عاجل عاجل عاجل

[mehdi_mascara]

السلام عليكم

اليوم جبت كشف النقاط

كااارثة والله

و دخلت لدليل الطالب ، بغيت نشوف كاش مايقولو على mi

لقيت أنه لازمك 11 فما فوق في الرياضيات كشرط ،،،،

و الله غير انغميت كي شفتها ، قولولي كيفاش ندير ، و الله حكمني دواار و الدنيا اسودت عليا

[Mimy Loulitita]

هههههه واشك ا مهدي
واش لحكاية هههههههه

[mehdi_mascara]

ياودي يا ميمي ، والله ماراني مصدق نفسي
أنا خدمت على 13 أو 14 ، لقيت نفسي داي 11.5 ، قلت ماعليش ، التخصص لي راني حابه نقدر ندخله ب10 عادي ، لكني تفاجأت بأني نشوف في شرط 11 في الرياضيات أو أكثر باش يعطوك التخصص ، !!! و الله غير هاذي مازال ما دخلتليش مخي ، واش راح نقرا أنا ضرك st ؟ مستحيل ، eco ؟ أبدااا ، و الله مارانيش نشوف الضو قدامي ضرك ما عرفتش كيفاه ....

[Mimy Loulitita]

و واش الحل ؟؟؟
يا وخدي تسما انا واش نقول كي نشوف نتاعي ؟؟؟

[~نسآئم الصبآح ~]

كم كان معدلك ، اي شعبة

[mehdi_mascara]

ما عرفتش كيفاش ندير و الله ، التفكير تاعي توقف تماما ، مخي راهو داير brake ، مانيش قادر نتخيل أني نقرا في st أو eco أو شي من هذا القبيل ،

[mehdi_mascara]

~نسآئم الصبآح ~ (http://www.djelfa.info/vb/member.php?u=249990) معدل 11.5 شعبة رياضيات ، نقطة الرياضيات 10

[Mimy Loulitita]

و تتقبل الفكرة نتاع تعاود الباك ولا لالاك ؟؟؟

[~نسآئم الصبآح ~]

بما انك رياضي الاولوية راها لينا حنا في هذو التخصصات

[Mimy Loulitita]

الا كان راك تتقبل فكرة الاعادة نتاع الباك
عاود
و الا لالاك
شوف تخصص و روح فييه
ولا واش قولت ا مهدي ؟؟؟

[mehdi_mascara]

~نسآئم الصبآح ~ (http://www.djelfa.info/vb/member.php?u=249990) صح الأولوية لينا لكن خايف ما يعطوهاليش ، و الله الآن راني خايف اكثر ماللي كنت خايف من النتيجة تاع الباك ، فالدار راهم فرحانين و أنا ماجاينيش النوم

[mehdi_mascara]

إييه يا ميمي ، نعاود مرة ثالثة أيضا !!! و الله غير كرهت هاذ العام ، لكن إذا ما عطاوهاليش ماراحش نزيد نضيع أعوام أكثر ، راني قريب ينوضلي الشيب فعام الباك و نتزوج و أنا نفوت فيه ،،،

و ماراهش عندي إستعداد باش نعاود ، و مام الوالد ماهوش قابل فكرة أني نعاود ، قالي راك تكبر ماراحش يقعد القطار يستنى فيك تجيب الباك بمعدل مليح نتا ،

إذن ربما راح نخير تخصص لي نقدر نخرج بيه خارج الولاية ،

واش كاش تخصص وطني ، أو على الأقل نقدر نروح بيه لوهران بمعدل 11.5 ؟؟ و مضمون الإقامة

[Mimy Loulitita]

حتى شي او كاين ربي من فوق ما تخافش

[Mimy Loulitita]

ههههه احنا هنا في جيجل كاين حالمدرسة نتاع البحرية الا تيجي ههههههههه

[mehdi_mascara]

هع ، مستجيل ، أيضا عندي عرف في دزاير قالولي إذا تدخل مدرسة تاع البحرية تاع دزاير ، و أيضا قالولي أدخل إدارة عسكرية وهران ، و أنا قلت مستجيل ، أبدا ، أنا ما نتأقلمش مع حياة العسكر ، خاطيني ....
و بين قوسين (منعرفش نعوم خخخخخخخ)

[Mimy Loulitita]

