تعقيب ع موضوع خطبة

[مشكلتي]

السلام عليكم انا صاحبة مشكلة اخي
http://www.djelfa.info/vb/showthread.php?t=2086900
الذي يود ان يخطب وهو في سن العشرين
هنا بعض المعلومات لم اردها في الموضوع السابق
بالمناشبة اخي ليس لديه مرتب ثابت يعني غير هذا عامو الاول في العسكر
يخلصو فيه يا ربي 700 الف للشهر بحكم انو مازال في الستاج وايضا مشكلة السكن ليس لديه سكن وبهذا المرتب لن يستطيع الكراء اصلا
المشكلة ايضا انو نحسوه مازال صغير في عقليتو هو قال منا ع ربع سنين نتزوج لكن بما انو باغي الطفلة يمكن كان ما يقبلوش بحكم يقولونا تشدونا بنتنا يزربوه واصلا مش حاسينو قادر ع مسؤولية وهاني قتلكم كون ما نقبلوش وحتى كون ناقشوه يروح يخطب وحدو يعني 700 الف رح تكفيه ؟
ماذا نفعل باه ناقشوه كيفاه نفهموه لانو صراحة لي في راسو يديرو دون معرفة العواقب صدقوا انو نجح الباك ورفض يقرا الجامعة ع جال العسكر

[قدور بن عاشور]

خلوه يروح يخطب وحده،
شكون راح يقبل به بهذه الوضعية؟
و شكون يقبل يزوج بنته بلا ما يتقدم ولي الخاطب و أهله؟
الظاهر أن كلاكما مازالكم صغار في السن.

[زبدة ذايبة]

خلوه يروح يخطب.

انتوما ماقدرتوش تقنعوه بأنه غالط

خلي كي يروح لدار الطفلة يصطدم بالواقع.

هذاك الوقت يعرف إذا ب 700الف

يقدر يفتح دار ولا لالا.

انت ماتحمليش روحك فوق طاقتها

ماتزيديش تخممي عليه أكثر

رايحة تتعبي فكريا ونفسيا.

وتكبري قبل الوقت على مشكلة

ماتخصكش.

صح هو خوك. بصح كاين حد مالازمش تتجاوزيه.

مهما كانت العاطفة اللي عندك لخوك كبيرة ماتتجاوزيش الحد.

باش مايقولكش وش دخلك هذي حياتي وانا حر فيها.

ماتنسايش خوك من الدعاء ان الله يهديه ويصلحه ويوفقه.

لعل دعوة منك تغير حياته.

[sohaibdz]

خليه يروح يخلب و يترفض

[Saif al-Islam]

أختي الكريمة


لماذا يا أختي تحطّمون قلبه و آماله ، إذا وافقوا أهل البنت على الإنتظار فلما لا تخطبون له ، يا أختي مادام هو في مرحلة التدريب و هو متعاقد مع الجيش ، سيتغيّر هذا الأخ 360 درجة في عقليته و تعامله ، و إن أردتي التأكّد من قولي ، إنتظريه عند أوّل إجازة له .........فلا تتعجّبي ، و الحمد للّه ......جيشنا يصنع الرّجال يا أختي .....، و زد على ذلك من الناحية المادية أأكّد لكي أنّه يستطيع الزّواج بعد أربع سنوات ، ففترة التدريب لا تتجاوز أشهر ، و زد على ذلك أنّه ربح الباك ، و إحتمال كبير أنّه سيتعاقد بصفة ملازم، و الملازم راتبه 7 ملاين و أكثر حسب منطقة الخدمة ، و في خلال ثلاثة سنوات فقط بإستطاعته لو وفّر 5 ملايين من راتبه سيصبح 180 مليون ، يا أختي سيتزوّج و يبقالو الخير

[dede2000]

هو يحس في روحو راجل وحاب يزوج واكيد هذي الطفلة راها مديتلو عقلو ،وانتم تقولون له احشم مزالك صغير
راكم حشرتوه وحشرتم انفسكم في الزاوية الضيقة
نصيحة لا تواجهوه ،بل روحو معاه في الطرح وفي الطريق راه من كثرت العقبات راح يستسلم وحدو لان كل الظروف ضدو
هو تسرع في اتخاذ قرار الخطبة لانو مزال مهوش واجد ،وانتم بقول الحقيقة له رايحيين تكسرولو قلبو.

[nihal159]

أكاد أجزم أنو مسكين إنخرط فالجيش و فرّط في قرايتو غير باش يخطب الطفلة هذي؛ و كي راكم تعارضو فيه؛ راكم تفسدولو في جميع مخططاتو؛ روحو معاه بالعقل و بالسياسة؛ بالتوفيق إن شاء الله.

[ridha34]

خلوه يروح يخطب.

[الطيب الجزائري34]

الخطوبة ممكن .. لكن الزواج يجب ان يحسن من وضعيته و هذا الشرط الذي يجب ان يفرض عليه .. لان في حالته لا يستطيع ان يتحمل مسؤولية الزوج ب 7000 دج.

[عادل عبد الله]

السلام عليكم ورحمة الله وبركاته ، باين على حسب كلامك ان رتبة اخيك رقيب في الجيش وهي رتبة حسنة مقبولة ، أما 7000 دج هي فقط في الستاج كي يكمل عامين ستاج الراتب نتاعه غادي يتحسن للأفضل يعني يصير قادر بإذن الله يتزوج ، ننصحكم انو تخطبولوا كي راه باغي الحلال وربي يوفقكم لما يحبه ويرضى .

[الصديق قروف]

عادي يقدر يلقا الي تستناه
و راتب الي قلتي عليه راهو تاع ستاج برك و منبعد يسلك لباس بيه