عندي نظرة سلبية على الزواج و تربية الأطفال

[manomanila]

متخوفة من الزواج و عندي نظرة سلبية إتجاهه
نشوف فالزواج غير مشاكل و تعب و مسؤولية
بدون فائدة
تروح الصحة فيه بالباطل
نشوف بلي المحبة بين الزوجين تتبخبر مع هموم و أعباء الحياة
و الأولاد نحسهم يخرجو عواق
و التعب و الجهد يروح في مهب الرياح
مانهدرش من راسي
نهدر واش راني نشوف فيه فالواقع
أزواج لايطيقون بعضهم و بعضا
و أولاد في أعلى درجات العقوق لأبائهم
فما فائدة الزواج إذا كانت هذه هي الثمار المجنية؟؟؟؟؟؟؟

[مهند العربي]

الزواج هو نصف الدين وهو كمال المراة ليس لها فائدة في المجتمع لن تكون هناك محبة دون مشقة من يشتهي اكل الكسل يصبر على لسع نحل جربي الواج فهو راحة لك اختي كاين تعب لكن هناك مشاكل لكن في اخر المطاف تكون محبة قوية تعلمين ان زجك يكرههك لو تحسن بالمرض يقلق عليك وياخذك الى الطبيب الزوج حليلو الشرع محلل اربع فهو لايشبع اما المراة يكفيها واحد مدى الحياة ولن تغيره حتى بعد موته اكانت تحبه بجنون وسلام ختام والزواج لتتسرعي فيه واختاري الاجتماعي ...

[يزيد2017]

شر لابد منه

[مراد سابقا10]

شوف نقولك يا اختي لوكنت رجلا وقلت انك لا تريدين الزواج عادي الرجل يبقى رجل

بصح انت امراة ويوما ما سيموت اباك وامك ويهرب اخوتك لحياتهم الخاصة فهل تعيشين وحدك ام كيف مع هؤلاء الذئاب لا بد لك من رجل

يحميك في هذا الزمن الصعب

[manomanila]

شكرااااا لتفاعلكم مع إخوتي
فقط أريد الإشارة أنه باقي على زواجي شهر واحد
و أظنه توتر ماقبل الزواج
شكرا لكم و جعلها لكم في الميزان

[mokhtaro]

وهل هناك راحة في عدم الزواج
العزوبيه ايضا فيها مشقه ونكران للجميل وعدم الامان
هذه هي حال الدنيا ولا علاقة لهذا بالزواج بل الزواج يخفف من هذه الأعباء
المشكلة اننا عندما نقارن بين امرين لا ننصف فنحن عندما نقارن بين الزواج والعزوبيه ننظر الى سلبيات الزواج وايجابيات العزوبيه لذلك يتكون لدينا هذا الحكم
ولكن الاحسن ان نقارن بين الزواج والعزوبيه بالكليه ايجابيات وسلبيات وعندها تتشكل النظرة الحقيقية للزواج

[العجوزة]

ان كنت تنظرين إلى الزواج بنظرة سوداوية أكيد انك سوف تخرجين بهذه النظرة السلبية التي تحملينها تجاه مسألة الزواج.
اولا عليك ان تضعي في قناعتك ان الزواج هي سنة الأنبياء عليهم السلام و النبي صلى الله عليه وسلم اعتبر الزواج سنته دعا الشباب إلى الزواج و ثانيا ضعي في اعتبارك ان الزواج مسؤولية عظيمة للزوجين و مع ذلك لا يمكن ان يعتبر الزواج انه شبح يجب الهروب منه لان الحياة كما تحمل الحلاوة هي ايضا تحمل المرارة يتوجب من الانسان ان يواجه مصاعب الحياة بشجاعة و مسؤولية و ان يتوكل على الله في ان يوفقه لينال سعادته مع بذل الاسباب الموصلة إلى السعادة و التوفيق في حياته الزوجية.. اما ان كنت تريدين حياة زوجية مفروشة بالورود فهذه من المستحيلات لان احيانا يصادف الانسان اشواكا في طريقه . يتوجب من هذا الانسان ان يكون شجاعا و اهلا ليتحمل تلك الصعاب لتجاوزها.. و عليه يجب عليك ان لا تنظري ابدا إلى مسألة الزواج بمنظار اسود قاتم كأنك تريدين حياة زوجية على المقاس خالية من الأشياء الذي تكرهين... تذكري ان الحياة حلوها حلو و مرها مر في كل زمان و مكان و ان معيشة الانسان كتبها الله على عباده وفق مشيئته وقدرته حسب ما اختاره الله للإنسان ليكون هذا الانسان شقي او سعيد.

