انصحوني

[مشكلتي]

رجوكم انصحوني فانا في وضع لااحسد علسه انا تعرفت على واحد لمدة تلات سنوات في العام الاول مكانش مهتم بيا بزاف وكنت دائما نسمع انو فعلاقات مع بنات بعد عامونصف حسيتو بدا يتعلق بيا ويحبني اكثر وانا حبيتو من اول يوم عرفتو فيه بحكم انو كان اول راجل عرفتو في حياتي حبيتو بزاف بعد ثلاث سنوات ققررنا نديرو خطبة ونتزوجو خطبني واهلي وافقو بالرغم من ضروفو المادية قررت مانشرطش عليه والو وتناولت على امور بزاف كنت نتمناهم وكنت نحلم بيهم غير باه نكون معاه للكن االاسف كانت عندي ضروف عائلية "ليست مادية انما ضروف اخرى " كنت في كل مرة نطلب منو انا نوخروا عرسنا حتى تتحسن ضروف عائلتنا وبقينا مخطوبين عامين ونصف وبعد ماتحسنت ضروف عائلتي قررنا انو نبداو نوجدوا لعرسنا وبالفعل بدينا لكن هو فالمدة الاخيرة تبدل بزاف ولايخلق المشاكل واي حاجة تكون يتهمني بلي انا السبب وانا لي اخرت زواجنا وكنت دايما اي مشكل يصرا نحاول نتنازل ونرضيه لانو وليت نحس بالذنب بالرغم اني كنت دايما مخلصة معاه بالاضافة انو والديا مكانوش ينصحوني وكانو مهتمين غير بالمشاكل الاخرى وايضا في المدة الاخيرة حتى ادا مهزيتش او معيطلوش يغضب ونبقا انا نحاول فيه بليمساج لكن ميردش واي حاجة يخلق منها مشكل واصبح يشرط عليا امور تعجيزية عمرنا ماتفقنا عليها من قبل وهو يعرف اني منقدرش عليها وادا قلت لا يقولي بلي انا سبب في التاخير الزواج ولازم نقبل درك كلش والا يطلب مني اني نروح ونشوف حياتي وهو عمبالو بلي كنت قادرة نتخلى عليه لكن انا نحبوا وماننيش حابة نخسرو وميقبلش حتى انو نتحاوروا ويغضب ويفوت شهر ميكلمنيش ونتنازل ونعيطلوا ونبعث ليميساج لكن هو مايردش ارجوكم انصحوني بدون تجريح فانا وليت نحس روحي فالدوامة خايفة من كلش من جيهة نحبوا وفي حياتي معرفتش غيروا من جيهة ساعات نلوم روحي ونقول انا السبب لي اخرت زواجنا وكان لازم منربطش روحي بمشاكل دارنا لكن الله غالب فاتت وهكدا كنبت واني كنت دايما كنت معاه مخلصة وجامي تخليت عليه بالرغم من حوايج بزاف وساعات نخاف انو يكون والف انو انا لي تنازل واي مشكل راح يصرا راح يستنا مني انو انا نتنازل والله احترت

[غزلانْ]

السلام عليكم

مدة ثلاث سنوات كفيلة بمعرفته فقط استخيري
بالتوفيق

[Saif al-Islam]

أنا أعتقد أنّه إذا بدأت الأمور بهذه الطريقة ، ستستمر حتى بعد الزّواج ، و ربّما ستكون أكثر قساوة من ذي قبل ، لذلك كوني حذرة يا أخت ، و تحمّلكي له حاليًا راجع إلى أنّكما لستما تحت سقف واحد ، و بمجرّد خلافكما ستفترقان ، و بعدما تشتاقان لبعضكما البعض تجتمعان بحكم أنّه لم تلتقيان لمدّة ، و لكن إن تزوّجتما سيكون الفراق شيء آخر و معنى آخر و تبعات أخرى قاسية جدًا ، و سيزيد الخلاف شدّة و كثرة تكراره بحكم أنّكما متواجدان جنب إلى جنب تحت سقف واحد ، لذلك أنصحك بتدارك الأمور و التفكير بجدّية عمّا يجمعكما ، و إن كان حب من طرف واحد ، سيصبح هذا الزّواج كارثة بمعنى الكلمة

و ربّما لم أفهم قصدك أنّه يُلِحّ عليكي بأمور أنت غير قادرة على تنفيدها ، و إن كان القصد منه هو الإستسلام له بعلاقة .......، أعتقد أنّ الأمر سيكون مؤسف بالنّسبة لكي يا أختي ، كوني حذرة و إياكي و السّقوط ......لأنّها ستكون نهاية المشوار بينكما و أأكّد ذلك

و حتى أنني لا أتوافق مع هذه الطّريقة في الخطوبة ، و سبب ذلك أنّه ما يّفرّق فيها اكثر ممّا يجمع ، و المثاليات تطغى على الحقيقة ، و عندما نتزوّج ننصدم بأنّ ما تمّ الإتّفاق عليه غير قابل للتنفيذ ، و التعامل المثالي قبل الزّواج أصبح في خبر كان بعد الزّواج ......كلّ هذا يحدث بسبب إستحداث الأمور و الإنقلاب عن الأصل و الأصول ....و لبيب القلب يفهم معنى قولي.........


