لن تنجح مشاريعنا حتى نبتعد عن عقليات التخلف

[hamide slam]

هذا ليس طرحاً لمشروع بل لقضية , لا حولة ولا قوة إلا بالله
ناس مريضة , طرحت مشروعي للنقاش والبحث عن مستثمرين وفريق عمل و....
وإذا بي أجد تعلقين أو 3 للأشخاص لا يفقهون شيئاً يحاولون بكل جهد أن يحبطو هذا المشروع رغم أنه لا مخالف للشرع ولا للطبيعة الإنسانية.
لا أفهم ما فائتك عندما تخسر دقيقية من عمرك تكتب فيها راسلة محبطة لصاحب مشروع او ... ؟ فقط لرتضي المرض النفسي الذي بداخلك .
الفرق بيننا وبين الغرب هو أنهم يساعدون و يدعمون الفاشل حتى ينجح و نحن نحارب الناجح حتى يفشل!!! ... الدكتور أحمد زويل

للمهم واش نقلكم ربي يهيدكم , وإذا أكملتم بهذه العقلية فلا تتوقعو الكثير في المستقبل العاجل...
ما دام عايشبن متوقعين كل شيء , أي بمعنى أخر " فاهمين بزااااف " , تحكمون على المشاريع قبل بدئها ...
بإنتظار أراء أصحاب المشاريع , من حصل له مشكلة مع هؤلاء الأشخاص ؟ وكيف إستطاع معالجتها !!

[dz commerce]

عندك الحق في هادي خويا
او زيد كاين لي يعرف او عندو خبرة فالمشروع او مايحبش يشاركك او يقولك فاشل او هو ناجح فيه
علاه ياك.الرزق عل ربي
كااااااارثة

[ali du treize]

مضتديرش عليهم اخي اعداء النجاح

[تزيرية]

توكل على الحي الذي لا يموت

صدقت

لما ندخل اليوتيوب نشوف مشاريع صغيرة عن إنتاج الكهرباء في البيوت مثلا تجد الغرب يشجعون بعضهم لكن نحن المسلمون حتى و لو ناطقون بغير العربية يوجد دائما من يحبطهم! سبحان الله...

[أم سلوى]

فكرتي في كل ردودي تقول ..العقل يصنع المال..لعدمي راس مال
ثانيا الارادة هي التي تصنع المستقبل..وليس المشروع بحد ذاته

وانا ايضا ضد من يقول .فلان بدأ مشروع ويضضن انه سينجح

[hamide slam]

dz commerce : فعلاً أخي , لا تجعل نفسك محتاجاً للأحد أخي , كن مستقل بذاتك فكر في مشروعك الخاص , وبإذن الله تنجح !
ali du treize : ربي يهديهم أخي وفقط
تزيرية : لهذا كلنا نريد الهجرة , ببساطة بسبب تلك العقليات المتخلفة .
أم سلوى : مهما كان المشروع فاشلاً , بكثير من العمل و الإرادة يمكن إنجاحه .
ما يبدو ناجحاً جداً اليوم كان أفشل ما يكون في الماضي القريب وبقرأتك لقصص النجاح ستفهمين الكثير أختى الكريمة .

[piegeon31]

عندما تطرح مشروعك عليك بقبول جميع الاراء
نحن لسنا هنا لرفع المعنويات بل لقول ماذا يجري في الحقيقة
انت اتيت فكرة عامة عن مشروع لدون خطة عمل بدون معطيات
انظر
dzdevises.com
versilabas
versili dzdevisesone
كلهم فشلو
لا يكفي المال و موقع انترنيت بدون خطة خاصة مشكل النصب
واعطيتك مثال edrahem جيد جدا ومبدع لكن من ناحية الاشهالر وايصال الفكرة لم ينح
فاذا كنت تريد النجاح فاقبل الانتقاد واجعله ايجابي لك
اما اذا اردت المحاولة فقط نتا تعرف

[visa uk]

