بعد التفكير قررت الانفصال

[asmaqueen]

اخوتي في هذا القسم شكرا على كل نصائحكم ولكن بعد تفكيري مع نفسي واستخارة ربي وصلت الى ان الانفصال هو الحل امحتم لمشكلتي.انا الان متواجدة في ببت اهلي ومع اقتراب موعد الدخول الاجتماعي نظرا لطبيعة عملي التي لا تتوافق ابدا مع ما امر به قررت الدخول في عطلة طويلة المدى لسنة من اجل حل مشكلتي قررت الانفصال ليس هذا فحسب بل واحالة امر الحضانة اليه قد الوم نفسي او اقتلها بعد التفريط في فلدات كبدي ولكن ما باليد حيلة، قررت ذلك لاني لا اريد ان انهي حياتي في زوايا منزل اعيش فيه مع وحش في صورة انسان او ان اصل معه الى ما لا يحمد عقباه خاصة وانه مؤخرا اصبح يهددني بالقتل فكيف ااتمن على نفسي معه؟ هل اترك نفسي لكي اكون فريسة له من اجل اولادي؟ هل ارضى بالذل والاهانة من اجل اولادي؟ هل اقبل الضرب والشتم وغيابه عن المنزل ليعود في نهاية كل اسبوع ليريني من العذاب اشكالا؟ هل ترضى ام لاولادها ان يروها تعامل هكذا امام نصب عينيها فاي تربية واي تنشئة تلك التي سينشؤون عليها؟هل يمكن لكرامة امراة ان تقبل هذا من اجل اولادها؟ لا والله والف لا وان وجدت فهي ليست انا !

[toulay]

السلام عليكم
منك صح واش هذا التخمام الاناني تاعك من جهة تقول يهددني بالقتل ومنقدرش نعيش معاه ومن جهة راح تسمح في اولادك نورمال وتعيشهم مع الوحش لهو ابوهم مع الاسف الشديد
الام jamais تفرط في اولادها يالوكان تاكل لحجر معاهم
عاود حساباتك وخمم مليح
ادي اولادك معاك لانو راح يجي النهار وتندم وهوما نهار يكبروا ان شاء الله مراحش ينساو بلي امهم هي لفرطت فيهم
بالتوفيق

[أنس_26]

يا اختي انتي تكبرين الموضوع اكبر من لازم ...هل لهذه الدرجة سوف يقتلك !
المسألة فقط يجب تدخل شخص عاقل من اهلك و اهله لحل الامر ووضع النقاط على الاحرف مادام زوجك شخص سليم عقليا ولا يعاني من اي مرض..الفكرة هي سماع لوجهة نظر الطرفين وليس لطرف واحد.ويكون حوار مباشر في حظور الاهل
لانه مسألة الطلاق ليست سهلة ابدا على اولادك بدليل يمكنك سؤال الاشخاص الذين كبروا بدون اولياء لديهم مشاكل وعقد نفسية وحقد على والدين
فهم لم يختاروا اولياءهم ولا ذنب لهم في سوء اختياراتكم ولا تجعلي شيطان يلعب بعقلك في حالة الضعف و تشتت الافكار .
هذا طبعا اذ لم تريدي خسارة الاثنين فالا تتسرعي في اخذ قرار خاطىء كما فعلت سابقا...هذا طبعا اذا وافقت المحكمة والقاضي طلب الخلع .

[medjdoub1978]

الحضانة لك ولاتتركي اولادك للوحش كما قلت

[misktyba]

لم تصلي لهذا الحد يكفي تأخذي موقف منه و اذا حب تتفاهمو لازم يدخل انسان كبير ورزين من أهلهو من أهلك ويحلو الموضوع .اما انك تتخلاي على فلذة كبدك فمستحيل تفكري فيها حتى مجرد تفكير .الحضانة لك و مانأخذ عطلة ماوالو نقتل التخمام بالخروج و العمل و نخلي العدالة تأخذ مجراها و يمضي تعهد بعدم التعر و فرات

[kacimo.samy]

السلام عليكم

سبب مشكلة هي تهديد بالقتل ؟؟

حاب نعرف قبل ما تجيبي ولاد وين كنتي عايشة
علاه ما تفهمتوش عام ولا زوج مكاش ولاد هكذا تعرفي عقلية عجبك راكي معاه الا لا طلقي لا ولاد لا هم يحزنون خخخ
خممو شويا برك


ربي يكون في عونك و ولادك هم لي يهزوك .. و بزاف نسا موش مزوجات كبار في قلبهم طفل
ربي يفتح عليك ويهنيك ان شاء الله
شدي فيهم احسن لك

[خوخة جوجو]

تطلقي احسن حل. اذا قبلتي الذل تقعدي حياتك مذلوولة ، خرجي من هاذ الكابوس
وماتخافيش ربي يكون معاك ،اما ولادك اياك وتسمحي فيهم غادي تندمي
الله يخليك دي ولادك معاك . ربي يكون معاك و يفرجها عليك .

