تفاصيل الكتب و المراجع التي تحتاجونها في مشواركم الدراسي ^^ [الأرشيف]

مشاهدة النسخة كاملة : تفاصيل الكتب و المراجع التي تحتاجونها في مشواركم الدراسي ^^

rafif.ra

2017-08-07, 15:19

السلام عليكم
هذه تفاصيل الكتب التي قد تحتاجونها ..انا شخصيا استفدت منها كثييييييييييرا
أولا في الفيزياء
الزاد :كتاب رائع يضمن الفهم الجيد للدرس. دروسه مفصلة مقارنة بالكتب الأخرى التي تحتوي على ملخصات صغيرة فقط و لكن ليس تفصيلا معمقا..تمارينه مرتبة من الاسهل الى الأصعب و حسب تسلسل الدروس في الوحدة الواحدة..و لكن عيبه الوحيد انه لا يحتوي على بعض الأفكار المهمة التي ترد في التمارين
المغني : كتاب ممتااااز و هو افضل الكتب في هذه المادة بالنسبة لي ..يحتوي ملخصات صغيرة و 20 تمرين خارجي في كل وحدة مرتبة من الاسهل الى الأصعب بالإضافة الى تمارين البكالوريات السابقة و حلولها النموذجية..حللت تقريبا 95% من تمارينه..رائعة و مختلفة الأفكار
المراجعة النهائية : كتاب رائع أيضا..فيه ملخص للقوانين ثم 20 تمرين كذلك في كل وحدة..تمارينه قصيرة نوعا ما لكنها رائعة ..في أول الامر تظهر صعبة لكنها جيدة و تضمن تغطية جيدة للدرس..فيها نوع من التكرار لكن ليس كثيرا
الهباج :كتاب جيد يحتوي على الدروس + التمارين الخارجية + المسائل + حلول الكتاب المدرسي لكن المغني يغنيك عنه تماما
الكتاب المدرسي صراحة لم استعمله مطلقا
البكالوريات : مهمة جدا خاصة مواضيع شعبة التقني رياضي
الرياضيات
المشرق :يوجد الأزرق فيه تمارين مرتبة حسب الوحدات و حلول البكالوريات و الأحمر فيه 33 موضوع مقترح...كتاب جيد لكن لم يسعني الوقت لحل تمارينه
العملاق :تمارينه جيدة و الكل ينصح به لكن صراحة لم استعمله
سلاسل الأستاذ مصطفاي :جيدة جدا خاصة للطالب المتوسط تعينه و تحسن من مستواه بشكل رائع
الكتاب المدرسي :راااائع بكل معنى الكلمة خاصة تمارينه تضمن الفهم الكلي للدرس من كل الجوانب و الحيثيات. و من الاحسن اقتناء الكتاب او السلاسل التي تحتوي على حلول جميع تمارينه..نسيت اسمها آسفة اعتقد سلسلة مدرستي ( جزئين كبيرين )
البكالوريات :افضل مرجع في الرياضيات على الاطلاق ( مواضيع العلمي + التقني + الرياضي ) يجب الاطلاع عليها كلها
العلوم
الميسر :فيه الدروس مفصلة كالكتاب المدرسي بالإضافة الى إجابة الأسئلة المطروحة تحت الوثائق الكتاب المدرسي و حلول تمارينه بالإضافة الى تمارين أخرى
سلاسل الأستاذ بو الريش :لن تجدوا أروع من تمارينه صراحة في القمة. أفكار مختلفة و متنوعة ..اسئلة منظمة و إجابات منهجية مفصلة ..اعتمدت عليها بالدرجة الأولى
أحمد امين خليفة :غني عن التعريف فيه مئات التمارين فيه نوع من التكرار..يحتوي حلول تمارين الكتاب المدرسي ابحثوا فقط تجدونها بين التمارين..تمارين رائعة لكن لا تعتمدوا على منهجيته
المجتهد :الكل ينصح به لكن صراحة لم استعمله
الكتاب المدرسي :بكل بساطة هو القاعدة الأساسية لفهم الدرس مهم جدا..حوصلته رائعة و تمارينه في المستوى
البكالوريات :افضل مرجع يعلمكم المنهجية حسب رايي
العربية
الموجه الذي غلافه احمر :معروف طبعا.فيه 60 نصا ادبيا مرفقا بالحل..كتاب راااائع لكن لم يسعني الوقت للاطلاع عليه اكثر
الموجه الذي غلافه ابيض –حلول الكتاب المدرسي – هذا فيه حلول كل نصوص مطالعة و النصوص التواصلية..الخ الموجودة في الكتاب المدرسي..غير مهم يعني بامكانكم الاستغناء عنه
الملخصات الموجودة في الموقع الأول للدراسة جيدة و بامكانكم اختيار احدها والاعتماد عليها او على كراستكم
الاجتماعيات
كتاب محمودي عادل :يوجد الأخضر فيه دروس العلمي و الادبيو الأزرق خاص بالعلمي..شخصيا استعملت الأخضر لانه اكثر تفصيلا ..لكنه ليس كاف لوحده ..ضروووووري الاطلاع على حلول البكالوريات السابقة
المصطلحات و الشخصيات كتاب محمودي عادل أيضا
الوجيز :فيه بعض المعلومات لكن كتاب محمودي عادل احسن بكثييير
الفرنسية
الزاد :كتاب رااائع فيه النصوص و حلها بالإضافة الى بعض القواعد..و المميز فيه انه في الوضعية الادماجية يرفق الحل الخاص بكلا الموضوعين سواء التعبير الحر او le compte rendu
البكالوريات جيدة و حلها يضمن لكم علامة جيدة
الإنجليزية
فيها كتب عديييدة كلها تفي بالغرض
الفلسفة
السامي و المميز : رائعين
الهدى :مفصل تفصيلا رائعا اعجبني صراحة لكنه يتطلب بعض الوقت
الإسلامية :كتاب جمال مرسلي ممتااااااااز و يضمن العلامة الكااااااااملة..تجدونه في الموقع الأول للدراسة

