قلبي وجعني...لأني مجربة ونعرف

[قرويجة]

السلام عليكم
قريت عنوان الموضوع فحبيت نحكيلكم شيئ في قلبي ألمني كثيرا و زاد بينلي الغلطة الشنيعة لي درتها في حق نفسي مطولش الحكايات نقول واش في قلبي بختصار ونتمنى تعطيوني رأيكم فالموضوع:mad:
منذ فترة قصيرة توفي أب سلفتي هي ناس ملاح بزاف و محقورة عند عجوزتي بكل صراحة دايرتها غير للدمير نهار الثالث من وفاتو الله يرحمو راح راجلها جابها على جال عجوزتي و عرايسها وبناتها عندهم عرس تع الجيران لازم يروحو ليه على حد تعبيرهم ناظو الصبح دارو لشان على الدوش وزادو السيشوار و البسة و الماكياج و الروايح و المخلوقة دمعتها منشفتش من خدها من الصبح وهي تجبد فالكوزينة توكل في وليد هذي و تشرب في وليد لخري و تغسل لولادهم قالولي تروحي توغت من وسط راسي من الحرقة لي كانت في قلبي قلتلهم متحشموش زينتو ولبستو ورايحين لعرس الجيران ترقصو والمرا بابها التراب مزال منشفش فوق قبرو قالولي الحزن 3 أيام فالدين =الله يبارك =حافظين من الدين غير واش يساعدهم قلتلهم معليش الدين قال ثلاث أيام و العرف و العادات و التقاليد واش قالو عيب والله عيب هنا تفكرت العيباد لي ربي طيحني فيهم لاحول ولا قوة إلا بالله
لو كانت سلفتي عايش عندنا في دارنا يرفدوها فوق ريسانهم كي عندها حالت وفاة والكل يحاول يخرجها من الحزن تاعها وحتى إذا كان عندنا عرس في لفامي منهدروش على التحضيرات تاعو قدامها مراعات لمشاعرها
مهم لما تزاقات عليهم وعرفو رواحهم غالطين قالولي باباها كبير بزاف و حنا حابين نزهاو وزيد بزياد نوظي روحي لدارك انت دايمن ديري طراطق.....و فالأخير راحو للعرس

[dede2000]

شوفي أختي نعطيك رأي كرجل متزوج منذ 13 سنة
هذي المخلوقة لي راكي تحكي عليها لم تظلمها عجوزتها وسلفاتها لي ظلمها وحقرها راجلها،نعم الزوج نتاعها لي حطها في هذا المكان حبها تكون خديمة وتنهان،مهوش فاهم المسؤلية ومعني تدي بنت الرجال أمانة
الخلاصة أختي المرأة القدر والقيمة والعز نتاعها يصنعهم الراجل وللأسف هذي طاحت في راجل يعتبرها جارية له ولأخواته
لو فهم الغاشي لي معاه أنو الطريق الي قلبو يمر عبر زوجته ،لكانو معها الأن يبكون.

[ام رضوان]

السلام عليكم
اولا ربي يجازيك بالخير على انك ماسكتيش على حاجة تاع حق
الساكت عن الحق شيطان اخرس
اما بالنسبة لاهل زوجك ربي يهديهم برك لانهم ماهمش عارفين دينهم مليح والدنيا راهي لصالحهم ذرك
بصح ماتخافيش الدنيا دواليك يوم لك ويوم عليك يجي نهارهم ويتقاسو
اما بالنسبة لسلفتك
نقولك مثل ماقالك الاخ
اللي ذلها وحقرها هو زوجها مش اهلو
حنا في جيهتنا نقولو
اذا عزك وقدرك الزوج الباقي خضرة فوق عشاء
هاذي هي.
المهم ربي يرحم والد سلفتك وربي يخرجها من غبنها
وقولها تكثر من حسبي الله ونعم الوكيل
وسترى العجب العجاب باذن الله
سلام.

[kader001]

ماساة حقيقية ربي يلطف بنا ....................... امين

[asmaqueen]

المراة لم تخلق لخدمة اهل زوجها فلم تقبل ان تهان بهذا الشكل؟؟؟؟

[قرويجة]

السلام عليكم زوج سلفتي مغلوب على أمرو زوجوه بيها بالقوة و هو مشي خدام ميقدرش يدير دارو وحدو و عيب في منطقتهم الإبن يدير دارو وحدو مع العلم كل الإخوة هربو من المنطقة رغم أن كل واحد فيهم لديه سكن خاص منطقتهم طبيعتها قاسية كيما قلوبهم

[toulay]

وعليكم السلام ورحمة الله وبركاته
اولا ربي يرحم اب سلفتك ان شاء الله ويصبرها امين يارب العالمين
الناس ولات مشي لاتية مين يموت شخص تقولك هذاك الانسان مشي عبد في هذاك النهار بعد تلقاهم زاهيين ويضحكوا حتى ضرسة لعقل تبان
قول لزوجة سلفك متعمرش راسها بزاف ومديرش mauvais sang على جال ناس معندهمش ضمير وميحسوش بالحزن والالم تاع الاخرين
بالتوفيق

