المساعد الشخصي الرقمي

مشاهدة النسخة كاملة : علوم المادة 2017

sara2012
2017-08-12, 15:35
سلام خاوتي انا نجحت السنة فالباك وعطاونيعلوم المادة ومافهمتش واش من تفرعات فيها انا علابالي بلي كاين فيزياء وكيمياء وانا بربي انشاء الله رايح نروح للكيمياء بصح قالولي الكيمياء في حد داتها فيها تفرعات وماعفتش ممكن تفيدوني خاوتي والله ماعندي فكرة وراني خايف بزااااف من هدا التخصص لانهم يقولو مافيهش مستقبل وو..-
المشتاق لجنة النعيم
2017-08-12, 16:14
بالعكس أختي الكريمة حظوظ الكيمياء في المستقبل أكبر من الفيزياء و لي قالك مافيهاش مستقبل نقولك عندي صديقي قرا عامين و نصف فالجامعة ( ماكملش عامو الثالث ) و نجح في مسابقة في سوناطراك و راهو يخلص حاليا 12 مليون للشهر ( شهر يخدم و شهر قاعد ) ، هذا مثال بسيط كذلك بإمكانك العمل في المخابر و المستشفيات و الصيدليات و حظوظ الأنثى في العمل دائما أكبر من الذكر ( بسبب الخدعة الوطنية )
كيما راني نشوف انت من أم البواقي إذا راكي في العربي بن مهيدي الأساتذة تاعها روعة يفهمو مليح و خبرة بصح ما تلعبيش معاهم سيريو فوق الازم ، علوم المادة قريتها عام و مبعد درت ترونسفار (القراية تاعها ماشي صعيبة بزاف بصح أنا كنت نلعب ) العام الأول هو الصعيب ( السداسي الأول ساهل السداسي الثاني شوي صعيب بصح اذا قريتي تنجحي يعني على قد تعبك ) في العام الثاني تختاري تفرع كيمياء و لا فيزياء و الله أعلم الكيمياء تزيدي تتفرعي فيها بصح القراية تولي خفيفة و سهلة ..
على كل حال ربي ينجحك و يوفقك فالإختيارات تاعك .
sara2012
2017-08-13, 00:56
والله يااختي غير طلعتيلي المورال صدقيني خاصة كي قتيلي بلي نقدر نخدم فالمخابر وووو شكرا جزيلا وربي يوفقك انشاء الله
المشتاق لجنة النعيم
2017-08-13, 07:42
العفو أختي و أنا ولد وليس بنت :1::1: