ماذا افعل ؟

[مشكلتي]

السلام عليكم ورحمة الله تعالى وبركاته
محتاجة لمساعدتكم يااهل العقول الرشيدة والاراء الحكيمة فلا تبخلوا عليا رجاءً
انا فتاة حاصلة على بكالوريا 2017 والحمد لله
اعرف شخص عبر الانترنت تدهورتحالته بسبب الباك وبطبعي لم استطع ان اراه بتلك الحالة ....
حاولت مساعدته بتذكيره بالله ومحاولة الترفيه عليه و مساعدته لكي ينهض من حالته تلك
ولكن للاسف اصبح يقول انه يحبني و.... وما الى ذلك
ترتكته لمدة معينة ولم اتواصل معه البتة وبقيت اسأل عنه من بعيد
ليصلني خبر محاولته للانتحار صراحة خفت ورجعت للتواصل معه لكي اطمئن فقط واتـأكد من صحة ذلك الخبر وفعلا حاول الانتحار
والان اصبح يطلب مني صوري يرى وجهي فقط وليس صور مخلة ولكنني ارفض لاني لا اريد ان اسير معه في الحرام وحالته في تازم مستمر
اشيروا علي بالراي السديد

[مصطفى_س]

السلام عليكم

مبارك عليك شهادة البكالوريا و المطلوب منك
التركيز على دراستك
التقرب الى الله
عدم الدردشة التي لا فائدة منها و التي تجلب لك الا الهموم و الدليل ما انت عليه اليوم

يوجد شباب كثير يستدرج ضحيته بالاعيب كالانتحار او الخروج عن الطريق المستقيم او ما شابه ذلك

انصحك بالابتعاد عنه و تركه وشأنه و عدم ارسال صورك لكي لا تقعي في مشكلة اكبر

تنتظرك سنة جامعية ،و الجامعة ليست كالبيت أو الثانوية ،فيها نوع من الحرية و كثير من الشباب و الشابات أظلوا الطريق ،فيهم من ندم و تاب الى الله و فيهم من بقي على حاله حتى لقي ربه ،لذا الدنيا قصيرة حاولي إرضاء الله ثم الوالدين اللذين تعبوا جدا في منحك الامن و الامان و مساعدتك لاجتياز شهادة البكالوريا
و الفضل لله سبحانه ثم لهما ما أنت عليه اليوم ،تذكري هذا جيدا

[kacimo.samy]

السلام عليكم

اتركيه في حاله وشأنه

وانتبهي لدراستك .. قال ينتحر قال ؟
اختي مبروك الباك وانتبهي لنفسك

[غوّاص]

السلام عليكم و رحمة الله

أرى أنك من يحاول اﻹنتحار لا هو
إياك ثم إياك أن تتبعي خطوات الشيطان
هذا ما هو إلا إستدراج
ثم أرى أن تتوبي و تذكري نفسك أولا
ﻷن هذه العلاقات لا يرجى من ورائها أي خير
بل هي الشر المستطير

[dede2000]

إذا كان ثمن عدم إنتحاره صورك وشرفك خليه ينتحر ويموت ....أنت مكيش منقذة العالم
علبالك راكي تبعي في خطوات الشيطان خطوة خطوة وكل مرة يقلك الوسواس الخناس هذي برك ومزديش.....حتي تلقاي نفسك في خبر كان
نعطيك نصيحة أب لانك في نصف عمري أو أقل أقطعي علاقتك بهذا الشخص وشوفي قريتك ومستقبلك وخطيك من الفايس بوك
وربي يسهل لحب يشنق نفسو أو ينتحر لأن للكعبة رب يحميها

[ام رضوان]

السلام عليكم
شوفي بنتي ماعندو ماداك تدخلي مغامرة انت في غنى عنها
اتهلاي بقرايتك وبعدي عليك الخرطي تاع حبيتو وحبني وووولعب لعيال
قاعدين غير تحبو ولا
وزيد راكي مزلتي صغيرة واش زربك على الهم
وبخصوص الحبيب ايااااااك ثم ايااااك تمديلو صورتك
اليوم كتبتي رايح ينتحر على جالك
بعد شهر ولا شهرين تكتبيلنا راني رايحة ننتحر انا
والسبب يعود يهدد فيك بالصور تاعك
وكي تقولي صور عادي لاه مايقدروش الذئاب البشرية يعدلوها ويقلبوها مخلة بالحياء؟؟؟؟؟؟؟
امالا بنتي خليك نظيفة عفيفة واخطيك من الحرام تاع التعارف واقراي قرايتك تنفعك
وهو خليه ينتحر ولا يطير راسو يخي انت ماقلتيلوش مووووت
وزيد كل واحد رايح يدخل قبرو وحدو وكل واحد يتحاسب حسابو
خمي مليييح بنتي وديري عقلك في راسك تعرفي خلاصك
والندامة هي الاخيرة
ربي يسترنا اجمعيييين امييييين