[ندرومة49]

نعمة والله

[kader001]

الزواج مهم ..مع انه متعب و كله مسؤولية .. و ليس كل الانبياء تزوجوا لان النبي يحي و النبي عيسى عليهما السلام لم يتزوجا اصلا .... و من لم يتزوج ...لا يجب ان يسمع كلام الناس ..المسموم ..فقط عليه ان يتحمل مسؤولية موقفه ذاك ..سلام

[رحاب رحوبة]

لمذا تنظرين الى سلبيات الزواج ولا تنظرين الى ايجابياته و خاصة انت مقبلة على الزواج
المذا تنظريرن الى الازوتج لي بيناتهم مشاكل و لا تنظرين الى الازواج المتحابين المتفاهمين المتعاونين على مشاكل الحياى و صعوباتها متعاونين في تربية اولادهم
فطبيعة حياتك الزوجية مبنية غليك فان كنت مطيعة لزوجك و تكوني الزوجة المثالية الذي كان يحلم بها وسوف يضعك فوق راسه ولكن العكس صحيح اما تربية الاولاد فهي نعمة كبيرة جدا لا يقدرها الا المحوم منها فالاولاد نغمة من كل المراحل و هم صغر يعمرولك الدار بضحكتهم و حتى بكاهم افهم رضع و كل شيء حلو منهم ما في سن المراهقة الذي يخاف منه معضم الامهات فاول حاجة انك تفهميهم جيدا و تعامليهم و كانهم اصدقاءك و تبادلي معهم حكاياتهم و اسرارهم و اياك ان تحسيهم انك لديك سلطة عليهم و تجبريهم على فعل ملا يريدون اما و هم كبار فالبنات ذراع يمنى و الذكور اليسرى و ارجو ان تخرجي هذه الخرافات التي لا معنى لها من راسك و ارجو لك حياة زوجيو و عائلية سعيدة كما لا تنسي الزواج نصف الدين فيه مسءوليات نحو زوجك و اولادك فهو واجبك

[manomanila]

شكرا لكل من رد على في هذا الموضوع
بارك الله فيكم و جعلها في الميزان
شكرااااا إخوتي الكرام للإجابات الوافية و الكافية
أعجبتني إجابتك كثيراااال رحاب رحوبة
يجب أن ننظر إلى كل من الإجابيات و السلبيات و نكون عادلين في نظترنا
و نتفاؤل لكي نجد خيرا كثيرا
شكرا أحبتي

[sohaibdz]

العزوبية كنز

[عشريني متمرد]

