للمرة الثانية ، اتغلقت ....

[mehdi_mascara]

السلام عليكم

ثالث موضوع لي هنا ، يدل على مشكلتي ،

و هذه المرة أدركت أنها أغلقت في وجهي تماما ....

كل الأبواب تبلعت ، لم يعد لي بصيص أمل ،،


نظن شفتو الإختيارات لي عطاوهملي ، و نظن شفتو بليما عطاونيش واش كنت حاب و واش كنت نحلم ، و نظن شفتو بلي ما عطاونيش حتى إختيارات في المستوى ....


شفت و عاودت في ورقة الإختيارات ربما مئات المرات إن لم أكن قد وصلت للألف ...

و بعدها قلت ربما أراد لي الله أن أصبح مهندسا مثلا ،،،

قلت نتكل على ربي و نبحث عن ما يخص الهندسة الميكانيكية ، و لقيتها تناسبني جدا ، و بعدها أيضا طاحت عيني على الهندسة المعمارية ، قلت خلااااص بربي ان شاء الله هاذو هوما إختياري الأولين و مبعد ان شاء الله نختار الثانيين ما يهمش ربما يكونو رياضة مستغانم و حاجة أخرى ،


لكن تفاجأت أنه إحتمال كبير و كبير جدا ما يعطوهمليش ، يعني كيفاش ممكن يعطو هندسة ميكانيكية ل11.5 ، او حتى هندسة معمارية ل11.5

جيت نضرب طلة على التجنيد لي قلت ربما ربما ربما ندخله و أنا أصلا مش راضي بيه ، لقيته ب 12


و مش حاب نقرا في نفس المدينة لي راني فيها لي هي معسكر ، كما قلت لظروف خاصة و ممكن تضيع حياتي بيها ،،، عطاوني st لكنها في معسكر ، و السبب لي ذكرته يمنعني باش نحطها ضمن الاختيارات ،،

و ما عنديش إستعداد نعاود الباك للمرة الثالثة !!! ،،،،

يعني من الآخير أو من الأخير كل الأبواب اتغلقت و اتبلعت و اتقفلت في وجهي ،

رحماك يا الله

[hiba regalo]

بلعقل خويا
زيد حوس في جهة اخرى
ربي يوفقك
تبقى الخيرة فيما اختاره الله لك
لا تياس
^^

[kacimo.samy]

نتا مزال جاي لدنيا وتقول تقفلت تمسخر تمسخر
هندسة مدنية هي تخصص في st
st فيها تخصصات بزاف وافاق
صحابي كل خدامين لي قراو st
اسمع كاين وحدة دات الباك ب 15 وكانت قادرة تخير طب
بصح خيرت فيزياء تاع 10 لانها تحبها و راها دوركا وصلت
لدكتوراه
اقرا حاجة تحبها
يا راجل كاين علوم مادة
كاين كيمياء وفيزياء وكاين الكترونيك و ميكانيك و كاين بزاف تخصصات ملاح في علوم وتكنلوجيا

[مسامح.]

تخصص هندسة مدنية موجود في شعبة علوم وتكنولوجيا
ما عليك إلا ان تختار علوم وتكتولوجيا و تجتهد في السنة الآولى لتحظي بتخصص هندسة مدنية في الثانية

[mehdi_mascara]

ملاحظة : كان قصدي هندسة ميكانيكية مش مدنية ...
مشكلتي مش مع العلوم و التكنولوجيا ، مشكلتي أني مش حاب و مستجيل و أبدا ما تحصلش اني نقرا في معسكر ، لازمني نبدل لولاية أحرى ،، ساعدوني ،،،


للعلم أنا ايضا أعجبتني بعض التخصصات الموجودة في السنة الثانية لل st كأوتوماتيك مثلا ، لكني لا أود دراستها هنا في ولايتي أريد تغيير الولاية ضروري ضروري

هل لو حصلت على شهادة إقامة (residence) في وهران مثلا ، يمكنني أن أحصل على التحويل بسهولة ؟ ، و لكن المشكلة ستكمن في الإقامة الجامعية هل سيمنحونها لي ؟ هل من طريقة جزاكم الله خيرا ، و هل التحويل مضمون أم أني سأراهن عليه للبقاء في معسكر ،؟

شكرا

[مسامح.]

