بخصوص دعم الشباب

[مشكلتي]

السلام عليكم

أنا مقبل على الدخول الجامعي الجديد

ربحت هاذ العام الباك ، عندي 19 سنة

راني حاب نستفسر على ansej و لا حاجة شبيهة ليها إذا نقدر نسجل فيها و نخرج حاجة نسترزق بيها ،

سواءا سيارة نديرها طاكسي أو نفتح محل للإعلام الآلي بما اني لدي الخبرة فيه ، لكن للأسف خبرة عملية أي بدون ديبلوم

أحتاج أي معلومات كانت ، فالحال لا يعجب بتاتا ،

ادعيولنا ربي يفرج علينا و الله هم كبير رانا فيه

و شكرا لكم

[صفاء منصر]

والله يا اخي ليس لدي اي معلومات ولكن ساكتفي بالدعاء لك
ربي يفرجها عليك ويفتحها عليكمن واسع ابوابو يا رب

[نورسين.داية]

شهادة الباكالوريا = رتبة عون إدارة رئيسي في مجال الإدارة ....إذا لقيت هذا البوصط شارك فيه في مسابقات التوظيف

المسألة التي طرحتها ليس لي علم بها ....لكن فكرة سيارة الأجرة أو نقل البضائع فكرة رائعة و ناجحة .....بالتوفيق

[mehdi_mascara]

والله يا اخي ليس لدي اي معلومات ولكن ساكتفي بالدعاء لك
ربي يفرجها عليك ويفتحها عليكمن واسع ابوابو يا رب
آمين ، ربي يبارك فيك ، شكرا على المرور العطر

[mehdi_mascara]

شهادة الباكالوريا = رتبة عون إدارة رئيسي في مجال الإدارة ....إذا لقيت هذا البوصط شارك فيه في مسابقات التوظيف

المسألة التي طرحتها ليس لي علم بها ....لكن فكرة سيارة الأجرة أو نقل البضائع فكرة رائعة و ناجحة .....بالتوفيق

شكرا جزيلا على المساعدة ،

أين تطرح مسابقات التوظيف هاته ؟ و كم ساعات العمل ؟ و الأجرة ، حقا لم أعرف شيئ عنها ،

و الأهم من ذلك كله هل يمكنني مزاولة الدراسة في الجامعة أثناء العمل ؟

شكرا مرة أخرى و آسف على كثرة الأسئلة

[نورسين.داية]

كل مؤسسات التابعة للوظيفة العمومية دات الطابع الإداري مثلا : المستشفى أو التربية أ التكوين المهني أو الجامعة ....الخدمات الجامعية .....البلدية ....المتاحف .....هذا ما أذدر من مؤسسات حاليا

ساعات العمل 8 ساعات الأجر الله أعلم مسألة الدراسة يمنحك القانون الحق في 4 ساعات للدراسة


بالتوفيق أخي

[ام رضوان]

ربي يفرج عليك وعلى كل مكروب
ويفتحلك ابواب الفرج
امييييين بخصوص سؤالك
للاسف لااعرف

[طالب له هدف]

اسال أهل الذكر حول حكم ما يسمى لونساج
قبل انه "ربا في ربا"
ربي يوفقك ويرزقك من حيث لا تحتسب
بالتوفيق /تحياتي

[BAROUD]

اسال أهل الذكر حول حكم ما يسمى لونساج
قبل انه "ربا في ربا"
ربي يوفقك ويرزقك من حيث لا تحتسب
بالتوفيق /تحياتي

مشاركة طيبة و اتمنى من صاحب الموضوع ان ينتبه جيدا http://http://www.djelfa.info/vb/images/buttons/report.gif

[mehdi_mascara]

ما قرأته عنها ، أنك تستدين مثلا مبلغ a و عند الإرجاع يكون المجموع a ، إذن أين هي الربا ؟

لم أفهم حقا ،

و إذا كانت هذه ربا ، فمن أين يمكننا أن نأكل ، آه كم صرت أمقت المكوث هنا

[toulay]

وعليكم السلام ورحمة الله وبركاته
ربي يفرج عليك ان شاء الله
بالتوفيق

[dede2000]

يعجبني وحد المثل فرنسي يقول لا يجب أبدا حرق المراحل
أنت راك في وقت لقراية روح تقرا وكي توصل لوقت الخدمة خمم في الخدمة
لأنو بهذي العقلية ما تدي والو لا قراية لا خدمة.
والله المستعان

[mehdi_mascara]

يعجبني وحد المثل فرنسي يقول لا يجب أبدا حرق المراحل
أنت راك في وقت لقراية روح تقرا وكي توصل لوقت الخدمة خمم في الخدمة
لأنو بهذي العقلية ما تدي والو لا قراية لا خدمة.
والله المستعان

و كيفاش إذن ناكل ، من يعيلني ، نبقى عالة على الوالد اللي أغلب معاشو ديوون في ديوون ، و الواحد راهو يكبر ماراحش يقعد صغير ، اك تعرف الحالة

[chahla samia]

و الله يا خويا ربي معاك

انا على حسب علمي لونساج راهوا ربا لانه ترجع المبلغ مع الفوائد

اما بخصوص مهنة تسترزق بها

ننصحك كاين كونكور تاع لابوليس او حل و الجادرمية كيف كيف و الحماية المدنية

كاين كونكور باراميديكال

ولا ادا محبيتيش وش رايك تخدم في حانوت مجرد مساعد تدي حق مصروفك و في نفس الوقت تكمل قرايتك

انا ننصحك ماتسبلش فاها يا لوكان وش يكون يكون متسبلش

راك وصلتي لمرحلة كون تكمل توصل لليصونص تنجم دير كونكور اساتذة

كونكور لابوليس تروح بقرادك

و اي مساعدة او سؤال اختك في الخدمة

[lyna2007]

التجارة
مبلغ صغير. دير طابلة في نهاية الاسبوع بيع وشري
راني نشوف الشباب ماشاء الله
في وقت الدخول المدرسي يبيعوا الاداوات في العيد يبيعو مستلزمات الذبح والشواء
في عيد الصغير الالعاب
لمواعن في رمضان
في باقي ايام السنة يبيعوا كل شيئ خفيف ويتباع بالخف كل حاجة تقدر تشريها وفي الاسواق المجاورة لك تبيعها
وفي نفس الوقت تزاول دراستك
او ابحث عن عمل بالساعات
لكن ماتخليش دراستك
لانك راح تتسبب في خيبة امل والديك اولا وتضيع مستقبلك تانيا.
المهم جيب الديبلوم
تقدر تخدم سمسار تبيع وتشري الاراضي والبيوت والكراء بالهاتف والاتترنت وتدي عمولة مقابل ذلك وانت في نفس الوقت تدرس .
ربي يرزقك بالرزق الحلال .