لا يشك عاقل أن إيجابيات الزواج متعددة ومتنوعة. فهي لا تقتصر على العلاقة بين الزوج وزوجته فحسب، بل تتعدى ذلك لتشمل جميع مناحي الحياة، بدءًا من استمرار النسل البشري بصورة عامة، ووصولاً إلى أدق تفاصيل حياة الفرد. فبالإضافة إلى كون الزواج الوسيلة الشرعية الضرورية لاستمرار الحياة على الأرض والحفاظ على النوع البشري من التناقص، يشمل التأثير الإيجابي للزواج جوانب عديدة على مستوى حياة الفرد والمجتمع على حد سواء. وقبل الشروع في سرد إيجابيات الزواج وفوائده للفرد والمجتمع، ينبغي أن نؤكد على أن الزواج سنة إلهية من سنن الكون، وجعلها الله سنةً عامةً بين جميع المخلوقات، فلا يحيد عنها إنسان، ولا حيوان، ولا حتى نبات، فقد جعل خالق الكون من كل شيء زوجين، فالنبات، والحيوان، والإنسان كل من هذه الأجناس لا يتكاثر ولا تستمر فيه الحياة أجيالاً بعد أجيال إلا من خلال هذه السنة الكونية العظيمة، ولكن الله عز وجل كرم الإنسان وجعل علاقة الذكر بالأنثى في جنس البشر علاقةً منظمةً، وراقيةً، وبعيدةً عن أنماط الإباحية والتفسخ من القيم والأخلاق، ولو لم يكن من إيجابيات الزواج شيء سوى الرقي بعلاقة الرجل بالأنثى لكفت ولكن هناك العديد من التأثيرات الإيجابية الأخرى للزواج.

[karime amrs]

الزواج في الاصل تعب و مشقة و ليس احلام وردية كما تعتقدي
و ما يزيد الطين بلة زوج مهما لواجباتو و مسؤوليتو هنا انقولك راحت عليك و السلام عليكم
عوضك الله خيرا

[manomanila]

الأخ karime amers
يظهرلي عندك نظرة سودية لزواج ماش سلبية
أنا توتر ماقبل الزواج هو لي راه أثر عليا و بالعكس مانيش نحلم أحلام واقعية راني جد واقعية من الناحية هاذي
ولكن العزوبية معاناة لكلا للطرفين خاصة لرجل
حنا درك صغار و قادرين على رواحينا بصح كي تكبر شكون رايح يقاسمك أعباء الحياة فالمرض و المشاكل الأخرى
ولا يشاركك أفراحك
مكانش كيما تكون عندك زوجة و أولاد يحبوك و يخافو عليك
مانيش رايحة نقول الزواج راه سعادة
لكن إدا عرفنا كيفاش نمشيوه أكيد راح يكون البيت دافئ و الصدر الحنون عند الأزمات .
كان عندي خال الله يرحمو توفى مند عامين ماتزوجش و كان عايش و حدو تنشنف مع المرض و الوحدة و مهما عاوناه مقدرناش نحسسوه بالرعاية لي كان رايح يحسها مع زوجتو و أولادو.
الزواج أكيد راه نعمة كبيرة و لولا هذا لاه ربي جعلو نصف الدين.
الزواج يحميك من الحرام و يخليك تكون شخص ذو قيمة و قدر هذا الشئ لاحظتو في بعض الرجال كانو متسكعين غير مسؤولين
لكن بعد الزواج أصبحو مسؤولين يقدرو معنى الحياة و تعب الأباء .
المهم أصبحت أنا الناصحة في موضوعي هذا هههههه
مارعفتش كيفاش نخير أفضل إجابة
بارك الله فيكم إخوتي الكرام
تزوجو و أسسو حياة جميلة
مهما تكون متعبة و منهكة لكن رايحة تكون جميلة

[karime amrs]

الأخ karime amers
يظهرلي عندك نظرة سودية لزواج ماش سلبية
أنا توتر ماقبل الزواج هو لي راه أثر عليا و بالعكس مانيش نحلم أحلام واقعية راني جد واقعية من الناحية هاذي
ولكن العزوبية معاناة لكلا للطرفين خاصة لرجل
حنا درك صغار و قادرين على رواحينا بصح كي تكبر شكون رايح يقاسمك أعباء الحياة فالمرض و المشاكل الأخرى
ولا يشاركك أفراحك
مكانش كيما تكون عندك زوجة و أولاد يحبوك و يخافو عليك
مانيش رايحة نقول الزواج راه سعادة
لكن إدا عرفنا كيفاش نمشيوه أكيد راح يكون البيت دافئ و الصدر الحنون عند الأزمات .
كان عندي خال الله يرحمو توفى مند عامين ماتزوجش و كان عايش و حدو تنشنف مع المرض و الوحدة و مهما عاوناه مقدرناش نحسسوه بالرعاية لي كان رايح يحسها مع زوجتو و أولادو.
الزواج أكيد راه نعمة كبيرة و لولا هذا لاه ربي جعلو نصف الدين.
الزواج يحميك من الحرام و يخليك تكون شخص ذو قيمة و قدر هذا الشئ لاحظتو في بعض الرجال كانو متسكعين غير مسؤولين
لكن بعد الزواج أصبحو مسؤولين يقدرو معنى الحياة و تعب الأباء .
المهم أصبحت أنا الناصحة في موضوعي هذا هههههه
مارعفتش كيفاش نخير أفضل إجابة
بارك الله فيكم إخوتي الكرام
تزوجو و أسسو حياة جميلة
مهما تكون متعبة و منهكة لكن رايحة تكون جميلة

