حياتي المدمرة ... تعبت من نفسي ...

[مشكلتي]

السلام عليكم ... سادخل في صلب الموضوع ا
مشكلتي اني اعجبت بشخص منذ ثلاث سنوات و هو أستاذ في الثانوية وين كنت نقرا المهم هوا اكبر مني ب 11 سنة ...
في اول الايام كانت بيناتنا صباح الخير فقط و مع الوقت ولا يهدر معايا احيانا .... المهم كامل قالولي حب مراهقة بصح انا متأكدة بلي ماشي هكاك و الله غير هوا الدعوة الوحيدة لي نطلبها تتحققلي .... المهم هوا يمات نحسو يبادلني الشعور و يمات لالا ... و مور ما جبت الباك جربت نحكي معاه باي طريقة و لكن هو والو فالفيس بوك يتكلم برسمية زائدة
الان انا عمري 20 سنة و مازلت انتظر منه كلمة ... كلما التقيت بيه يهدر معايا و يسقسيني على القراية و ساعات يقولي السماطة بلا بيك فليسي ... ساعات كي نتلقا بيه ميهدرش كامل معايا ... هبلت و الله قرايتي راح تضيع على جالو تخصصي صعب و قوانين المدرسة لي نقرا فيها صارمة ... بصح انا راسي غير فيه .. وجا خطبني شحال من واحد و انا نرفض نستنا فيه يبينلي اي حاجة بصح هوا والو ضيعت روحي برك و الله عييت ساعات تبانلي نقولو ونتهانا مع اني عارفة بلي راه سامع بلي نحبو ... كلما نوييت نبدا حياه جديدة منقدرش ... دبرو عليا ...

[مراد سابقا10]

نقولك يا اختي الحب من جانب واحد غير جدي وسوق فارغ من لخر

الهاي بقرايتك واخطيك من التمسخير هذا

واش تعرفي حتى ولو تزوجك سيذلك تزوجي من يحبك وليس من تحبينه

لأن من سيحبك لن يفرط فيك

[*سندوسة*]

وعلاه حياتك مدمرة اختي تعودذي من الشيطان والتفتي الى دراستك ومستقبلك وحياتك ادا كان هو يريدك هو لي يبارد ماشي انتي وراني ننصح فيك اختي عيشي كل وقت بوقته وماتستبقيش الاحداث هو لوكان عينه فيك يختلق الف سبة وسبة وكل هذا مايهمش لي يهم انه يتوجه لبيتكم ماشي يفوت وقت
ربي يقدملك لي فيه لخير

[kader001]

مهم يكن ..فانه يتعين عليك الآن أن تخرجي نهائيا من "أحلام اليقظة " تلك التي طالت اكثر من اللازم ... يجب عليك ان تعيشي في واقعك كما هو بحلوه و مره لأنه هو الدائم لك....... و لا دوام لحب المراهقة الذي عرفته و ترفضي الخروج من تحت جلبابه الفضفاض .. انت دون ان تقصدي أصبحت مدمنة على شخصية معلمك ..و هذا أمر مرضي يتطلب الكثير من الحنكة و النصيحة لتتمكني من الشفاء من إدمان مثل هكذا تأثر بشخصية معلمك المحبوب ..المهم أن تبدئي المحاولة الآن .. مارسي أي نشاط ثقافي تشغلي به نفسك ..... لا تفكري فيه...... أصلا ...... و سوف تتحرري من تأثيره المدمر لك.... ثق بنفسك .......ربي يعاونك .سلام

[زبدة ذايبة]

وش هذا الوهم اللي راكي عايشة فيه؟؟؟؟؟؟

وتزيدي تقولي راني متأكدة أنه يحبني؟؟؟؟؟؟!!!!!!!!

منين جاك هذ اليقين؟؟؟؟؟؟

قالك وشراكي وشراهي قرايتك

دخلتي في بعضاك وقلتي باب الزواج عن حب راه تفتح!!!!!!!

ماتغلطيش روحك اكثر من اللي راكي غالطة.

هذي حاجة نفسية من عوارض المراهقة نقطة إلى السطر.

ريحي روحك.

ماتدعي تتزوجي بيه ماوالو.

اللي تدعي فيها لهذ المعلم. أدعي فيها لروحك.

لانك بديتي تضيعي.

ولا بديتي تضيعي خلاص واحد مايقدر يعاونك.

احتمال أن الأب تاعك غايب عن البيت إما فعليا أو تقصيرا منه. لهذا السبب بديتي تحوسي على صورة الوالد في هذا الشيخ !!!!!!!
بالتالي يابنيتي

انتبهي لنفسك ولدراستك يكون أحسن.

احتمال هذا الشيخ يكون خاطب وربما عاقد وربما عرسوا راه في هذا الشهر.

ماتمنيش روحك بأشياء بعيدة المنال وصعبة التحقيق.

رب يهديك.

[سَامِيَة]

كامل قرينا فالليسي وشفنا من القصص
التي تشابه قصتك الكثير.