ملاحظة : كان قصدي هندسة ميكانيكية مش مدنية ...
مشكلتي مش مع العلوم و التكنولوجيا ، مشكلتي أني مش حاب و مستجيل و أبدا ما تحصلش اني نقرا في معسكر ، لازمني نبدل لولاية أحرى ،، ساعدوني ،،،


للعلم أنا ايضا أعجبتني بعض التخصصات الموجودة في السنة الثانية لل st كأوتوماتيك مثلا ، لكني لا أود دراستها هنا في ولايتي أريد تغيير الولاية ضروري ضروري

هل لو حصلت على شهادة إقامة (residence) في وهران مثلا ، يمكنني أن أحصل على التحويل بسهولة ؟ ، و لكن المشكلة ستكمن في الإقامة الجامعية هل سيمنحونها لي ؟ هل من طريقة جزاكم الله خيرا ، و هل التحويل مضمون أم أني سأراهن عليه للبقاء في معسكر ،؟

شكرا
الجديد هذا العام كما نصحتك سابقا هو بإمكانك اعادة اختيار الولاية
لد عرفت مشكلتك أنك تدرس في معسكر ولا تريد التسجيل بالبكالوريا الجديدة
إختار تخصصات موجودة في وهران ثم حول إلى تكنولوجيا في وهران

[mehdi_mascara]

لم يعطوني شيئ في وهران ، أعطوني علوم شرعية ، خايف يقيسوني ليها و أنا ما عنديش إستعداد نقراها ... ، و مشكلتي كما قلت مش حاب نقرا في معسكر ، و مش عارف اذا سجل علوم و تكنولوجيا في معسكر و بعدها طلبت تحويل الولاية راح يقبلو أم لا ...

[abou marouane]

أخي سجل أي تخصص في أي ولاية ثم قم بتغيير التخصص مع بداية العام

[abou marouane]

أو قم بملأ كل الإختيارات بالتخصصات التي تريدها الهندسة الميكانيكية والمدنية و العمران ربما تصدقلك وحدة فيهم و إذا لا سيكون لديك فرصة الطعن و أنت على الأقل تعرف معدلات القبول و لديك فكرة و يمكنك الطعن في راحة

[mehdi_mascara]

أخي سجل أي تخصص في أي ولاية ثم قم بتغيير التخصص مع بداية العام

وهران هي الأنسب لي لاني اعرفها جيدا و نعرف ناسها و نعرف دخلاتها و خرجاتها نوعا ما و قريبة شوي لمعسكر ، يعني بكل الأحوال هي الانسب و عطاوني فيها

جغرافيا وتهئية الإقليم
لغة روسية
علوم اسلامية

و انا ما دخلوليش في مخي الاختيارات هاذي كلها ،

هل التجويل سيكون مضمون أم أني غادي نطيح فالفخ و نقعد ندرس حاجة إذا خيرتها و ممكن ما يقبلونيش

[abou marouane]

وهران هي الأنسب لي لاني اعرفها جيدا و نعرف ناسها و نعرف دخلاتها و خرجاتها نوعا ما و قريبة شوي لمعسكر ، يعني بكل الأحوال هي الانسب و عطاوني فيها

جغرافيا وتهئية الإقليم
لغة روسية
علوم اسلامية

و انا ما دخلوليش في مخي الاختيارات هاذي كلها ،

هل التجويل سيكون مضمون أم أني غادي نطيح فالفخ و نقعد ندرس حاجة إذا خيرتها و ممكن ما يقبلونيش

عادة يقبلو إذا كان معدلك يتماشى ومعدل القبول في جامعة الإستقبال

ويمكنك السؤال اكثر في الأبواب المفتوحة التي تنظمها الجامعات

[mehdi_mascara]

أو قم بملأ كل الإختيارات بالتخصصات التي تريدها الهندسة الميكانيكية والمدنية و العمران ربما تصدقلك وحدة فيهم و إذا لا سيكون لديك فرصة الطعن و أنت على الأقل تعرف معدلات القبول و لديك فكرة و يمكنك الطعن في راحة

أكيد ان شاء الله ، راح نحطهم كإختياراتي في الأول ، و يعدها نشوف وش يمكن يصير

[مسامح.]