>> هذا رأيي الخاص ، و أنا لا أنصحك بإتّباعه رغم أنني متشائم من هذه العلاقة ، بل إبحثي فيما تشعرين به إتجاه خطيبك و قدرتكي و إستمراريتك على تحمّله ، ثمّ قرّري ليكون القرار قراركي و متأكّدة منه دون تدخّلات سلبية في شأنك الخاص


>> ربّما بقية الأعضاء الأفاضل و الفضليات سيفيدونك أكثر ......<<

[ام محمد صابر]

اختي انصحك بالاستخارة و يجب عليك ان تغيري من اسلوبك معه لا تلحي في اتصالك به و لا تتنازلي على عفتك اياك ثم اياك سوف تندمين كثيرا ان رضخت لكل مطالبه و شدي في ربي و ادعي ربي ييسر امورك ان شاء الله

[تـ,ـرتـ,ـيـ,ــل۰۪۫M۪۫۰]

الراجل شافك لاصقة فيه على هكذا او يدير هكذا ، لازم يكون الاحترام قبل الحب هدا كامل اختي الكريمة ، شدي على قلبك المرأة معروفة بكبريائها و عزة نفسها ماديريش هك لعمرك شدي على قلبك وشوفي حل لروحك قبل الزواج لانو ادا كملتو هكا راح يطلب منك الطلاق بعد زواج اكيد !
زيري روحك شوي .

[mohmoh5x]

انصحكي اختي بالاستخاره والتفكير جيدا في الامر لاننا في زمن لا يمكن الثقه باحد ....بالتوفيق ان شاء الله

[sohaibdz]

هذا هو جزاء من تتعرف على الرجال في الحرام ، انت الان سلغة رخيصة بالنسبة له و هو يحاول ان يتخلص منكي بكل الاساليب لكن انت لم تفهمي مع الاسف

[زبدة ذايبة]

لعل فيها خير لك.

هذا الرجل من السهل عليه إقامة العلاقات.

وبالنسبة ليه سعيدة ولا وديدة ولا رشيدة كاااااامل كيفكيف.

كل وحدة منهم تعيش فترة من حياتو.

تشاركو الأفراح والأحزان و.......

وانت وحدة من هذ الإناث اللي تعرف عليهم.

الحاجة المميزة انه قدر يجي يخطب بطريقة رسمية.

في لحظة من اللحظات صدق أنه يقدر يكون مستقيم.

يكون زوج وأب.

ولما طولت الخطبة ماصبرش على المهنة اللي كان يمتهنها وهي .........

عاودت رجعت ريمة لعادتها القديمة.

وحصلها فيك بأنك السبب في تعطيل الزواج لأنه كان يشوف أنه عن طريق الزواج رايح يتسقم.

لكن هيهات أن يصلح الزواج من كانت أخلاقه فاسدة.

على هذا يا عزيزتي ماتحمليش نفسك فوق طاقتها.

ماتزيديش تعيطيلوا

ماتزيديش تعتذريلوا.

هو على مايبدو رجع لقصص المغامرات اللي كان عايشها.

ومستحيل يستغنى على هذيك الحياة إلا أن يشاء الله غير ذلك.

الحمد لله اللي حدث معك هذا الشيء قبل الزواج.

لأنك كنت رايحة تعيشي مأساة مع زوج خائن.

خليه وماتزيديش تعيطيلوا حتى تشوفي هذا الراجل على واش راه ناوي.

إذا فسخ الخطبة تهنيتي منو ورب يعوض عليك.

ماتحصليش وش صرالك في نفسك ولا في ظروف أهلك.

هذا الرجل سيء ولايصلح.

[محارب الحمق]

هذا جزاء العلاقات المحرمة, السيد باين عليه حاب يتخلص منك بصح انتي ما فهمتيش روحك, صبري روحك برك بحكاية "الحب".

[قدور بن عاشور]

باينة الحكاية
السيد حاب يبطل،
و راهو في إحراج كبير ماعرفش كيفاش،
حابها تجي من عندك،
بصح أنت راكي كي اللصقة.
هذه هي الحقيقة التي ترينها و تريدين أن تقنعي نفسك بغيرها.

[سَامِيَة]

ما شد انتباهي هو مطالبتك بأمور
تعجيزية
وأنت ترفضين

إياك ثم إياك
تفسخ الخطبة باخف الأضرار
أحسن بألف مرة من خسائر أخرى

استعيني بربي والله غير تنسايه

بالتوفيق