كوارث معدل 15. 14وسوء الخيارات

[nadineisraa]

أرى أن الكثير أفسد توجيهه بيده بأن وضع تخصصات نعرف مسبقا انها عالية المعدل كمثال الطب وأصبح يتحسر على مدارس الأساتذة .....مارايكم .....

[_اميرة الصمت_]

تفكيركم محدود للاسف ففي نظركم الكتفوق لازم يقرا طب تبا لكم يا مجتمعي
معدلي السنة الماضية اهلني للطب لكن انا و بكل قناعتي ساحول من الصيدلة الى المدرسة العليا للاساتذة
تبا والله تقول هذي المدرسة راهي للجميع و سايبة و راهم يحلو فيكم باه تقراو فيها ....

[~ غيمة ~]

سوء اختيار من الاول ,, يعني معروفة معدل الطب وشحال كان العام الماضي وهو في ارتفاع كل سنة ولو بشكل طفيف لمذا من الاول لم يختاروا المدارس العليا تفاديا للندم
اليس ظلم ان لا يرضوا بالمدارس العليا على اساس انو الطب فقط من يعكس مستوى التلميذ , , ولكن في الاخير يتم تصنيفهم في تخصصات مع من تحصلوو على معدلات ادنى {مع كل احتراماتي لكل ناجح مهما كان معدله } ,,

لنكن واقعيين في اختياراتنا
ـــــــــــــ
في الاخير ادعوا لهؤلاء من كل قلبي ان يهون عليهم وييسر لهم امرهم فالأمر ليس هين
وشعور الندم جد صعب
ربي يوفق الجميع لما يحب ويرضى

[varamara]

ليست المشكلة

انو تحصل على معدل عالي

فهناك من كان ميوله ليس التعليم او الطب ومعدله كان مرتفع
وكثير من اخذ معدل مرتفع ويدرس تخصص اصحاب معدل10
فالمشكلة ليست هنا المشكلة ان وقت اختيارات قصير واختيارات على اقل100 وليس لدينا معلومات عنها

للاسف فجهلنا ادى الى معرفتها بتخصصين فقط
الطب والمدرسة

[_اميرة الصمت_]

بالفعل حتى اصبح حكر على المتفوق ان يختار احداهما
و الله كيما قلتي كاين لي جايبين معدل 16 و 17 و قاريين تخصص تاع 10
بصج واش راح نديرو ماشي صوتنا لي يصلح البلاد ....

[مسامح.]

لا توجد تخصصات لآصحاب عشرة وتخصصات لآصحاب 17 وإنما هي قضية العرض والطلب
فلو يطلب أي طالب تخصص الطب فسيصبح معدله 10
ولو لم يطلب المدارس العليا أي طالب لآصبح معدلها عشرة
والطالب المتفوق لا يهم التخصص الذي يدرس فعادة ما ينجح في جميع التخصصات

[kacimo.samy]

تفكيركم محدود للاسف ففي نظركم الكتفوق لازم يقرا طب تبا لكم يا مجتمعي

معدلي السنة الماضية اهلني للطب لكن انا و بكل قناعتي ساحول من الصيدلة الى المدرسة العليا للاساتذة
تبا والله تقول هذي المدرسة راهي للجميع و سايبة و راهم يحلو فيكم باه تقراو فيها ....


صدقتي..
يا اخوة اختارو تخصص حسب واش تحب
ومثلما قال اخ المسامح هي حسب الطلب
عام 2009 طب كانت 12.65 طلب ناقص عليها

[nadineisraa]

المفروض هناك تمييز هل تقارن من سهر الليالي للحصول على معدل 15/16/17وبين من جاب العام رقاد وجابو ب 10)11.. والله حرام شتان بين الثرى والثريا هذه السنة كانت مجزرة باتم معنى الكلمة في حق معدلات 14/15لانهم خدعوا ووجدوا أنفسهم مع من لم يدرس بتاتا ...يعني باكو مضروب في صفر