وهران هي الأنسب لي لاني اعرفها جيدا و نعرف ناسها و نعرف دخلاتها و خرجاتها نوعا ما و قريبة شوي لمعسكر ، يعني بكل الأحوال هي الانسب و عطاوني فيها

جغرافيا وتهئية الإقليم
لغة روسية
علوم اسلامية

و انا ما دخلوليش في مخي الاختيارات هاذي كلها ،

هل التجويل سيكون مضمون أم أني غادي نطيح فالفخ و نقعد ندرس حاجة إذا خيرتها و ممكن ما يقبلونيش
اختر جغرافيا وتهيأة الإقليم

التحويل غير مضمون ولكن أسهل مقارنة مع الذين لم يوجهوا إلى جامعة وهران ثم إن التحويل يكون عير الأنترنئت ولا تحتاج إلى شهادة إقامة

[kacimo.samy]

اخي اختر علوم وتكنولوجيا
وحول ملفك وسبب هو اقامة تاع وهران
وكي تجي تدفع في ملف لاسيتي ضع اقامة تاع معسكر فقط
(ان كان تحويل عبر انترنيت فذلك شئ اخر)

[mehdi_mascara]

اخي اختر علوم وتكنولوجيا
وحول ملفك وسبب هو اقامة تاع وهران
وكي تجي تدفع في ملف لاسيتي ضع اقامة تاع معسكر فقط
(ان كان تحويل عبر انترنيت فذلك شئ اخر)




من فضلك ممكن تفهمني أكثر ، يعني نجيب إقامة تاع وهران و لا مكالاه ؟ لأني قادر نجيبها ...
نسجل هنا عادي ؟
وقتاش ندير التحويل ؟
و نطلع لوهران نسجل ؟
آسف على كثرة الأسئلة لكن المستقبل على المحك الله غالب

[مسامح.]

من فضلك ممكن تفهمني أكثر ، يعني نجيب إقامة تاع وهران و لا مكالاه ؟ لأني قادر نجيبها ...
نسجل هنا عادي ؟
وقتاش ندير التحويل ؟
و نطلع لوهران نسجل ؟
آسف على كثرة الأسئلة لكن المستقبل على المحك الله غالب

التحويل عبر الآنترنيت

[mehdi_mascara]

التحويل عبر الآنترنيت


يعني من الأخير ، هل سأقبل في التحويل أم لا ، توجهة إلى خلية الإعلام في الجامعة اليوم ، و قد كان واحد هناك يوجه الفتيات بكثرة و لا يلقي بالا للذكور ، و لما قاطعته قلت له أريد أن أسألك عن التحويلات ، قال لي مكاش مكاش ، امسكت نفسي بالزور اني ما ندير والو ،

لكني أحسست بانه يليكيدي فيا برك

[tokio hotel]

نصيحتى ليك يا تعاود الباك يا ادير st فى معسكر لانها مليحة و انا مانعرفش علاه ما باغيش تقرى فى معسكر الا عندك مشاكل دير اصدقاء و ابقى معاهم فى الاقامة

[til-crazy basma]

يا اخي على حساب ما اعرف لا توجد تحويلات - ابي يعمل ف الجامعة و هو من اخبرني - و انا كنت رافضة تماما لفكرة نقرا ف ولايتي لضروف خاصة و كنت نخمم كيفك شهادة اقامة و و و لكن دون فائدة و الان اقتنعت بها و انتهى الامر

لاكن تقدر تدير شهادة اقامة - و في هادي الحالة رح تكون شهادة زور و تبدا مشوارك بمعصيت الله ف فكر مليا - لازم تكون بعيدة 50 كلم على مقر الجامعة حتي تضمن السكن الجامعي
بالتوفيق

[kacimo.samy]

انا قريت بعيد على الولاية وندمت
والله لي يقرا في ولايته ممتهني

[Mathematics]

توقيعك الخاص يدل على أنك شاب طموح ولكن الطموح لا يكفي
نصيحتي لك :::
*** آمن بتوقيعك الخاص واتكل على الله ***
if you want something
get it

[مسامح.]