و كخاتمة أقول...ليس من الضروري اقتناء كل هذه الكتب...اقول من الاحسن فقط..لكن بامكانكم اختيار ما يناسبكم طبعا .بامكانكم تحميلها لمن لم يجدها في المكاتب مع انها متوفرة دوما خاصة في الدخول المدرسي

نريمان

2017-08-07, 15:26

سلام الاخت رفيف
شكرا جزيلا ربي يوفقك جاء موضوعك في وقته كنت بحاجة ماسة له
مشكورة

hiba regalo

2017-08-07, 15:31

merci ^^

:19:

مريم المتفائلة

2017-08-07, 16:03

شكرا حبيبتي وفقك المولى لما يحبه ويرضاه

rafif.ra

2017-08-08, 20:27

سلام الاخت رفيف
شكرا جزيلا ربي يوفقك جاء موضوعك في وقته كنت بحاجة ماسة له
مشكورة
العفو اختي لا شكر على واجب
بالتوفيق ان شاء الله

merci ^^

:19:

de rien ^^

شكرا حبيبتي وفقك المولى لما يحبه ويرضاه

امين وفقنا الله و اياكم :):)

المُعادلة الصّعبة

2017-08-08, 20:32

rafif.ra

2017-08-08, 20:39

اختي عندي سؤال حول ملخصات محمودي عادل
من فضلك ادخلي هنا (http://www.djelfa.info/vb/showthread.php?p=3997040726#post3997040726) شوفي المشاركة رقم 48 تاعي وجاوبيني هنا في موضوعك
وجوزيت خيرا اختي رفيف