[kacimo.samy]

الحقيقة تقال... نقاط راها تتقسم عليكم باطل

باك سبور بـ 19 وتديها طفلة ولات حسيبة بن بوعلي؟؟
حنا عامنا كل صحابي داو 14

الباك مطلوق ونقاط بالمجان ... 2014 2015 2016 2017 ؟؟؟؟؟
جاي وقت انوي تفوت تربح

[_اميرة الصمت_]

و الله يا اخي قاسم هدرت كلمة شابة و هذا ما عجزت عن قولة
Lbac wela Donnée a tous le monde
منهدروش على الباك سبور ركزلي على الفلسفة لي ولاو يدو فيها 20 هههههه تبا يا بلادي
صح كاين لي يقرا و يتعب و يستحق يدي هذاك المعدل و كاين مع الاسف ميستهالش
لوكان مازال الباك ذو قيمة كيما بكري كان لي يجيب 12 يدير ميدسين اما الان من الطبيعي تكون 10=11=12=13=14 و في هذه السنة =15
و المشكل ولاو كل الطلبة يحلمون بالطب هناك من فعلا ميوله طبية وهناك من اجل الاسم فقط
المهم الله يحسن الحال

[_اميرة الصمت_]

[center]

صدقتي..
يا اخوة اختارو تخصص حسب واش تحب
ومثلما قال اخ المسامح هي حسب الطلب
عام 2009 طب كانت 12.65 طلب ناقص عليها




هذا ما نحاول ان نجعل االاخرين يفهموه اصبح الجميع يريد ان يصبج طبيبا من اجل الاسم فقط و الله ....

[kacimo.samy]

و الله يا اخي قاسم هدرت كلمة شابة و هذا ما عجزت عن قولة
lbac wela donnée a tous le monde
منهدروش على الباك سبور ركزلي على الفلسفة لي ولاو يدو فيها 20 هههههه تبا يا بلادي
صح كاين لي يقرا و يتعب و يستحق يدي هذاك المعدل و كاين مع الاسف ميستهالش
لوكان مازال الباك ذو قيمة كيما بكري كان لي يجيب 12 يدير ميدسين اما الان من الطبيعي تكون 10=11=12=13=14 و في هذه السنة =15
و المشكل ولاو كل الطلبة يحلمون بالطب هناك من فعلا ميوله طبية وهناك من اجل الاسم فقط
المهم الله يحسن الحال
والله العام تاعي خرجو كل مثقفين هههه
مكاش لي خير طب عمبلك تخصصات هندسة اكثر من طب..
طيران ومهندس معماري و الكترونيك و.. اكثر من طب في المعدل

كان الباك مزير في تصحيح

مشكلة حالية انهم يتبعو ناس فقط
نعرف وحدة دات 15 وخيرت فيزياء تاع 10 لانها تحب فيزياء

وراها دوكا تحضر في الدكتوراه

[mehdi_mascara]

والله العام تاعي خرجو كل مثقفين هههه
مكاش لي خير طب عمبلك تخصصات هندسة اكثر من طب..
طيران ومهندس معماري و الكترونيك و.. اكثر من طب في المعدل

كان الباك مزير في تصحيح

مشكلة حالية انهم يتبعو ناس فقط
نعرف وحدة دات 15 وخيرت فيزياء تاع 10 لانها تحب فيزياء

وراها دوكا تحضر في الدكتوراه





صح، فإختيار التخصص لا يمت بأي صلة لمستوى التلميذ ،
كلنا نعرف أن الst منبوذ جدا من التلاميذ لأنه ب10 تقدر تدخله عادي ،
و أنا واحد منهم كنت نكره هاذ التخصص ، لكن بعد أبحاث و بعد أن آلمني رأسي من البحث حول مجالاته و كل شيئ عنه ،
أدركت أن إسمه الحقيقي في جميع الدول ، كلية الهندسة ، بمعنى أنك كي تتخرج تصبح مهندس ، و فيه تخصصات شابين بزاف ، و تقدر تولي تخلص أحسن من الطبيب ، بدون ما ننسى متعة التعامل مع الأدوات و و و ... و اللي غير قلبي ارتاح لكثير من التخصصات فيه ،