التحويلات موجودة ماعيكم إلا الإطلاع على وثائقكم جيدا

[mehdi_mascara]

نصيحتى ليك يا تعاود الباك يا ادير st فى معسكر لانها مليحة و انا مانعرفش علاه ما باغيش تقرى فى معسكر الا عندك مشاكل دير اصدقاء و ابقى معاهم فى الاقامة

معنديش طاقة نعاود الباك و الله عييت بزاف ، و عزيمتي تضمحل يوما بعد يوم في هذه البكالوريا اللعينة ،

ظروفي مش مع العائلة انما تحديدا في الجامعة بحد ذاتها مش حاب اني نلتحق بأي فرع من فروع جامعة معسكر ...

[mehdi_mascara]

يا اخي على حساب ما اعرف لا توجد تحويلات - ابي يعمل ف الجامعة و هو من اخبرني - و انا كنت رافضة تماما لفكرة نقرا ف ولايتي لضروف خاصة و كنت نخمم كيفك شهادة اقامة و و و لكن دون فائدة و الان اقتنعت بها و انتهى الامر

لاكن تقدر تدير شهادة اقامة - و في هادي الحالة رح تكون شهادة زور و تبدا مشوارك بمعصيت الله ف فكر مليا - لازم تكون بعيدة 50 كلم على مقر الجامعة حتي تضمن السكن الجامعي
بالتوفيق

التحويلات موجودة عن طريق الموقع هذه السنة ، الآن فقطذ أخبرني بها شخص يعمل في الجامعة جآري ،

معاذ الله أن ابدء حياتي بالزور أو بالرشوة أو بالحرام ، أنا قلت فقط يمكن تساعدني في التحويل ، لأني أعرف قريبي هناك و نفس كنيتي ، لكن ليس بعيد ب 50 كيلو بل قريب جدا من الجامعة على الأكثر 10 كيلو ،

[mehdi_mascara]

انا قريت بعيد على الولاية وندمت
والله لي يقرا في ولايته ممتهني




الله غالب طموحي و تفكيري أكبر من ذلك بكثير ، ما قدرتش ننزع الفكرة ، و كل ما واحد يقولي راح تنغبن و راح تتزوفر و راح تواجه مشاكل تزيد تكبر في راسي أكثر و نزيد نحب الفكرة أكثر و أكثر

[mehdi_mascara]

توقيعك الخاص يدل على أنك شاب طموح ولكن الطموح لا يكفي
نصيحتي لك :::
*** آمن بتوقيعك الخاص واتكل على الله ***
if you want something
get it


يجب أن يكون الطموح ممزوجا معع العزيمة و قوة الإرادة و الإصرار و تجنب المهلكات حتى تكلل الطريق بالنجاح

و لم أضع هذه الكلمات في التوقيع إلا لإيماني بها ، فقد واجهت هاته الأفكار المحبطة من قبل ، و كنت أقول أني لن أربح الباكالوريا و مستحيل و أنا متأخر جدا و لا يمكنني اللحاق و سأنتظر حتى السنة القادمة و أعيدها ،، و لكنها في الأسبوع الأخير للباكالوريا ، عرفت هاته الكلمات و فكرت فيها جيدا و آمنت بها ، و بفضل الله أخذت 11.5 في الباك بعد أن كنت اقول أنني لن أتجاوز 8.5 فيه هذه السنة ....

الحمدلله على كل حال

[شمس الأمنيات]

مهدي تفضل الى السبورة

[mehdi_mascara]

آسف بسمة لم أرى ردك ، لأني تعبت البارحة و نمت مبكرا ، حينما تدخلين أتركي لي ردا

[شمس الأمنيات]

لا عليك _______

[yerin]

حنا كل نعيشوها لي ماديناش mention bien
انا كنت نحلم بالصيدلة نحبها بزاف لكن معدلي بعيد عليها.. شيئ صعب..

[yerin]

حنا كل نعيشوها لي ماديناش mention bien
انا كنت نحلم بالصيدلة نحبها بزاف لكن معدلي بعيد عليها.. شيئ صعب..