[سَامِيَة]

أعذري فهمي أختي

كيف تعرفينه عبر الإنترنت
وكيف وصلك خبر انتحاره؟
وبواسطة من؟
وتأكدتي عن طريق من ؟
وكيف تسألين من بعيد عنه؟

يعني هل هذه القصة
تدور أحداثها كاملة في
العالم الافتراضي؟

يريد أن يرى وجهك
يعني لا تعرفينه عن حق!!!

إذا كان كذلك فاعلمي أختي حفظك الله
أن عفتك وشرفك على المحك
وأنت مع إحترامي لك ضحية من السهل
الانقضاض عليها...

أن يموت هو بسبب الباك
خير من أن
تموتي أنت بسبب الشرف

ربي يسترك وينورك

[123boutheina]

السلام عليكم

كلش مبروك الباك , العاقبة للتخرج

نعم خليه ينتحر والتهاي بنفسك

[misktyba]

10000 مبروك الباكالوريا و ان شاء الله مشوار دراسي و حياة مليئة بالنجاحات تنتظرك .لا تملأي رأسك بهذا التافه و اياك و ايك و الانصياع لطلباته لأن اليوم صورة و غدا لقاء ...وكل يوم تزيد السلسلة حلقة حتى لا تتمكني من حملها فتلتف على عنقك و تدقه .خليه في حاله و أنت لادخل لك في المشاكل و الحال التي وصل إليها دعيه و شأنه و أفرحي بنجاحك فأنت تستحقين الأفضل .موفقة

[BAROUD]

عليك بخاصة نفسك يا فتاة

[ing.Youcef]

بصراحة هل أنت مجنونة أم عاقلة؟
وما الغاية من طرح الموضوع؟
هل حقا تريدين الآراء؟ ألا تعرفين الواجب؟
ربي يهديك
وتعازينا لوالديك المساكين

[ابنة الاسلام]

حذاري اختي ثم حذاري
نصيحة من اخت بلوكيه اوتخلصي من الكونت ..حديثك اليه سيضعك في مواقف عواقبها وخيمة جدااا لذا كوني فطنة وابتعدي عن دردشة الرجال من الاصل ..
الباب اللي يجيك منو الريح سدو واستريح


مشوار جامعي موفق وخالي من الزيقزاق ان شاء الله

[نور لاتراه]

السلام عليكم
اتعلمين لما ابتسمت
لانه توقعت تفاصيل القصة
حتى قبل ان اتمها
سؤال فقط هل يخاف الله من يطلب هاته الامور
في غير اطارها الشرعي؟
جاوبي على السؤال وستدركين
الاجابة لسؤالكِ

[muslim girll]

اللهم وفقنا للقول السديد والعمل الرشيد
ايييه يا اختي ! اطلبي ربي يسترك دايما
انتِ نية ....
وادعي ربي العفاف والتقى

انتِ ماكيش مصلحة اجتماعية ولا طبيبة نفسية ..هاداوين جبتِ الباك (بصحتك على كل حال) امالا ماتعطيش لنفسك اكثر من حجمها
قلت باش تقربيه لربي وتذكريه بربي
هذا كان الهدف تاعك ..ومانجحتيش فيه ..لالا؟!!!
النتيجة تع التواصل تاعك كانت انو تقرب ليك (قالك بلي يحبك الخ ...)
وكي حبستي التواصل معاه حب ينتحر (ايدا صح اصلا)
وزدتِ ورطت نفسك ..ماراكيش قادرة تشوفي اصلا الخطر اللي راكي فيه
راكي تتعاملي مع انسان عندو اضطرابات نفسية .. سواء صح ولا لالا انو حب ينتحر ..اللي يحاول ينتحر ويدخل فاكتئاب واللي يلعب ببنات الناس ويدّعي الانتحار ماهمش اسوياء
شخصية ماشي سوية ربي يعافينا
وانت ماعندكش الاهلية انك تعالجيه
وماراكيش مرتو بش توقفي معاه
نسقسيك لو كان يسمع بيك خوك وش يدير ؟ ولا خوك قلبو حجر وانت قلبك لحم ودم!!! اول حاجة رح يقولك انت مهبولة
اصلا كيفاش تامني واحد من عالم افتراضي !!!!!
راكم تضيعو في وقتكم
حبسي قع التواصل مع اللي ماتعرفيهمش
العالم هادا راهو صعيب وواسع
تصيبي فيه قع الأشكال
والمليح ماتصيبيهش الا نادرا (ايدا صبتِ! )
دوك وشنو الحل
لو كان تهدري معاه راهو يزيد يوالفك
ولو كان تمديلو تصويرتك (خلات خلات )
ههههه عالم عجيب غريب
وشمن فايدة كي تمديلو
وانت راكي حابة تكملي معاه اصلا !!! رح تقعدي معاه برك خاتش راهو غايضك ...ولو كان يخطبك تقبلي غير باش ماينتحرش ..واومبعد !!! السيناريو راهو متوقع !!!

