زوجة أخي

[مشكلتي]

السلام عليكم

أخي متزوج منذ سنتين وزوجته لا تقوم بأي شيء في المنزل وهذا يضايقني حتى فنجان قهوة ولا تغسله , لا تطبخ ولا تقوم بأشغال البيت لوحدها , فأمي إمرأة صالحة وهي التي تطبخ وتغسل الأواني والملابس وتتسوق أيضا دون كلام لأنها نية بشكل كبير .
هي تعاملنا بشكل رائع ولكن هل هذا يكفي
في تخرج كل وقت وتدخل بعد أذان المغرب لأن إبنتها تأخدها عند أمها لتربيها لأنها معلمة فرنسية متقاعدة يعني كل يوم في منزلهم
مايضايقني ليس هذا الله يبارك عايشين ومتفاهمين مع بعضاهم بل هو أن أخي يعاتب أمي أحيانا بسبب الأكل الذي لا يعجبه وأنا لا أريد أن أفتح هذا الموضوع يعني لماذا زوجناه
انا استحيت في مكانها
هل يوجد عروسة تترك كل أعمال المنزل على حماتها

[dede2000]

منيش فاهم وعلاه هذا خوك مزال عيش معكم لحد الأن
خليوه يستقل بزوجتو وأبنائو ،ريحيين تربحو خوكم وزوجتو وأبنائو،
ناس تسكن في البداية مع بعض ومن بعد يخرجو بوحد الطريقة ماشي مليحة وعلاه ماشي من الاول كل واحد في جهة ونخليو المودة والرحمة وناس يتوحشو بعضاهم
بغيت نقلك حاجة ،انت أجبدي روحك من زوجة خوك لان سبب المشاكل ديما اخت الزوج متعطيش نفسك حقوق مهيش ليك أصلا وتحطي نفسك وصية علي هذا البيت ،وتأكدي لخسرتي زوجة خوك راح تخسري خوك كتحصيل حاصل وخلي أمك ترونكيل ومتعطيهاش هذو التحاليل لي زيد الطين بلة وكوني مفتاح خير متكونيش خربت بيوت

[زبدة ذايبة]

خوك نسى أنه متزوج

لأن زوجته ما طيبش في داركم.

لأنكم ماعطيتولهاش الواجبات تاعها.

وكأنها عايشة في فندق.

والغلطة تاع الوالدة تاعك.

مع أنكم جبتوا عروسة جديدة للدار

إلا أنه ماتبدل فيكم والو.

انتوما قبل الزواج. انتوما بعد الزواج.

وهذا خطأ تقع فيه الكثير من العائلات.

زوجة أخوك ماحسستوهاش بضرورة

المشاركة في البيت.

وماعرفتوهاش بقواعد البيت.

متى تدخل متى تخرج مع من تخرج

تدخل للمطبخ ولا ماتدخلش.

تنظف غرفتها ولا تخليها حتى جي أمك تنظفهالها و......

يعني خليتوا الأمور مفتوحة في الدار.

كلشي غامض.

هي من نفسها ماتطوعش وربما

ماتعرفش.

ممكن تفكر تخليكم تعيشوا بالطريقة القديمة اللي كنتوا عايشين بيها قبل ماتجي هي.

عندها أسبابها الخاصة في التصرف

بهذا الأسلوب.

لقات الراحة، ولقات اللي يخدمها علاه تكسر راسها؟؟؟؟؟؟

لكن الخطأ من طرفكم وهي ماعندها حتى ذنب.

[غصن البآن]

..الحمد لله الوالده موجودة وهي المسؤولة عن البيت ..هي فقط الي من حقها تدير الحدود لكل واحد فالبيت وتعمل قوانين المفروض بناتها وعروستها يمشو عليها...

اما انك لي تحكي ولا تحاولي تغيري الوضع ..فنصيحه تجنبي الامر ..راح يفكرو بلي راكي تديري فالمشاكل و و و...هاذ الامر لازم الام هي لي تحكي مع وليدها وعروستها وتفهمهم انو مش هكذا تكون الحياة والزواج مسؤوليات وبيتها ليس فندق ،...

نتعجب من نساء تقدر تعيش فبيت والناس يخدموها وهي متستحيش
لاحول ولا قوة الا بالله...ربي يهديهم

[سرب النحل]

تهردت عليكم
مع الوقت دلولها على حاجة صغيرة تهز كابتها وتروح اللا اللاهل انتاعها
-هدي زوجة انانية وزيذ خوك ماعندوش كلمة ويخاف مرتو

[نورسين.داية]

تحوس تخرج من المنزل العائلي باينة .....لكن مادابيها تجي من عندكم ماش من عندها ...........باش يبان الديفو فيكم أنتم باينة .................

المشكل أن غالبيتنا ينسى قول الله عز وجل : و تلك الأيام نداولها بين الناس .....هذا هو المشكل الحقيقي

بالتوفيق

[nihal159]

مادامها تخدم(أستاذة لغة فرنسية) و خوك أكيد يخذم؟؟؟؟؟؟ يعني أحوالهم المادية نسبيا جيدة؛ علاه مايخرجش بدار وحدو؟؟؟؟؟؟؟؟؟؟؟ و تنتهي كل هذه المشاكل