اخي وانت علاه در علي هدا الشعب تا راك بكامل قواك العقلية والدهنية والبدينة عطاك ربي عقل وكامل وتخمم بسلاسة علاه تستنا غاشي يقلك اعمل واعمل لو تبقي تستني في الغاشي والله ماتخدم هدا الشعب حساد في كل شيء يحسدك حتي في الهواء لي تنفسو في قلبنا المرض الخطير هدا تصور انا عندي اخي متخرج حاب يفتح محل خاص به وطبعا لقا محل وكل شيء بثمن مليح ورائع ولكن سال واحد يعمل في نفس مدان كما هو راح سالو ندم ندم شديد بدا يحبطلو في العزيمة ويقولو اهنا واعرة خدمة ماكاش وميتة وووو راح تعاني وتسوفري الخ يعني ثبطلو من عزيمتو كامل وطيحلو المورال اخي والله طيحهولو بصح السيد اي اخي نضرا لقوة شخصيته ومعنوياته المرتفعة ماسمعلوش راح فتح المحل وكرا وراه جاب السلعة من المصدر وطبعا جاب المارشيات وفتح ماعندوش بزاف وراه يخدم عند روحو اخي وطبعا بدا بلا زبائن بلا والو قاعدة صفر صفر يعني مش كان يعمل في اماكن اخري وعندو زبائن تبعوه الخ او بقاو وراحو عندو وهكدا ماخافش زدم وفتح ويبيع ويصلح اخي وحمد لله نهار يعمل نهار لا هدا هو الكومرس كل نهار ونهارو لو يسمع هدا الشخص مايعمل والو لكن عمل واش كاين في مخو وفتح والحمد لله هدا الشخص حساد لي بقا يواسيلو في مخو حساد كبير

[visa uk]

ان كان عندك مشروع او بروجي اتكل علي ربي وابداه عندك افكار في مخك درها وحدك ماتشاور حتي اقرب مقربين لك يحسدوك صدقني عن تجارب ناس وشعب هدا مريض مرض الحسد

[hamide slam]

piegeon31 : اولاً , الموضوع هادا مكتبتوش غير عليك انت , روح شوف تلقى زوج ولا 3 واحد أخرين بنفس الفكرة تاعك !
ثانياُ , أخي أن أتقبل الإنتقاد بكل صدر رحب لكن كيما يكون بالطريقة الصحيحة
ماشي تجي تضحك عليا وتقولي مشروعك ما عندو حتى معنى و ... طيحلي المورال بالعامية من بعد تقولي تقبل الإنتقاد... الإنتقاد تاعك بالشكل هادا احكمو ليك ...
واصلاً أنا ما طلبت رأي حتى واحد , أنا كنت نحوس على شركاء في المشروع ....وعلى كل حال تم الإتفاق مع الإخوة وتم البدأ في المشروع.. وفي شهر سبتمبر إن شاء الله يتم إطلاق المشروع .
المشروع ما دام وصلت للمرحلة هادي , كلامك لن ينفع , لا مجال للرجوع ... وإذا فشل لي جابها ربي مرحبا بيها , على الأقل نأخذ منها عبرة تفيديني مرة أخرى...
وشكراً لك مرة أخرى على إنتفادك .
visa uk : فعلاً أخي يرحم داك الفهم , احنا مراض بمرض الحسد.... صدقني الموضوع هادا حطيتو غير باش نعاون الإخوة الأخرين لي ممكن يحبطهم الكلام تاع الناس... انا مايش اول مشروع نديرو والكلام هادا نسمع فيه دائماً , المشروع بإذن الله سيتم إطلاقه في سيبمبر , وراح نخدمو عليه بلي قدرنا , ولي جابها ربي مرحبا بيها

[visa uk]

شوف اخي نقولها ونكررها للمرة المليون هدا الشعب حساد كبير خوك ويحسدك اختك تحسدك علي نعم ووووو تاخد رايي هنا رانا في منتدي افتراضي ماعليه نتناقشو تحب در فكرة اتكل علي ربي سبحانو وابدا بلا ماتشاور احد انت ادري بافكارك وواش راك حاب تعمل وتوصل كاين ناس شاطرين بداو وراهم لاباس نعرف واحد فتح بارفومري وقبل مايبدا مشروع عمل حساباتو قال نكري محل قرب السكان وايضا شرا 02 هربيلات وايضا وفر كل شيء راس مال وراه يعمل وحدو اخي ماجاب ني شريك ني خدام راه وحدو ويعمل ليل نهار ويتعب وهو يروح يسلع ويجي بكاميونات تاعو وكل شيء يعني نمر عليه صحيح ماعندوش الغاشي لكنو رزين بزاف بزاف وعاقل وراه بشوية يدر زبائن طبعا والحمد لله هدي هي تجارة لازم صبر اخي وصبر باش تبدا تجي النتائج حتي لو تاتي نتائج اخي ليس نهاية عالم راه ترجع راس مالك وتربح هادي هي تجارة
ونزدلك نصيحة من قلبي بلاك بلاك توري مشروعك او علي اقل تنوي تقولهم لانهم راه يحبطولك مورال كامل صدقني ويخوفوك ووووووو راك عارف عقليتنا جيدا صدقني شاور راسك مليح مليح وعقلك مادامك بصحتك وراك صغير ابدا مشروعك وايضا لي راح تدر معاهم ركز عليهم اخطك من ناس اخطك انا اخي فتح محل وراه يعمل عاد لو تبقي تسمع للشعب هدا والله ماتفتح كامل يبقي يخوف فيك باش يهبطك المعنويات كن واثقا من نفسك واتكل علي ربي هدا المنتدي بزاف يحبطو مورال وهوما كامل فاريينها بفففف يعيو