نقولك حاجة ناس بكري قالو خذ راي اللي يبكيك ماشي اللي يضحكك
اللي ينصحك تديري علاقات خاتش هو يحب يدير علاقات ولا خاتش هي شبعو منها الرجال ماراهيش حابة تكون وحدها فهاديك الطريق ..منها تتونس وايدا عمت خفت ...يعني هي اللي تنتفع
انا رايي تحبسي كامل الوسائل هاديك، ولاّ تخليها غير مع زميلاتك وصحاباتك اللي تعرفيهم... اصلا اللي اخترع الفايسبوك اخترعو غير باش يتواصل مع اللي يعرفهم
هادو وسمهم وسائل تواصل ولا تعارف!!!
المفروض انها تسهل التواصل مع الناس اللي تعرفيهم كي مايكونوش الدراهم فالهاتف ولا امر يحتاج التصوير والنسخ الخ ...
علاه تستعملوها لامور اخرى!!! يعني لو كان الهاتف نورمال يعيطلك واحد ويقولك راني حاب نكون آمي معاك وانت نورمال تقولي اوكي وتقصري معاه
وشنو الفرق!!!
والهدرة الزايدة مكالاه سواء مع البنات ولا مع الدراري ..اصلا ممكن يكون راجل يدّعي انو بنت ...كلش ممكن
رانا عايشين في غابة ...للاسف
خرجت شوية على الموضوع حبيت نستغل الفرصة وننصحك لوجه الله .

الحاصول ...اقل حاجة انك تبدلي الحساب ديالك كيما اقترحو عليك واقطعي العلاقات معاه ومع اللي يعرفوه
اجبدي روحك
ايدا غاضك ادعيلو
وتحبس. هنا
اصلا هو كي دوموندا تصاور تاعك ديجا هنا الحالة ماطمنش ...راهو عرف بلي كسبك وبلي اطمانيتيلو ..امالا خذي حذرك
ودايما خلي حدود في التعامل خاصة مع الجنس الاخر
اصلا ماتربحي منهم والو
وماتقوليش ننفع الناس انفعي نفسك اولا اومبعد ساهل ...باش ماتكونيش صيد ساهل .
ربي يكون فالعون ...والله!

[مُحمد رازي]

السلام عليكم
99 بالمئة من العلاقات التي تنشأ بين الشاب و الفتاة عبر الأنترنت
سواءا كانت تدخل ضمن الصداقة أو تناصح في الدراسة أو الدعوة إلى الله أو غيرها من البدايات
ستنتهي لا محالة بأن يُصارح أحد الطرفين الآخر بأنّه يحبه و صار متعلّقا به
ناس كيدايرين و متديّنين زعم هو بأن يدخل ليدعيها لله أو زعمت هي بأن تُرشده للخير و في الأخير وقعا كلاهما في الفخ
فلا أحد بمأمن عن هذا و المُفلح من عصمه الله
بالنسبة لهذا الشاب فما يمرّ به ليس حب بقدر ما هو تعلّق مرضي اتجاهك
و قد أخطأتِ بعودتك للمرّة الثانية للكلام معه بعد أن أشفقتِ عليه و خِفتِ من انتحاره
و ليكن في علمك بأنّ ما يزعمه من انتحار ما هو إلاّ تمثيلية استطاع من خلالها أن يلعب لكِ على الوتر الحسّاس و على عاطفتك
و ليحوز من خلالها على شفقتك و عطفك و مواساتك
فمن الغباء و التفاهة أن ينتخر شخص ما لأنّه ما جابش الباك و الفتاة التي أحبّها هربت و خلّاته
لهذا كنصيحة أقدّمها لكِ في مثل هذه المواقف أن لا تكوني عاطفية و ساذجة لحدّ كبير
و فكّري بعقلك و كوني ذكية
كيف لشخص يصارحك بأنّه يحبك و بعدها يطلب منكِ صورتك !!
ثم غدا يضرب لكِ موعدا للقاء في الشارع ليلمسك و يتأكّد بأنّه فعلا كان يحادث فتاة و ليس مجرّد حروف كانت تظهر له في الشاشة !!!
فطلبه لصورتك مؤشّر على التناقض و بأنّه سينحرف بكِ إلى ما لا يحمد به عقباه
لا تكوني ساذجة و دعيه مع تفكيره الطفولي ثمّ يُشرب لاسيد أو يُعلّق روحه في شجرة هاد الشي ماشي شغلك
و أنتِ لستِ بطبيبة لتشخّصي حالته و وضعيته بأنّها تتأزّم يوما بعد يوم اقلعي من رأسك هذه الوساوس و الأفكار
و إن لم تضعي حدّا لهذه المهزلة الآن سيتأزّم عليك الأمر و لن تتمكّني من الخروج من هذه الدواّمة بعدها
ركّزي على دراستك و لا تدعيه و أمثاله يُشتّتون لكِ تركيزك و يحيدون بكِ عن المسار السليم