[يوسف 54]

يا خويا حتا انا صرالي كيفك وعطاوني الاختيارات تاوعك بصح تبالي نكمل في معسكر وخلاص
نصيحتي متبدلش الولاية وتغبن روحك على جال تخصص ربما لن تحبه

[mehdi_mascara]

حنا كل نعيشوها لي ماديناش mention bien
انا كنت نحلم بالصيدلة نحبها بزاف لكن معدلي بعيد عليها.. شيئ صعب..


ربي يعوضنا و يعوضكم بالأحسن ...

[mehdi_mascara]

يا خويا حتا انا صرالي كيفك وعطاوني الاختيارات تاوعك بصح تبالي نكمل في معسكر وخلاص
نصيحتي متبدلش الولاية وتغبن روحك على جال تخصص ربما لن تحبه


و الله صدقني ، اليوم بالذات و في الساعة الماضية بالذات زادت كبرت في دماغي أني نخرج من معسكر ، خلااص قرار نهائي ، و لو لم يعطوني شيئ خارج معسكر ولآ أعطوني st رغما عني ، سأسجل من أجل المنحة و نبلوكي و نعاود العام و نجيبو بمعدل أعلى و نمركي العام الجاي خارج معسكر ، المهم ما نبقاش هنا و خلاص ،،


يا جماعة أعرف جيدا أني عنيد و أني كسرتلكم راسكم لكن الله غالب ، لحاجة في نفسي ، دائما ما اتصف العظماء و الأنبياء و القادة بأنهم يعلنون عن الهدف و لكن يتركون الأسباب خفية لحاجة في أنفسهم ، إعتبروني متبعا لنهجهم ....


شكرا لكم

[يوسف 54]

و الله صدقني ، اليوم بالذات و في الساعة الماضية بالذات زادت كبرت في دماغي أني نخرج من معسكر ، خلااص قرار نهائي ، و لو لم يعطوني شيئ خارج معسكر ولآ أعطوني st رغما عني ، سأسجل من أجل المنحة و نبلوكي و نعاود العام و نجيبو بمعدل أعلى و نمركي العام الجاي خارج معسكر ، المهم ما نبقاش هنا و خلاص ،،


يا جماعة أعرف جيدا أني عنيد و أني كسرتلكم راسكم لكن الله غالب ، لحاجة في نفسي ، دائما ما اتصف العظماء و الأنبياء و القادة بأنهم يعلنون عن الهدف و لكن يتركون الأسباب خفية لحاجة في أنفسهم ، إعتبروني متبعا لنهجهم ....


شكرا لكم

حتا انا كون نلقا نخرح من معسكؤ قريت سنة 1 جامعي عندك العرف تبلع العام معندكش تعاود خخخخخ

[mehdi_mascara]

حتا انا كون نلقا نخرح من معسكؤ قريت سنة 1 جامعي عندك العرف تبلع العام معندكش تعاود خخخخخ

ها شفت كيفاه خويا ، من جيهة القراية والو و من جيه أخرى العرف و من جيهة أخرى العباد الله يجيب لا ثقافة لا أخلاق لا والو ، و الله غير راني داير bien فالجامعة و نعرفهم غايا الثلاثة مشي غير وحدة تسمى علابالي بلي حياتي ماراحش تكون نورمال ،
و أيضا حاجة وحدوخرا ، من جيهة العرف عندي العرف طبعا في الجامعة و لكن ماجاياش تبني و تبدا حياتك على حاجة مشبوهة أنها حرام و تبني حياتك على حساب أشخاص آخرين ،

نتمنى تكون فاهمني خويا ، thank you

[شمس الأمنيات]

مهدي تفاءل بالافضل

لا لليأس ,,,,لا لتحطيم الاحلام ان شاء الله تخرج من معكسر

بعد عن السلبية ,,, الخيارات لم تكن في المستوى المطلوب لكنن قدر الله وما شاء فعل

كامل عيينا من الخيارات ومجاهدة النفس لكن وش نديرو افضل حل حاليا هو الصبر

[mehdi_mascara]

صح يا الatp ، لازم الواحد ما ييأسش ، مثلما لم أيأس في الأيام الأخيرة للباكالوريا ، لكن شيئ واحد يمنعني من التفائل في هذه اللحظة بالذات عندما أقارنها بماضيتها ،

من قبل كان في يدي أن أغير المستقبل ، أن أغير النتيجة خلال أسبوع ، يعني الأمور أنا من كان يتحكم بها ، لكن الآن لا يوجد أي شيئ بيدي ، فقط أنتظر كمبيوترا و مجموعة من الأساتذة الجامعيين الذين يسبقون معارفهم في الأماكن الشاغرة ثم ....