اختي لحد الآن مكانش مرجع فيه كللللللللللللللللللللل المصطلحات لانو مرات يجيبو مصطلحات جديدة تماما لكنها في غاية السهولة..تكون مشابهة للمصطلحات لي تعرفيها و تفهميها من سياق النص لي تجي فيه لذا لالالالالالالالا تقلقي ابدا..على حسب علمي كتاب محمودي عادل يحتوي على معظمها يعني ما تلقايش خير منو ..و اطلعي على البكالوريات لانو مرات يعاودو المصطلحات

rafif.ra

2017-08-08, 20:40

و الشخصيات نعم كاين كامل و جامي جات شخصية مكانش فيه..التواريخ كذلك و غالب يجيو التواريخ لي تذكروها في الدرس يعني باينة و مكانش لي ما يعرفهاش

المُعادلة الصّعبة

2017-08-08, 20:43

و الشخصيات نعم كاين كامل و جامي جات شخصية مكانش فيه..التواريخ كذلك و غالب يجيو التواريخ لي تذكروها في الدرس يعني باينة و مكانش لي ما يعرفهاش
نعم علابالي اختي مش شرط يكونوا جميع جميع جميعهم
ولكن اقصد المهمة جدا موجودة ما ناقصه حتى وحدة يعني؟ ما نكلفش نفسي عناء البحث طيله السنة في المنتديات والمواقع ووو....حتى تتلفلي قاع
هذا لي كان قصدي
اما عن هذوكا لي نفهمهم من سياق المعنى حاجه اخرى
مرسي ختي ربي يحفظك

المُعادلة الصّعبة

2017-08-08, 20:44

و الشخصيات نعم كاين كامل و جامي جات شخصية مكانش فيه..التواريخ كذلك و غالب يجيو التواريخ لي تذكروها في الدرس يعني باينة و مكانش لي ما يعرفهاش
الحمدلله وهو المطلوب ريحتيني هههف
يعيشك ختي رفرف :o

rafif.ra

2017-08-08, 20:46

لالالا اختي لا تبحثي و لا تتعبي نفسك...صدقيني البكالوريات + محمودي عادل كافية جدااااا

المُعادلة الصّعبة

2017-08-08, 20:50

ماعرفتش كيفاش نشكرك ولكنك فعلا فعلا افدتيني وازحتي الغمام عني
ازلتي غموض كبير
ربي يحققلك وش تبغي ويفرحك ويكتبلك الخيره في امور حياتك

rafif.ra

2017-08-08, 21:03

ماعرفتش كيفاش نشكرك ولكنك فعلا فعلا افدتيني وازحتي الغمام عني
ازلتي غموض كبير
ربي يحققلك وش تبغي ويفرحك ويكتبلك الخيره في امور حياتك

يوووو دعوة تهبل :o:o:o الله يحفظك اختي ...بلا مزية اي استفسار نحن في الخدمة طيلة العام الدراسي
ربي يوفقك و يسهلك ان شاء الله :):)

{رحيل}

2017-08-08, 21:10

المُعادلة الصّعبة

2017-08-08, 21:10

آمين يارب الله يسمع منك ويستجيب لك حبيبتي
دعواتك برك
ايييه وما قلتيليش بالنسبه للخرائط هههه هذوك هوما كامل ؟
جامي جربت حفظت خريطه في حياتي ههههه

المُعادلة الصّعبة

2017-08-08, 21:11

بالنسبة لتنظيم الوقت ليس لدي فيه اشكال لكن حاليا لا استطيع النوم ,,, و البكالوريا تشغل تفكيري

في هذه النقطه انا اشترك معك اختي رحيل
الله يعيننا
ان شا الله تفيدنا اختي رفيف

{رحيل}

2017-08-08, 21:15

في هذه النقطه انا اشترك معك اختي رحيل
الله يعيننا
ان شا الله تفيدنا اختي رفيف

مرحبا بك اختي ريانة
لي استفسار بسيط ,, هل بدأت التحضير
اذا كان نعم اين وصلتي ,, لم يبقى الكثير للدخول المدرسي انا خائفة ومتوترة قليلا لاننها سنة مصيرية
هل ستتواجدين في اوقات الدراسة ؟؟ ام في العطل فقط
بالتوفيق لك:)

