تريدين زوجا ولكن .....

[ahlemori]

تريده زوجا تقيا صالحا ومرتاح ماديا ...
لكن يا ختي نقولك كامراة نحن نعلم ان الرجل مهما كان سوبر مان
لازم يكون عندو جانب سلبي ومهما كان مرتاح ماديا عندو نقائص اخرى كما هو الحال اذا كان فقيرا نفس الشي فيه مميزات اخرى
اذا تزوجتيه لاجل باش تحققي احلامك المادية طبعا الاحق ان تطمعي في مال ابوك لانو هو الي جابك وبسيف عليه يقلشك
واذا تزوجتيه فقط باش يقولو راكي متزوجة خممي شويا اذا مكنتيش مليحة يرجعك لدار بوك وتولي مطلقة وطبعا نعرفو ان الطلاق سلبي على نفسية المراة كثر من العنوسة
اما اذا تزوجتيه لاخلاقو وتربيتو لازم تصبري على المعيشة الغالية وتضحي شويا .... انا لست مع الرجل في كلامي بل كي نتفكر في خويا مثلا عرسو قريب 150 مليون او اكثر وفي الاخير تنوضله تقولو حابة داري وحدي وهي في الامس القريب عندها 8 اخوات في المنزل و2 ذكور يعني 23 سنة ونتي في منزلكم مضاقش عليك ولما تزوجتي في دار فيها برك عجوزتك وشيخك واختين واخ جاك الاكتظاظ
للاسف الشديد البعض من النساء يغبنو ازواجهم ومن بعد يضحي على جالها ويخرج فيها العيب لما كرالها دار بان عيبها فنيانة متعرف تقضي والو كرهتلو حياتنو الرجل مسكين ...
الموضوع للنقاش الجاد

[nihal159]

أختي صراحة نحترم شعورك بالأسف على خوك و خيبة أملكم في عروسته؛لكن لي تعقيب على كلامك:
لما تقولي أن لمرا تطمع في مال باباها لي جابها للدنيا مش في مال راجلها؛ نقولك راكي غالطة؛ لمرا تطمع في راجلها لأنها تحت مسؤوليته ولأنه قوّام عليها و وجب عليه الإنفاق عليها و تلبية حاجياتها حسب إمكانياته.
لما تقولي كانو عايشين في 8 أو 18 في دار باباها؛ هذوك خوتها و هذيك دار باباها لي تلمهم لكل؛ لكن كي تتزوّج إذا كان راجلها عندو إمكانية الإستقلال ببيت علاه مايسكنش وحدو؟؟؟
أنا معاك في أنها خايبة و سايبة ؛ هذي لازملها سطاج مغلق و مكثّف باش تتعلّم شوية و تكون قد كلمة مرا مولات دار.
بالتوفيق أختي.

[ahlemori]

أختي صراحة نحترم شعورك بالأسف على خوك و خيبة أملكم في عروسته؛لكن لي تعقيب على كلامك:
لما تقولي أن لمرا تطمع في مال باباها لي جابها للدنيا مش في مال راجلها؛ نقولك راكي غالطة؛ لمرا تطمع في راجلها لأنها تحت مسؤوليته ولأنه قوّام عليها و وجب عليه الإنفاق عليها و تلبية حاجياتها حسب إمكانياته.
لما تقولي كانو عايشين في 8 أو 18 في دار باباها؛ هذوك خوتها و هذيك دار باباها لي تلمهم لكل؛ لكن كي تتزوّج إذا كان راجلها عندو إمكانية الإستقلال ببيت علاه مايسكنش وحدو؟؟؟
أنا معاك في أنها خايبة و سايبة ؛ هذي لازملها سطاج مغلق و مكثّف باش تتعلّم شوية و تكون قد كلمة مرا مولات دار.
بالتوفيق أختي.


اعارضك في فكرة انو ابوها ميكونش مسؤول ويوفرلها تروح لزوجها الي بسيف عليه يوفرلها لالا الاولى انو ابوها يوفرلها كلش اما الزوج قدر المستطاع انا زوجي مشترطتلو لا يسكني وحدي لا نخدم لا والو بلعكس ديما نحوس نراضيه لانو جنتي او ناري في حالة العصيان وصراحة شفت منو انو يحوس يديرلي خاطري بدون ما ت نطلب وننوض بلبلة ياختي الرجال ميحبوش الي مادية كلما كنتي قنوعة في مهرك وفي حياتك تربحي والرجل يولي يحس انو هو الي مقصر ويحوس يراضيك شكرا على مرورك

[النجمة القطبية]