هع ، مستجيل ، أيضا عندي عرف في دزاير قالولي إذا تدخل مدرسة تاع البحرية تاع دزاير ، و أيضا قالولي أدخل إدارة عسكرية وهران ، و أنا قلت مستجيل ، أبدا ، أنا ما نتأقلمش مع حياة العسكر ، خاطيني ....
و بين قوسين (منعرفش نعوم خخخخخخخ)

ههههههههه تسما كون تروح للبحر هههه
واش يقولو عليك لعبااد
يااا خلايا ههههههه
تشبع التبهدايل هههههههه

[منالات العلم]

مهدي كانت همتك اكبر قبل النتائج ماذا جرى ؟؟؟

[Mimy Loulitita]

مسكيين تشوكا من العلامة نتاع الرياضياات

[~نسآئم الصبآح ~]

نتا اخي حطها في اختياراتك كتبت اللهم بارمك ما كتبتش دير علوم المادة اذا كنت تحب فيزيا ولا تكنولوجي المهم انك تكمل مع انو الاعلام الالي راه تخصص رائع وما يستهالش اصلا معدل 10

[Mimy Loulitita]

والله يا مهدي غير اني نسهملك كيفاه رايح تخدم

[mehdi_mascara]

ههههههههه تسما كون تروح للبحر هههه
واش يقولو عليك لعبااد
يااا خلايا ههههههه
تشبع التبهدايل هههههههه
هههههه و هوما يشبعو ضحك عليا ، لا لا كيما نقولو أنا في الأعصاب بزيادة ، غير نتوشي البحر نبقى نرجف و ما نقدرش نكونترولي نفسي



================================

مهدي كانت همتك اكبر قبل النتائج ماذا جرى ؟؟؟ [/center]



]

الله غالب ، ما قدرتش نتخيل نفسي في حاجة أخرى ، أنا حلمي الأكبر البرمجة ، و إذا ما درستهاش فالجامعة راح نضيع مجهود كببييير و وقت كثييير و إحتمال كبير أني ما نوفقش بين دراستي الجامعية و بين دراستي للإعلام الآلي ذاتيا ، يعني الدنيا وقفت بيا ، ضاعت فرحة الباك أقسم بالله



مسكيين تشوكا من العلامة نتاع الرياضياات




هاذيك هي و الله كنت راح نجيب على الأقل 12 أو 13 فالرياضيات و 15 أو 16 فالفيزياء لكن ....



نتا اخي حطها في اختياراتك كتبت اللهم بارمك ما كتبتش دير علوم المادة اذا كنت تحب فيزيا ولا تكنولوجي المهم انك تكمل مع انو الاعلام الالي راه تخصص رائع وما يستهالش اصلا معدل 10





صح على هاذي حاب نهبل عليها أنا ، و ان شاء الله راح نحطها ضمن الاختيارات أكييد ، و راح نشوف الإختيارات الأخرى و نختار شي حاجة لي ممكن يكون عندي ميول ليها

[Mimy Loulitita]

انا وصلني الكشف الان
ديت 19 فالرياضياات ههههههه

[mehdi_mascara]

ماشاء الله تبارك الله ، جيد جدا ، بصحتك
سلفيلي نقطة هههه

[Mimy Loulitita]

ماشاء الله تبارك الله ، جيد جدا ، بصحتك
سلفيلي نقطة هههه

هههههههه او هادي العلامة
غير وليت نشوف العيباد د الاعدااد
راني نقلك هضمت الرياضيات
و هدا الفضل طبعا يرجع ل خالي العزيز
اي نتاعو العلامة ماشي نتاعي هههههههههه

[imen98]

مأسف جدا أخي

ان شا الله يعطوك التخصص الي تتمناه

ممكن رابط دليل الطالب

[mehdi_mascara]

أهلا إيمان تفضلي
http://www.ency-education.com/guide-bac2017.html
و أيضا اطلعت من مواقع بعض الجامعات على المناشير الخاصة ، تجدينها أظن في جميع مواقع الجامعات

[العبدالضعيف لربه]

لن تدخل في التصنيف إن كانت علامة الرياضيات أقل من 11 للأسف

لكن فيه حل الترونسفار فكما هو معلوم طلاب هذه الشعبة قليلون مقارنة بالشعب الأخرى قد تكون هناك مقاعد شاغرة إن شاء الله

كذلك يمكنك تعلم البرمجة بشكل ذاتي ودراسة تخصص آخر فلا تتبع هراء عدم القدرة على التوفيق بين تخصصين، أتكلم عن تجربة خاصة

وبالتوفيق