[أثيلة]

السلام عليكم و رحمة الله و بيركاته
بصراحة لم أجد ما أقول و لكن فعلا هذا ظلم و الزوجة تتزوج لخدمة زوجها و والداه فقط و الباقي كل في حال سبيله و كل في مرتبته و إن أرادت المساعدة تفعل و ان لم ترد فلها ذلك
كرهت الحياة و الزواج بسبب هذه المشاكل كلها

[kacimo.samy]

السلام عليكم
راجلها وين ؟
علاه ما يهدرش والله عيب عليه المشكل ليس في العجوزة مشكل في راجلها
عيب عليه هذه امانة عندو ... الا موش قادر على امانة ما يحكمهاش
وهي روح تحس وكلش ...
ربي يهدي ما خلق والله ما عندو عذر ...
ربي معاها

[karimtito]

السلام عليكم
ربي يرحم اب سلفتك وربي يهدي البقية

ربي يفرج همومها ويبارك فيها

[nihal159]

ربي يرحم أب سلفتك؛ كما قلتي قلبي وجعني؛ حسبي الله و نعم الوكيل

[قرويجة]

نعم ختي نهال حسبنا الله ونعم الوكيل على كل ظالم

[عشريني متمرد]

الســــــلام عليــــــكم

ربي يرحــــم

أب سلفتـــــــــك

وربي يهدي البــاقي

فعـــلا مأساة حقيـــقية

[قرويجة]

شكرا لكل من مر

[عشريني متمرد]

العفـــــو دكتـــورة
هذا واجبـــــي

[قرويجة]

ههههههههههههههههه كيف عرفتني

[رَكان]

راح راجلها جابها على جال عجوزتي و عرايسها وبناتها عندهم عرس تع الجيران لازم يروحو ليه على حد تعبيرهم ناظو الصبح دارو لشان على الدوش وزادو السيشوار و البسة و الماكياج و الروايح و المخلوقة دمعتها منشفتش من خدها من الصبح وهي تجبد فالكوزينة توكل في وليد هذي و تشرب في وليد لخري و تغسل لولادهم

السلام عليكم
المشكلة لاتكمن في قرارهم الذهاب للعرس وعدم احترام مشاعرها ..فلايجب عليها أن تنزعج ..هم احرار وقد وضعن أنفسهن في مكانة ارادوها لكن المشكلة الحقيقية هي ما لونته بالأحمر في المقتبس ..
كيف قبلت لنفسها ممارسة دور البيبيسيتار في ظرف لايتطلب ذلك ؟؟؟؟

[قرويجة]

السلام عليكم
المشكلة لاتكمن في قرارهم الذهاب للعرس وعدم احترام مشاعرها ..فلايجب عليها أن تنزعج ..هم احرار وقد وضعن أنفسهن في مكانة ارادوها لكن المشكلة الحقيقية هي ما لونته بالأحمر في المقتبس ..
كيف قبلت لنفسها ممارسة دور البيبيسيتار في ظرف لايتطلب ذلك ؟؟؟؟

الحقرة و قلة الشي

[رَكان]

الحقرة و قلة الشي

ألا سحقا لكل ظالم حقار ألا سحقا لقلة الحاجة ..كان الله في عونها ..فإنه لكثيرات كثيرات مثلها في مجتمعاتنا الشرقية التي لاهي بتعاليم الإسلام السمحة عملت ولا هي القيم الغربية وحقوق الإنسان تمثلت ..

[قرويجة]

هذا مالا أستطيع قبوله يا أخي الحقرة لم أتربى عليها ولا أقبلها لا على نفسي ولا على غيري ولهذا أصطدم في الكثير من الأحيان مع الظالمين ولا تعجبهم عقليتي و عندما أقول الحق يقولون عني ندير الطراطق

[kacimo.samy]

طالعي هذا الموضوع

http://www.djelfa.info/vb/showthread.php?t=2080604

[قرويجة]

طالعي هذا الموضوع

http://www.djelfa.info/vb/showthread.php?t=2080604

شكرا على القصة فيها عبرة كبيرة

[نور لاتراه]

السلام عليكم
العفو اختي
انه واجبي وسابقى مقصّرة
اعذري تاخر ردي هنا
بسب انقطاع النت
وان كان قد سبق التعقيب بردي
والذي من باب التذكير
نصحت بان تنتفض الزوجة من ذاتها وبذاتها
لكن بذكاء وصدق
ولاتنسى الدعاء
فباذن الله يرفع عنها الغبن
ويجزيها اجر ماعملت خالصا

[قرويجة]

السلام عليكم
العفو اختي
انه واجبي وسابقى مقصّرة
اعذري تاخر ردي هنا
بسب انقطاع النت
وان كان قد سبق التعقيب بردي
والذي من باب التذكير
نصحت بان تنتفض الزوجة من ذاتها وبذاتها
لكن بذكاء وصدق
ولاتنسى الدعاء
فباذن الله يرفع عنها الغبن
ويجزيها اجر ماعملت خالصا

