خطبة

[مشكلتي]

اريد استشارتكم في موضوع
لي اخ اصغر مني عمره 20 سنة وراه مقاجي يريدنا ان نخطب له بنت وعلى حساب ما شفت الطفلة عارفة و يمكن حتى اهلها عارفين برغبتو
نروحو نخطبولو وهو بعد ربع سنوات يتزوج
يعني طبعا بعد ما نسقسو ع الطفلة
ما رايكم بالخطبة خاصة ان امر اخي مقلق يعني قادر يزرب روحو ويتزوج كون يلقا
ماذا نفعل :confused::confused:
للعلم حتى كون حنا نرفضو يروح يخطب وحدو :rolleyes::rolleyes:

[خالد عنابي]

هذا قسم مشكلتي

اين هي المشكلة في موضوعك ؟؟؟

[dede2000]

شاب خدام وحب يزوج زوجوه اين المشكلة
20 سنة وقيلة هي لمقلقتكم ؟؟؟؟
الشرع والقانون يسمحلو بالزواج فزوجوه
وعلي حساب مافهمت هو يعرف الطفلة وبلاك يحبو بعضاهم
والرسول عليه الصلاة والسلام قال في معني الحديث منيش حافضو
اذا زوج حبو بعضاهم احسن حاجة نزوجوهم

[muslim girll]

اللهم وفقنا للقول السديد والعمل الرشيد
اتكلو على ربي واخطبوهالو ايدا كانت مليحة..
مادام راهو حاب فباين انو يتحمل مسؤولية خاصة انو يقدر يروح وحدو يخطب!! هادا هو الاصل خرمن يكون معاها علاقة غير شرعية
الله يباركلهم

[ابو سليمان10]

مدة 4 سنوات طويلة جدا

[Saif al-Islam]

بما أنّ هذه رغبته هو و هو قادر على تحمّل مسؤولية الزّواج و الفتاة و أهلها وافقو ، فلا يحق لكم معارضة هذه الخطوبة ، و السّن ليس مشكلة إن توفرت شروط الإستطاعة ، و بما أنّه في 20 من عمره و لديه مدخول تابث ......ما شاء اللّه عليه ، آش بقالوا راه راجل

[أم سلوى]

على بركة الله....أقول

[ridha34]

ربي يسهل..............

[مومي23]

ادا ظروف الزواج متوفرة عندو اين المشكل زواج الصغر جميل