلقاي مجموعة كبيره من التمارين المحلولة ،،
او يحط البكالوريات تاع السنوات السابقه وحلولها ولكن تلقاي حتى تمارين من عندو بحلولها ،،
الكل يشكر تمارينو وانا اعتمدت عليه سنة ثانية ثانوي صراحة ،، متدرجه من السهل الى الصعب
فيها أفكار جديده
يعني تقدري تديري ملف منظم فيه تمارين الاستاذ فارس فرقاني وتيليشارجيها ،، وكل وحدة وحدها
و تضلي تحليها في الدراسة ان شاء الله
كذلك راهو حاط ملخصات الكل يمدحها خصوصا في الميكانيك
الاستاذ قزوري انا بصراحه استغنيت عن كتابو لانك كيما قلتي فيه بزاف ،،
رح نعتمد فقط على وثائقو لانها ممتازه
ادخلي هنـا (http://www.guezouri.org/wordpress_k/pag_bac#collapse_2270_2)
روحي لهذيك "مراجعات سنوية وفصليه" وتلشارجيهم وتقدري تطبعيهم وتحلي منهم لانهم تمارين صعبه ويولفوك بأسئلة الباك فيها افكار جديدة
هذيك هي وثائقو
آه شوفي اختي قضية تنظيم وقتك برك ،، اذا باغية الامتياز لازملك قبل المواقع هذو كامل انك تكوني فاهمة درسك في القسم
وكاين في اليوتيوب الاستاذ مولاي عمر غني عن التعريف ،
بعد ما تفهمي درسك تقدري تبداي تحلي التمارين من السهل الى الصعب ~
ننصحك تبداي اول شي بمرجع "المغني" هايل ما يحسسكش بلي المادة صعبه ويتدرج ليك
كي تكملي المغني تقدري تنتقلي للكتاب المدرسي ولا المواقع هذيك ، وننصحك حلي البكالوريات
حتى تتعودي على الاسئله وعلى الصعوبة
وي ختي السلاسل هذوكا لي ما يتباعوش في المكتبات نطبعهم باذن الله ، مي الكتب والمراجع المتوفره بالمكتبه هاني نجيبها من المكتبه
ما تكثريش على روحك فالمواد كيما فالفيزيا مثلا اعتمدي على وش قلتلك واكتفي بيهم بزايد ما تخلطيش على روحك الحالة
بالنسبه لـ ملخصات جمال مرسلي نظن نظن متوفره بالمكتبات لانهم خبروني بهذا الشيئ انا ما بحثتش عليها ولكن لاكان رحتي للمكتبه اسألي عليها
اغلب الظن تكون متوفره باذن الله
اتمنى افدتك!!!

[vers l'avenir]

انا اسمي رجاء وتشرفت بمعرفتك كاش ماتسحقي راني هنا حبيتك قبل ما نعرفك:)

[اثر الفراشة]

ريان هل كتاب جمال مرسلي فيها اختلاف في الطبعات هل طبعة نتاع 2016 تختلف عن طبعة 2017

[اثر الفراشة]

وفيما يتم الاختلاف

[المُعادلة الصّعبة]

انا اسمي رجاء وتشرفت بمعرفتك كاش ماتسحقي راني هنا حبيتك قبل ما نعرفك:)
اهلا رجاء الشرف ليا يا جميله =)

ان شاء الله وانتي ثاني كشما حتجتي انا في خدمتك باذن ربي
شكرا لـ طيبتك
ربي يوفقك اختي ويفرحلك قلبك الجميل <3

[المُعادلة الصّعبة]

ريان هل كتاب جمال مرسلي فيها اختلاف في الطبعات هل طبعة نتاع 2016 تختلف عن طبعة 2017

وفيما يتم الاختلاف
نعم يختلف اختلاف بسيط برك
نقولك علاش
لانو كتاب جمال مرسلي يحط في كل درس البكالوريات اللي وردت فيه السنوات السابقه
مثلا تلقاي في نسخة 2016 حاط المواضيع من 2008 الى 2015 لانو مزال ما جاتش باك 2016
ونسخة 2017 تلقايه حاط المواضيع من 2008 الى 2016
هكا برك اختلاف صغير مهوش مشكل
و الله اعلم