شكرا لكي أختي نور أسعد الله أوقاتك أتمنى أن تكوني بخير و قد شفيتي تماما

[ابنة الاسلام]

كما قال الاخ dede
الحق على زوجها لوكان جا مقيمها مايعفسوش عليها
الزوج هو يطلع مقامك ولا يهبطو 😕

[قرويجة]

كما قال الاخ dede
الحق على زوجها لوكان جا مقيمها مايعفسوش عليها
الزوج هو يطلع مقامك ولا يهبطو 😕

السلام زوجها يشف أكثر منها زوالي و مغلوب على أمرو وضعو الصحي ميسمحلوش يدير حل لمرتو ووليداتو

[الاسود يليق بي]

انا مع الاخ لقالك الغلطة في راجلها لراح جابها من دار باباها وعلابلو السبب باش تخدم وتهمبر يا ريت جات عليه وعلى يماه على ولاد خوتاتو وعرايسهم ... ايه صح الحزن 03 ايام بصح كون نعكسو لحكاية كون باباهم لتوفى وهي لرايحة للعرس كيفاش يكون موقفهم يا ترى ؟؟؟؟

[قرويجة]

انا مع الاخ لقالك الغلطة في راجلها لراح جابها من دار باباها وعلابلو السبب باش تخدم وتهمبر يا ريت جات عليه وعلى يماه على ولاد خوتاتو وعرايسهم ... ايه صح الحزن 03 ايام بصح كون نعكسو لحكاية كون باباهم لتوفى وهي لرايحة للعرس كيفاش يكون موقفهم يا ترى ؟؟؟؟

السلام عليكم
الله المستعان لم أستطع فهم هذا النوع من البشر لي بلاني بيهم ربي
وباش نتأقلم معاهم ضرب من الخيال

[dounia el amani]

ربي يفرج عليها

[paloma.laila]

حسبي الله و نعم الوكيل

[عسجدة]

بارك الله فيك
اتعلمين اين يكمن الخطا
ان سلفتك هذي الجايحة والمهبولة
حان الوقت لتضربيها ضربة صحيحة
في راسها لكي تفطن من الهبال
اللي راهي فيه .
الخلل راهوا فيك خربشيلها في راسها غيرى تحولت للاحسن .
متخليهاش نية ربي يحسبك عليها
وريلها المليح واللي ماهوش مليح
لكن بالطريقة غير مباشرة وفي
اخير المطاف ردي بالك منها.

ابعثيهالي في سمانة نفورماتيلها
راسها وانا لوكان جيت في بلاصتك
نخططلهم تخطيط وين العرس و
ميروحوش ليه.

سلام من قلب يحب السلام

[الفارس النبيل 93]

السلام عليكم
قريت عنوان الموضوع فحبيت نحكيلكم شيئ في قلبي ألمني كثيرا و زاد بينلي الغلطة الشنيعة لي درتها في حق نفسي مطولش الحكايات نقول واش في قلبي بختصار ونتمنى تعطيوني رأيكم فالموضوع:mad:
منذ فترة قصيرة توفي أب سلفتي هي ناس ملاح بزاف و محقورة عند عجوزتي بكل صراحة دايرتها غير للدمير نهار الثالث من وفاتو الله يرحمو راح راجلها جابها على جال عجوزتي و عرايسها وبناتها عندهم عرس تع الجيران لازم يروحو ليه على حد تعبيرهم ناظو الصبح دارو لشان على الدوش وزادو السيشوار و البسة و الماكياج و الروايح و المخلوقة دمعتها منشفتش من خدها من الصبح وهي تجبد فالكوزينة توكل في وليد هذي و تشرب في وليد لخري و تغسل لولادهم قالولي تروحي توغت من وسط راسي من الحرقة لي كانت في قلبي قلتلهم متحشموش زينتو ولبستو ورايحين لعرس الجيران ترقصو والمرا بابها التراب مزال منشفش فوق قبرو قالولي الحزن 3 أيام فالدين =الله يبارك =حافظين من الدين غير واش يساعدهم قلتلهم معليش الدين قال ثلاث أيام و العرف و العادات و التقاليد واش قالو عيب والله عيب هنا تفكرت العيباد لي ربي طيحني فيهم لاحول ولا قوة إلا بالله
لو كانت سلفتي عايش عندنا في دارنا يرفدوها فوق ريسانهم كي عندها حالت وفاة والكل يحاول يخرجها من الحزن تاعها وحتى إذا كان عندنا عرس في لفامي منهدروش على التحضيرات تاعو قدامها مراعات لمشاعرها
مهم لما تزاقات عليهم وعرفو رواحهم غالطين قالولي باباها كبير بزاف و حنا حابين نزهاو وزيد بزياد نوظي روحي لدارك انت دايمن ديري طراطق.....و فالأخير راحو للعرس


الحزن في الدين على الميت 3 أيام ؟؟؟؟؟؟؟؟؟؟؟؟؟؟؟؟؟!!!!!!!!!!!!!

من أين أتوا بهدا ؟؟ هل هناك دليل من الكتاب والسنة على أن الحزن 3 أيام !!!