راه معمي على قلبك وتتخيلي أمور ما
بين السطور وتفسريها على هواك

عندما قال لك " فالليسي السماطة بلا
بيك "
صنعت لهذه الجملة العادية بنظره
أجنحة طارت بك إلى عالم الحب
والخيال
تلك من أبجديات المجاملة وتلطيف
الجو لا أكثر. ...

نصيحة لوجه الله
راكي فالعشرين والاعوام تمر
بسرعة
تلقاي نفسك فالثلاثين
استمتعي بوقتك وبعزوبيتك
والزواج والحب والرومانسية
لاحقة عليهم

ابتعدي عن مصادر تمويل غريزة
الحب
من أغاني ومسلسلات عاطفية
وانتبهي لدراستك
وراحة ضميرك

مبدئيا لا تسعي إلى معرفة أخبار هذا
الأستاذ ومع الدخول الاجتماعي
وانشغالك بدراستك ستجدين نفسك
بدأت بنسيانه تدريجيا يعني ثلاث
سنوات كنت تلتقينه يوميا صعب انك
تنسايه بين ليلة وضحاها ولكنه ليس
بالأمر المستحيل


لو كان يحبك لكان قد فتح معك الموضوع لأنه باعتباره قد مر بتجارب
قبلك فإنه يعلم ان الجامعة هي
مصيدة لكثير من الفتيات ولكان قد
سارع إلى اعلامك بحبه لك حتى
يتفادى أي احتمالية لخسارتك
مستقبلا.

عموما انت تنظرين إليه على أنه
الكل فالكل
بينما هو يراك مجرد تلميذة معجبة
أي جزء من كل
وهناك الكثير من الأعداد التي
ستنسيه في رقمك.

وصولك إلى الجامعة لا يعني
نجاتك من اختلاط الأفكار والمشاعر
وقدرتك على التمييز بين العواطف
في هذا الوقت بالذات عليك أن
تحرصي على تلجيم رغباتك لأنه
قد اقترب موسم حصاد الثمار
فلا داعي لتصرفات تقضي بها على
كل ما مررت به من تعب

إن الحلال بين والحرام بين
وبينهما أمور مشتبهات فاتقوا الشبهات

هذه أبسط قاعدة للفتاة حتى لا
تعرف كيف تسير

بالتوفيق

[الصديق قروف]

انسايه واكباري في عقلك
هوا يكون يعلم بحبك لاكن لم يبين لك و لم يبادلك بنفس الشعور لسبب ما
اقترح انك تقوليلو وتقطعي صلتك به وتنحيه من راسك قبل ان يكون مرض لك

[ابو سليمان10]

الاخت انتي تحلمين فقط الشخص هذا يتصرف بشكل عادي و يحب مجاملة الناس بما فيهم انتي...و انت تحاولين ايجاد دلائل حب في اي كلمة او حتى تحية

[dede2000]

كاين وحد المثل صيني قديم ينطبق عليك يقول: أصعب الأمور ثلاث
1/ أن تريد أن تنام ولا تنام
2/ أن تنتظر من لا يرجع
3/أن تحب من لا يحبك
نصيحة روحي أشربي من رأس العين
فإما أن تسترحي وإما أن تسترحي كذالك
لكن تبقاي علي هذا الحال لا هذه جريمة ترتاكبيها في حق نفسك

[غوّاص]

http://2.bp.blogspot.com/-k-_yoaXD5A0/VOzKUNYaeTI/AAAAAAAADLE/qnY16QTZ8M0/s1600/pesan%2Bakal%2Bkepada%2Bhati.jpeg

[123boutheina]

وعليكم السلام


كلما نوييت نبدا حياه جديدة منقدرش ...



قانون الحياة : البداية ديما صعيبة

دبرو عليا ...

اعزمي نسيانه ,و إلتاي بقرايتك

[kacimo.samy]

سلام عليكم
والله اختي الفاضل هو موش سامع بيك كل ؟ فيقي لعمرك ؟ تبقي هكذا غير تهلكي روحك
الحب من طرف واحد مكاش منو كل + وموش كل واحد يهدر بادب معنتها معجب بيك وووو...
ربي يفتح عليك و يهنيك و يهنينا ان شاء الله

[غوّاص]

http://1.bp.blogspot.com/-pFTmaOpzwso/VOzMn8SmblI/AAAAAAAADLQ/s0MbSJ7Vhxw/s1600/falling-love-quotes-20141029024253-544ff1bda4ba5.jpg

[om_hadil]

انتبهي لدراستك،،، و الله ستندمين عليها،،،، و أستاذك راه شايف شوفة اخرى ،،، لا تتعلقي بالحبال الذائبة

[muslim girll]

