محطمة .. أرجوكم انصحوني

[Manal_Elf]

السلام عليكم ..
هاذ العام عامي الاول في الباكالوريا جبتو ب 13.33 .. والله غير فرحت لاني قلت رح يمدولي وش نحب رياضيات و اعلام الي لانها تعطى احيانا حتى لاصحاب معدل 12 ..
و كنت متحمسة و قلت خلاص رح نحقق حلمي و نقرا حاجة نحبها لاني نعشق حاجة اسمها اعلام الي ..
المهم للاسف ديت 10 في الرياضيات و بالتالي معطاوهاليش .. شبعت بكاء ..
دوك كرهت ما ني صايبة واش ندير .. عطاوني اختيارات غير تاع صحاب 10 ...
13 ماهيش معدل هاذا وين عرفت ..
و راه كل واحد يعطين رأي كيما يحب و يقولي واش ديري
نا درت علوم اقتصادية ما نحبها ما نكرها ..
قالولي دير علوم طبيعية و نا منحبهاش مع انو انا علوم تجريبية و ندي فيها مليح لكن من السنة اولى ثانوي قرايتها غصبا عني منقدرش نقراها اكثر من هاك ..
درت في الاختيار الثاني علوم سياسية بدون سبب و خلاص
و درت لغة فرنسية و منبعد لغة انجليزية ..
دوك حابة نبدل و ندير فرنسية هي الاولى ... كاين لي يجي و يقولي اقتصاد منيحة .. كاين لي يقولي اخطيك منها .. كاين لي يقولي فرنسية صعيبة ديري انجليزية و كاين العكس ..
و المشكل انو ولا اي شيء من هاذو نحبهم و لا عندي ميول ليهم .. يعني الحاجة الوحيدة لي نحبها راحت ..
راني نقول نعاود الباك لكن راهي جايتني صعيبة و الله و نزيد نضيع عام في باطل ممكن مننجحش ...
في هاذ اللحظة راني نخمم ندير فرنسية و في نفس الوقت نقرا اعلام الي من النت كهواية ...
المهم صليت صلاة الاستخارة و خليتها على ربي ..
اسفة طولت عليكم في الموضوع لكن ملقيتش وين نعبر و الله ... :confused:

[hiba regalo]

ختي كاين بزاف اللي عاودو الباك مي انت راكي قلت لالا
انا نقلك مادام هاك اعملي الحاجة اللي تخليك تخدمي وخلاص
ربي يوفقك ان شاء الله

[_اميرة الصمت_]

الاخت ديري مدرسة عليا للاساتذة موسيقى متوسط و ثانوي
خدمة مضمونة ..

[« أبْجَدِيَّاتْ »]

عليكِ السّلام و رحمة الله
أفضل ما أنصحكِ به يا أختي هي اللُّغات و بخاصّة الإنجليزيّة
و دعيكِ من العلوم الاقتصاديّة والسيّاسيّة ما عندك ما تديري بيها في حياتك..
يمكنكِ دراسة العام الأول في الجامعة بصفّة عاديّة بالموازاة مع إعادة البكالوريا إن اخترتِ الإنجليزيّة
فالعام الأول بَسِيط جدًّا من حيث المقاييس المدروسة ، وبالتالي رح يكون عندك الكثير من الوقت للمراجعة إن شاءالله
وعلى أيّة حال، لا أنصحكِ بتجميد السّنة الجامعيّة أختي.. والله الموفق