الدرة المصونة معكم {مترشحة للمرة الثالثة للباكالوريا}

[Uum Aichà]

السلام عليكم و رحمة الله و بركاته ~

عساكم بخير؟
بعد غياب طووويل ها انا ذا اعود اليكم و لكن بحساب جديد الى غاية التمكن من فتح حسابي القديم

هناك من سيتعرف علي و هناك من لن يتعرف علي

طالبة باكالوريا 2016 ومترشحة حرة 2017 و للمرة الثالثة التي آمل فيها ان احقق مرادي مترشحة حرة 2018
2016 و 2017 مترشحة في شعبة الرياضيات
اما 2018 باذن الله مترشحة في شعبة العلوم التجريبية

اسال الله ان يوفقنا و يسدد خطانا

فادرسواو ثابروا و اجتهدوا عسى ان تبلغوا مرادكم

[ملكة القمر]

اهلا بك اختي
تذكرتك منذ ايام و كنت اريد الاستفسار عنك لكن لم أستطع مراسلتك
ارجو ان تكوني بخير

وفقك الله و سدد خطاك

[Uum Aichà]

انا بخير و لله الحمد

ظروف عابرة و فقط
اسال الله لنا التوفيق والسداد

[سندس سندوسة]

اهلا بك اختي
موفقة ان شاء الله

[سندس سندوسة]

أهلا بك اختاااه
موفقة ان شاء الله

[zari18]

انا بخير و لله الحمد

ظروف عابرة و فقط
اسال الله لنا التوفيق والسداد


عودة ميمونة وحميدة لك و إن شاء الله يوفقنا لما يحب و يرضى

( يمكنك إسترجاع حسابك القديم راسلي الإدارة بطرح موضع هنا وسوف يتم النظر في طلبك
http://www.djelfa.info/vb/forumdisplay.php?f=64

[المُعادلة الصّعبة]

عليكم السلام والرحمة
اهلا بك مجددا اختي خوله ان لم تخنني الذاكره
المهم اني تفكرتك مليح مليح سبحان الله امس برك نشوف في مشاركاتك في المواضيع القديمه وقلت وينها ههه
ان شاء الله تكوني مليحه اختي =)
حبيت نسقسيك برك قداش كان معدلك هذا العام في الباك ؟؟ على ما اذكر كانت خيبة امل في باك 2016 جبتي 13.92 ولا حاجة كيف هذي
حبيت نسقسيك ثاني علاش حولتي من شعبة رياضيات لعلوم تجريبية ؟؟ هل لقيتيها ما تناسبكش ولا لقيتيها صعيبه ولا وش السبب بالضبط ؟؟ لاني شعبة رياضي وكي شفتك حولتي طاحلي المورال شوي هه
واذا ما عندكش مانع نسقسيك شوي على تجربتك مع هذه الشعبه بما انك عندك خبره معاها عامين فالباك اختي
وفقك الله ان شاء الله تنالي مرادك هذا العام وتحققي الامتياز يارب =)

[same_one]

اهلا بك و عودة ميمونة ان شاء الله
لكن كي غيرتي الشعبة زعما ما تلقايش شوي صعوبات ؟؟
انا كذلك شعبة علوم تجربية و تعجبني على شعبة رياضيات بسيطة نوعا ما
مرحبا بك مجددا و ارجوا ان تتفضلي الى موضوعي
http://www.djelfa.info/vb/showthread.php?t=2090461

[Uum Aichà]

بارك الله فيكم كلكم وجزاكم عني خير الجزاء

لا استطيع الاقتباس حتى اصل الى 30 مشاركة المهم

اهلا اختي سندووسة

شكرا نعم لقد تقدمت و انا انتظر الاجابة ...