المُعادلة الصّعبة

2017-08-08, 21:23

مرحبا بك اختي ريانة
لي استفسار بسيط ,, هل بدأت التحضير
اذا كان نعم اين وصلتي ,, لم يبقى الكثير للدخول المدرسي انا خائفة ومتوترة قليلا لاننها سنة مصيرية
هل ستتواجدين في اوقات الدراسة ؟؟ ام في العطل فقط
بالتوفيق لك:)
اهلا رحول ،،
اممم نعم ضرك لحد الآن اني مكمله وحدتين انجليزية ويبقاولي يومين ان شاء الله نكمل الوحدة الثالثه بش نتخلص منها
ونباشر فاللغه الفرنسية
قريت وحدة ونص علوم ومزالني باه نكملها باذن الله
العطله خليتها لتدارك نقائصي والاهتمام بالمواد اللي تشكل نقطة ضعف بالنسبه ليا خصوصًا اللغات
وفي اواخر اوت باذن الله نراجع رياضيات وفيزياء تاع السنه ثانيه ثانوي ،،
هكا راني مخططة ماذا عنك ؟
التـوتر والخوف حاجه طبيعيه تؤرق الجميع اختي ، ولكن ما تخليهاش تسيطر عليك ،، خلي حماسك للعام الدراسي اكثر ، اسعي للتفوق والامتياز فقط
خليك بقدر ما تخوفتي وترهبتي من هذي السنه بقدر انتاجك لها وتعبك ، هكذا وازني بين الخوف والمردود لين يغلب المردود :19:
واستمري بالدعاء فما خاب من قال يارب:o
ممم في اوقات الدراسه احتمال لالا ، لاني ما نعرفش نستعمل النت بحكمه وعقلانيه اذا فتحتها نجيب بالساعات وانا فاتحه ما نحسش بالوقت هه ما نرحمش
وبالتوفيق لك كذلك اختي ان شا الله نجيبوا وش نحبوا :rolleyes:

{رحيل}

2017-08-08, 21:30

المُعادلة الصّعبة

2017-08-08, 21:43

نفس المشكلة مع النت حتى ابي سمح لي استعمالها هذه الايام لتجميع الملفات فقط
بالنسبة لي انا شعبة علوم لم اعرف بما ابدأ لان مستواي متساوي بالنيبة لجميع المواد
بدأت بالعلوم اتممت 3 وحدات مع وحدتين في الفيزياء بمساعدة خالتي وبعض قواعد الادب
وراجعت القليل من الكلمات والمحادثات بالانجليزية اما الفرنسية فسأبدا فيها قريبا
الرياضيات والحفظ تركتهم مع الموسم الدراسي لان الحفظ لا يشكل لي عائقا كبيرا
مشكلتي الوحيدة حاليا والتي تتعبني كثيرا هي تقسيم الوقت بين الواد العلمية والادبية بما اننا نظاميون فسيكون جل وقتنا في الثانوية
لذا انا متخوفة قليلا من الامر والبرنامج وحجم الساعي مكثف مقارنة بالسنة ثانية
نعم حملي اللي تشوفي روحك تحتاجيه كامل باه في العام الدراسي تتفرغي تماما للدراسة فقط ، فكرة والدك جيده
مليح ماشاء الله نحيتي عليك عبء كبير ربي يكملليك اختي ويوصلك وين حبيتي :) واصلي
بالنسبه لكلامك الاخير فـ هو مشترك بيني وبينك : ماعنديش مشكل في الحفظ + تخوفي من تنظيم الوقت وتقسيم المواد على حسب الوقت !!
اعذريني رفرف على الخروج عن موضوعك