[دنيا الامل 18]

انت لست مخطئة في طلب الطلاق هدا من حقك خاصة وانه يهددك بالقتل ولكني اراك مخطئة بالتخلي عن اولادك ما هو سبب تخليك عنهم خاصة و انك امراة عاملة مادا يجبرك على فعل دلك ارجوك اختي لا تتخلي عنهم كيف سيعيشون مع هدا الاب ان كانوا في وجودك يعانون فكيف بغيابك عنهم

[زيان.]

لا حول ولا قوة إلا بالله العلي العظيم

سأكتفي لك بالدعاء أختي وإنّي والله متظامن معك بكل ما أوتيتُ مِنْ تقوى :
يارب يا قويّ يا متين إنّي أسألك في أيّامك المباركة هذه أيّام ذي الحجّة وفي يومك المبارك هذا يوم الجمعة .. إنّي أسألك بدعوات حجّاجك الميامين أن تُفرّج همّ
هذه الأخت المتؤذّية من مخلوقك .. وأن تكون سندها يا ربّ وأن تهدي زوجها هدايةً تُشفي القلب العليل .. وأن تجمعهما وأبناءهما تحت سقف المودة والرحمة
يا رب إنّي أسألك أن تفتح عليهم من أبواب خيرك وبركاتك ... يامن إذا قلت للشيء كن فيكون

[hodayena]

هههههههههههههههههههههههههههههههههههههههههههههههه
راكي من نيتك ولا راني تعميت
من نيتك تسمحي في ولادك وانتي خدامة
انا واش نقول تطلقت ظلم
ومرنيش خدامة وساكنة مع دارنا والضيق ومسمحتش في فلدة كبدي صابرين والصبر جمرة ولازم تصبري
كون جيتي ماشي خدامة ومعندكش باه تعيشيهم بلاك مي خدامة وتسمحي فيهم اولادك سندك بعد الله
انتي حابة تعاودي حياتك ادا تطلقتي وحابة تقطعي الصلة باه ميكونش هناك تواصل بينك وبينو يعني ميعرفش مظربك خفتي ليقتلك كاين العدالة ختى مي تسمي في ولادك ايه

[رندة.]

.ربي يفرج عليك ان شاء الله
مهما كان قرارك النهائي ماتخليش اولادك. ربي رحمته واسعة،

استغفري وادعي وان شاء الله ما يكون غير الخير لأنو ثقتنا في ربي كبيرة

[asmaqueen]

اخي زيان شكرا على الدعاء بارك الله فيك

[r4biadz]

اختيار جيد الانفصال هو الافضل الف مبروك سلميله الاولاد وجرجريه في المحاكم هذا المتوحش واتركيه يعاني ويتشرد مع اولاده واكملي طريقك وانت خفيفة وظريفة كانك لم تتزوجي من قبل
حتى تشجعي الشباب على الزواج
هل انت راضية الان ويجيك النوم وانت بعيد عن ابنائك يامثال لالم الانانية

[قرويجة]

متخليش ولادك يرحم والديك رايح تركبيلهم عقدة نفسية

[النجمة القطبية]

يا اختي باينة تخممي تعادوي حياتك وهدا حقك منقولكش علاه
بصح تسمحي في ولادك !!!!!! وتقولي فيها فلدات كبدي علاه يا اختي
انتى والدنيا والاب تاعهم كامل عليهم
ميلقاوش صدر حنين يربيهم ويحن عليهم
مالا علاه جبتوهم للدنيا كي ماشي قادرين على تحمل المسؤولية
ومتقوليليش هو اناني ويعاود حياتوا ووو يا اختي ربي يسهل كل واحد وضميروا
قاعدين في قضية تصفية حسابات بيناتكم وناسين الاولاد
شوفي يا اختي نصيحة ادا كنتي رايحة تفرطي في اولادك وانتي خدامة الاحسنلك تلزمي بيتك

[*رحيق الجوري*]