الاخت الريانة هههه
اضحكتني كثيرا

التغيير لماذا غيرت

انا الرياضيات ممتازة فيها تحصلت على 16 في الباكالوريا و الحمد لله ولولا المناقشة الدورانية لتحصلت على نقطة اعلى
التغيير بسبب الفيزياء
صدقيني ادرس و ادرس و الخص و احل تمارين في المنزل عادي اما الباكالوريا نهردلها باااباها تحصلت في العامين على 10 في الفيزياء و كانت سبب سقوطي على التوالي
اضافة العلوم درستها الشهر الاخير فقد لم احل ولا تمرين وماطليتش على حتى حاجة فقط الدروس و تحصلت على 14
انا تحطمت مرتين في نفس الشعبة
خممت اني نبدل الشعبة لربما اتميز في العلوم
التغيير كان لهذه الاسباب

الفيزياء حرمتني التميز الله غالب
حبيت نبدل الشعبة كي ادرس بجد
....
تفضلي انا سافيدك بتجرتي المتواضعة هههه


+++++++
الاخ الذي سالني عن الصعوبات
نعم ساتلقى صعوبات مع العلوم لكني اعرف كيف اتعامل باذن الله ساحاول مضاعفة المجهود والمثابرة فلا شيء مستحيل خاصة انني جيدة في هذه المادة
لا يوجد تميز بلا تضحيات صح؟؟؟


+++++++
نصيحتي لكم
حملوا كل الملفات اللازمة الان و اغلقوا حساباتكم في الفيس
لانها بجد مضيعة للوقت

عندما تبدا الدراسة ضعوا الهدف نصب اعينكم و انطلقوا
صحيح تجيكم فترات ملل و كره لكن لوكان طاوعوا نفسكم و الله ماتقراو
هذا كان سبب سقوطي ايضا
يعني كي تملوا اعفسوا على قلوبكم و قولوا لالا لازمني نحقق الهدف و راهو عام و سيمضي
ومايغروكمش هادوك اللي يقولولكم راني قريت فالضيف و كملت برنامج العلوم او حفظت كلشي
لانه ولاشيء صدقوني
انا مررت بنفس التجربة
كانت تدرس معايا صديقتي في فيفري قاتلي كملت كلشي و حفظت كلشي و حليت قريب 100 تمرين في المواد الاساسية و الفلسفة بلعتها بلع
انا مانكذبش عليكم دارتلي الرهبة خوفتني هههه حتى قلت اواه انا منديش الباك
ممبعد جاباتو ب 10 ؟؟؟؟؟؟؟؟
ماتسمعوووووش راني نوصي فيكم مااتسمووووعش
صم بكم اغلقوا وذنيكم
وهاذوك صحاب اليي يخوفواكم من الفلسفة
راهي واااالو تعرفوا وااالو؟؟؟؟ تافهة تقتل

تجربتي معها كيفاش كانت
الباك الول ماحفظت والو حفظت غير مقالة وحدة تع الرياصيات هههههه سع كي رحت مالقيتهاش هي فشلت خلاص هههه
ممبعد لقيت الانا و الغير همممم قريت مليح السؤال وكانت عندي المنهجية درت مخطط في ورقة و في ورقة اخرى بديت نتوسع المهم انا في طبيعة كي نولي نكتب نتخيل الحوايج و نتعمق حتى نخرج من العالم اللي راني فيه
ايماجينيو خطرة بنت خويا تحرقت من لابريز و انا قدامها نقرا فالرياضيات و ماعمباليش بيها ماتولهتلهاش تعيط و ماداش بالي ليها ههههه حتى جاو منهيه باش فطنت خخخخخخ {هذي بين قوسين }

المهم قتلكم بديت نترجم في مخي كيفاس الناس تاثر على بعضاها و بديت ندير في امثلة من عندي من الواقع الحي مثلا قتلهم البدوي كي يروح للمدينة يتحضر و يولي يلبس كيفهم يمشي كيفهم يخمم كيفهم و بديت نجيب في اقوال من عندي اقوال شعبية و حكم المهم عمرتها بالاقوال هدي فكرة و بديت نتوسع فيها
من مخي جامي قريت مقالة تع هادي الشيء و نقلكم سحال درت ورقة ؟؟؟ درت غير دوبلفوي و كلمة حاكمة سطر هههههه
صدقوني كنت ننتظر في 6 ههههه لكن جبت فيها 15