أملي في الله كبير و أعرف أنه لن يختار لي إلا الشيئ الذي يفيدني في دنياي و آخرتي ، و أنا أعرف أن فائدتي في آخرتي تكمن في الإبتعاد عن هذه الجامعة بالذات و الله أعلم بما في نفسي مني ،،

شكرا بسوومة ، دمت لنا

[شمس الأمنيات]

لم تكن المتحكم في الامر كليا مهدي
كل شيء كان مقدرا مكتوب من عند الله صحيح انك لم تيأس او تفشل لكن لازم التفاؤل مهما كان الحال يعني لو كان منجحتش كان افضل طبعا لا بالرغم من اني تمنيت لو اني منجحتش
عذاب البكالوريا ومن بعد عذاب مع التخصص لي في الاصل معرفناه وش هو لكن الحمد لله بالرغم من كل حال مازلنا نقف على ارجلنا ومازالت امامنا الفرصة لاتخاذ القرار حتى لو انك يأست من الاعادة ومللت من التحضير وانتظار النتائج خصوصا انك مررت بالتجربة لكن قدر الله وما شاء فعل
خلي ثقتك بربي كبيرة ولا تتحطم او تيأس مهما كان الحال حتى لو كنت في اشد الحالات ضعفا الكلام مكتوب لك وموجه لنفسي لاني تعلمت ان لا شيء يأتي ببساطة وانك ربما في لحظة واحدة تقلب ميزان توقعاتك واحلامك صحيح كامل بنينا احلام في بداية السنة مع تحديات وحماس وكله ذهب مع النتائج لكن يجب المثابرة والعزم والتصميم والمحاولة مرة بعد اخرى حتى الوصول للهدف

انا على قيد الحياة اذا انا استطيع

[tokio hotel]

معنديش طاقة نعاود الباك و الله عييت بزاف ، و عزيمتي تضمحل يوما بعد يوم في هذه البكالوريا اللعينة ،

ظروفي مش مع العائلة انما تحديدا في الجامعة بحد ذاتها مش حاب اني نلتحق بأي فرع من فروع جامعة معسكر ...

انعل ابليس و دير st فى معسكر راك قدام مستقبلك اعفس على كلش فى سبيل مستقبلك بلاك تغير رايك مع الوقت وهاد الشعبة فيها اختيارات بزاف بنتى دارتها و الحمد لله كملت هاد العام دارت تليكوم و راح تسجل ماستر

[tokio hotel]

و الله صدقني ، اليوم بالذات و في الساعة الماضية بالذات زادت كبرت في دماغي أني نخرج من معسكر ، خلااص قرار نهائي ، و لو لم يعطوني شيئ خارج معسكر ولآ أعطوني st رغما عني ، سأسجل من أجل المنحة و نبلوكي و نعاود العام و نجيبو بمعدل أعلى و نمركي العام الجاي خارج معسكر ، المهم ما نبقاش هنا و خلاص ،،


يا جماعة أعرف جيدا أني عنيد و أني كسرتلكم راسكم لكن الله غالب ، لحاجة في نفسي ، دائما ما اتصف العظماء و الأنبياء و القادة بأنهم يعلنون عن الهدف و لكن يتركون الأسباب خفية لحاجة في أنفسهم ، إعتبروني متبعا لنهجهم ....


شكرا لكم

انتاع تعاود الباك ماشى دايما تصلح وليدى عاودو و جاب تقريبا نفس المعدل الاول 14فاصل 84 و الثانى 14فاصل 89 و طلعو فى معدلات التسجيل و ما صاب واش يدير

[عآشقة فلسطين]