اللهم وفقنا للقول السديد والعمل الرشيد
3 سنين وانتِ تسناي فيه ..ماشي بزاف!!! مالغري انت صغيرة ومالغري مازال المستقبل قدامك ...مي ماشي حرام عليك وش راكي تضيعي فنفسك
كبير عليك ب11 سنة هنا ديجا نسجلو اول حاجة كاين فارق بيناتكم شوية كبير
وكونو كثر منك ب حداش سنة معتاها قادر انو يتزوج ويدير دار
امالا وش راهو يستنا ؟ لو كان حبك لو كان تقدملك
حتى لو كان معندوش يتقدم ويبينلك روحو باش تسنايه
لو كان جا يحبك ولا عينو فيك لو كان دار خطوة وانت راكي تقولي راهم يتقدمولك .. هادي هو مادارهاش في بالو؟ ممكن يتقدمولك وتقبلي وتضيعي من عندو !!!
انا منقولكش هادا حب مراهقة هادا ماهوش حب اصلا
عمبالك ارواحي وحبي !!!
والحب مايكون غير بعد العشرة ماعدا ذلك فهو ترهات
راكي تضيعي في نفسك في وقتك في قرايتك وفالخطاب اللي يتقدمولك
من اكبر الاخطاء اللي ديرهم المراة انها ترفض واحد تقدملها على جال واحد مازال ماتقدملهاش
هههه وشنو هادا وراه عقلك
اما قلبك هاداك ..سكتيه ماشي وقتو
علاش مازالكي متعلقة بالأطلال
خلاص الاستاذ والذكريات ويامات الليسي
تجاوزيهم ..ديباسي
كملي طريقك
بمجرد انك تفتحي عينيك رح تشوفي رجال وحداخرين يمكن حتى من زملائك ...
كاين رجال راهم يخممو فيك ويتمناوك فالحلال
انت مايكفيكش اللي يقولك السماطة بلا بيك فالليسي
انت تحوسي على اللي يقولك الموت بلا بيك ولا حياة
الشاعرية ماراهيش حاجة صعيبة على بعض الناس لكنهم يخيروا يحكموا عقلهم وامبعد يخلو القلب يسرح ويمرح فالمباح وفالمعقول ...
كوني منهم
...
راني معاك كي قلتِ بالاك راهو فايقلك ...
ايدا تقوليلو ولاّ لالا هادا يعتمد عليه وعليك
يعني ايدا هو ماشي من النوع اللي يروح يسمع بيك الناس ويفضحك تقدري تمعنيلو بصراحة
وايدا انت تقدري تتحملي النتيجة ايدا قالك لالا
ماشي حرام انك تصرحي بمشاعرك
تقوليلو بلي راهم يتقدمولك بصح انت كاين واحد في بالك وش ندير هو رح يفهم وايدا مافهمش زيدي وضحيلو ..ورح يجاوبك. ..وهادي لازم تكون فاس آ فاس ماشي عن طريق وسيلة تواصل .. وطبعا انت ما كيش تحوسي على علاقة غير شرعية مادابيك تعرفي نيتو ...
بصح ماننصحكش ديري هكدا ...لأنو يبقى هو رجل شرقيّ و جزائري
والافضل انك تنسايه ...اللي ماهو ليك يعييك
وشوفي وش جاك منو راكي تقولي حياتي دمرت (فيها مبالغة) بصح مافرحك ما فادك هادا وش ديري بيه
واحد يعذبك ويبكيك ... علاه !!
شغلي نفسك هادي اول الخطوات العملية ... شغلي نفسك وكلما تتفكريه بدلي الموضوع وخمي فاي حاجة وحداخرى
رح تنسايه عادي
كاين ناس بالمعاشرة وبسنوات وبعدما يفترقو ينساو بعضاهم
صح ياخذ شوية وقت ورح تتالمي وتبكي ...بصح "من يترقب الصباح صابرا يلاقي الصباح قويا"
وربي يعوضك ان شاء الله .

[ام احمد اياد]

شوفي اذاا كان عينو فيك راه هو يجي يحوس عليك متذليش روحك حكايتك تشبه حكايتي انا متزوجه باستاذي كحبني وبغاني داني انا كي جبت الباك ما زدتش تلاقيت بيه مي هو كان ديما يسقسي عليا ويبعثلي في السلام مع اي حد يعرفني ظوانا كملت قرايتي وليت نخدم وطيلة هذ المده وهو مازال يسقسي عليا ومتزوجش لانو مقدرش وكان حاب يوصلي ويهدر معايا لكن ماكان حتى وسيله لا فيس ولاتيليفون وكان خايف يجي عندي للخدمه ويصارحني ولكن المكتوب جمعنا وخطبني وتزوجنا وجبنا ولد شوفي اذا هو باغيك ماكان حتى حاجة تمنعو لانك قاعده تتلاقاي بيه وعندك اتصال معاه في الفيس نصيحه انتبهي لقرايتك وطيش عليك

[ملكة القمر]

اخبريه بانك ستتزوجين
و تقدم لخطبتك الكثير 'يعني احسسيه بجدية الموقف)
و شوفي ردة فعله
ان كانت عادية فاليك مقولة "تلافو يجيب خلافو"
و الحب الحقيقي يكون بعد الزواااج
انسيه

[Hanan salim]

حب طائش ومراهقه انتبهي لدراستك أفضل