يا اختي بصراحة متعيشيش لخوك حياتوا عيشي حياتك بما يرضي الله واطيعي زوجك وطبقي افكارك على نفسك والسلام وخلي الناس يعيشوا حياتهم كيما يعرفوا
خوك ومرتو كبار بما يكفي باش يسيروا حياتهم
درك مرتوا فنيانة او متطلبة او ماشي مليحة مدام معاها ومطلقهاش ومشكاش هم احرار في انفسهم
اما حكاية ان الزوجة مسؤولة من باباها هادي قاتلهم ارقدو وعلاه انتي يماك يصرف عليها جدك ولا شكون والسبع ديالها ما محله من الاعراب
انا شخصيا عندي اثنين خاوتي لما يتزوجو مستحيل ندخل روحي فيهم مدام ميدناوش لوالديا هم احرار في حياتهم كيما انا حرة مع راجلي ما دخلني يكريو ما دخلني يشريو وما دخلني في اللي مرتوا فنيانة كيما يقول المثل كل يد تمسح وجه مولاها

[dede2000]

أختي يضهر لي انك مكيش فاهمة الزواج مليح
شوفي شرعا المرأة بعد الزواج مسؤلية النفقة نتاعها والسكن وووووو
هي مسؤلية الزوج وحده
والراجل الفحل ميقبل حتي واحد يصرف عليه او علي زوجتو او ابنائو ،لانو ببساطة راجل ورب عائلة وله القوامة شرعا وقانونا
والمرأة بعد الزواج راها في حياتهاالخاصة مع زوجها ،والرزاق ربي وكل واحد وقسمو
اما حكاية ابوها يقلشها ذكرتيني في وحد المثل شعبي عندنا (مد بنتك وزيد عولتها شعيير) اسمحيلي رجلها لي يعززها ماشي واحد اخر.
اما قضية زوجة أخوك انا ننصحك كأخ أخطيك من مشاكلهم وعيشي حياتك ،هو راجل ويعرف يسيير حياتو ،وكوني مفتاح خيير موش حاجة أخري.

ومتضحكييش علي الناس وتقولي زوجة أخي كانت عايشة في الضيق
الفقر مهوش عييب والسكن الضييق مهوش عيب كذالك.

[dounia el amani]

كي تكون في دار باباها عادي .بصح كي تروح لدار زوجها شيء خلاف تولي ماتقعدش على راحتها مع عباد غراب عليها .كون تحكي في موضوع برك مع راجلها تقدر الدار كامل تسمع فما بالك في اشياء اخرى لا يجب ان تسمع
بخصوص الخيابة عادي اغلبية لبنات ولاو هكا و ادا نتوما خيرتوها خدامة باه تعمر لخوك الجيب هادي غلطة تاعكم .ماهيش روبو تخدم برة و لداخل .و هو اصلا قبل بيها هكا من اللول هكا يعني يستحملها حتى تفحال ولا لازم المراة برك لي تتحمل عيوب زوجها ?
و ادا هي خايبة من عند ربي ماعليش مع الوقت تتعلم
الموت و تعطي الراحة .غير ربي لي عندو كن فتكون

[dounia el amani]

أختي يضهر لي انك مكيش فاهمة الزواج مليح
شوفي شرعا المرأة بعد الزواج مسؤلية النفقة نتاعها والسكن وووووو
هي مسؤلية الزوج وحده
والراجل الفحل ميقبل حتي واحد يصرف عليه او علي زوجتو او ابنائو ،لانو ببساطة راجل ورب عائلة وله القوامة شرعا وقانونا
والمرأة بعد الزواج راها في حياتهاالخاصة مع زوجها ،والرزاق ربي وكل واحد وقسمو
اما حكاية ابوها يقلشها ذكرتيني في وحد المثل شعبي عندنا (مد بنتك وزيد عولتها شعيير) اسمحيلي رجلها لي يعززها ماشي واحد اخر.
اما قضية زوجة أخوك انا ننصحك كأخ أخطيك من مشاكلهم وعيشي حياتك ،هو راجل ويعرف يسيير حياتو ،وكوني مفتاح خيير موش حاجة أخري.

ومتضحكييش علي الناس وتقولي زوجة أخي كانت عايشة في الضيق
الفقر مهوش عييب والسكن الضييق مهوش عيب كذالك.

:19::19::19::19::19:

[dounia el amani]

اعارضك في فكرة انو ابوها ميكونش مسؤول ويوفرلها تروح لزوجها الي بسيف عليه يوفرلها لالا الاولى انو ابوها يوفرلها كلش اما الزوج قدر المستطاع انا زوجي مشترطتلو لا يسكني وحدي لا نخدم لا والو بلعكس ديما نحوس نراضيه لانو جنتي او ناري في حالة العصيان وصراحة شفت منو انو يحوس يديرلي خاطري بدون ما ت نطلب وننوض بلبلة ياختي الرجال ميحبوش الي مادية كلما كنتي قنوعة في مهرك وفي حياتك تربحي والرجل يولي يحس انو هو الي مقصر ويحوس يراضيك شكرا على مرورك

يعني باباها يوفرلها متطلباتها يعني يشريلها دار و يزوجها و راجلها يعيش هاني في دار مرتو هههههههههههههههههههه قالتلهم اسكتو .و انت عيشي حياتك اقفلي دارك و عسي عيوبك انت .هوما احرار مدام راجلها قابل بيها خايبة واحد ما يسالو
و نزيلك معلومة العروسة اي ماهيش خديمة يا نهار كامل و هي تدمر يا ماهيش مليحة