لست ممن يستسلمون بهذه السهولة....اعادة البكالوريا للمرة الثالثة وان هو ليس بالسهل لكنه افضل من دراسة تخصص لا ترغب فيه ولو فكرت بايجابيات الاعادة لوجدت في ئلك خيرا باذن الله....اما عن الدراسة في معسكر فانا ممن يريدون الابتعاد عن هذه الولاية الى حد بعيد لكن لا يعني ذلك انني قد اتخلى عن هدفي لسبب كهذا....لا اعرف عنك شيئا سوى انك ستقاتل لاجل هدفك ولن تستسلم لذا لا تخيب ظن الاخرين بك وثق بالله ثم بنفسك وضع معدل الامتياز هدفا لك....لن افرض رايي عليك لكني واثقة بانك لن تتخلى عن هدفك بهذه السهولة انت اقوى من الظروف ومن هذه البكالوريا يجب ان تصل الى هدفك مهما كلف الامر....اسفة على كثرة ثرثرتي وفقك الله الى ما يحب ويرضى وعسى ان يكون خيرا....

[Mimy Loulitita]

لا تيأس مهدي

[mehdi_mascara]

أهلا بمنافستي ، لكم إشتقت لك ،، إنتظرتك مطولا لأسئلك عن نتائجك لكنك إختفيتي ،،

لا علينا ، نعم كما قلت يجب علي المصارعة ، لكن الآن و بالذات في هذا الوقت لا أريد أن أعيد لا أعرف لماذا ، أحس بإرهاق شديد

أتمنى أن يتبدل تفكيري من هنا لسبتمبر ، و لربما سيفعل ، من أجل مستقبلي ...

شكرا لمرورك ، أسعدني كثيرا

[mehdi_mascara]

tokio hotel (http://www.djelfa.info/vb/member.php?u=213225) و هذا جزء من التفكير الذي يطغى على ذهني ...
شككرا على المداخلة

[mehdi_mascara]

ميمي ، أعدك أني لن أستسلم حتى أحقق رغباتي ، سأعود لكم يوما ما و تسمعون بأن هذا العضو شخص ذو قيمة في مجاله و له وزن ....

[Mimy Loulitita]

ان شااء الله
انا اعلم انه لا مجال في قلبك للاستسلام

[عآشقة فلسطين]

هذا هو مهدي لا يستسلم....هذا الامر لا يحتاج التردد او التفكير وكما قلت من الان الى سبتمبر ان شاء الله فلتعمل على تحسين نفسيتك واشحذ همتك من جديد وفقك الله...ما هي الاختصاصات التي اخترتها؟

[mehdi_mascara]

إخترت تخصصات أنا واثق من أنها ما تطيرليش أصلا ، لأني معدلي زفت ، وليت نتشائم كي نشوف رقم 11 بسبب المعدل هذا هههه

إخترت كهروميكانيك و رياضة تاع مستغانم و هندسة معمارية (متضحكوش عليا خخخخخ) و الكتروتقني

[Mimy Loulitita]

والضحك علاه ؟

[mehdi_mascara]

لأنو l'architecture بلعوها في لعوام لي فاتو ب13 و 14 و حتى 15

[Mimy Loulitita]

هههه نورمال

[mehdi_mascara]

هيه نورمال ، ماراحش تطيرلي او حتى نحلم بيها ب11.5 ههه إلا إذا حدثت معجزة ،
او في حالة أخرى أيضا ، إذا توجه جميع ناجحي البكالوريا إلى تخصصات أخرى و لم يتوجه أي أحد إلى هندسة معمارية إلا أنا و صديقي ، فنقبل فيها معا و ندرس نحن فقط هناك xd

يا جماعة روحو للطب راني خليتهولكم ما حبيتش نجيب 16 في وجوهكم باش ما نديلكم بلايصكم ههه و روحو للإعلام الآلي و روحو للمدارس العليا و الله غي نفرحلكم خليولي الهندسة المعمارية هههه

[Mimy Loulitita]

هههه انا هاو رايحة chir-dent هههههه

[mehdi_mascara]

مليح روحي و ادي صحاباتك معاك و كل اللي تعرفيهم خليوني أنا و صديقي فقط نقراو فيها ....

ربي يوفقك و يعطوهالك برك ، ادعيلي ادعيلي و وصي الوالدة تدعيلي أيضا و أي انسان تشوفيه برا يمشي قوليلي دقيقة برك ادعي لمهدي يعطوه وش راهو حاب ههههه ....

[Mimy Loulitita]

ههههههههه او ندعيلك ههههههههه