RamziHr

2017-08-09, 10:57

أختي ممكن رابط كتاب مرسلي :24::24:

rafif.ra

2017-08-09, 17:13

السلام عليكم اختي
اولا مبارك عليك النجاح اتمنى لك التوفيق والتميز في بقية مشوارك الدراسي
ثانيا اتشكرك على مبادرتك الطيبة ازلتني عني الغموض
لدي سؤال ان كنت متفرغة
الفلسفة مادة جديدة علينا متخوفة منها قليلا هل يجب حفظ الدروس؟؟ مثل الاتاريخ والجغرافيا والعلوم الاسلامية
ماهي طرقك في دراستها
بالنسبة لتنظيم الوقت ليس لدي فيه اشكال لكن حاليا لا استطيع النوم ,,, و البكالوريا تشغل تفكيري
بالنسبة للغات انا متمكنة منها تقريبا ولدي رصيد فيها هل البكالوريات كافية ام تقترحين علي مراجع اخرى
بالتوفيق والسداد لك في الدنيا والاخرة
شكرا
و عليكم السلام
يبارك فيك اختي العاقبة ليك ان شاء الله :)
الفلسفة ما تحفظي حتى حاجة من غير الاقوال لانك راح تضيعي وقتك و طاقتك فقط..يعني حاولي تفهمي الدروس و تهزي الحجج احفظي الاقوال و الباقي عبري باسلوبك الخاص المهم تكوني فاهمة ما تقلقيش روحك عليها خلاص
التاريخ و الجغرافيا و الاسلامية كنت قبل الحفظ ارسم خارطة لعناوين الدرس في سبورة بيضاء ..اتمعن فيها قليلا ثم اشرع في الحفظ...عندما انتهي تبقى خريطة الدرس في ذهني
اما بالنسبة لمشكل النوم لا تقلقي حبيبتي هههه كلنا مررنا بنفس الشيء..سيزول سرعان شروعك في الدراسة لانك ستتعبين و ترهقين و يصبح النوم اسرع شيء عندك
اللغات تكفيك البكالوريات لا تقلقي خاصة و انك متمدرسة..سيزيد رصيدك بفضل الحصص الاسبوعية بشكل كبير

بالتوفيق ان شاء الله اختي و اي استفسار اخر انا في الخدمة

آمين يارب الله يسمع منك ويستجيب لك حبيبتي
دعواتك برك
ايييه وما قلتيليش بالنسبه للخرائط هههه هذوك هوما كامل ؟
جامي جربت حفظت خريطه في حياتي ههههه
الخرائط على حسب علمي لا يحتوي على كلها ..سأتحقق من الامر
هههههههه تشوفي معاها تحفظيها في دقيقة...و اذا ما قدرتيش جيبي خريطة صماء و عاودي علمي الدول ولا وش طلبو منك ههه

أختي ممكن رابط كتاب مرسلي :24::24:
تجده في الموقع الاول للدراسة اخي

زهور الاليس

2017-08-17, 13:58

شكرا لك على المبادرة الطيبة هل لك ا ن تدليني على مرجع فيه حلول للوضعية الادماجية اي الفقرات و جازاك الله الف خير

same_one

2017-08-17, 23:08

thnk u sister

vision2580

2017-08-18, 00:40

شكرا لك على المبادرة الطيبة

منبع الامل.