المرة الثانية باك 2017 زدت حفظت الرياصيات و رحت
هاااايواه ماطاحتش هههههه
ايا و لمقالات لخرين شوي صعاب ماعرفتش منين نبداهم و شوي غامضين
ايا انا كانت عندي منهجية تحليل نص
ايا بديت نقرا والنص عالبيولوجيا {قتلكم نحب العلوم و نحب التمخميخ فيها} ايا بديت كتبت المنهجية في ورقة و التوسع في ورقة اخرى المهم كتبت كتبت نشفى درت الورقة االمامية و لي وراها و نص ورقة الثالثة
انا كنت ننتظر في 5 لانهم قالوا تحليل النص جامي دا واحد 10
ايا تصدمت ب 12,5 ههههه شفتو؟؟؟

نصيحة
المهم تكون فاهم وش راك تكتب ماتخرطش برك و زيد ماتقولش اني ماكتبتش بزاف و الا لخرين دومونداو اوراق اضافية
حطوا صباكم في وذنيكم و عينيكم غمضوهم
جامي تقارنوا رواحكم بعباد اخرين
وانا عطيتكم الدليل بكل صدق

اي حاجة انا هنا
طولت شوي لكن معليش فالفايدة

[المُعادلة الصّعبة]

والله غير جميله نصائحك يا اختي خوله ،، عفستي على الجُرح قدقد
عجبني تفكيرك
بصح قوليلي علاش الفيزيا وش مشكلتك معاها ؟ عهدي بيك من الممتازين يعني ما نظنش لاكان من بكري تعاني من الفيزيك
من تجربة عامين وش تظني السبب لي خلاك تهبطي في هذي المادة ؟ بالرغم من انها ماده هايله انا نحبها نموت عليها فيزيا و مليحة بالنسبه لواحد رياضي لانها مادة دقيقه
قوليلي وش الصعوبه لي واجهتيها معاها وشيهو الاشكال بالضبط اذا كنتي حددتيه طبعا
ماقلتيليش معدلك تاع 2017 هههه
حبيت نجيب العلامه الكامله في الرياضيات والفيزياء انصحيني ,,
غاضتني كي بدلتي الشعبه ههههه غاضتني شعبتي والله معليش لعل فيها خير وتتميزي في العلوم التجريبية ان شاء الله
بانتظارك ،،

[same_one]

عجبوني نصائحك بزززززززززاف والله في محلهم
كل واحد يهتم بنفسوا و كل واحد يقرا لنفسوا و مانسمعوش للناس و نقولوا هذا راه قرا في صيف ضوك ينجح و حنا لالا
لازم ما نشوفوا ليهم ما نسمعوا لأتهم أحيانا يأثروا علينا سلبا بصح نقدروا ندوا منهم كاش تجربة او مساعدة
انا طالبة ثانية ثانوي و اجتزت الباك مراسلة هذا العام لم انجح لكن اخذت تجربة لن انساها طول حياتي
و بالنسبة للفلسفة عجبتني قصة تاعك هههه انا ثاني هذا عام حفضت الرياضيات و العنف و فاجئونا بالمسؤولية و الحرية و كانت عندي منهجية الجدل كتب كيما نعرف والحمد لله تحصلت على 14 كانت صدمة صدقيني لأنني لم اسمع بهذا العنوان من قبل هههه
فكرة انك تعاودي الباك باه تتحصلي على المعدل فكرة هايلة بزااااااف و يعجبوني الاشخاص لي مثلك ما فشلوش بل حاربوا من اجل حلمهم انت فتاة مقاتلة مكافحة اذهلتني و جعلتني اثق في نفسي كثيرا يعني مهما فشلت لازم نعاود نوض باه ننجح ليس كل سقوط نهاية فسقوط المطر اجمل بداية
ربي يوفقك ان شاء الله و يحققلك حلمك ونشوفوك في المراتب العليا عزيزتي ان شاء الله
اذا ممكن تفضلي لموضوعي هنا بلاك يفيدك شوي و قوليلي رايك
http://www.djelfa.info/vb/showthread.php?t=2090264
http://www.djelfa.info/vb/showthread.php?t=2090461

[Uum Aichà]

ههههه
شوفي خلال العام الدراسي و الله العظيم صدقيني مانهبطش م ن19 فيها و مواضيع استاذتي لا يستهان بها

لكن فالباكالوريا يا ختي تقول نتعمى مانعرفش حتى كيفاش نتعامل مع التمرين هههه ننسى الوحدات يتخلطولي القوانين
رغم اني حالة بزاف تمارين
المشكل الله اعلم هههه

