المساعد الشخصي الرقمي

مشاهدة النسخة كاملة : نحوس نعرف شطيطحة لحم نتاع ناس بليدة كييفاش يديروها بالضبط

ام ايمان16
2017-08-03, 13:04
سلام عليكم
نحوس نعرف شطيطحة لحم نتاع ناس بليدة كييفاش يديروها بالضبط مرة كليتها عنهدم في عرس لقيتها بنينة بزاف وماعرفتس سر بنتها
لي تعرفهاا تقولهالي مشكورة
ام ايمان16
2017-08-04, 14:39
وحدة متعرف شطيطحة كيفاش يديروها
أمنية غفران
2017-08-04, 22:11
مرحبا اختي ايمان ان شاء الله يدخلو حراير البليدة و يحطو لنا طريقتهم في الشطيطحة اممممممممممم

بصح حبيت نعطيك طريقتي كيفاه نطيبها

الحق الشطيطحة تجي هايلة بلحم البقري مقطع مورصوات صغار نقليهم مع حبة بصل مسكرفجة في شوية زيت نقلي مليح و نضيف ليهم ملعقة قهوة قصبر يابس مطحون و هادا يعطيها بنة هبال صدقيني اممممم و نضيف ليها حبة طماطم مرابية و نقلي مليح و نضيف مغرف صغيرة كركم و زنجبيل و فلفل اكحل و ثوم مهروس و الملح ونخلي يتقلى مليح و من بعد نضيف مغرف كبيرة ممسوحة طماطم مصبرة و ممكن الاستغناء عنها و من بعد مرقي بالماء سخون و غلقي الكوكوت مينيت نتاعك حتى تفوت قريب نص ساعة و من بعد شوفي ادا اللحم دخله الطياب و ذوقي الملح و خليها تتجمر و بصحتك احلى شطيطحة أمنية في انتظار شطيطحة ناس البليدة

و بطبيعة الحال نضيف كمشة من الحميصة كي يطيب اللحم هي عندي طايبة مجمدة

تقبلي تحياتي و مروري
fleur de lili
2017-08-04, 22:35
مساء الخير أختي ايمان.
روحي لبروفيل نتاع اسمهان79 ربي يحفضها راهى حاطة شطيطحةبنينة بزاف
ممكن تكون هذى لتحوسى عليها.
تقبلي مرور العطر.
oum Haroun
2017-08-04, 23:26
سلام
نرابي 2 حبات بصل و حبة طماطم نقليهم مع اللحم البقري مقطع قطع صغيرة و 2 حبات جزر مقطعين دوائر (اختياري) و معدنوس و 3 فصوص ثوم و فلفل كحل و كمون و فلفل احمر و ملح وزيت بعد مايتقلو نمرق بشري ماء قيس مانغطي اللحم و نضيف الحمص المشمخ و نخليهم اطيبو و في الأخير نقدموها مع رشة كمون
ملاحظة : لازم اللحم البقري - الجزر اختياري - ماجيش فيها لاصوص بزاف لازم تكون خاثرة - لازم رشة كمون في الأخير
om najib
2017-08-05, 15:06
سلام حبيبتي ننصحك كيما قالت الأخت فلور جربي نتاع اسمهان79 و الله رووووووعة انا من جربتها اعتمدتها و لي يذوقها تعجبو نتمنى تلقاي الطعم لي تحوسي عليه
melissa lola
2017-08-05, 16:06
تديري نص حبة بصل مسكرفجة مع نص حبة ثوم وفلفل اسود وكمون وعكري وملح واللحم غنمي وشوية حميصة شوية زيت وشوية سمن وزوج ورقات رند وتقلي مليح مليح حتى اللحم يتلق كامل الماء تاعو وتمرقي وتزيدي مغرفة طماطم علب حتى يطيب اللحم وكي تكون عندك الفيونداشي تعاوني بليبول ليبول تديريلهم كمون فلفل لكحل ملح وقصبر مقطع رقيق
توتة2008
2017-08-15, 14:03
الاخوات جاوبوك.
ام ايمان16
2017-08-16, 09:10
بارك الله فيكم اخوات ربي يحفضكم
nina hnina
2017-08-20, 13:56
الثوم. هو السر. مع. التوابل