2017-08-18, 13:26

شكرا جزيلا اختي .. بارك الله فيك
كنت في حاجة ماسة لموضوع كهذا â™¥
و لكن حابة نسقسيك اختي برك سلاسل الاستاذ مصطفاي و الاستاذ ابو الريش نشريهم من المكاتب و لا نلقاهم هنا في الاترنيت و شكرا مجددا

rafif.ra

2017-08-18, 22:13

شكرا لك على المبادرة الطيبة هل لك ا ن تدليني على مرجع فيه حلول للوضعية الادماجية اي الفقرات و جازاك الله الف خير
سبق و ذكرته في الموضوع اختي

thnk u sister
welcome

شكرا لك على المبادرة الطيبة
لا شكر على واجب اختي :)

شكرا جزيلا اختي .. بارك الله فيك
كنت في حاجة ماسة لموضوع كهذا â™¥
و لكن حابة نسقسيك اختي برك سلاسل الاستاذ مصطفاي و الاستاذ ابو الريش نشريهم من المكاتب و لا نلقاهم هنا في الاترنيت و شكرا مجددا

لا شكرا على واجب اختي
لا تلقايهم في الانترنت اختي

المُعادلة الصّعبة

2017-08-18, 22:22

rafif.ra

2017-08-18, 22:31

سلاااااام رفرف
عندي استفسار بخصوص استعمال الكتاب المدرسي
في مادتي الرياضيات والفيزياء
هل نحل تمارين الكتاب في كلا المادتين قبل حل اي تمارين من مصادر اخرى ؟ يعني نخليها الاولى ولا الاخيرة ؟؟
وش تنصحيني اختي احترت من هذي الناحية
لانهم كاين لي قالولي ابداي بالمراجع والسلاسل ومبعدا انتقلي للكتاب المدرسي
وانا الترتيب بالنسبه ليا مهم
ما رأيك ؟؟

اهليييين اختي
في الرياضيات ..انصحك ان تبدئي بالكتاب المدرسي اولا ثم البكالوريات ثم المراجع الاخرى و هذا كان اختياري انا
اما في الفيزياء لم اعتمد على الكتاب المدرسي بتاتا...لم تكن تعجبني تمارينه..انصحك ان تبدئي بالمغني اولا او البكالوريات
بالتوفيق حبيبتي

المُعادلة الصّعبة

2017-08-18, 22:35

اهليييين اختي
في الرياضيات ..انصحك ان تبدئي بالكتاب المدرسي اولا ثم البكالوريات ثم المراجع الاخرى و هذا كان اختياري انا
اما في الفيزياء لم اعتمد على الكتاب المدرسي بتاتا...لم تكن تعجبني تمارينه..انصحك ان تبدئي بالمغني اولا او البكالوريات
بالتوفيق حبيبتي
إيـه وانا كون نستغنى على الكتاب فالفيزياء ما نخافش مثلا كون تفوتني فكرة او شيئ هكا ويجيني فالباك ؟؟

rafif.ra

2017-08-18, 22:42

إيـه وانا كون نستغنى على الكتاب فالفيزياء ما نخافش مثلا كون تفوتني فكرة او شيئ هكا ويجيني فالباك ؟؟

لا ما تخافيش اختي ...ما حليتوش عام كامل و ديت 20 في الفيزياء

المُعادلة الصّعبة

2017-08-18, 22:45

لا ما تخافيش اختي ...ما حليتوش عام كامل و ديت 20 في الفيزياء
ماشاء الله اختي الله يرزقني ما رزقك
شكرا على الاجابه كنت محتاجتها وانتي ما قصرتيش:rolleyes:
الله يسعدك

rafif.ra

2017-08-18, 22:50

ماشاء الله اختي الله يرزقني ما رزقك
شكرا على الاجابه كنت محتاجتها وانتي ما قصرتيش:rolleyes:
الله يسعدك

ان شاء الله تديها في الفيزياءو الرياضيات طلعلك معدلك صاروخ ههه ان شاء الله يا رب
العفو اختي انا في الخدمة :o:o

