عاونوني بابا غضبان عليا

[مشكلتي]

سلام جيتكم باش تعاونوني بجاه ربي بابا مايهدرش معايا بسبب التخصص لي اخترتو باش نقراه في الجامعة وانا اخترت تخصص ادب عربي وهو قالي علاه مادرتيش تخصص لغة فرنسية والله العظيم راني في حالة نكتب ليكم ونبكي مع العلم انو نتائج التوجيه تخرج نهار السبت عاونوني كيفاه ندير اللغة الفرنسية درتها هي الاختيار الثالث وندمت
نطلب من كل واحد يدعيلي ربي يفرج عليا ويحققلي واش راني متمنية

[sohaibdz]

ساهلة كيما يبعتوك عربية روحي ديري تروننسفار
رضى الرب في رضى الوالد و سخط الرب في سخط الوالد

[نورسين.داية]

الإنسان يختار التخصص على حسب سوق العمل ......على مقياس النذرة ههههه

المهم عموما قطاع التربية هو مثل تجارة ألبسة الأطفال يعني معدل الربح فيه لا ينقص ....أقنعيه بهذا لربما يرضى .بالتوفيق عزيزتي

[رضاك يا ربي]

ان كنت تحبين الفرنسية فهي أيضا تخصص رائع
وان وجهوك إلى الأدب عليك بالتحويل
قبل انتهاء المده
رضى الوالدين من رضى الرب
أما إن كنت تكرهين الفرنسية فحقا ستعانين معها
عليك إقناعه فقط
ربي يوفقك

[المشتاق لجنة النعيم]

لابد من اختيار التخصص الذي يعجبك انت و ليس الوالدين لأنه سيؤثر ذلك على دراستك لاحقا ( ان كنت تكرهين الفرنسية لن تقدري على دراستها ) و يجب عليك اقناع والدك بأسلوب ذكي فقط و لابد أنه سيتفهم .

[أثيلة]

ان كان الامر كله في تغيير التخصص هدا امر عادي تستطيعين التحويل لتخصص اخر فورا بعد التسجيل و لكن اقول ادرسي التخصص الدي تحبين لانه الوحيد الذي تستطيعين التميز فيه

[mehdi_mascara]

أدرسي ما تحبينه أنت و ليس ما يريده هو ، أبدااا ، سيؤثر عليك ذلك حتما ....

[toulay]

وعليكم السلام ورحمة الله وبركاته
هذا المستقبل تاعك انت من المفروض يشجعك ويوقف معاك مشي يزيد عليك
على كل ربي يهديه ان شاء الله
اذا بعثوك ادب عربي دير transfert فرنسية وهي فرات
بالتوفيق

[kader001]

المهم أن تنجحي في التخصص الذي قدره الله لك - بعد اختيارك طبعا- اعلمي ان غضب ابيك منبعه الخوف عليك فقط و هذا طبيعي - فانت كبدته - و عندما تتزوجين و تخلفي سوف تعرفي معنى خوف ابيك عليك ..الذي ظهر لك في شكل "غضب منك ".. انجحي في دراستك و بذلك تأكدي لابيك بانك أهل لن يطمئن لاختيارك حتى و أن كان يخالف رغبته هو ...بالنجاح ان شاء الله . سلام :mh31::19:

[مومي23]

الله يحفظك مادمت عاملة حساب لباباك

[سَامِيَة]

حاولي مع والدك مرارا وتكرارا
اشرحي له موقفك
واستعيني بأحد اخوتك
ليتكلم معه دون تحسيسه بأنك
متفقة معه
اختاري واحد يعرف يهدر و
يعرف كيف يقنعه مشي يجي
يكحلها يعميها

اكدي له على نقطة أن الإبداع
يكون حيث الميول والرغبة

إن لم يقتنع قومي بالتحويل
إلى الفرنسية
لأنه إن فعلت عكس ما يريد
ستكون فرحة النجاح ناقصة
وتحسين بغصة في
قلبك فلا أنتي
ارتحت ولا ريحتي
خاصة إن أصر على غضبه منك

وذهابك إلى خيار ابيك لا
يعني نهائيا قتل طموحك ورغبتك
يا ما رأينا أدباء وفصحاء يحملون
شهادات بعيدة عن رغبتهم

فقط تحري عن كيفية تحقيق
ذلك ممن
لهم تجارب
ولعل المطالعة أولى المفاتيح
خاصة في بحر الأدب العربي
الواسع

بالاصرار يمكنك تلبية رغبة والدك
ورغبتك
فتنالين رضى والدك وتبدعين
في ما تحبينه.

بالتوفيق

["أحمد المحمدي"]

يا أختي باباك يعيّي بصّح ساعفيه وخلاص واش ديري

[ابو سليمان10]

حدث معي نفس الشىء ا درست تخصص لا احبه و مع ذلك انا استاذ جامعي الان في نفس التخصص
لاكن الامر لايدعوا للقلق او الخصومة من طرفك او من طرف الوالد
يعني اما ان يساندك في اختيارك او تسايرييه...الامر بسيط جدا جدا
من العنوان ظننت انك اقترفت مصيبة لاكن الحمد لله الامر هين

[lalib40]

هكذا تم اختيار تخصص الطب مع انهم لا يحبون الطب والنتيجة اطباء جزائرين كارثة

[المُعادلة الصّعبة]

والله انا تبانلي بالغ شوي والدك ربي يحفظو
يغضب علي وما يكلمكش !!
مش لهذي الدرجه عالاقل يحترم رغبتك وميولك لانو في النهايه رح تقرايها انتي مش هو
مستقبلك انتي وانتي لي رح تكملي المسيره
صحيح عندو الحق في انو يقترح عليك ولكن في النهاية القرار قرارك
اذا انتي حابه التخصص لي اخترتيه بشدة و مُصره عليه فحاولي تراضيه بأي حاجه اشريلو كادو ولا احكي معاه باللين وقوليلو انو هاذي الحاجه انا حابتها وباذن الله نبني مستقبلي عليها
اما اذا درت حاجه مشني باغيتها يا بابا ممكن نلقاها صعيبه وما تناسبنيش وما نقدرش نكمل
حاولي تكلميه باللين وتفهميه
اما عن يغصبك على حاجه خاصه بيك انتي وعندك حرية تامه في اختيارها وما يرضاش عليك ؟ انا ضد هذي الفكرة
الموضوع يتحل باللين والعقلانيه برك حاولي ترضيه
اما اذا كنتي قادرة تديري تحويل وقادرة عالتخصص لي باغيه باباك وتشوفي روحك تقدريلو وماعندكش مشكل معاه ؟ فـ قدمي رضى ابوك و ديري ترونسفار
نتمنالك التوفيق في بقية مشوارك اختي نتمنى يرضى عليك باباك ، رضى الوالدين هو كل شيئ بعد رضى ربي