هههههههههههههههههههههههههههههههههههههههههههههههه
راكي من نيتك ولا راني تعميت
من نيتك تسمحي في ولادك وانتي خدامة
انا واش نقول تطلقت ظلم
ومرنيش خدامة وساكنة مع دارنا والضيق ومسمحتش في فلدة كبدي صابرين والصبر جمرة ولازم تصبري
كون جيتي ماشي خدامة ومعندكش باه تعيشيهم بلاك مي خدامة وتسمحي فيهم اولادك سندك بعد الله
انتي حابة تعاودي حياتك ادا تطلقتي وحابة تقطعي الصلة باه ميكونش هناك تواصل بينك وبينو يعني ميعرفش مظربك خفتي ليقتلك كاين العدالة ختى مي تسمي في ولادك ايه
عندك حق هدينة

[محارب الحمق]

تحيروني صح, من جهة وحش ومن جهة مخلية عندو ولادك !!!!

[زيان.]

اخي زيان شكرا على الدعاء بارك الله فيك

وفيك بارك الله... أختي الكريمة
والله ... إني أدعو لك بالفرج القريب . .
لكن صبرا .. سيدتي ولاتتخذي اي قرار وأنت منفعلة أو غاضبة لأن
النتيجة سوف لن تكون في صالحك
... اللهم بصّر أَمَتَكَ هذه بعين النضج والتقوى

[nina hnina]

الله والله والله لن تستطيعي العيش بدون اولادك سوف تتعذبين. لاجلهم لا لاجله اتقي الله واعيدي التفكير مليا في اولادك

[nihal159]

أنتي واحدة أنانية و ممكن عندك صفات أخرى ذميمة؛ حنا رانا بعاد عليك و من خلال جملة واحدة كتبتيها إكتشفنا هذا السلوك السيء فمابالك زوجك لي عايش معاك؛ أختي قبل ماتدمري حياتك حاولي تصلحيها و تصلحي من نفسك؛ واحد ماهو كامل في هذي الدنيا، أنتي راكي تشكي من راجلك أنو يسبك و يضربك لكن ماقلتيلناش واش السبب؟؟؟؟؟ أوّل الأسباب هي ماكتشفناه أنك أنانية، ماتذخلش فالراس أنو راجلك بمجرد مايشوفك قدامو ينوض ليك بالضرب و السب أكيد أنتي لي تستفزيه بكلامك أو بأفعال تقومي بها.
الطلاق ساهل و بكلمة واحدة يصرا؛ لكن أنك تجتاهدي باش تصلحي نفسك و حياتك هي الصعيبة؛ أرجعي لعقلك و نزيدك من الشعر بيت إذا حاطة في بالك كي تتخلاي على ولادك أنو العرسان رايحين يوقفو عند بابك طوابير تكوني غالطة في حسابك بزآآآآآآآآف؛ الصغر مايدومش و يجي نهار تبكي و تندبي في وجهك من الندامة؛ يا سبحان الله حتى الحيوان عندو غريزة أمومة و أنتي إنسان كرّمك ربي بالعقل راكي تقولي فيها بكل بساطة نتنازل على فلذة كبدي؟؟؟؟؟؟؟؟؟؟؟؟؟؟؟
راكي تقولي هددك بالقتل؟ علاه واش درتي؟؟؟؟؟؟؟؟؟؟؟ كنتي تتفرجي فالتلفزيون مثلا؛ و هو ذخل عليك قالك نقتلك؟؟؟؟؟؟؟؟؟؟؟؟؟؟؟؟؟؟؟؟؟
ربي يهديك و يهدينا، علابالي ردي مايعجبكش لكن كلمة الحق نقولها و لو ماعجبتش كل البشرية.

[رضاك يا ربي]

اختي في الله
ربما المشاكل التي تعيشينها بينك وبين زوجك
انت الوحيدة الادرى بها
ربما طريق الصلح بينكما غير موجود
ربما الحياة بينكما جحيم
ربما ....ربما....ربما..
ولكن أن تصلي إلى درجة التخلي عن اولادك
هنا تذهب....ربما.....ويحل محلها....يجب....
اتق الله في اولادك.الاولاد نعمة لا يحس بها
الا فاقدها
تقولين أن زوجك وحش و يهددك بالقتل هذا طبعا حسب
روايتك ولن نصدقك أو نكذبك فهذا شانك اختي
ولكن كيف تتجرات حتى في التفكير في تركهم معه
راجعي حساباتك جيدا و اجلسي مع نفسك وحاسبيها
فانا اظنك توجهين حياتك الى الهاوية
ربي يصلح حالك و حالنا
اللهم اهدنا فيمن هديت
ربي يفرج همك و كربتك