المُعادلة الصّعبة

2017-08-18, 23:15

ان شاء الله تديها في الفيزياءو الرياضيات طلعلك معدلك صاروخ ههه ان شاء الله يا رب
العفو اختي انا في الخدمة :o:o
ان شا الله ان شاء الله ياربي من فمك لربي,,هذوك هوما لي نبازي عليهم اصلا باذن الله هه
آ أختي عندي استفسار آخر ,,
شفت امس بعض بكالوريات الادب وتصحيحاتها النموذجيه ,, و ركزت مع الاجابة والمنهجيه
وجدت انها "تبـدو" بسيطه مهيش هذيك الحاجه الخارقه للعادة اللي المفروض انو يعاني منها الطلاب
مافهمتش وينو المشكل بالضبط !! ووعلاش ما يجيبوش فالادب والمنهجيه هذي وش تحتاج ؟؟
حرت انا كي نشوف فالتعبير بسيط ويجاوب على قد السؤال ويكتبوا بين قوسين باللي راهم يقبلوا اجابات اخرى مشابهه يعني شيئ مساعد
سؤالي هل انو المصححين هوما لي ما يمدوش في هذي المادة ويزيروا فالتصحيح هل هذا هو الاشكال ؟ ام ماذا
فهميني تعيشي:confused:

زهور الاليس

2017-08-19, 11:23

اختي انا اسال عن مرجع انجليزية يكون فيه حل للوضعيات الادماجية لم اجده مذكورا في موضوعك و جازاك الله خيرا

rafif.ra

2017-08-19, 12:46

ان شا الله ان شاء الله ياربي من فمك لربي,,هذوك هوما لي نبازي عليهم اصلا باذن الله هه
آ أختي عندي استفسار آخر ,,
شفت امس بعض بكالوريات الادب وتصحيحاتها النموذجيه ,, و ركزت مع الاجابة والمنهجيه
وجدت انها "تبـدو" بسيطه مهيش هذيك الحاجه الخارقه للعادة اللي المفروض انو يعاني منها الطلاب
مافهمتش وينو المشكل بالضبط !! ووعلاش ما يجيبوش فالادب والمنهجيه هذي وش تحتاج ؟؟
حرت انا كي نشوف فالتعبير بسيط ويجاوب على قد السؤال ويكتبوا بين قوسين باللي راهم يقبلوا اجابات اخرى مشابهه يعني شيئ مساعد
سؤالي هل انو المصححين هوما لي ما يمدوش في هذي المادة ويزيروا فالتصحيح هل هذا هو الاشكال ؟ ام ماذا
فهميني تعيشي:confused:

في هذه المادة عادة النقاط يروحو في البناء الفكري...لان البناء اللغوي سهل فيه اعراب واضح و صور بيانية مع شرحها تحتاج القليل فقط من المنهجية..و اسئلة اخرى سهلة...اما البناء الفكري فهو يبدو سهل و تبدو الاسئلة بسيطة لكنها تحتاج الكثير من النركيز و الفهم الجيد لمعاني النص او القصيدة...ثم عند الاجابة لا تكفي الاجابة الصغيرة المختصرة...بل يجب ان تفصلي اجابتك و تعبري و تطلقي العنان لقلمك و لا تكوني بخيلة...و تعطي الامثلة من النص و توضحيها لكي يظهر للمصحح فهمك الجيد للنص و السؤال و اهتمامك بالمادة...يعني باختصار ااهدري و مثلي و حاولي يكون اسلوبك ادبي و لا تستخدمي التعابير العلمية ابدا

اختي انا اسال عن مرجع انجليزية يكون فيه حل للوضعيات الادماجية لم اجده مذكورا في موضوعك و جازاك الله خيرا

مراجع الانجليزية اعتقد الزاد اختي لا اذكر جيدا ..كما انها توجد بعض الوضعيات الممتازة في الانترنت ابحثي عنها لستلهمي بعض الافكار التي تعينك على تحرير فقرة رائعة

زهور الاليس

2017-08-19, 14:48

شكرا لك على النصيحة جازاك الله الف خير

rafif.ra

2017-08-21, 21:17

شكرا لك على النصيحة جازاك الله الف خير

العفو اختي انا في الخدمة
بالتوفيق