[sohaibdz]

اتركي الخلق للخالق ، بما انه حاول ينتحر اي انه لا يوجد شيء يخسره لا تعيدي التكلم معه

[زبدة ذايبة]

خليه ينتحر.

راه يتمسخر بيك.

من قوة اللي راه حاب ومصمم على الانتحار مالقى غير تصاورك علاج لهذ الفكرة الانتحارية !!!!!!!

ماتقوليليش صدقتيه.

هذي حلوة. يا تعطيلوا تصويرتك يا إما ينتحر.

خلي حالتوا تتأزم وخليه يموت.

قوليلوا كي تكون رايح ترمي روحك من سطح عمارة صورلي روحك وانت تقفز.

وتأكدي يابنيتي أن هذا النوع من الناس يرميك في جهنم ويحطمك في الدنيا وماتقيسوش شوكة .

بالتالي

نحي من راسك أنه يتأزم وأنه ....وأنه......

احتمال نفس الرسالة اللي راه يكتبلك فيها يبعثها للعديد من البنات.

افتحي مخك وفكري لبعيد. ماتقعديس تشوفي للموضوع من زاوية واحدة وهي تصديقك للوقائع.

كاين ذئاب بشرية. يخططولك حتى ياخذو وش يحبوا ويرموك.

بنفس الطريقة اللي راكي مهتمة بيه وخايفة عليه ينتحر. هو يفكر أنه ياخذ أغلى ماعندك يبدى بتصاورك ويكمل معاك مسلسل التنازلات اللي رايحة تكوني انت البطلة الوحيدة فيه. لتتحولي في الأخير إلى ضحية.

اقطعي اتصالك بيه نهائيا.

اولها حرام عليك شرعا.

ثانيا ماراكيش أخصائية نفسية أو إجتماعية تعالجي الناس الخاسرين في الباك.

خليه يموت وينتحر حتى يشبع ماكان مادخلك.

أتمنى أنك قد فهمت واقتنعت.

[المكارم]

ليس عندي ما أضيفه على ردود الإخوة والأخوات
إذا تأمّلت الردود جيدا ستجدين أنها تصب في اتجاه واحد ، لا يمكن أبدا أن يكون رأي
الجميع في الموضوع على خطإ وأنت على صواب ، إذا أردت الخير لنفسك وأهلك اعملي
بالنصائح الواردة أعلاه ، أما إذا توهّمت أن بإمكانك إنقاذه بصورك فأقترح عليك طرح
السؤال التالي على نفسك ، ما الذي سيكون بعد إرسال الصور ؟
الجواب كفيل بمعرفة النهاية المأساوية ..
التفتي إلى نفسك وأهلك ودراستك

[قدور بن عاشور]

هذا فيلم هندو بصح من النوع الرديء.
لوكان يفيقو شباب الفايسبوك بسذاجتك رايحين كامل ينتحرو
مالا يابنتي أخطيك من هذو المسائل تع الحب و ركزي مع قرايتك،
القراية في الجامعة صعيبة، لازمها تركيز إلا إذا أردت إعادة السنة بدل المرة مرات و مرات.

[خوخة جوجو]

احتمال كبير يكون مريض غير ارواح وڨول نتاحر .
بعدي عليه ربي يحفظك ديتي باكك اقري وخليه بينه وبين خالقه .
لاحول ولا قوة الا بالله.