ياو موصضوع باك 2017 رحت للدار حليتو عادي جددداا
غاضتني عمري تع الصح


ماتغيضكش قتلك انا مرتين طحت في نفس المشكل عليها مانقدرشش نريسكي المرة الثالثة

يختي نت في باك 2017 انا شفت الموضوع قداماه لانهم حلوه عندنا و الرسمات و الخالوطات اللي فيه بردت جمدت نص ساعة نقلب فالاوراق مافهمتش منين نبدا ههههه

استاذنت خرجت برا بكيت بكيت بكيت هههه غسلت وجهي تهويت شوي و دخلت بقيت غير نشوف مع الموضوع تقول جامي قريت

وهو مووصوع في المتناول يعني مش صعيب و مش ساااهل نورمال تجيبي فيه 15
اصلا التمرين منفهموش ههههه
الله غالب يا اختي

نشوفوا مع شعبة العلوم خخخخخ و ندعو ربي نحقق المراد


حابة تجيبي 20 فيهم الله يبارك

تقدري نورمال

اتعلمي تفهمي التمرين القوانين افهميهم ماتحفظيش كي حالتي انا خخخ دخلت فيها بيروكي
المهم
و حلي التمارين بالتدرج و ننصحك بالباكالوريات السابقة حليهم كامل في كامل الشعب مجربينها ناس 18 وونصحوني لكن ندمت كي ماطبقتهمش خخخ

ايا و الله خليها على ربي

[Uum Aichà]

نعم و الله صدمة تع زوج مرات تعاودي الباك

انا تع الدار ماحبوليش نعاود
لكن قتلهم هذي حياتي و انا اعرف ما افعل و زيد مازالني صغيرة

هاجر ساطلع على مواضيعك لحظة

[المُعادلة الصّعبة]

ههههه
شوفي خلال العام الدراسي و الله العظيم صدقيني مانهبطش م ن19 فيها و مواضيع استاذتي لا يستهان بها

لكن فالباكالوريا يا ختي تقول نتعمى مانعرفش حتى كيفاش نتعامل مع التمرين هههه ننسى الوحدات يتخلطولي القوانين
رغم اني حالة بزاف تمارين
المشكل الله اعلم هههه

ياو موصضوع باك 2017 رحت للدار حليتو عادي جددداا
غاضتني عمري تع الصح


ماتغيضكش قتلك انا مرتين طحت في نفس المشكل عليها مانقدرشش نريسكي المرة الثالثة

يختي نت في باك 2017 انا شفت الموضوع قداماه لانهم حلوه عندنا و الرسمات و الخالوطات اللي فيه بردت جمدت نص ساعة نقلب فالاوراق مافهمتش منين نبدا ههههه

استاذنت خرجت برا بكيت بكيت بكيت هههه غسلت وجهي تهويت شوي و دخلت بقيت غير نشوف مع الموضوع تقول جامي قريت

وهو مووصوع في المتناول يعني مش صعيب و مش ساااهل نورمال تجيبي فيه 15
اصلا التمرين منفهموش ههههه
الله غالب يا اختي

نشوفوا مع شعبة العلوم خخخخخ و ندعو ربي نحقق المراد


حابة تجيبي 20 فيهم الله يبارك

تقدري نورمال

اتعلمي تفهمي التمرين القوانين افهميهم ماتحفظيش كي حالتي انا خخخ دخلت فيها بيروكي
المهم
و حلي التمارين بالتدرج و ننصحك بالباكالوريات السابقة حليهم كامل في كامل الشعب مجربينها ناس 18 وونصحوني لكن ندمت كي ماطبقتهمش خخخ

ايا و الله خليها على ربي
إن شاء الله فيها خير حبيبتي ،، والمعدل اللي راكي طامحه ليه مهوش بـ الهين ،، انتي تهددين حياة البشريه هههههه قصدي تهددين دفعة باك 2018 وتزاحمينهم في المراتب الاولى ها بلعقل علينا هههه
ان شاء الله تجيبي وش اكي باغيه =))
وللمرة الثالثه نسقسيك ما قلتيليش معدلك تاع باك2017 خخخ