[ام محمد صابر]

اخوتي في هذا القسم شكرا على كل نصائحكم ولكن بعد تفكيري مع نفسي واستخارة ربي وصلت الى ان الانفصال هو الحل امحتم لمشكلتي.انا الان متواجدة في ببت اهلي ومع اقتراب موعد الدخول الاجتماعي نظرا لطبيعة عملي التي لا تتوافق ابدا مع ما امر به قررت الدخول في عطلة طويلة المدى لسنة من اجل حل مشكلتي قررت الانفصال ليس هذا فحسب بل واحالة امر الحضانة اليه قد الوم نفسي او اقتلها بعد التفريط في فلدات كبدي ولكن ما باليد حيلة، قررت ذلك لاني لا اريد ان انهي حياتي في زوايا منزل اعيش فيه مع وحش في صورة انسان او ان اصل معه الى ما لا يحمد عقباه خاصة وانه مؤخرا اصبح يهددني بالقتل فكيف ااتمن على نفسي معه؟ هل اترك نفسي لكي اكون فريسة له من اجل اولادي؟ هل ارضى بالذل والاهانة من اجل اولادي؟ هل اقبل الضرب والشتم وغيابه عن المنزل ليعود في نهاية كل اسبوع ليريني من العذاب اشكالا؟ هل ترضى ام لاولادها ان يروها تعامل هكذا امام نصب عينيها فاي تربية واي تنشئة تلك التي سينشؤون عليها؟هل يمكن لكرامة امراة ان تقبل هذا من اجل اولادها؟ لا والله والف لا وان وجدت فهي ليست انا !

انت أنانية يا اختي تمدي ولادك بكل بساطة يا حفيظ الطف بنا اين قلب الام الحنون راني نكتب و نبكي على زهر اولادك اب .. و ام....

[ام محمد صابر]

وين كان عقلك كي كنتي تجيبي هدا مور هادا زوجك مشي مليح واحد يكفيك و يكدب عليك لي يقلك راني مهني الهنا انت تخدميه بالاك كاين ازواج اصعب من زوجك ماتلحقيش روحك ميضربكش بعدي على المشاكل من أجل اولادك ياااا ناااس خمو شوية في اولادكم رآهم أمانة و الدنيا فانية

[ApplePie]

ستظلمين أولادك لا تتركيهم

[أم أماني أريج]

و الله يا أختي تتطلبي الطلاق هذا من حقك و ربي شرع الطلاق لمثل هذة الحالات يعني كي ترجع الحياة الزوجية لا تحتمل
لكن باش تتخلاي على أولادك سبحان الله هذي النقطة لي ماقدرتش نستوعبها ماهو الدافع ياترى ؟
أنا ننصحك نصيحة فقط يا أخت حذاري ثم حذاري ترتكبي هذا الجرم في حق أولادك و رايحين يكرهوك في المستقبل أكيد .

[kader001]

ربي يعينك على اختيار القرار الصائب لك و لاولاد..سلام

[سيرين 5]

حنا كنا 9 أطفال من العشرين السنة حتى للشهرين و ما فرطتش فينا يما و ماكنتش خدامة كانت تخبز الكسرة و تبيع للجيران... و رجعت لدار والديها لي كانو توفاو الله يرحمهم و سكنا مع زوج خوالي متزوجين واحد الماشاكل الله لا يرجع هدوك اليامات لي فاتو .. راني نحكي على وقت كنت نقرا فيه سنة ثالثة ابتدائي و دركا راني في عمري 30 سنة و متزوجة و باولادي و الحمد لله قراتنا و كبرتنا و زوجتنا و عادو الفراح في دارنا و الحمد لله
عاودي حساباتك الدراري رزقهم على ربي ماشي عليك ... لوكان تخليهم دركا كي يكبرو يلوموك و هوما يتبراو منك ماشي انت !

[طيور الجنان]

اختي الطلاق من حقك اذا ماقدرتيش تعيشي معاه بصح باه تبني سعادتك على تعاسة ابناءك لالا اختي عندك تغلطي هاذ الغلطة و انت الله يبارك خدامة تقدري تربيهم لو انا مكانك ناكل التراب على ولادي و مانسمخش فيهم تفكري برك لحظة الولادة اكيد هذاك الالم لا يقارن مع واش تالمتي من زوجك ربي يهديك و تفكري بغريزة الامومة.

[اية 2017]

وبي يوفقك اختي

[tahraoui1975]

أستغرب كيف تقبلين التخلي عن حضانة اولادك