كرهت راح نمرض

[nadine0159]

كل يوم يفوت عليا جبل فوق ظهري كرهت عايلة راجلي الله غالب هادو ليامات عرس اخت راجلي لولا حشمت منو لكنت رحت لدارنا و مانحضرش مخلوعة في حوايجها انها تظن انني ساسحرها او مانعرف واش راهي تخمم حوايجها تخبي فيهم عليا و تقفل ف الباب تنوض بكري باش دير لي قاطو باش انا مانشوفش انا من الشرق نظن على حساب واش فهمت راح نسحرها او ماذا المهم خواتاتي خاوتي انا الحمد لله راجلي ميتاوه بصح مازال مايمدولوش السكنة حتى لسبتمبر يعني مازال شهر

[kacimo.samy]

السلام عليكم
اصبري واخطيك
ونتي حاطتها في راسك برك؟؟
و ماتعطيش لواحد اكثر من حقو

ربي معاك

[مراد سابقا10]

يا اختي بصراحة عند النساء بزاف حكاية السحر هذي

بصح الله غالب في المناسبات الإجتماعية لازم تحضري حتى ولو ماكيش حابة

في الفرح والقرح لازم الحضور ومبعد كي يتفرق الجمع كل واحد يحكم طريقوا

[nadine0159]

ان شاء الله

[ابو سليمان10]

غيرة النساء و كيدهن سبب اغلب المشاكل الاجتماعية
حتى اني اظن احيانا ان المراة مجرد عقاب ينزله الله على من يستحق

[نذير السحمادي]

الدنيا كلها دار ابتلاء

[misktyba]

خليها توجد لعرسها و أنت وجدي روحك تاني باه تخرجي شابة ومليحة و الأهم هو خاطر زوجك ماتكسريه حضري العرس نورمال و ماتعمري راسك بيها هي تاني راهي رايحة لناس جدد وكما تدين تدان 0قريب الفرج و الصبرجميل .

[om_hadil]

إياك ان تحكي لزوجك هاته الحكاية لأنك ستدخلين متاهة كبييييييرة،،،، اهتمي بنفسك ،،، و خرجيها من راسك ،،،،

[قرويجة]

إن شاء الله متمرضيش يا ختي و طنشي تعيشي

[ايمان4]

و انت علاش توجدي معاها خليها تتخذ ... توجد و لا ترييح بحار عليها انت خدمي صوالحك كي العادة و هي تتزوج و لا ترييح ما تديهاش قاع فيعا اشري ح القفطان شباااااااب تااع الهمة و الشان و اضربي فيها حطة نهار العرس و لي بقى الله يسهل

[طيور الجنان]

ياختي وانت علاش تقلقي روحك راهي هناتك من الخدمة و التعب نهار العرس البسي مليح و ووجدي روحك و انت هانية و مابقالكش بواف و تروحي ربي يهنيك.

[الأمنيات]

علاه تقلقي روحك هناتك منين تخدم. وحدها احسن ،،،، الباب الي يجيك منه الريح سده واستريح،،،،،،،
هي موسوسه خليها على هواها واناي حضري العرس وشاركي عادي واش بقا على سبتمبر وتستقري
ربي يهنيك

[الأمنيات]

غيرة النساء و كيدهن سبب اغلب المشاكل الاجتماعية
حتى اني اظن احيانا ان المراة مجرد عقاب ينزله الله على من يستحق

والله قريتها مرارا وما قدرتش نفوت بلا ما نستفسر. واش تقصد ؟

والي. ما يستحقش عقاب واش. ينز ل عليه ؟؟

[manel 16]

حيرتيني يا اختي كيفاه تمرضك؟انتي لي غالطة و معمرة راسك بمشكل مالو ساس لا راس خليك منها و ما ديرياها حتى حساب و ماكالاه تمرضي على جالها انتي تاني اهتمي بتحضير نفسك وكوني في العرس قمة الحطة و كملي عليها ما تمسي والو.راهي رايحة هي تاني لدار الناس ما تعرف واش يسنا فيها.اهتمي بنفسك فقط طالما واحد ما اذاك شخصيا.اعيش واش راكي عايشة هده الايام و الله ما نحوس عليهم و ما يهمنيش واش دارو و لا ما داروش

[zokhrofa]

سلام اختي

جدتي تقوللنا اذا حبيتي تنكي الواحد اسكتي و خليه

يعني اذا حبيتي واحد يهبل من راسو اقتليه بالسكات

وديري روحك بهلولة حتى انتي ما دوريش وين دور