[شمس الأمنيات]

عندك الحق خولة
ربما انت عندك رهاب من الفيزياء في البكالوريا بالذات
حولي تحطي موضوع قدامك وفي جو بكالوريا ربما يتغير الامر

نصائحك قمة مع اني فوتت الباك الا اني نسيت كلشي متعلق بيه والان نمشي على اساس اول مرة هههه
لي يشوفني يحسبني هبلت من النتيجة المهم الارادة والعريمة الصادقة وان شاء الله ربي يوقنا كامل

[Uum Aichà]

ريان هههه صديقيني قتلك ندخل فالحكاية ننسى كلشي
تحصلت على 13 بعد ههههه

عقدت علي هذ 13

[المُعادلة الصّعبة]

ريان هههه صديقيني قتلك ندخل فالحكاية ننسى كلشي
تحصلت على 13 بعد ههههه

عقدت علي هذ 13
ههههههه ايه اني نشوف فيك
بون كوراج حنونه ^^

[Uum Aichà]

باذن الله
ربي يبارك فيك غاليتي

[رونق الصبح]

السّلام عليـكم
أهلا بمـن عادت الينا
عودة ميمونة أختـي
و بالنّسبة لقراركِ في الاعادة فأحييكِ عليـه فما دمتِ مصممة فستصليـن باذن الله لهدفكِ المنشـود " متى توفرت الارادة سهلت الطريقة "
نسأل الله التّوفيـق لكِ و لنا

[Uum Aichà]

ان شاء الله

الله يبارك فيك

[мʀ ʀὄвὄҭ]

نشفا واحد الوقت كنت نشوف غير اسمك يدور في المنتدى ..
مواضيع مميزة موشومة بالنجوم .. وتفاعل كبير الخ ..
على العموم مرحباً بكِ من جديد بالتوفيق

[Uum Aichà]

قدر الله و ماشاء فعل

الله المستعان

[َA B D E R R A H I M]

السلام عليكم
اهلا بك و عودة ميمونة

لدي سؤال : هل ستدرسين في الجامعة و تعيدين في نفس الوقت ؟ و ماذا ستدرسين فيالجامعة ان كان الجواب بنعم ؟

بالتوفيق

[Uum Aichà]

وبك اهلا

لا لم ادرس بالجامعة
فدراسة تخخص لا يروق لي سيتعبني و يجهدني فقط

[ملاك]

سعيدة جدا لكونك معنا اختي امل ان تحققي مرادك وان يوفقك الله تعالى في ذلك
هذا شرف لنا ان نلتقي بامثالك

[romaissa tita]

عجبوني ياسر نصتئحك و الاكثر اصرارك انك مزالك قوية ربي يوفقك ..انا تاني مجبتش واش نحب هاد العام ان شاء الله 018 يكون لينا الفيزيا اني هنا نعاونك صدقيني انها اسهل مادة انا بابا يحببني فيها واش يخصك اني هناا

[Uum Aichà]

شكرا لكم وبارك الله فيكم

اسال الله لنا التوفيق

[رونق الصبح]

السّلام عليكم
أظن أنكِ تحفظين ما تيّسر من القرآن لذلك أود أن أسالكِ : خلال هذا العام هل أكتفي بالقراءة فقـط ؟
و متى كنتِ تراجعيـن ؟

[Uum Aichà]

نعم حبيبتي
انا ادرس في جمعية و هي توجب الحفظ و الحضور

لذلك خصصي ع الاقل ساعة يوميا للحفظ او المراجعة
ولا تنسي وردك اليومي

[رونق الصبح]

نعم حبيبتي
انا ادرس في جمعية و هي توجب الحفظ و الحضور

لذلك خصصي ع الاقل ساعة يوميا للحفظ او المراجعة
ولا تنسي وردك اليومي

حسنا ، مشكورة أختـي

[~TitCh0uwOw]

assalamou 3alikoum nchallah tjibih
hta ana rani m3aoudou ll 2 eme fois bac 2016 ta3 lwakhda , et bac 2018 nchallah tkouni 3awn lana wi ykoun fiha tableau bach nfhmou lba3dhna fi laman

[Maroua Mona]

اسال الله التوفيق و السداد لنا جميعااااااااااااااااا