فقط الواحد لازمو يحط راسو ، و مش يقرا مثلا ليسانس و يكره و يتوقف و مبعد يقول مالقيتش خدمة ، الناس الكل راه عندها ليسانس ضرك ، على الأقل جيب ماستر 2 و دبر على روحك ، و تبقى الدكتوراه الأفضل بدون منازع ، لأنك حتى لو ملقيتش عمل في الميدان العملي ، راح تقدر تدخل أستاذ جامعي و كلنا نعرف الأستاذ الجامعي بدون كلام ...

[nadineisraa]

المشكل راكم ماكمش شايفينو خلاص
شعب معدلات عشرة مليحة بصح لولا تبقى لي يقراوها كامل مستواهم محدود ثانيا نظرة الاساتدةبهم نظرة دونية مايقروهمش مليح ثالثا يهبلوك الناس رابعا ا تقرأ فيها والمورال هابط وماتنجحش عليها لازم تروح لفروع طلبتها على الأقل ناويين يقرأو راكم في العالم المتخلف ماكمش في سويسرا

[mehdi_mascara]

المشكل راكم ماكمش شايفينو خلاص
شعب معدلات عشرة مليحة بصح لولا تبقى لي يقراوها كامل مستواهم محدود ثانيا نظرة الاساتدةبهم نظرة دونية مايقروهمش مليح ثالثا يهبلوك الناس رابعا ا تقرأ فيها والمورال هابط وماتنجحش عليها لازم تروح لفروع طلبتها على الأقل ناويين يقرأو راكم في العالم المتخلف ماكمش في سويسرا


بسم الله

معليش نبدا نحلل في كلامك ههه ؟

أولا ماكاش شعب مشي مليحة إلا بعض المعروفة لي أصلا يدخلولها ب13 و 14 و أنا نفضل st على أني ندخلها و راهي باينة و معروفة للجميع

الشيئ الأول ما نظنش كامل لي يقراوها مستواهم محدود ، ربما لي رايحلها ربي ما كتبلوش يجيب مليح ، أو كان تحت ضغط ، أو عنده مستوى جيد و لكنه تهاون ، أو أو أو ، و الأسباب كثيرة ، و أعرف عينات كثيرة منهم

ثانيا ، الأساتذة في الجامعة وين ما كانوا و في أي تخصص و من لازمان مش ضرك ، يعني هاذي حكالي عليها الوالد نتاعي أصلا ، يدخل يكتبلك الدرس و يقول زوج كلمات و باي باي مع السلامة ، مش غير عند صحاب ال10

ثالثا ، من أفضل الأشياء اللي تعلمتها في حياتي أني ما نديرش على كلام الناس ، الهدرة تدخل من وذن تخرج من الثانية ، و إذا على كلام الناس ، هاذي ال st مثلا اللي يدخلوها ب10 ، إذا درست و نجحت فيها علابالاك وش راح يصير إسمك مبعد ؟ المهندس ... على واش قريت مثلا مهندس ميكانيكي ، مهندس مدني ، مهندس كهربائي ، و لا تقل شئنا عن بقية المهندسين ، و ها قد حللنا مشكلة كلام الناس

رابعا إذا كان تهنينا من المشاكل لي فوق ، المورال وحدو راح يطلع ، و إذا كنت حاب الشعبة لي راك فيها أكيد المورال ماراحش يبقى هابط ، مثلا إذا كنت تحب الكهرباء و الدارات و تسعى لإستكشاف كل جديد فيها ، أكيد راح تكون متشوق لمعرفة كل شيئ عنها و ماراحش تيأس أبدا ، المهم هو الحب يا جماعة ربي ما خلقناش نحبو باطل ...