[visa uk]

هوما كامل يعملو مشاريع وبداو ويعملو كامل في لحرام وووووو ونورمال يجي لعندك يبقي يفتي ويعرف كل شيء اواه حرام ربا وووو كي شغل هوما راهم يخدمو في حلال ومش حرام ماتسمع لحتي جزائري اسمع لعقلك برك خويا كاين ناس يشجعو يالطيف الحسد وصل حتي مجرد فكرة وليس اصلا مشروع راح تبدا فيه اهمالا لو تنوي تفتح خلات ههه اتكل علي مولانا هو رزاق الجزائري حساد في كل شيء مرض القلوب الحسد والعياد بالله انا حرت فيك تجي هنا تعرض مشروعك لكن قولي نتا ضنيت يطلعولك مورال صار هبطوه وطيحوه

[TAREK BCH]

VISA UK راك معمر يا شريكي ههههههههه
كترو الحسادين و الخوافين الي يشوفهم يحكيو تقول الحمد لله الجزائر كاملة مقاولين ناجحين :1: و يحبو الخير لولاد بلادهم
و هي فالصح المخير فيهم ما حكمش مليون سنتيم في يدو
كرهونا بالفهامة الخارقة للعادة ، هذا يقول ما تنجحش وواحد يقول حرام وواحد جربوها قبلك ..... الحمد لله الرزق ماش فيديهم :mh31: :cool:

[hamide slam]

visa uk : خويا كيما قالك الأخ راه باين قلبك معمر عليهم بزاااف , للمهم وكل عليهم ربي برك خويا... انا مانيش راح نسمعلهم المشروع تاعي راني بديتو وتوكلت على ربي ولي جباها ربي مرحبا بيها

["أحمد المحمدي"]

عندك الحق في هادي خويا
او زيد كاين لي يعرف او عندو خبرة فالمشروع او مايحبش يشاركك او يقولك فاشل او هو ناجح فيه
علاه ياك.الرزق عل ربي
كااااااارثة

نعم صديقي أنت على حقّ، أنا أكره هذا النّوع من البشر بل أرى أنّه يجب أن يحرقوا أو يصلبوا أو تقطّع أيديهم وأرجلهم من خلاف أو ينفوا من الأرض

لماذا عندما تذهب مثلا عن صاحب محلّ يقول لك والله أنا أعاني من الخسارة ولا يوجد فوائد ولا أنصحك بهذا المشروع وهو يعمل فيه منذ 40 عاما

وعندما تسأل أحد المهاجرين أيضا يقول لك دعك من أوروبا فهي ليست مثل ما كانت عليه وعندما تقول له لماذا لا ترجع للبلاد يقول لك لا أستطيع

والمشكلة الكبيرة أنّك إذا أردت أن تقوم بمشروع ما خاصّة إذا كان إلكترونيا فإنك ستجد حتّى أقرب النّاس إليك يتصدّون لك بكلمات تجعلك تفكّر في الإنتحار

أقصد أقرب النّاس إليك الّذين تريد أن تنجح من أجلهم. فماذا عساك أن تفعل مع هاؤلاء القوم؟

التّجاهل والإقبال على ما عزمت عليه وانجح لتثبت لهم أنّهم خاطؤون وإيّاك أن تفشل وتستسلم لأنّهم لا يخسرون شيئا

[خيرالدين عنابي]

صدقت أخي ه}لاء لديهم فوبيا من النجاح

[visa uk]

شعب بالفطرة حساد ياو يشوفك درت او فكرت في مشروع يحسدوك مابالك تعملو او تنفدو ياي خلات ادا بدات وخدمت خلات تهردت خصوصا الا فاقو تعمل او تدخل دراهم مافراتش كامل الحسد في الدم يمشيلنا لدا مليح السترة وعدم كلام كثير

[Guest]

اخي وش نقولك كاين لي مريض نفسيا و يحب يفشلك من الاول... و كاين لي جرب و فشل و كاين لي جرب ونجح...
حنا نحتاجو الزوج الاخرين... خاطر نشوفو علاه نجح الاول و التاني لا...
يا اخي وش نقولك لما تفتح مشروع راح تفشل مرة و زوج و ثلاثة و مش هنا المشكل... المشكل انو تحلم بزاف و تاني تصطدم بالواقع المر للمجتمع الجزائري..
للاسف الشديد انه القليل جدا من لديه الامانة رغم ان كل الناس تكلم عنها... و التاجر الشريف قل...
اخي نقولك هك مش باه نبخلك و لكن نشجعك باه تكون علابالك وش كاين و تعرف وش تخدم...
هذا الشعب ماهو ملائكة ماهو شواطين... تلقى هك و هك...