سلام
شكرا على الجواب و انرد عليك بمثال اخر من الواقع و انت تعرفيه او على الاقل سمعتي بيه
الزواج نعمة و حمد لله ما نختلف في هذا لكن هناك امور لازم تفهميها
انا معاك في ما تقولي زوجة حنونة ترفد زوجها و اولاد طايعين ابوهم و بناتو طايعات يرفدوه و يرفدو امهم هذا جميل جدا و لعلمك هذا كان قديما يعني جيل امي و امك ابي و ابوك جدي و جدك
الوالدين بكري رفدو و تعبو الامهات ضحاو من اجل رجالتهم و اولادهم هذه حقيقة و تقال و موجودة في كل بيت جزائري و الكل عاش و يعرف هذا الامر
اما الان تقوليلي مراة ترفد زوجها و تربي اولادها انقولك شوفي الشارع كامل النساء برا في العمل وين راهم الاولاد مع من راهم وين و كيف يترباو
هل تعلم المراة هذه وين راه زوجها وواش تغدى مثلا
كيف تحبي مراة كيما هذه مادية ترفدني لما امرض تخلي خدمتها و ترفدني يعني
ام الاولاد يرفدوني و هما مايعرفو قيمة الوالدين منين يعرفو مادام امهم مارباتهمش و ابوهم يجري وراء الخبزة
شوفي الجيل الحالي جيل المادي و البنت المادية هذه ترفد روحة برك راهي مليحة
تقوليلي كاين الماكثات في البيت
و هل صح راهي متهلية في بيتها و زوجها و مربية اولادها
الشاذ لا يقاس عليه اختي في الله
اخيرا شوفي المحاكم و التبهدايل و الطلاق و الخلع حسب الاحصاءات الرسمية راهي واصلة 65.000 حالة طلاق في السنة
علاش هذا العدد الكبير في رايك
لانو واحد ما يرفد وواحد ما يساعف وواحد ما يصبر و مع اول مشكل يطلقو عادي و كان شيىء لم يكن
مالا انستي مرة اخرى كلامك احلام وردية و غير منطقي بالمطلق لان الحياة قاسية جدا و كثر الكذب و النفاق
سمحيلي على الاطالة و انتظر ردك بصدر رحب
ربي يوفق الجميع

[محمد 7411]

بالتوفيق لك وربي يتمم بالخير

[faouzi33]

الزواج حكمة في الدنيا و الابناء متعة الحياة و عند وفاة الوالدين اعمالهم تعتبر صدقة جارية حتى القبر دائما نظيفا من كثرة الزيارات الابناء ..فما بالك قبر من لا يترك ورائه احدا

[manomanila]

واش هذا يا أخي karime amers

هههه كنت ضانة روحي فقط أنا لي عندها نظرة سلبية و سودية على الزواج لكن لقيت بلي كاين لأكثر مني

مهما الحياة صعيبة و الوقت صعيب لكن لازم نتفاؤلو بالخير باش نلقاوه كيما و صانا الرسول عليه الصلاة و السلام
هل في رايك العزوبية حل تاني لا و الله
العزوبية تؤدي إلى مشاكل و متاهات أعظم من النضرة تاعك إلى الزواج
و ماش لبنات كامل كيما راك تشوف
أنا نشوف فيك بلي حطيت الملامة كاملة على المرا لي تعمل لالا صدقني لمرا كي تكون فاسدة و ماش متهليا في زوجها و أولادها و لو ماتكونش عاملة
يعني هذا الأمر يرجع للمرا و تربيتها و مقدار تحملها للمسؤولية.
الزمان راه صعاب صح و رانا في وقت كلش لازمو دراهم
مابقاتش الحياة سهلة و بسيطة كيما كانت
بالعكس كاين نساء قايمين بدايرهم و منضمين و قاتهم و متهليين في رجالهم و أطفالهم باالإضافة لأنو يعاونو أزواجهم في مصروف الدار
ماش حابيين يخرجو فقط لغرض الخروج
المرأة العاملة أكثر مرا مسؤولة و منضمة وقتها و تعرف قيمة الدرهم لي تجيبو بعرق جبينها و تقدر معاناة الرجل في كسب المال
بالتالي ماش رايحة تكون مستهطرة و تصرف و تضيع كيما بعض النساء
صدقني أغلب النساء يتمناو يبقاو قاعديين فالدار متهنيين لكن للأسف مايقدروش
و الزمان صعاب بزااااففففف
بكري الناس عايشين بطرف كسرة و لبن و لاباس بيهم
لكن التطور لكبير لي وصل ليه العالم هو السبب
الأكل أشكال ألوان
اللباس من كل شكل و لون
حتى لوازم البيت من كل شكل ولون كلش
الإنترنت و لات حتمية وضرورة قسوة من الضروريات
تخيل ولدك يطلب حاجة و مااقدرش تلبيهالو
يعني الزمان لي خلا لمرا تخرج تعاون راجلها و تساندو
أنت ممكن عندك نظرة سلبية عن النساء العاملات يخرجو فقط لمجرد اللهو و فرض الشخصية لالا لا
أصابعك يديك مختلفين
كيما كاين نسا ماش ملاح كاين نسا ملاح
و كيما كاين رجال مجرد ذكور فقط كاين رجال هوما رجال صح
من وجهة نظري
يظهرلي كون يكونو الراجل و لمرا متربيين و واعيين و يحطو اليد فاليد يقدرو يعيشو و يتأقلمو فهذا الزمان الصعيب
يتعاونو على مسؤولية المنزل
يتعاونو على مصارييف المنزل
يتعاونو في تربية الأطفال مع بعض و ماش يترك العبء ككل على الأم فقط أكيد هكذا ماتقدرش توفق
خلاصة القول تفأل خيراااااا تجد خيرا إن شاء الله
و نزيدلك معلومات عليا أنا شخصيا
أنا فقط توتر ماقبل الزواج خلاني نكتب الموضوع
في الواقع الحمد لله رزقني ربي براجل طيب رائع و الحمد لله و أنا بدوري و الحمد لست من اللواتي يهتممن بالماديات قبل كل شئ
و نزيدلك أنا أعمل وراني متفاهمة مع راجلي نحطو اليد فاليد و نتعاونو على كلش و الحمد الله كل المشاكل واجهناها مع بضعضنا
من ناحية العمل أعمل في صيدلية و الحمد لله عمل شريف رايح يفيدني في حياتي مع عايلتي من حيث الناحية الصحية و راني ندير في مجهودي باش نفيد الناس بواش تعلمت فهذا المجال
بإختصار ماش كل مرا تخدم برا يعني ماهيش متربية و لا مادية و لا ماش تاع دار وبلاك ظروفها خلاوها تخرج تجري ورا لقمة العيش
لالا أخي الكريم صدقني أقرا لخير تلقا الخير
و الزمان صعاب و لازم تكون قد المسؤولية
و إن شاء الله يرزقك بالمرأة الصالحة
كن كمحمد ترزق بخديجة
عيد سعيد